榴槤BB (Closed)

早前為食貓說帶我去吃料， 原來去榴槤BB朝聖！！ 以前已經聽過榴槤BB大名， 店面位於觀塘區工廠大廈， 一出升降機就聞到濃濃榴槤香一定不會找錯門XD 入門就見到榴槤BB Café， 用餐地方好闊落， 簡約長桌只要專注在榴槤上就好！ 《榴槤品鑒盤》嚐鲜價$150就可以一次品嚐5種珍貴馬拉榴槤， 榴槤BB還貼心的送上膠手套、紙碗和濕紙巾， 方便分享又吃得優雅，抵讚！ 首先品嚐1號佳麗《名種》 色澤偏淺， 果肉質地較結實， 味道最淡所以第一道吃。 2號佳麗《長柄 》 味道清甜而且果核超小， 果肉比例最多 3 號佳麗《金包》 名符其實金黃色小包， 肉質特別軟滑， 入口細密軟綿。 4號佳麗《山頂XO》 果真是XO級尺寸， 肉質較綿密， 果肉成絲口感十足。 5號佳麗大熱門《貓山王》 色澤最鮮艷誘人， 榴槤香氣最盛， 味道特別甜蜜濃郁， 果肉細膩入口即化， 果然是冠軍級別。 品鑒完仍然意猶未盡， 來一杯《一嚿貓山王跌落奶》， 奶昔中加入榴槤果蓉， 口感細滑中帶有絲絲果肉，大滿足！ 臨走前看見不少榴槤週邊產品， 帶走了爆米花跟脆脆， 在家也能享受榴槤好滋味嚕~！

突然間好想食榴槤，所以同臭味相投的好友係榴槤BB買咗2個經典版$150同2個$200貓王版榴槤品鑒盤唔知係咪而家係尾聲嘅關係，所以榴槤味不太重，沒有那種入口軟綿綿，齒頰留香的感覺。好像金枕頭仲比貓山皇香，可能下次等佢當造再試一試。不同都冇失望，因為成個experience 都係好正，榴槤送到去屋企，佢仲要送埋一個好得意的榴槤BB雪袋❤️

我和朋友都是榴槤Super Fans，看見不少人所推介這間榴槤BB，便相約去試一下。我們各自點了一份榴槤品鑒盤- 有5種唔同口味，由名種、長柄D158、金包D13、山頂XO D24、貓山王D197  ，大家記得必須由上而下地吃，因為味道是從清淡到濃郁 。第一口的名種味道很一般，可能是太晚去不夠新鮮，但由長柄起開始嘗到果肉味。雖然人人都大讚貓山王味道最濃最滑，但山頂XO D24的口感對我來說來是剛好，有口感得來亦鮮味十足。吃完還是意猶未盡，所以店員推介了「一嚿貓山王跌落奶 」，每啖都是濃郁的「榴槤蓉」，結果我喝不足半杯就已極飽！餐廳還有其他不同類型的榴槤商品，讓隨時都能嘗到榴槤的味道！

我好鍾意食榴槤😋Lliked 榴槤BB Facebook 一段時間，早前終於去咗香港觀塘總店品嚐！仲要咁啱做緊限時9折❤❤原本諗住飲貓山王芝士雲頂炭燒烏龍茶，不過已經賣晒😭，唯有轉飲貓山王珍珠奶茶($43)。 榴槤味唔算好重，但真係飲到一絲絲榴槤肉，配埋奶茶，成個感覺很creamy，而珍珠亦都好有咬感！因為係固定甜度，平時飲開少甜嘅朋友，可能會覺得甜咗少少。不過一次半次，就無所謂啦～咁難得飲到😚我一定會再到訪，因為要飲返貓山王芝士雲頂炭燒烏龍茶！同埋食最出名嘅榴槤品鑒盤 ($150)！Cafe部份。其他榴槤產品❤❤

榴槤唔係個個鍾意食, 揾到的話真係好難得, 早前便相約大愛榴槤的好友去了觀塘的榴槤BB食榴槤全餐. 未入到店, 已聞到榴槤香味. 店內有各式各樣的榴槤產品買. 來這裡當然要試Durian「榴槤品鑒盤」. 另外, 也點了榴槤珍珠奶茶. 這是加入榴槤肉一齊整出來. 每一啖也有榴槤味道, 加上煙韌的珍珠, 雙重口感. 估唔到兩者味道咁夾. 主角Durian「榴槤品鑒盤」出場. 一共有五款味道, 包括名種，長柄，金包，山頂XO和貓山王. 味道由淡到濃. 對於愛食榴槤一般的朋友, 這個名種就啱晒, 味道較相對較為淡, 較易接受. 而長柄每一件也較細, 連核也細細粒. 金包入口時感覺帶少少微甘. 山頂XO就再濃味一點, 我自己也鍾意食這款. 貓山王味道最濃郁, 越食越滋味, 肉質又夠棉身, 這是我最愛食. 而貓王山爆谷作為小食係不錯選擇.

