搞餃鎮

Open Now

Now Closed

石門呢家有唔少小店，今日去左間食餃子。我地今次叫左淮山野菌雞肉餃同埋wasabi吞拿魚餃。一嚟見到湯頭好家庭式，飲落去比較淡，但我幾欣賞，起碼唔似係味精湯。睇相都見到佢地嘅餃子大大隻，好飽滿。Wasabi吞拿魚餃🅰️🅰️🅰️🅰️估唔到佢地都有創意餃子，吞拿魚料勁多，好飽滿，啖啖都係魚肉，好滿足🥰略嫌wasabi個味唔夠出，如果可以再調整下會更好。淮山野菌雞肉餃🅰️🅰️🅰️🅰️🅰️呢款餃幾抵讚，咬落去有肉汁，淮山爽口，幾有驚喜，估唔到小店有咁嘅質素。麻辣皮蛋🅰️🅰️🅰️🅰️又係份量夠多，作為小食合格有餘，不過如果可以再辣多dd、或者畀客人簡辣度就更好😁我地兩款餃子只係每樣六隻已經夠哂飽。呢間餃子店環境普通，但係勝在街坊味濃，我地帶住小朋友，其他食客都主動畀多d位我地擺袋😂好有人情味，加上味道唔錯，推薦大家嚟食。

想食又平又飽肚嘅餃子，有時真係要去冇咁市區嘅地方，石門都係唔錯嘅選擇其中呢間餃子店，以巨餃抵食著稱呢間嘅2-3人餐，非常抵食百幾蚊就食到，total可以揀4款餃黑松露餃啖啖菇肉，相當足料松茸餃滿餡都係肉香，仲有好大粒蝦喺裡面，配豬骨湯上海麵，清清地正好襯返咁豐郁嘅餃子另外兩款揀咗煎餃，芝士餃勁爆多粟米，同時好有芝香黑椒漢堡餃好多肉，啖啖滿足另轉辣湯米線都只係幾蚊，仲要幾有麻香其實仲有好多餃子好想試，好似泡椒餃相當creative，將酸菜魚嘅湯餡包入去，又真係好食喎菠菜蒜香餃亦好香口，比起一般餃子更香濃。加幾蚊轉蕃茄湯，真係好多蕃茄渣，勁足蕃茄香跟餐可以半價加小食，可惜豬耳賣晒啦，但皮蛋都唔錯，麻辣得嚟唔會太激，有蛋香，口感仲好Q彈另外仲有包兩份飲品，食餃子最啱就係襯豆漿，仲有黑白豆漿揀，而且呢個牌子豆香幾出

石門開咗呢間搞餃鎮食餃子，做完運動經過就食番碗。裝飾帶古城味道。餐牌種類有經典、風味、養生。套餐、湯或煎餃、涼拌等等。養生三拼(湯)紫菜粟米豬肉餃帆立貝萵筍鮮蝦餃准山野菌雞肉餃准山餃比較清淡，帆立貝蝦肉冇雪味幾好，豬肉餡有肉汁。風味三拼(煎)芫茜馬蹄豬肉餃黑松露蟹籽鮮蝦餃芝士粟米鮮蝦餃煎餃子就更香脆，入口有肉汁，馬蹄餃爽口，黑松露濃味d，粟米蝦餃清甜。麻辣皮蛋麻辣香菜配皮蛋夠香亦夠辣。黑豆漿一支純豆漿好飲八香果紅茶我覺得似檸檬茶加入八香果，茶味多啲唔係好甜。我覺得冷氣唔夠，希望會改善。

