搞餃鎮

Open Now

Now Closed

嚟到呢間食店，第一眼見到就係乾淨爽口嘅環境，坐低之後，首先點咗一個風味拼盤。煎得鬼靚嘅芫荽馬蹄豬肉餃，外皮焦香得嚟唔會太硬，啖啖肉感，啣一啖嘴裡面馬上有股清新嘅芫荽香氣；再嚟就係黑松露蟹籽鮮蝦餃，松露香氣撲鼻，鮮蝦甜滋滋嘅，好正！而個芝士粟米鮮蝦餃，呢個就真係過癮，芝士嘅鹹香同粟米嘅甜味夾埋一齊，有種講唔出嘅配合，包埋一啲啱啱好嘅鮮蝦，真係讚爆。話說返個湯餃，養生拼盤入面嘅帆立貝萵筍鮮蝦餃真係鮮美得滯，每啖咬落去都有滿滿嘅海鮮味，同個花膠淮山鮮雞湯底個搭配，真係正到彈牙。仲有啲餃子內餡真係實在，大粒肉粒啖啖肉啱晒啲肉控嘅朋友，唔會像啲enn唔知所謂嘅餃子，包到你食完一籠都搵唔到肉。而家就等咗個生菜嚟配餐啦，講真加咗生菜之後，一餐絕對更加完美，有咗一啲清新嘅口感去平衡咗啲餃子嘅肉香鮮味，再一嘢，個火龍果奇亞籽汁真係太過癮，無得輸，飲一口清爽之餘，火龍果嘅味道係咁上心頭。總結，呢間店嘅餃子真係有料到爆，每款都保證你食嘅開心，每啖都啱晒口味。下次同班friend嚟食，必整個拼盤嚟樂一樂🥳👍👌。

全部餃子非常大隻，味道很好，不會太咸，食到食材原味，亦能看到食材，不會像一些餃子店將材料過分攪碎，不知道在吃什麼。傳統拼盤可以一次過試四款菜肉餃，包括芹菜、韮菜、椰菜、白菜，最喜歡菜量比較多的餃子，吃多也不會太膩。選了煎餃，可加$3要一小碗湯。煎餃效果像半煎炸，皮薄香脆，咬開有肉汁，非常出色。個人最喜歡韮菜豬肉餃。侍應會問要菜圃/辣醬/醋，這些配菜都集中放在廚房附近，侍應盛好小碟送上，好像較衛生？另選了風味拼盤湯餃，花膠准山鮮雞湯清甜好味，感覺沒加味精，三款餃子各三隻：芫茜馬蹄最出色，芫茜味濃，適合喜歡芫茜人士；芝士粟米鮮蝦味道不錯，重點非常多粟米，芝士可拉絲；黑松露蟹籽鮮蝦不算出色，但亦好味。加$10菜底，健康又夠飽。有驚喜，會再幫襯，推介。

啱啱去咗間新開既地道小店食lunch，滿滿的本地氛圍真係鬼溫暖呀！首先，和牛丸粉絲，我可以講，就係鮮味滿分嘅代表！和牛丸彈牙得嚟入口即溶，個湯底更加係濃到出奇，但又唔會過咸，真係話乜嘢好飲就咁地好飲到陣陣暖意！再嚟就係必食嘅炸豆腐，外皮金黃鬆脆，一啖咬落去嘅時候熱氣騰騰，滿口豆香，完美啦！豆腐入面爽滑得來又保留咗豆味，完全唔會話係油耗子嚟。梗少唔到要講講塊脆皮燒肉，我話你知啵，塊皮㩒搭搭聲音清脆，肉汁豐富得滯，半肥瘦既部分仲略帶蜜糖香，簡直係犯規嘅誘惑！🥰👍🏼🍖雖然唔係啲咁高級嘅食場，但係每樣食物都擺到出食物本身最原始最吸引嘅一面，真係食到心都開懷。港式小店有時咁簡單直接嘅美味，真係用錢買唔到！聽日唔知食乜好，又識一間新去處！

