榴槤BB (Closed)

中秋節將到！而屋企人都中意食榴連，之前見到durian B.B.com口啤唔錯，所以就試下佢地新推出既榴連月餅，佢有2款：水晶同冰皮月餅！本來想試下水晶月餅，可惜到買個陣已賣晒！問左唔會再有貨，所以就拿拿林用早鳥既優惠價買左1盒4個裝既冰皮月餅同4個細裝既榴連蓉！今日上到去店員都招呼週到，很快就幫到我pack 好左我要買既貨品，仲附送埋個靚靚既保凍袋及冰包，自取仲送多盒榴連味爆谷，個冰皮月餅真係充滿晒濃厚既貓山王榴連蓉，真係超正！一試難忘

完全係為左榴槤而嚟，完全可以滿足咗榴槤fans既胃口，未入到去已經聞到濃濃榴槤香味，正！😍聽講餐廳有時候會舉行榴槤放題，任食唔同類型種類嘅榴槤，我就未試過啦，今次係普通放假日子呢咁，去到嘅時候大概2點可能時間仲早，未算太多人，現場應該有20張枱左右，後尾陸續多人坐滿場。買咗貓山王跌落奶同埋榴槤珍珠奶茶，勁香榴槤味，尤其是貓山王跌落奶，個名得意之餘重點係佢真係勁多榴槤喺個面頭，飲落去啖啖榴槤肉超好味，好夾！😋仲要可以一次過食均唔同濃味既榴槤，唔係檔槤專家既我都唔太識分邊款打邊款，好彩有哂label，職員又教我地由淺食到濃味，最好味當然係貓山王😍😍😍😋題外話食哂盒檔槤加食埋杯野食其實有少少流，仲要我地其實兩個人share，但檔槤迷值得一試，好好味👍👍貼心到仲有準備埋透明手套同濕紙巾～

喺門口已經聞到陣陣榴槤味🤤榴槤迷一定唔可以錯過!快d嚟試下啦叫左兩杯嘢飲🤤兩杯嘅份量都好多!仲有榴槤蓉!(左)一舊貓山王跌落奶 - $48飲落去個感覺好match，清甜，啖啖榴槤蓉，越飲越飽😂不過好滿足呀!(右)貓山王芝士雲頂綠茶 - $38店員建議先飲奶蓋部份，再拌匀。對比左邊嗰杯，呢杯綠茶味較重，如果喜歡茶味濃d嘅朋友可以試下。另外值得一讚嘅地方係店內環境舒適，每一張枱都放置紙巾畀客人，好貼心呀👍🏻👍🏻👍🏻

又一榴槤fans 樂園，今次嚟到觀塘工廈。觀塘工廈一早就知道多好嘢食，估唔到榴槤都殺到入嚟。一岀𨋢已經好大陣榴槤香氣。近年好流行奶蓋茶，為食妹由香港飲到番深圳。不過最令我難忘既一定係呢杯貓山王奶蓋雲頂炭燒烏龍茶。先講茶底，茶味香濃，就算有重榴槤味嘅奶蓋亦未會完全掩蓋。再講奶蓋，厚身之餘亦夠滑溜，重點係加入了貓山王打起，再加入新鮮果肉。為食妹一啖接一啖，十秒飲完。新鮮果肉永遠係最愛，一盒榴槤果肉$148 ，特別之處喺一盒包括了5款不同品種的榴槤。由淡身的長柄至最香濃的貓山王，都可以喺一盒內試到。細心嘅榴槤bb 仲為你準備手套及濕紙巾。

作為榴槤愛好者，觀塘開咗一間以榴槤為主題嘅咖啡店，一定要去光顧下同參觀下。今次試左個$148 榴槤品鑒盤令我可以一次過品嚐到 5 種珍貴馬來西亞榴槤。呢個拼盤最好一人一盒，因為你絕對食得矖。今次5 種榴槤品種組合方面，主要是 D197 老樹貓山王、D24 山頂 XO、D13 金包,888純種老樹和名鍾。真心講，有一啲榴槤分量就比較少，而且可能要視乎呢個成熟程度，所以我呢一盤有一半係好好食，有一半就有啲失望。所以大家揀呢個榴槤品鑒盤嘅時候絕對係要用金睛火眼去揀一盤最適合自己嘅。不過如果超市用$200買一個金枕頭榴槤好似比較抵食同盡興。