一出石門站右手邊就見到呢間好得意嘅店名餐廳主打不同口味嘅餃子每隻餃子都係即煎．超巨大比平日食開嘅份量大一倍有多點選2~3人套餐有餃子．麵．小食同飲品其中兩碗可以揀兩拼湯餃 / 煎餃✨粟米芝士鮮蝦餃第一次食咁多粟米粒嘅餃子裡面原隻鮮蝦好新鮮✨黑松露鮮蟹籽蝦餃唔係太多地方有黑松露餃餡料飽滿．滲出啖啖松露味道✨ 黑椒漢堡餃漢堡扒食得多．將佢加入餃子原來可以咁夾加入黑椒味道更香✨韭菜豬肉餃豬肉同韭菜係完美嘅絕配外皮煎得金黃香脆．爐溫控制得好好✨ 手拍青瓜青瓜上舖上蒜蓉除咗蒜香．仲帶點微辣爽口又開胃✨ 凍奶茶除咗餃子．奶茶都超大杯整體抵食．性價比高下次一定要試Wasabi吞拿魚餃

石門依一間餃子店，係一間有好多特色餃子口味嘅小店，石門站C出口一出，望右手邊就見到，見到門口出咗一款新口味係話Wasabi吞拿魚，於是入去試一試🔥🥟 煎蝦餃三拼 💰$74蝦餃三拼，每款口味各三隻，口味有黑松露蟹籽鮮蝦餃、帆立貝萵筍鮮蝦餃同松茸蟹籽鮮蝦餃，幾隻款式都好特別，味道比較出就係黑松露，咬落去口感比較豐富就會係帆立貝萵筍，餃子size唔細，煎得到金黃，食依一碟有九隻餃子都已經好夠飽🥟 黑椒漢堡湯餃 💰$56出邊好少見嘅口味黑椒漢堡味，我揀咗湯底係粟米蘿蔔豬骨湯，餃子味道幾特別，就係平時食開嘅黑椒漢堡味道，少有見到會配落餃子入邊，湯底就係淡淡嘅粟米蘿蔔豬骨味，清清地冇味精🥟 Wasabi吞拿魚湯餃 💰$61最想試就係依款Wasabi吞拿魚湯餃，吞拿魚係吞拿魚醬，Wasabi嘅味係食到最後就會好出，味道出奇地夾，湯底揀咗蕃茄，好多蕃茄碎，係淡淡嘅蕃茄味，冇味精🌶️ 麻辣皮蛋 💰$24麻辣皮蛋份量足夠，辣到唔算辣，但係麻辣味夠出🥛 無糖豆漿 💰$8除咗揀汽水之外，亦都有綠茶、紅茶，或者好似我咁揀無糖豆漿，唔甜但輕輕豆味

𝔸 𝕥𝕠𝕨𝕟 𝕗𝕚𝕝𝕝𝕖𝕕 𝕨𝕚𝕥𝕙 𝕗𝕣𝕦𝕚𝕥𝕗𝕦𝕝 𝕕𝕦𝕞𝕡𝕝𝕚𝕟𝕘𝕤🥟好耐無踏足石門呢片地🥸，估唔到幾年間開左咁多餐廳小舖🥢，今次被餃子店個名吸引左🌈。望入舖頭，哇d餃子好大隻🌞，咁要試試啦～先來一個二至三人套餐🙋🏽，包括兩款餃子各6隻，兩碗麵/菜同埋飲品。個人覺得煎餃要揀重口味的🤪，反正煎都係非健康選擇，要用 quota 就一次過♨️。第一款係咖喱淮山羊肉煎餃，咖哩羊肉都幾濃郁幾香口🍛，第一次見淮山做餃子餡，頗有新鮮感💫。第二款係芫荽馬蹄豬肉煎餃，芫荽控一定好喜歡，好足料好豐富😀，個人唔特別好芫荽都覺得好新鮮同唔會抗拒🌵，加埋馬蹄好爽口，呢個配搭唔錯👍🏽。套餐配米線同生菜，湯底有青紅蘿蔔🥕。飲品揀左黑白豆漿，豆漿配餃子簡直係絕配👯‍♂️。另外加左個手拍青瓜，酸酸地幾開胃👄。Set Meal for 2-3 | $132🐑Pan-fried Curry Lamb Dumplings🌿Pan-fried Coriander Dumplings🍜Rice Noodles in Soup / Lettuce🍼Soy Bean / Black Soy Bean🥒Hand-pat Cucumb