唔講大家可能唔知, 我一家三口都好鐘意食榴槤架! 除左我同老婆大人, 就連家中小狗都勁愛食榴槤, 每次我地買榴槤回家, 牠定必爭食…… 老婆大人剛剛轉新工, 黎緊工作時間不再彈性, 而且仲可能經常OT, 所以, 在她正式返工前, 決定同佢殺入觀塘, 試一試榴槤BB Cafe. 其實老婆大人講左好多次叫我陪她去榴槤BB Cafe, 但因觀塘對我來說有點遠, 所以一直懶得去! 榴槤BB Cafe 位於觀塘工廈, 地方相當寬敞, 不過, 榴槤的飄香充滿著整間Cafe 雖然係第一次黎, 但其實老婆大人早有目標, 就是這盤 經典版。榴槤品鑒盤, 當中有齊名種、長柄、金包、山頂XO、貓山王五款馬來西亞品種榴槤, 味道由淡到濃, 難怪這麼吸引 而且, 食客可在雪櫃中自行挑選自己心儀的一客, 見老婆大人歡天喜地揀選, 已很滿足! 老婆大人吃矜貴的榴槤, 而我就揀左杯 一舊貓山王跌落奶 特飲來解渴.這杯特飲, 外表白雪雪, 平平無奇似的, 但飲落榴槤味濃, 飲完一杯, 簡直似吃了大大舊榴槤, 相當滋味. 原來呢款特飲用上貓山皇製作, 難怪店員說是店子最受歡迎的飲品. 單是我們坐著吃榴槤期間, 便有不

昔日要品嚐香濃味美的榴槤，總要配合天時地利人和，一年只得數月當造，對 BeautySearch 這『榴槤控』來說實在不足！所以每次出遊泰國或馬來西亞等地，BeautySearch 都會忍不住口，幾乎每天以榴槤當飯吃！ 幸好，自從早年榴槤BB進駐香港，要吃香濃味美的榴槤就無需再分時節，非常方便！聽聞榴槤BB開設 Cafe，一直也想來嚐嚐，早前終於約同「榴槤控」一齊來觀塘『睇榴』。 其實還未進入店內，只是踏入大廈便聞到濃濃的榴槤飄香，甫進店內，更發現不少榴槤及榴槤製品，『榴槤控』定必瘋狂！ 榴槤BB 最大的特色，是擁有不同品種的榴槤，而Cafe 設有「經典版。榴槤品鑒盤」，一個小盤子，備有五款馬來西亞品種榴槤，包括：名種、長柄、金包、山頂XO、貓山王，味道由淡到濃，款款都咁滋味，當然 BeautySearch 不會執輸，一於來一盤享用！ 為了讓食客可盡情享用榴槤滋味，店子還提供了手套、濕紙巾，以及紙杯乘載榴槤核，真的非常貼心。 五款榴槤中，BeautySearch 最愛貓山王，味道最為濃郁，份外甘甜濃郁，肉身色澤金黃，較軟諗，食後令人難以忘懷的齒頰留香。 雖然「黑糖」飲品這年在港瘋行，

由細到大都好鍾意食榴槤，好可惜我最愛嘅女神係好憎榴槤嘅，佢完全接受唔到嗰陣香味！我咁怕女神唯有自己獨自去偷食呀！之前都有試過喺榴槤BB網上邊訂貓山王 ，依家開埋Cafe喺觀塘，咁方便我就唯有自己去嘆世界實體店每日都有新鮮榴槤品鑒盤任君選擇，我就覺得每一盤都咁正呀！ 嘗鮮價 $150 就可以食到五款口味，抵食！榴槤品鑒盤 首先由清淡口味開始吃到濃郁的，順序有：名種、長柄 D158、金包 D13、山頂XO D24、貓山王 D197。一次過5款不同品種嘅榴槤，真係食得好開心！每一顆都有不同的口感、味道，層次；味蕾享福了話明係Cafe，真係有好嘢飲㗎！飲番杯 一o舊貓山王跌落奶，個名就好特別，味道更加係冇得彈！口感香滑又順口，奶帶香甜榴槤蓉，令我回味無窮仲即場選購了貓山王爆谷，同埋榴槤脆脆係私心推介！榴槤控一定要試！榴槤BB 觀塘總店地址： 觀塘敬業街 65-67 號 敬運工業大廈 2 樓 B 室辦公時間：星期一、星期三至星期日12:00-19:00 (逢星期二休息)喜歡吃榴槤的妙不可言！齒甲留香！何況連試五種品種味道⋯滿足，感謝上天賜福！