小秘書 真係好鍾意食榴蓮㗎❤️ 早幾日又忍唔住跟一樣喜愛榴蓮嘅朋友仔去「榴蓮BB」試吓佢哋新出嘅「榴槤品鑒盤」🤗 本來我同朋友仔約好喺apm一齊行過去，點知烏龍嘅佢繼轉錯車再遊一輪🚇地鐵河，搞到遲大到🤨 小秘書 唯有上去先，成個傻婆咁一個人喺「榴蓮BB」度行來行去、同大大小小嘅榴蓮selfie 吓！🤣⏱等等等... 好嘢！終於人齊，可以開餐lu！要花$148買五件特別版嘅榴蓮雖然就肉痛啲，不過就真係好好食囉👍🏻 而 #小秘書 就最欣賞「十三半」獨特嘅甜味同口感，可惜限定分得一粒，仲要share咗啲比啲朋友仔😕實在唔係幾夠喉👉🏻👈🏻 如果 Durianbb.com 榴槤 BB 可以邀請我哋去做試食特工就發達喇✌🏻

夏日炎炎，正是榴槤當做的日子響網上就見到有榴槤BB宣傳活動！呢度可以以一個價錢食到五種榴槤，就梗係吸引到我去食啦！店內分為Cafe、不同價錢的榴槤專區及進食區！地方很大我們大約一點鐘到達現場，人流不算多，我們周圍看看，見到雪櫃仍有很多盒榴槤，便以為可以慢慢才決定！單支，原來原來原來那些榴槤已被人預訂了$145那些是完全賣光了...........這一款是來自馬來西亞的更只餘下一盒！當然，我們立即要了它吧！價錢$298一盒！因為怕忘記了每一種榴槤的味道，我們把不同味道的留了寫了以下的味道：現場買一個黑刺需要＄600或以上，但個人喜歡清刺的味道！不過同行友人的味道卻覺得黑刺是非常好吃榴槤果然是不同人喜歡不同口味！回家後，我都仔細了解了不同的榴槤價錢，在榴槤BB購買的榴槤價錢是貴一點的！要留意呀

夏天除左食西瓜，其實我都好中意食榴槤🤣雖然成日都俾人話佢好臭，但真係好好食😋同朋友都係榴槤控，見到有幾多人介紹，就去試下😈👉🏿✨一嚿貓山王跌落奶 Hkd 48 💸📌以榴槤奶昔黎講，真係幾濃郁喎！唔似其他用榴槤粉黎開，呢個真係見住佢落榴槤蓉，而且入口仲食到一絲絲榴槤肉，真係好正架！☺️👉🏿✨貓山王焦糖脆奶茶 Hkd 38 💸📌上面個層焦糖真係好邪惡！開頭都會覺得會唔會唔夾，但出奇地一啲都唔奇怪呢！👍🏿榴槤味其實唔算好重，反而係一絲絲咁出啲味道，所以唔怕一黎就好重口味啦！👉🏿✨貓山王芝士雲頂炭燒烏龍茶 Hkd 38💸📌一人一杯岩岩好🤣呢個可以話係我最愛既一杯！有小小似台式飲品😍奶蓋入面帶有貓山王既果肉，我覺得係最濃郁既一個，好飲走之前仲見到佢有個榴槤盤～價錢不太貴👉🏿✨榴槤品鑒盤 Hkd 148 💸📌有成5舊唔同級別既榴槤，職員話要由最淺味道食，最後先係食貓王😈個人就最愛金包同貓山王，兩款味道最濃厚，仲帶有小小甘香同酒味，過晒鋪榴槤癮啦今次！😆

今日心思思想食榴槤，又喺Facebook見到有人介紹，所以山長水遠都要走入觀塘試下呢間「榴槤bb」。一出Lift 門，已經聞到好大陣好香嘅榴槤味行到入去都已經有好多人喺到食緊。- 一舊貓山王跌落奶：其實係貓山王榴槤奶昔，見到店員都毫不吝嗇落左好多榴槤蓉落去。不過飲落唔太夠榴槤味，反而奶味相對重啲，有少少失望杯奶昔止唔到榴槤癮，所以就去買左個榴槤鑑賞盒（$118）可以一次過試哂5款榴槤，絕對令身為榴槤粉絲嘅我十分興奮！店員教要由紅肉開始食到貓山王。試哂五款之後我自己就比較中意食D24啦，質感無十三半、金包咁軟身，味道亦都好濃厚，入口苦苦地，不過耐少少口腔就會散發甘甜嘅味道。貓山王當然喺榴槤中嘅極品，我覺得就咁食比加落奶昔到飲味道更好！聽講呢到前排先舉辦左個榴槤放題，有機會都要約班Friend嚟試下先！