又經開石門，呢間唔多顯眼既舖位～ 係二期右邊外圍邊邊位，真係唔細心睇都無留意。一入座….好多位，只見得十位客人到，職員示意門口冷氣壞左，入面位較涼啲。 個人比較鍾意食湯餃多啲，見到餐牌上都唔少選擇，湯底健康。餐廳係掃QR code落單最終叫左經典款「蒜香菠菜豬肉餃」八只+米線 （羅白湯底）～ 同囝囝兩人分享。差不多等左15分鐘….大大碗送上～即飲頭啖湯都感覺幾好，似屋企煲開既味（即係無落味精），只係唔夠鮮。囝囝發現米線有一兩條生生地未夠熟果種，仲話無乜味。主角菠菜餃子 一夾就好易爛開（餡料散開）但食落味道不錯的，應該煮多左十幾秒～ 餃子皮林得滯所至。整體碗湯餃米線係合格～ 但唔會食完想再食～同埋台面無辣醬/調味料。（食完至醒起）埋單時見隔離台叫煎餃 賣相幾吸引比多次機會再來一次！

之前食過幾次外賣，覺得幾好食，今次第一次堂食，令人覺得好失望，之後都唔會再嚟。今日差唔多4點嚟到，餐廳得1/3滿，唔係好多人。點咗一份煎餃同一份湯餃，等咗10分鐘左右煎餃到咗，我見店員都做緊嘢，出咗去諗住自己攞醋，店員見到就叫我坐返低，佢會攞畀我，咁我就坐返埋位。食咗一啖煎餃，發現裡面啲豬肉咬唔開，一望發現仲係粉紅色未熟……同店員講完佢收返碟餃，叫我再等等。之後等多20分鐘都未有餃子同醋到（等咗半個鐘），隔離枱遲過我到都已經食緊，問返店員先知漏單……等多10分鐘左右終於啲煎餃同湯都到（但係都係冇醋，要再問店員先有），但係啲煎餃煎到燶咗、湯餃就煮得太耐個皮爆咗入晒湯。總括而言，今次係一次令人好失望嘅體驗。

星期六下晝六點鐘到達，不需要等位，入面得兩三台， 佢嘅門面向街，唔難搵，近屯馬線石門站出口位，哩個商場最好生意嘅食肆可能係陳根記。 入到去佢個裝修以深藍色同白色做主調，比較昏暗🤔，佢應該大部分都係做外賣生意，因不斷見外賣紙袋紙盒出餐🤑。我哋就咁睇menu ，有大約二十幾款餃子揀，我哋兩大一細冇嗌套餐， 嗌咗個五十幾蚊 傳統四拼 餃子(煎餃)，同埋養生三拼餃子 (湯餃)，飲品加8蚊(有罐裝汽水或者果汁)， 碟餃子 一嚟到，我哋覺得好大份( 相比一般灣X碼頭水餃大三倍)，一定食唔曬🤣🤣， 湯餃比較冇咁肥膩， 所有餃子入面都有肉汁， 蝦餃子內有原隻蝦 真材實料， 煎餃就脆卜卜， 如果塊皮薄啲會好啲，因為好飽肚😋，可能我哋細食。最後真係要買個外賣盒拎走，我哋埋單大約160蚊性價比高 ，有機會下次再嚟🤩。

這家啲餃好大隻，鍾意佢嘅湯底好清、冇味精，而且材料配搭新鮮，食得健康。我哋叫咗以下幾個：❤️淮山野菌雞肉餃:這是一款充滿鄉味的餃子。皮薄餡厚,餡料裡有野生菌菇的清香,搭配上嫩滑的雞肉,甚有鹹香味。餃子表皮更是帶有一點點手工餃子特有的厚實口感。一口咬下,汁液流出,很是可口。❤️蝦餃三拼(9隻)配粟米蘿蔔豬骨湯:蝦餃皮薄餡多,蝦肉鮮嫩多汁。三種餃子口味不同,有素食、肉料和蝦肉餡料,能滿足各類食客的喜好。配上清甜的粟米、爽脆的蘿蔔,以及濃郁的豬骨湯,一整套組合更是層次豐富,回味無窮。❤️手拍青瓜:青瓜片爽脆可口,帶有一絲酸甜,十分開胃解膩。這種簡單粗獷的做法,反而突出了食材的本來風味。❤️麻辣皮蛋:這道小菜酣辣惹味。皮蛋表面焦脆,內裡滑嫩,再配上麻辣醬汁,令人食指大動。麻辣味道剛剛好,不會過於強烈,能夠促進食欲。一口下去,回味悠長,十分開胃下飯。