石門好多新餐廳，質素都好高。專賣手工水餃既餐廳，都已經開咗三間，競爭真係激烈。有3 個拼盤組合，傳統四拼，風味三拼，養生三拼，一次可以試幾種口味，同埋揀湯餃，煎餃。佢既湯係花膠准山鮮雞湯，係好足料，好夠味，一定要跟湯 ；煎餃跟湯 +$3。- 風味三拼 (9隻) $68 風味三拼既配搭比較創新，有芫茜馬蹄豬肉餃，黑松露蟹籽鮮蝦餃，芝士粟米鮮蝦餃。全部都足料，好扎實，鮮蝦都好大隻。芝士粟米鮮蝦餃，味道比較獨特，同埋爽口。- 傳統四拼 (8隻) + 米線 ($58 +$10)傳統四拼就真係好傳統，全部配料都係豬肉 + 菜，有芹菜豬肉餃，韭菜豬肉餃，白菜豬肉餃，椰菜豬肉餃。煎餃就比較香口，卜卜脆。加錢跟咗個米線，又可以飲埋湯。其實啲餃子好大隻，啲米線會食唔曬，所以只係加錢跟湯，就啱啱好。

尋晚唔知食乜好醒起石門呢間餃子店sell自己個湯底好正於是就過去買咗個外賣我揀咗雙拼湯餃子六隻配米線（$60）粟米香菇豬肉餃拼芫茜馬蹄豬肉餃返到嚟打開外賣有跟細細兜辣菜脯👍🏻👍🏻米線嘅份量比較少不過餃子非常大隻😯首先講講佢最sell嘅花膠雞湯底飲得出唔係味精湯不過唔算好濃餃子嘅味道好大隻好多餡不過皮有啲厚粟米餃略嫌太甜唔太食得出香菇味芫茜餃個味都係一般般整體嚟講除咗隻餃好大之外無乜驚喜🤷🏻‍♀️

行過比呢間鋪頭嘅名吸引左🤣好搞笑！叫做搞餃鎮，係一間餃子專門店嚟😙門口都有唔小人係到等外賣，入去食下好冇食先！🥰🧊養生三拼（9隻） 嗰排比較熱氣，所以我哋都叫咗湯餃，而冇叫到煎餃😚但係呢度嘅煎餃都幾出名㗎，如果嚟到都可以試吓！養生三拼嘅餃子，包括咗紫菜粟米豬肉🐽餃、帆立貝萵筍鮮蝦餃🦐同埋淮山野菌雞肉餃🐣餃子粒粒都好大隻！食咗六粒已經飽晒🤣初頭仲加咗個上海麵添！上海麵嘅份量都好大碗😂所以完全係食唔晒嘅狀態🤣鍾意佢個湯底！我哋叫咗花膠淮山鮮雞湯🐥個湯底好鮮甜，就算飲埋個湯底都唔會好頸渴🫶🏻🧊風味三拼 （9隻）小編嘅朋友嗰排就唔想食咁多澱粉質，所以就冇加到麵底，而係叫左生菜🥬底，感覺食多啲菜健康啲😹風味三拼包括咗芫荽馬蹄豬肉餃、黑松露蟹籽鮮蝦餃同埋芝士蟹籽鮮蝦餃🦐小編就覺得如果呢個風味三平嘅話可能會係煎餃比較適合啲！但係湯餃嘅話都唔輸蝕㗎😚隻隻都係超級大隻，超級足料🫨芫荽馬蹄豬肉餃啲馬蹄超級爽口😍黑松露味都出😆餃子入邊都係有大大粒蝦😍總括嚟講，都幾推介！同埋人流都超級多🤣冇諗過平日嘅夜晚都大排長龍🫨如果唔算好大食嘅朋友仔就同朋友仔一齊share食，又或者唔使加面都得😚🫶🏻性價比:8/10好食

咁岩去石門，見到都多人推介，原來真係好好味！我叫左芝士粟米蝦餃同黑松露蝦餃雙拼，兩隻味都好食，煎餃又脆，而且隻隻都好大隻，女仔食六粒就夠晒飽，十分推介期待試埋湯餃

