搞餃鎮

Open Now

Now Closed

搞餃鎮是一家以餃子為主打的餐廳，我和朋友點了兩個主食及一個前菜。首先是麻辣皮蛋，香蒜和醬汁的組合讓皮蛋的風味突出，而且醬汁惹味十足，醋的微鹹微酸與香蒜和醬汁相互配搭，使得整體口感更加豐富。接下來是雙拼餃子粟米豬肉餃和芹菜豬肉餃搭配湯麵。湯底豬骨湯，清甜無味精，蘿蔔的清甜和粟米的養生味道更加突出。這裡的餃子粒粒飽滿，皮薄餡實，非常滿足。蝦餃三拼是另一個主食，包括黑松露蟹籽鮮蝦餃、帆立貝萵筍鮮蝦餃和松茸蟹籽鮮蝦餃。帆立貝的香濃，萵筍的鮮味以及松茸的菌味使得這道菜品十分豐富。餃子的外皮酥脆內軟，松茸的數量也很多讓味道擠滿口腔。而黑松露的味道逐漸散出，不會是一進口便重口味蓋過其他配料的味道，仍能夠吃到原本蝦餃的鮮味。最後，黑豆漿和凍檸茶是兩款適合搭配餐點的飲品。黑豆漿的豆味微香，味道濃郁，而凍檸茶的茶底則是以紅茶為主與檸檬的清新相互融合。

朋友介紹我黎食呢間餃子店，因為佢口味多，而且有D仲係獨家口味。最吸引我既一定係蝦餃系列，叫左雙拼湯餃再加上海面。個湯底係粟米蘿蔔豬骨湯，好清甜，而且唔會有味精好咸既味，似屋企靚湯味! 好飲到最後單叫多碗淨湯! 帆立貝萵荀鮮蝦餃入面竟然有原粒帆立貝，好足料。咬落口有陣陣既蒜香味，配埋彈牙既蝦粒。平時我本人都好鐘意食蝦餃，呢款真係有種好似點心口味既餃子!! 黑松露鮮蟹籽蝦餃呢個係我最推介既一款，黑松露好突出，鮮蝦又蝦牙，入面仲有好多菇去做配搭，所以食落唔會好dry! 去得餃子店，一定要試埋煎餃。煎餃好大粒，外皮好香脆! 黑椒漢堡餃呢款都好好食，黑椒帶微辣，原來咁樣配搭都咁夾! 香蔥辣豬肉餃辣得惹味!如果台上有埋餃子汁/辣椒醬比客人自己落就更好啦!!其實仲有好多款餃子都想試，下次再經呢邊，一定會再食!

養生三併（紫菜粟米豬肉餃/帆立貝萵荀鮮蝦餃/淮山野菌雞肉餃）$70 🥟 可選湯餃或煎餃～每款餃子各三隻 我選了湯餃它家的是我見過最大隻的餃子🤯可能是一般餃子的double size一隻餃子要分4-5口完成餃子皮下的餡料飽滿滿溢 食完超飽肚🥟紫菜粟米豬肉餃 粟米清甜 大量紫菜和豬肉混合在一起 紫菜控很滿意🥟帆立貝萵荀鮮蝦餃這款最吸引鮮蝦爽口 帆立貝作為餃子餡料很少見👍🏻🥟淮山野菌雞肉餃 有了淮山的這款餃子口感偏粉糯 又是另一種口感湯頭是每天新鮮熬煮而成的 味道鮮而清甜 帶淡淡豆腐香 不會搶去餃子本身的味道三款餃子的材料都走養生系路線 一個套餐 可以試勻不同配搭和口感的餃子👍🏻套餐還可選無糖豆漿另外還見到其他特別的餃子口味 e.g. 抹茶芝士 有沒有人試過呢？ 