叫咗🥟芫荽馬蹄豬肉餃（$50），湯都唔錯，屋企煲既味，但係個水餃淥到勁腍，夾一下就散咗 😅😅 究竟係煮既時間太長？定係呢度啲餃子皮係咁？？仲要臨走埋單，無啦啦收多我$10話食唔夠最低消費嘅價錢😳😳 下！ 好彩check單問返，退返$10 ，食平嘢又好食貴嘢都好都真係要有習慣去對單🤭出邊食水餃枱面都有啲調味料，例如辣椒油菜甫，呢度枱面係什麼也沒有 🤷🏻‍♀️🤷🏻‍♀️🤷🏻‍♀️石門都有好多水餃店，呢間應該冇下次🙂‍↕️🙂‍↕️

食過搞餃鎮都好幾次，今次就寫下，印象佢嘅餃子大大隻，好味足料選擇多！餃子製作好有誠意，佢哋有唔少創新味道嘅餃子，分為三個系列(經典、風味、養生)。據知湯底會每隔一段時間轉一轉款，我之前試過佢哋嘅雞湯、魚湯，最近就轉咗做蘿蔔粟米豬骨湯底。今次同朋友試咗養生三拼，可以揀湯餃或者煎餃，我哋揀咗湯餃，「三拼」可以一次過食三款唔同嘅餃，養生三拼包括：紫菜粟米豬肉餃、帆立貝萵荀鮮蝦餃、准山野菌雞肉餃，三款都好大隻好鮮味！個人特別鍾意准山野菌款，准山味鮮甜。另外叫咗煎餃：帆立貝萵荀鮮蝦餃，熱辣辣，裡面有原粒帆立貝，好正！仲嗌咗風味小食，麻辣皮蛋，同黑、白豆漿各一支，大滿足！

聽過朋友提及石門有唔少餃子店，而佢就推介非常足料嘅搞餃鎮！難得👦🏻👧🏻入開石門就緊係要拜訪一下，餃子足料之外仲要口味相當創新，估唔到連餃子都有抹茶味，只係可惜當日就冇提供呢個選擇😭。難怪由午市直到下午茶時間都全埸爆滿！🌟蝦餃三拼(湯)餐廳提供嘅湯底有3款，包括：蘿蔔粟米豬骨湯、酸辣湯同番茄肉碎湯。今次👦🏻👧🏻就叫左住家湯 - 蘿蔔粟米豬骨湯，入口相當清甜足料，飲完又唔會口渴。餃子Size有成個拳頭咁大，所以夠曬飽肚！而蝦餃三拼就有齊帆立貝萵荀鮮蝦餃、黑松露鮮蟹籽蝦餃、松茸蟹籽鮮蝦餃。帆立貝萵荀鮮蝦餃平時可能喺食酸菜魚時食到萵筍，估唔到萵筍腍得嚟又有啲咬口係可以同餃子咁融合！加上帆立貝、蝦肉爽口嘅口感、鮮甜味道相當有對比，連👦🏻唔太鐘意萵荀都會愛上呢款餃子！黑松露鮮蟹籽蝦餃同松茸蟹籽鮮蝦餃，呢兩款菇菌類嘅餃子表現得相當不錯。黑松露餃一如預期嘅有唔少黑松露，黑松露fans必食！松茸蟹籽鮮蝦餃嘅菇菌味超級濃郁，配上爽脆鮮甜嘅蟹籽。🌟風味三拼(煎)風味三拼就有芝士粟米鮮蝦餃、黑松露鮮蟹籽蝦餃、芫茜馬蹄豬肉餃，餃子隻隻煎得香脆金黃，碟底亦唔會有多餘嘅油👍🏻。芝士粟米鮮蝦餃果然充滿咸香，芝士汁🧀配