喜歡吃榴槤的你萬物錯過，一直以為吃榴槤只能在街市或超級市場買回家才可以。但如果家中有親友不吃槤真的不知怎樣才好？今次與友同行，發現其實工廈內可以坐下吃榴槤，而且種類繁多值得一試。一盒有齊五款選擇的榴槤，仲有飲品系列。場內更有職員及電視作講解，令人知道榴槤的採摘及相關產品問題。特別不只是貓山王，原來由馬來西亞更有其他品種。全榴槤宴你食過未，超多品種而且更有小食及飲品系列!正呀喂⋯原來榴槤都有好多種，今次試左：名種.長柄D158.金包D13. 山頂XOD24 及貓山王D197~好多人以為貓山王最正，但我反而喜歡金包，甜度適中及軟濃而且帶幼滑，另外仲有金包芝士雲頂綠茶。芝士與榴槤味道好夾，鹹香又有榴槤果肉，下層的綠茶配合得好。最後還有榴槤爆谷，大大粒香脆甚濃！

聽咗榴槤bb個大名咁耐， 今日終於有機會來朝聖啦！ 這裏是位於觀塘的中心， 除了有已經處理好的榴槤現場吃之外， 還有很多不同款的榴槤製品！ 製品多元化， 包括有榴槤蛋捲、 貓山王咖啡、貓山王月餅、貓山王爆米花…… 榴槤BB的「榴槤品鑒盤」超級超級正呀一次過嘆足5款頂級馬來西亞榴槤呀！爽呀！仲食到榴槤霸主貓山王架！ 一場來到點可以唔樣樣都試下，除了「榴槤品鑒盤」之外， 呢度啲榴槤飲品都好過癮㗎， 平均四十幾蚊杯裏面仲會有貓山王蓉，真心抵飲！ 而且味道多元化， 估唔到榴槤配焦糖仲鬼死咁夾(≧∇≦) 唔講唔知， 原來馬來西亞是榴槤大國， 致力種植 更多不同口味的榴槤 ， 並且以折技法已經成功栽培出超過200多種不同口味的榴槤 ，亦以盛產貓山王名揚四海！其中這款名種是採用原栽種法，沒經過折技， 保持了原有的風味和味道。所以口感略為清甜， 只會散發出淡淡的榴槤芬芳。 而這款之所以稱之為長柄， 就是因為榴槤果身比較長而窄， 色澤深潤較實在， 味道亦都較為濃郁。 而這款金包據說就是現時最深受少女們歡迎的一個品種， 因為他甜而不膩的味道深得少女們所喜愛， 不過可能我已經不再是少女的關係， 我竟然吃

知道榴槤bb的人都知道榴槤bb是一年四季都會空運榴槤來港所以榴槤控是一年四季都有得吃而我不知道的是，他開了個門巿！在觀塘工廠區，算是很方便，我來過這邊吃私房菜一出電梯就嗅到強烈的榴槤香啊！(照片是我走的時候拍，因為已經是關時間，所以關了門)一進去就看到這個水吧位置還有挺多副產品可以購買呢這次朋友來是帶我試試這個榴槤品鑒盤有5種珍貴的馬拉榴槤由上至下，清淡到濃味可以帶回家中慢慢嘆這次我當然是即買即吃啦！我發現我偏嗜清淡味道品鑒盤我沒記錯是每天有限定的呢！飲品我們都選了"一舊貓山王跌落奶"wow...這個真的是榴槤控必選呀超好喝，在街上有的話我也會買來飲甜度適中，貓山王的濃度加上奶就變得剛好了！這個零食爆谷我覺得有點偏甜，如果減低告度就完美了！