石門站對出 餐廳越來越多元化餃子專門店都有幾家 今日特意挑選《搞餃鎮》🥟試下餐廳裝潢走中式風格 吸引我是餐牌上除有經典系列外 養生系列及風味系列都幾搞鬼🤪今期有款好特別口味！ 《抹茶芝士蝦堡餃》 重點一提口味食落 好match! ❤️❤️抹茶味🍵 淡而不過 芝士🧀味濃稠 蝦仁大大隻 推薦成為日常口味！ 當然今日我重點食養生系列款款都好吸引！ 湯 & 煎煮法 2者都要上！ 湯底是淮山豆腐魚膠湯 🍲⋆_ᴛᴏᴛᴀʟ ᴏʀᴅᴇʀ__ ⋆ ▶️黑松露鮮蟹籽蝦餃▶️帆立貝蒿筍鮮蝦餃▶️芝士粟米鮮蝦餃▶️淮山野菌雞肉餃▶️松茸蟹籽鮮蝦餃▶️黑椒漢堡餃•口味很特別 餃子如拳頭般大小 足料飽滿。帆立貝萵筍鮮蝦餃內有原粒帆立貝 非常足料原隻鮮蝦、萵筍粒、紅蘿蔔粒、菜粒少不了整粒都很鮮甜多汁* 淮山野菌雞肉餃低卡路里選擇 餡料扎實 准山和野菌令口感豐富雞肉不會太乾 帶肉汁。黑松露蟹籽鮮蝦餃雖然黑松露味不太算濃烈但原隻鮮蝦 蟹籽增添口感亦很不錯小小提示🔔 遇上繁忙時間 出餐有點耐同會漏咗重點 辣菜脯同醬汁 所以要提醒店員 提供😂

大半年沒來到石門找美食，才發現這裡的食肆數量跟種類都變多了！很多都還未到訪很想試試看，這次就先來吃餃子吧養生系列餃子 $56/6隻 $66/8隻【新品推出】抹茶芝士蝦堡餃羅漢果茶 $5老規矩，吃得都是湯餃啊！湯頭是店家每天用上煎香的魚再加入淮山和豆腐熬製，奶白色的湯頭有魚香，是健康清淡的味道，除了豆腐以外最特別是每碗湯都加入魚子增加風味～ 今天來吃的是養生餃子系列，6款餃子味道拼配各有特色，而且每隻餃子都超爆飽滿！超大隻的比乒乓球還要大，非常佛心！正常食量的朋友吃6隻不用配麵食都已經夠飽肚了！再配自家製羅漢果茶，味道甘甜，完全足料美味！要包裹這樣豐富內餡的餃子，餃子皮不能太薄，比北方的餃子皮薄一半左右啦！每隻都是當天新鮮包好，咬開內有完整且非常多又爽口的鮮蝦，芝士粟米鮮蝦餃內有甜甜的粟米跟可以拉絲的芝士，徹頭徹尾是孩童口味～ 松茸蟹籽鮮蝦餃跟黒松露鮮蟹籽蝦餃都是味道偏重的口味，裡頭有大量菇菌令口感變得爽脆，黑松露跟松茸的香味很香濃！帆立貝蒿筍鮮蝦餃有驚喜，加入蒿筍令口感更豐富，原粒帆立貝令鮮味更濃厚，這個很好吃啊～ 至於黑椒漢堡餃口感會較為扎實，吃起來有很重的胡椒香；淮山野菌雞肉餃是比

📍#搞餃鎮 (沙田)沙田石門安群街1號京瑞廣場2期地下G19A號舖▪️▪️▪️▪️▪️▪️▪️▪️▪️▪️▪️▪️▪️▪️餃子係我既真愛之一，好食既餃子店可遇不可求，仲要有特別之餘又好食🤤 勁推薦❤️‍🔥❤️‍🔥❤️‍🔥 餃子味道選擇豐富，而且每隻都好大隻勁足料😛·松茸蟹籽鮮蝦餃呢款餃子名副其實就係酒樓嘅燒賣 味道同燒賣非常相似 皮薄而多餡，好有記憶點，本日MVP之一。·黑椒漢堡餃今次嘅MVP係黑椒漢堡餃，超級好食，黑椒漢堡味好突出，係小朋友都鍾意嘅口味！·芫茜馬蹄豬肉餃最Classic嘅口味 芫荽份量多，馬蹄爽脆·紫菜粟米豬肉餃紫菜味最突出，配搭粟米都不錯·咖喱准山羊肉餃咖喱味棘龍，配上羊肉，味道有少少似食緊印度卷餅，超好食！·帆立貝蒿筍鮮蝦餃帆立貝大粒，鮮蝦口感彈牙，非常新鮮！·芝士粟米鮮蝦餃芝士配粟米都係冇得輸嘅配搭 配上彈牙鮮蝦，好食▪️▪️▪️▪️▪️▪️▪️▪️▪️▪️▪️▪️▪️▪️