[ #石門美食 #caloriefoodie石門 ] • 搞 餃 鎮 •🐿-身為沙田友時不時都會走到石門覓食‼️雖然石門都有幾間賣餃子嘅店舖🥟但卡路卡里都覺得搞餃鎮係最足料同好食👑最主要係餃子款式比較新穎 感覺上有新意啲而且湯餃嘅湯仲有住家湯嘅感覺添🏡​-🥟 煎/湯餃 💰$46-56 (6隻) ; 💰$52-66 (8隻) 湯底有新出嘅粟米蘿蔔豬骨湯🐷同蕃茄肉碎湯🍅豬骨湯比上一款魚湯更清甜 有住家湯嘅感覺鐘意食香口嘢就推薦你揀煎餃啦因為店家嘅餃子都比較大隻 通常6隻已經夠飽🤰🏻當然怕唔夠 仲可以加麵底或者生菜底 +💰$10-以下係食咗幾次之後推薦嘅口味 (排名不分先後🤣)🦐 : 所有鮮蝦餃都包住一隻蝦 超足料🌟 咖哩淮山羊肉餃 🐏羊肉味羶羶地 呢款配煎幾惹味🌟 黑松露鮮蟹籽蝦餃 🦐仲有啲野菇 黑松露味幾香 🌟 帆立貝蒿荀鮮蝦餃 🦐蒿荀增添咗餃子嘅口感真係有原粒帆立貝係入面‼️🌟 芝士粟米鮮蝦餃 🧀熱融芝士超正🌟 黑椒漢堡餃 🍔呢款一定要配煎餃 好重口味!!上次試過唔小心叫咗湯餃 顯得勁奇怪😹-餐廳不定期都會推出期間限定餃子✨就好似之前就有出過紫薯口味 夠晒創新今期就係 🌟抹茶芝士鮮蝦餃🍵不

今晚又去咗📍石門搵野食🧏🏻‍♀️睇中間呢搞餃鎮✨由年輕人開設既餃子店，晚飯時間超多人，提供多款創新口味餃子🥟🥟亦有傳統口味，仲有小食、自家製飲品等，超多選擇🤟🏻重點係價錢相宜，性價比十足🥳🔹經典系列👉🏻泡椒酸菜豆角豬肉餃用上泡椒、酸菜等調味，再加入爽脆豆角，泡椒味清新突出，內餡鮮香脆爽，別有一番風味！👉🏻白菜豬肉餃鮮嫩多汁、口感滑嫩既內餡超飽滿，選用半肥瘦豬肉完全唔會鞋口！🔹養生三拼👉🏻紫菜粟米豬肉餃鮮香濃郁既紫菜配以香甜金黃粟米粒、JUICY豬肉餡，一啖咬落去爆哂汁～👉🏻帆立貝萵苣鮮蝦餃第一次食餃子內餡係有帆立貝，夠哂創新！原粒帆立貝夠綿軟，仲有爽口萵苣、彈牙鮮蝦，層次感豐富～👉🏻准山野菌雞肉餃足料野菌菇味濃，配以健脾准山、爆汁雞肉，配搭新鮮又健康～🔹風味三拼👉🏻莞茜馬蹄豬肉餃餡料加入大量芫茜，茜味十足！仲有爽脆馬蹄、爽滑豬肉餡，大大隻餃子超飽滿！👉🏻黑松露蟹籽鮮蝦餃好有食緊點心既感覺～味道獨特又彈牙，蟹籽同鮮蝦都好有口感，特別加入黑松露，香氣十足！👉🏻芝士粟米鮮蝦餃拉絲芝士配鮮甜粟米＋爽滑鮮蝦，啖啖香甜濃郁夠哂滋味～🔹手拍青瓜醬汁酸酸甜甜帶點微辣，食落超級開胃！青瓜爽口入味，做前菜一