收工7：00黎到 全院滿座看似平凡 內裡非凡見到menu全部都想試 見到有花膠 識揀一定揀花膠淮山鮮雞湯用心制作既餃子店 一共試左3款餃子！黑松露蟹籽鮮蝦餃重心推介！入面真係有好多我最鍾意食既菇菇配上黑松露 極香 仲有大大隻既蝦！帆立貝萵筍鮮蝦餃口感大爆發！原來萵筍做餃子係咁正最重要係佢無overcook 非常爽脆芝士粟米鮮蝦餃爆餡😨勁多粟米 芝士味還好 唔算太濃整體評分:味道: 4/5環境: 4/5服務: 5/5抵食: 5/5
搞餃鎮 (沙田)📍沙田石門安群街1號京瑞廣場2期地下G19A號舖

本身係餃子愛好者，各種唔同類型既餃子都好鍾意食，在intergram 見到有人推薦餃搞鎮，仲有養生湯底於是就滿心歡喜咁去試下，但餃子皮偏厚，函料一般，湯底渴一,兩口就已經口渴，好難繼續飲落去

呢間餃子店喺石門站一出就到，而且性價比真係非常高，每粒餃子都有半隻拳頭咁大，所以女仔一般食六隻都已經夠飽，如果唔夠飽，仲可以加$10有個麵底/生菜底。咖喱淮山羊肉餃：勁多肉汁，而且都食唔出羊肉嘅騷味，咖喱味好香，淮山亦都超級大粒，勁爽脆。超級推介。紫菜粟米豬肉餃：好特別嘅餡，入面有勁多粟米，食起上嚟好甜。帆立貝萵筍鮮蝦餃：餃子入面有原粒帆立貝，而且有好多萵筍，一咬落去係爆汁，又有海鮮嘅鮮味，好正淮山野菌雞肉餃：呢款餃子亦都有原粒淮山，但食起上嚟有好濃嘅蒜味，反而唔係好似野菌味湯底非常鮮甜，有紅蘿蔔粟米，而且每一碗都有一嚿花膠，呢個價錢非常真材實料。但係略嫌湯底唔夠咸，不過好處就係冇搶到餃子嘅味道。咖喱淮山羊肉餃+紫菜粟米豬肉餃（雙拼各3隻，共6隻）：$50帆立貝萵筍鮮蝦餃+淮山野菌雞肉餃（雙拼各3隻，共6隻）：$56

呢間嘢慣性煮唔夠熟！唔會再幫襯！餃子皮咬開係白色明顯未煮透！豬肉都係粉紅色透明咬唔開，店員仲想狡辯話醃製過顏色係咁樣！我嗰粒咁啱豬肉冇完全攪爛就容易食得出唔夠熟，其他菜多肉少嘅真係未必食得出，佢最後拎我地三碗餃子話逐碗重煮喎，我真係未見過咁肉酸嘅處理方法，最後我地三個人碗餃子撈亂曬！真係好嘔心！有d咬開發現生嘅要追先補返，可惜補返都係有一隻咬落去都係生！杯桃膠世界級難飲，木瓜係嚴重唔新鮮，爛味！三個人買單過二百！最生嗰粒俾佢好快收走冇影，但呢個蝦餃子，皮內層都係白色生嘅！同沙田一眾街坊討論，原來唔少人都食過生餃子🥟！我仲要大肚幾個月食中生豬肉😭

本身今晚諗食咩嘅時候都想食餃子，剛好要到石門附近拎嘢俾朋友，一search有咩食見到呢間餃子好似幾特別，就決定試～喺石門港鐵站附近，呢頭真係多咗好多嘢食！坐低睇menu，都有好幾款餃選擇，仲要都幾特別，最尾揀咗呢幾樣～#淮山野菌雞肉餃 首先，呢間啲餃係超大隻，差唔多有我半隻手咁大🫢 隻隻都肥嘟嘟，入面啲料多到呢～ 隻隻爆餡咁濟～食食吓會食到幾粒大粒准山，而且個調味都幾香，我本身都鍾意食准山，所以我鍾意食呢個☺️#芫荽馬蹄豬肉餃呢個要召喚 #芫荽關注組 嘅朋友😂 呢隻餃咬落勁香芫荽味，又係超多餡，鍾意食芫荽必叫～ 大滿足！呢兩款餃我哋揀咗湯餃，個湯底係#花膠淮山鮮雞湯，好濃！好飲！每碗跟咗舊花膠，仲有雞肉絲，好足料～#芝士粟米鮮蝦餃呢款餃我哋揀咗煎餃，因為覺得芝士好似煎餃香啲個味出啲。一咬落去就見到超多粟米同芝士，其實都多蝦，咬吓咬吓又跌粒蝦出嚟～ 呢個都好食😋另外叫咗個拍青瓜，因為有小朋友食所以叫咗唔辣，個青瓜就普普通通～總括嚟講，超推介呢間，值得encore❤️