🍽️2-3人餐$132🥢椰菜豬肉餃 咖喱淮山羊肉餃 各三隻🥢帆立貝蒿筍鮮蝦餃 松茸蟹籽鮮蝦餃 各三隻🥢配飲品兩杯呢間石門餃子店我成日都會幫襯 佢哋啲餃子D餃真係好大粒，而且粒粒都好足料 好飽滿 佢一隻餃子個size 等如 出面普通餃子嘅size 而且每款可以選擇六至九隻食完飲埋啖湯，真係好飽 而呢個二人餐就最抵食啦 餃子可配麵底或菜底🥟椰菜豬肉餃用新鮮豬肉做嘅餡 鮮甜多汁 豬肉應該係用咗半肥瘦食落豬肉彈牙，而且有豬油嘅香味再加上新鮮嘅椰菜呢個配搭真係好經典🥟咖喱淮山羊肉餃羊肉新鮮，而且有震震嘅羊臊味 啱晒鍾意食羊嘅朋友 而咖喱嘅味道恰到好處唔會搶走晒羊嘅味道，佢亦都係大小小嘅辣，加上淮山粒增加成個餃子食落去嘅口感而估唔到 淮山 咖喱 羊肉 呢個配搭係咁夾🥟帆立貝萵筍鮮蝦餃萵筍切粒 有咬口 鮮蝦彈牙 爽滑 而每一隻餃子𥚃面都有原粒帆立貝 配搭新鮮 正呀🥟煎松茸蟹籽鮮蝦松茸蟹籽鮮蝦呢個配搭估唔到咁夾 鮮蝦彈牙 食落有好香濃嘅松茸味道加上鮮蝦嘅鮮味同蟹籽嘅粒粒卜卜脆 真係會食上癮 我最愛🏆🥟煎韭菜豬肉餃煎餃同樣都係大大粒 煎嘅時間啱啱好同煎嘅技巧亦都好有水準 餃子皮煎到金黃香脆 裏面嘅

特登入石門，就係為咗食搞餃鎮，之前假期期間佢都閂咗門，今次終於唔使摸門釘。（其實可以自己去social media睇佢有冇開，哈哈）黑松露蟹籽鮮蝦餃首先，一上枱就見到佢勁大粒，一個人食都勁飽！然後第一啖一定係飲湯，佢個湯係淮山豆腐魚膠湯，豆腐味好香，，加上魚湯底本身就好香濃，煲出嚟一啲都唔油，魚味加豆腐味，好清好健康，完全能夠配搭餃子中嘅肉餡。餃子一咬開黑松露味都好香，但又唔會蓋過咗餃子嘅蝦味，蝦肉都好彈牙。咬完一啖，再浸返落湯，等佢出完湯再食，好好味。下次會繼續嚟試其他味道嘅餃！

舖頭話收10點，但9:15分職員已經抹枱抹地收凳。有部分熱門餃子沽清，係好理解的。個米線一來到，份量好少，ok的，因為啲餃巨大，但啲魚湯係好似水溝落去咁，水味多過魚味好多，好難得職員仲解釋係魚湯煲出嚟。啲餃子非常大隻，但係都係淡而無味，就係得個大字。最好味係佢嘅辣蘿蔔仔配菜，令淡口的食物加多一點點口感。雖然$132二人餐都唔好有咩投訴，但如果細隻返啲餃子，個成本轉去煲個靚啲湯底，應該會做得好啲啦。

一向好中意食餃子， 見有新店試下叫外賣，收到外賣後， 簡直未食先反胃，唔好同我講唔識做外賣，成碗野浸左唔知幾耐先送比個客， 打開餃子爛哂，見到都唔想食，皮爆料散，仲要碗野有怪味，我即時成盒掉左佢。 簡直未見過那麼恐怖既餃子。我建議該店，無論客人有冇要求分湯定唔分湯（仲要冇得比客人揀又屈個客冇揀）好心做生意就主動搵辦法確保自己的食物係有質素先， 質素都保證唔到， 點有回頭客。 我真係投降，一定唔會再幫襯。