無意間係fb見到呢間新既榴槤BB😍一見到已經好想去試，終於有日行開果頭，衝左上去。一出lift，已經聞到好勁既榴槤味🤤不過入到裡面反而淡左好多-裡面有好多位比你坐係到等野飲/食野，要留意一樣野，佢全部都即整，等候時間好長，唔可以同貢茶果d比，我地等左超過15分鐘先等到。-我想叫芝士烏龍茶，點知冇哂，好可惜唯有叫貓山王焦糖脆炭燒烏龍茶。貓山王焦糖脆炭燒烏龍茶等左咁耐值得既‼️ 入口係絲絲既貓山王肉，榴槤味好香濃，焦糖甜味適中，配埋榴槤蓉，甜美甘香。成杯野好濃稠，飲完已經好飽-佢即場仲有一盆盆既榴槤食，5款唔同既榴槤，百幾蚊就滿足到想試唔同口味既慾望-新開既店，人唔多，相信榴槤愛好者好快就會注意到呢間野。10個讚

1. 一舊貓山王跌落奶（＄48)真係一試難忘，而家D靚榴蓮愈黎愈貴，彤媽都好少買，但一飲一啖一舊貓山王跌落奶，就好似食左真榴蓮咁😍😍😍完全係真榴蓮嘅味道，只係口感係流質😂簡直一試愛上😋彤樂評分：10/102. 貓山王芝士雲頂炭燒烏龍茶（＄38)🧀☕頂嘅芝士雲頂🧀好有榴蓮味，仲有埋真榴蓮果肉，好香濃又細滑👏🏻下面烏龍茶好清又回甘，不過兩者mix唔埋，有D失色🙈最後先可以飲到兩者混合嘅味道彤樂評分：8/103. 貓山王芝士雲頂綠茶（＄38)🧀🍵貓山王芝士雲頂同樣出色，但相較前者嘅茶味更突出🤤超出我期望👍🏻👍🏻👍🏻彤樂評分：8.5/10

我最愛食😋😋而且係觀塘點唔去食番餐榴槤呀～“榴槤BB”剛推出新優惠$148一份有五種口味的榴槤拼盤，嘿嘿😁😁味道由淺入濃，由輕到重口味😆😆店員說先由D101紅肉開始食起，由淡味開始食到最濃味，最後一口先嚐榴槤之王D197“猫山王。1號佳麗~#D101#紅肉#redflesh 果肉金黃，身型小巧，甜度清香，感覺又如初認識的朋友有點陌生，新奇有趣。2號佳麗~#十三半 特別隆重登場，果肉比紅肉更細緻，味道香濃，好creamy同開始味帶回甘。3號佳麗~#D13 #金包#goldenbun 甜度更濃，香口幼滑， 奶油味也重。4號佳麗~#D24 #山頂XO 又稱#XO , 外型肥大，肉質柔軟，味濃帶酒香味，但我強烈感覺似咖啡味多一點，較為乾身，名氣僅次於貓山王。5號佳麗~#D197#貓山王 #musangking , 入口即溶， 肉質香濃，香氣刺鼻，慢慢散發回甘果香味，好層次感，回味無窮😋😋😋😋5位佳麗一次性陪我過仲坐埋同一張枱，集合5種不同榴槤味在口腔內徘徊#回甘，超過10分鐘左右，香，甜，甘，苦，樣樣齊全， 簡直係食榴槤界最高享受🤤🤤

話說我全家都係榴槤精，繼上一次試食另一間既榴槤芝士蛋糕後，真係食開有條路，俾妹妹睇到FACEBOOK有介紹榴槤品鑒盤，可以一次過試晒5款馬來西亞榴槤。咁啱正值母親節，孝順的妹妹訂咗四盒開心吓。 榴槤品鑒盤入面總共有五個品種，分別係D197貓山王、D24山頂XO、D13金包、D2夢中情人、D101紅肉。以下就係我心目中既排名NO 5 . D2夢中情人色澤偏淡，甜度都係咁多款入面最低，口感軟身NO 4 . D24山頂XO色澤偏黃，口感較實身NO 3 . D13金包色澤偏黃，口感較實身NO 2 . D101紅肉色澤金黃，口感一般，甜度咁多款入面最高NO 1 . D197貓山王色澤金黃，口感軟身，甜度高 大家可以做返個參考，如果你同我一樣都係鍾意甜度夠高的榴槤，可以㨂D101紅肉同D197貓山王。不過如果同我口味啱啱相反既，就可能㨂D2夢中情人／D24山頂XO／D13金包好啲，因為口味都因人而異，淨係我屋企一家四口，就已經分咗兩個榴槤口味派別。 總括黎講，好推薦榴槤精黎試吓，一次個滿足你5個願望！