如果喜歡吃榴槤嘅朋友，你將會喜歡上這裡，如果要食榴槤，除了買回家吃，或到某些有賣榴槤嘅甜品店品嘗外，我估都沒有什麼好地方，但這裡除了可以座下慢慢食之外，佢嘅榴槤品種還有不同選擇，同有最頂級嘅貓山王吃，位置就行遠少少，但唔緊要，最緊要有心中最愛！一出升降機就已經榴槤香撲鼻，行入去就見到不同種類嘅榴槤食品，而最吸引我係份榴槤品鑑盤以嘗鮮價$150，以呢個價錢可以一次品嘗五種不同口味，當中必有嘅貓山王吃，事不宜遲，而味道就係由淡到濃味，其實他們亦好細心地排好，而因為當中會有按季節情況而並不是每五件都係想同，先由名種開始，肉質較實，但入口鮮甜，跟住就係件長柄，外貌同個名字相似，它比其他的榴槤肉較長身，入口軟滑都好鮮甜，再來就係件金包，暫時最甜嘅一種，口感十分幼滑，正！接住就係件D24，肉質柔軟帶點酒香，十分嘢未!最後就係榴槤中嘅極品貓山王，肉厚核細，入口時帶點苦，但好快就分到這並不是苦，是甘，慢慢從口中回盪出來，而個種入口即溶嘅感覺超正！除此之外還賣了筒榴槤炮谷回家同家人一齊分享一下，這裡除了可以座下品嘗新鮮榴槤食外，還有以榴槤製成嘅特色飲品，個人就點了一舊貓山王跌落奶$58，超濃郁嘅榴槤味配

我都喜歡吃榴槤，但遠不及母親對榴槤的喜愛。佢聽講觀塘有間專食榴槤嘅店，就叫我帶佢去試吓!榴槤品鑒盤$150可以一次試五款頂級嘅馬來西亞榴槤，真係非常正。職員仲俾母親自己挑。馬來西亞的頂級品種都是等其自然熟透後自己掉下來的。榴槤品鑒盤順序為：名種、長柄D158、金包D13、山頂XO D24、貓山王D197  由清淡食到濃郁的貓山王 。其實名種已經比一般榴槤香濃，再到金包更上一層樓的甜。貓山王D197 口感是略苦、甘甜。一嚿貓山王跌落奶 $58 一嚿貓山王跌落奶  用足料，一杯足足用了60g的榴槤蓉和40g的貓山王，所以沖充滿榴槤香。加上奶後，又香濃、幼滑，味道比我想像中的更好味!榴槤飛碟 $48最後我哋仲點左一個榴槤飛碟。即叫即整，估唔到點一點貓山王榴槤蓉薄餅，整體鹹鹹、甜甜的好夾。母親本想買一隻金包榴槤，但暫時只有榴槤品鑒盤!最後仲買咗榴槤爆谷、榴槤脆脆同榴槤蛋捲試吓!估唔到榴槤爆谷都可以好重榴槤味!!!母親好滿足，食完要Encore ! 

之前去榴槤BB食過榴槤放題，一直念念不忘，好彩依家再去都可以食到「榴槤品鑒盤」 一次過由淡味到濃味品嚐5款不同品種嘅榴槤😍，榴槤包括：名種、長柄 D158、金包 D、山頂XO D24、貓山王 D197。每粒味道都有點不同，甘香與有creamy程度都有分別，可以一次過食到五種靚榴槤，令人覺得好幸福！ 食完口渴，叫左杯：一嚿貓山王跌落奶  有大粒榴槤蓉，好濃郁，一邊飲一邊食到一絲絲榴槤肉，好滿足！  見到仲有好多榴槤產品，下次再來要買多啲試下。 今次試下榴槤脆脆像風乾了的原粒榴槤，香脆又充滿榴槤味，個人覺得好食過傳統榴槤乾！值得再食～～～

海豚BB：「媽媽！呢D係咩來架？」媽媽：係「#榴槤」啊~好好味架 (大個再比你食，今次媽媽要食曬先)我食左「榴槤品鑒盤」($150) ，一次過可以品嚐5款不同品種嘅榴槤，榴槤控一定要試！榴槤包括：名種、長柄 D158、金包 D13、山頂XO D24、貓山王 D197，每一粒都齒頰留香，由淡味到濃味品嚐，完全被多種榴槤口感、層次和味道刺激味蕾。再配合特別嘅榴槤飲品：我要了：金包芝士雲頂紅茶~咸咸的芝士加上濃郁的金包榴槤，再配合清新的茶香，真係難以形容嘅享受。依家成日心思思想再來食。仲有好多榴槤產品賣：地址：榴槤BB 觀塘總店(逢星期二休息)觀塘 敬業街 65-67 號 敬運工業大廈 2 樓 B 室辦公時間：星期一、星期三至星期日12:00-19:00