見到呢間自家製餃子小店，已經唔洗多諗，一定要入去試下先，打開個餐牌，有好多款餃子選擇，每款餃子餡料十足，好大隻。 如果有期間限定餃子款式，亦都會寫在黑板上。檸檬薏米桂花茶-淡淡桂花香，加上檸檬既微酸，清新開胃既飲品先揀咗個養生三拼湯餃，湯餃既外皮柔軟。紫菜粟米豬肉餃- 夾雜住紫菜鮮味同粟米嘅甜味因為無帆立貝萵筍鮮蝦餃，老闆轉咗黑松露蟹子鮮蝦餃俾我-味道獨特仲有鮮蝦甜味淮山野菌雞肉餃-濃郁野菌味道，同埋口感十足。花膠淮山鮮雞湯底，雞味濃郁又鮮甜, 感覺已經好滋補，就算成碗湯飲哂都唔口渴。另外再揀咗個風味三拼煎餃，煎得金黃香脆黑松露蟹籽鮮蝦餃-香濃嘅黑松露，加上煎香嘅外皮，多咗份層次咁芝士粟米鮮蝦餃-芝士濃香加粟米鮮甜爽脆芫茜馬蹄豬肉餃-如果鍾意食芫茜嘅人會好鍾意，味道濃郁仲有大粒又爽口既馬蹄呢度既餃子可以加菜底或麵底, 餃子份量比較大, 啱曬胃口大嘅人

石門這一區，飲食越來越多元化。香港式、廣東式既食肆，當然是到處都有。而北方的，啱國內人士口味的食店，也是越開越多。現在，目測已經有三間食間食餃子既專門店。這一天，就一於去試下這一間開黎《搞餃鎮》的餃子店，試下好壞。《搞餃鎮》是一間小店，入到來，可以說是地方淺窄。就算一人來，都要坐到好辛苦。當日，我被安排坐在面壁的高檯，檯面細，坐後少少就幾乎碰到後面張4人檯。好不自在的。那天，我點的叫傳統四拼，總共有四款口味的餃子 (芹菜豬肉、韭菜豬肉、白菜豬肉、椰菜豬肉)。為了吃起來香口，我要求了煎餃。不一會，我的煎餃子就端過來了，一共有八隻，每個口味兩隻。當中，韭菜豬肉餃子的味道是最濃郁的，可以說，韭菜的香味直頭蓋過了豬肉的味道。其他的芹菜豬肉、白菜豬肉同椰菜豬肉都是可口的，豬肉味很香，又有足夠是爆汁感。再加上餃子煎到皮脆，非常之好食。那天，本想拿支豆瓣醬來加強口感，但因為人多，沒人理我而沒有要了。說真，不加醬，不加醋，也是夠好食的。跟餐，我要了一支黑芝麻豆漿。他們的豆漿，是由壹品豆漿供應，質素是有保證的。而黑芝麻豆漿因為有芝麻既加持，增強了香口感，感覺很是妙的一支豆製飲料。石門的《搞餃鎮》，其食物

我大緊肚，見到openeice 依間野食評唔差，禁諗住去試下，叫左芫茜豬肉餃和咖哩羊肉餃，等到野食黎到已經發覺唔對路，比錯左餃，ok 唔緊要，但當我食多一啖，發現d 豬肉仲pink , 唔熟，即刻搵個人問下，講返個情況同話唔熟，佢之後拎走左d 餃， 再等多陣，佢比d 羊肉餃我叫我食住先，當我再食一淡，見到d 羊肉一樣唔熟，嘩，當堂好驚，又搵人問，佢話唔好意思，煮熟d 比我，之後我決定唔食閃人，已經比左機會，臨走個陣個staff 雖然有同我講唔好意思，但我真係唔會再黎食，太差啦，大肚婆食生肉係好危險既事，一陣我肚入便個bb 有事，禁點先

帆立貝萵筍鮮蝦餃八隻加 米線（$66+10）每隻都好大隻好足料但食落好多肥肉有點油膩個湯底都可以，唔會口渴但配米線來講唔特別好食咖喱淮山羊肉煎餃六隻（$50）羊肉餡比較騒煎餃好油膩一路食一路出油食得唔慣呢個價錢嚟講唔係好抵食呢個質素我哋都食淨幾隻PS一提想要醬汁或者辣菜葡記得叫侍應姐姐攞

同朋友出石門做yoga，做之前就係石門搵野睇，睇openrice見到依間湯餃店，感覺食完會好暖，就揀左依間。我叫左個傳統四拼，每款有2粒，每粒都超大粒，同有好多餡，個人覺得椰菜豬肉餃係最好食！😈我又想食下米線，所以就再加多十蚊，米線唔會煮得太淋，都ok，不過就冇咩味。唯一有啲失望就係個湯😢，味道有啲淡，只係飲到啲蘿蔔味，唔係好飲得出佢係花膠雞湯🫣如果係想飲湯而食，就唔係好值得。