餃嘢 (Closed)

今日專程落荃灣香車街街市去買餃子,因為Mr Sheldon 係餃子迷,天氣熱就乜都食唔到,只可以食餃子~點知買了多年的餃子店,竟然結束營業~在非常絕望失望之時,見到隔離店開了一間專食餃子的餃子店,Mr Sheldon 馬上入去一試~店舖裝修簡約,非常有家的感覺,冷氣充足,有別於一般平民餃子店~餃子種類非常多,亦有小食,套餐又抵食~於是,我哋點了兩個套餐~$58已經有餃子+麵,兩個小食,飲品,抵食👍我點了：孜然羊肉餃撈酸辣紅薯粉,小食係中華沙律配酸辣鳳爪,飲品係生椰奶茶Mr Sheldon 點了：豬肉白菜米線蕃茄湯底,小食係涼拌青瓜配蒜香雞翼,飲品係楊梅青檸飲~孜然羊肉餃撈酸辣紅薯粉：羊肉充滿鮮騷味,加埋孜然調味,非常惹味~店員話佢哋用新鮮羊肉,唔係冰鮮,所以味道非常香騷~我本身非常喜歡食羊肉,試過很多羊肉餃,次次都係失望而回~但今次配埋酸辣紅薯粉 ,令我好滿足~小食亦很夠味,鳳爪味道不太酸,微辣 就岩晒我~飲品---加左椰汁既奶茶好香好滑,好岩天氣熱既時候飲豬肉白菜米線蕃茄湯底---Mr Sheldon 覺得豬肉白菜餃係餃子中最好嘅配搭,所以要試下~結果冇令Mr Sheldon 失望,

今日去荃灣經過呢間餃子店，午飯時間快要滿座，剛好有位即入去，餃子口味有10多款，湯煮有關東煮、麻辣、三鮮蕃茄湯，還有芝麻醬或酸辣拌餃子，亦可選煎餃子。加麵也有5款麵類，有米線、公仔麵、烏冬、廣西伊麵、紅薯粉。全日餐 $58非常實惠，有10隻餃子 或 5隻餃子加麵，小食A一款，B一款，還有飲品。羊肉餃子加$10，羊肉好嫩腍，微微羊羶味，仲超多肉汁，鮮甜帶蔥香，加上孜然粉，令羊肉更香更惹味，皮薄餡多好好味。麻醬拌麵帶有濃郁芝麻醬香味，唔會太咸，拌麵好滑，亦掛滿醬汁，好正。酸辣鳳爪超級正，個酸辣汁開胃食唔停口，酸酸地微辣，而且夠入味，有2大隻。蔥油淋生菜，好爽脆乾淨。加$15有3隻蒜香雞翼，無咩蒜味，似蜜汁雞翼，甜甜地好香口。飲品揀左生椰奶茶，好飲呀。奶茶香滑，多左份椰奶香，比一般奶茶更好飲。

餃嘢 (荃灣)荃灣曹公坊25號地舖上次去左荃灣搵嘢食，作為一個餃子控見到呢間新開既餃子店當然要食吃為快啦🤣叫左個餃嘢全日餐 $58揀2款小食同埋任選一款餃子🥟小食揀左：涼拌海蜇、酸辣鳳爪餃子係芝士牛肉蘑菇煎餃佢地餃子係先蒸後煎，咁樣就可以快d出到同時又可以make sure啲餃子一定熟d餡料係好多 而且皮又好薄，仲可以點埋醋食，勁開胃😙煎餃要加$5 ，如果要10隻餃子就冇麵5隻餃子就可以配一個麵，食食下老闆好有心過黎一齊傾計，仲款待一碗關東煮湯比我試下，老闆話冇味精，飲完又真係唔口渴，係好清甜既蘿蔔味，蘿蔔又煮得夠淋

聽朋友講愉景新城附近開左間餃子店，今次一於去試一試佢，店鋪係用QRcode落單，餃子有分傳統口味同餃嘢口味，我地想試多D唔同味，所以就叫左兩個雙拼，估唔到剩係湯底都有成8種可以揀，有湯有撈有辣有唔辣，叫雙拼仲可以揀2款小食，有成十種選擇，仲可以揀唔同飲品。蜜汁雞中翼+涼拌海蜇芝士雞肉薯泥棒+涼拌青瓜豬肉粟米+彈彈蝦滑魚籽好（關東煮湯）濃情孜然羊肉+洋蔥黑椒牛肉（三鮮蕃茄湯）汁雞中翼+涼拌海蜇芝士雞肉薯泥棒+涼拌青瓜豬肉粟米+彈彈蝦滑魚籽好（關東煮湯）濃情孜然羊肉+洋蔥黑椒牛肉（三鮮蕃茄湯）

其實近愉景專賣餃子嘅店其實冇乜,本身好開心開左餃子店,所以同同事過嚟試吓~ 其實係幾抵食嘅, 餃子再加兩個小食再加飲品先 $58, 不過份量其實太多😂女仔食應該就咁6-7隻餃子都夠飽了🤣不過好係餐嘅飲品選擇都多,又唔需要額外加錢凍飲！不過小食口味偏咸/重味, 餃子感覺唔似手作似來貨,唔算好食。皮都厚,上碟已皮肉分離。關東煮湯底幾好飲~ 叫咗豆漿，但係應該都係來貨,飲落係大牌子嘅味道😂同埋明明電子落單,都可以上錯嘢,同漏單。

去到本身想叫佢啲飯食，但佢哋話而家唔會整飯，咁你寫喺餐牌度做乜9？？之後叫咗5隻煎羊肉大蔥餃+番茄湯米線，個米線嚟先，一飲個湯，好撚咸！！又冇番茄味，又唔甜又唔酸，唔知飲緊乜，你唔同我講我都唔知原來我飲緊番茄湯，食完仲覺得好頸渴，心諗落完味精都咁撚難食真係第一間，個米線就無特別之後就神奇啦，落咗單過咗差唔多15-20分鐘，個煎餃都仲未到，但全間鋪除咗我張枱之外係一個人都冇！！加上見到個廚師唔係喺廚房整緊我個煎餃，而係出去出面張枱度玩手機、大聲send voice message，係之後個樓面同佢講要整嘢食，佢先去整一整，前後出咗嚟兩次等到蚊瞓個煎先嚟，一嚟見到，仆你個街！！啲餃子細撚到，啲餃子長度得我手指尾咁長，又扁又細，一食到入口，我心諗：佢煮錯嘢？diu你似豬肉白菜餃，冇羊味又冇蔥味，完全唔知食緊乜，加上啲肉同個餃子皮分得勁開，得少少餡，一啲都唔飽滿，同雖然一咬落去有肉汁，但完全冇令我改觀囉成餐飯食咗$60，完全唔知自己食咗乜，去譚仔叫個米線加小食加嘢飲仲抵食，狗也不食，食完成個人燥撚哂底、心情超差！