今晚6點左右，入座並不是太多客，自己打機掃碼落單。兩個人食，每人各叫了一碗雙拼湯餃，選唔辣的花膠雞湯。湯幾清無乜特別，餃好大隻（大到有啲誇），但好似無乜調味，食到的只是材料的原味為主。仲有其中一款咖喱餃基本上每一隻都係爆口唔完整的。餐廳並無放醬料，要出聲問先會提供俾客人，仲要醋汁的味道有點怪，酸到試左一啖後唔敢用。最後，食完行緊返屋企時，大約手0分鐘後開始感到個肚唔舒服，返到屋企兩個人都有肚瀉，所以應該以後都唔敢再食。

之前見幾個friends食過都讚大粒又好味，鍾意食餃子嘅我都bookmark咗😬啲餃子真係好鬼大粒，可能係喺香港餃子店，食過最大嘅🥟size‼️花膠淮山鮮雞湯底真材實料，個湯飲得過㗎，仲真係食到花膠😯🥟 養生拼盤/ 湯餃 ($70)紫菜粟米豬肉餃 帆立貝萵筍鮮蝦餃 淮山野菌雞肉餃🥟 風味拼盤/ 煎餃 ($68)芫荽馬蹄豬肉餃 黑松露蟹籽鮮蝦餃 芝士粟米鮮蝦餃🌟 三拼拼盤每款有三粒，餃子大粒足料好抵食，🧀芝士粟米鮮蝦餃同埋紫菜粟米豬肉餃特別出色🌟 抵讚嘅位係，無論湯餃或者煎餃都可以+$10要份生菜🥬🌟 仲可以+$12要杯有機無糖奇亞籽火龍果汁，咁就成餐飯有菜有肉仲有水果，都幾滿足㗎(◍•ᴗ•◍)ゝ

今日難得去石門，同同事打算試試呢間餃子小店。見到有不少人介紹，評價不錯，令人期待。湯養生三拼 (9隻) 湯餃配花膠准山鮮雞湯 $70有3款餃子，每隻超大隻，十分飽滿，分別是紫菜粟米豬肉餃、帆立貝萵筍鮮蝦餃及准山野菌雞肉餃。每款各有3隻。紫菜粟米豬肉餃以少見的紫菜加入餃子，味道不會令人覺得奇怪，味道清甜。帆立貝萵筍鮮蝦餃十分足料，除了有粒粒的帆立貝同鮮蝦，加上萵筍，多了一份爽脆的口感。淮山野菌雞肉餃，本身以為會比較清淡，但野菌香味足，加上養生的淮山，味道不輸豬肉餃，同樣美味。芝士粟米鮮蝦餃(3隻)拼香芋腐竹鮮蝦餃(3隻) 配花膠准山鮮雞湯 $56同事選擇了另外兩款，同樣美味，適合喜歡蝦的人。芝士粟米鮮蝦餃應該是大人小朋友都會喜歡的味道，又香又甜，加上彈牙的蝦肉，十分推薦。香芋腐竹鮮蝦餃比較特別，芋頭令餃子多了一份棉密的口感，腐竹存在感不大，蝦肉同樣彈牙，味道不錯。湯底方面，同同事都是食湯餃，湯底是足料的花膠淮山鮮雞湯，可以見到有花膠同蟲草花，濃而不膩，飲完不會口渴。支裝豆漿正正常常 $8/支呢間餃子小店的餃子飽滿，大大隻，不用擔心會不飽肚，餃子種類多，值得一試。