東海薈 · 拉斐特 (青衣城1)

Open Now

Now Closed

今日搞下呢樣果樣都已經下午茶時間。呢間酒樓第一次黎飲茶。都有d 特別既野試。茶壺好精緻，每張枱都有假花點綴。茶壺比較細，要沖多幾次水。叫左一個潮洲既炸餃，睇中文唔知係乜野，但睇英文就會知佢似甜品，因為有花生同椰絲。一上枱食就好好味，最後一隻臨尾食就覺得油。呢隻係$18既餃，d 蝦有蝦膏味好正。但d 皮就淋淋的，無左咬口。燒鴨米係我至愛既啖啖肉。米粉爽口，浸耐d 湯都唔會變成糊狀。再加一碟豬腳食下，彈牙得黎唔會咬唔開，係我至愛既口感。

行過呢間舖好多次，覺得裝修亮麗，但冇非吃不可嘅衝動。今天屋企嘅老友記指定要試呢間嘅下午茶，我就一點九去攞飛等位。去到已經有十幾個人係前面，幾熱鬧吓!接待姐姐搭正2點放人入去，做嘢好有效率，7分鐘左右就可以坐低開茶。呢度環境幾舒服，枱與枱之間有足夠距離，唔會太擠迫，有空間感! 佢仲有一大片玻璃窗，睇到藍天海景!點心紙一版睇哂，但都有齊基本點心: 燒賣、义燒飽、牛肉、腸粉 ……，咁就叫住呢幾樣食吓先啦! 下午茶時段，茶錢同點心都係優惠價，仲有幾款特價炒粉麵飯揀，58蚊起!因為2點先食嘢，大家超肚餓，風捲雲湧咁掃哂枱面嘅點心，點心夠熱，味道一般; 炒飯就有剩，尚有進步空間，飯炒得唔透，搞到噚日連嗰位無飯不歡嘅老友記,食完一碗後都冇再叫添飯! 飲茶點可以唔食甜品就埋單呀?! 我地叫咗個馬拉糕，出奇地好味喎，淡淡蔗糖味，鬆軟唔痴牙! 加番分! 燒賣

在6月頭，我們一行四個好姊妹，為其中一位6月壽星女好姊妹慶祝生日！ 我建議走到青衣城的 <東海薈 • 拉斐特>，並可用埋手上的優惠券！好讓大家慳番啲啦！可是，當時我依然咳得嚴重，感到很抱歉！ 這裡星期六晚上7:00 已經好 full！ 設計優雅舒適，我預先訂枱，我們被安排到靠牆的四人圓桌！供應多元化美食！茗茶 $13/位小食 $18白飯 $12豉汁帶子蒸豆腐 $148帶子蒸豆腐較健康，最適合當時咳得嚴重的我，所以，她們讓我食多一件呢！多謝大家的體諒！帶子火候恰到好處，蒸豆腐滑不留口，豉汁完全提升整體口味！橙香排骨 $88賣相一般，這道橙香排骨是糖醋排骨的變奏版，有異曲同工之妙， 酸甜有致！外層香脆入味， 卻是排骨偏瘦少肉！濃湯雲吞時蔬 $108滿載雲吞及小白菜，湯底鮮美，是清一清味蕾的時候！ 雲吞飽滿富肉鮮美多汁，水準不錯！花膠瑤柱羹 (例) $228花膠含豐富骨膠原，真是女人恩物！我建議點這道湯羹，相信大家都無異議吧！ 除了花膠之外，配料還有瑤柱、肉絲、冬菇...等，落足料！調味合大家胃口！ 原個蛋黃壽桃包 $22壽桃包好巨型，斤兩十足，原粒鹹蛋黃油潤甘香，整體清甜不

剛剛開業的時候,真的特別喜歡去東海這家茶樓.位置之間的空隙大,又光亮,重點有很多食物系外面無的.賣相好之餘又好吃!可惜現在越做越隨意.餐紙由3版變成1版,食物起碼少了一半.主要都系做節日套餐生意.小籠包好多汁,趁熱最好吃.皮都算薄,肉分量也剛剛好.不過不失,詞窮.............好好吃,有芥末的香味,不嗆鼻,而且好鬆脆,味道真系同海鮮配合的好好!👍沙爹味道好重,過癮,不過肉就會攝牙.韭菜味,點多D醬先好吃,皮超薄!每次必點,炸兩好脆,蝦米好香,加上滑滑腸粉包住,點埋2種醬,😋正!叉燒包,好綿,但系餡太甜.總結:好掛住以前那些特色點心,真的很不錯吃.賣相又好看!以前一定系笑笑臉,現在就一般般.

一大清早，被女人牽著鼻子，扭著耳仔，錫住嘴嘴走了去青衣飲茶，倘大的青衣，幾乎每一層都有茶樓，地下有稻香，1樓有東海薈拉斐特，3樓有聯邦皇宮和樂天皇朝，2樓呢?2樓是沒有的，所以我說的是"幾乎"。一看名字，東海薈(點)拉斐特這個名字有夠意思，即時心裡心裡有個謎，究竟是東海集團與拉斐特聯營的一間餐廳?還是東海集團為拉斐特婚宴宣傳?還是突顯這是一間專辦婚宴的酒樓?我當然不得而知，如果知道的朋友，可以打電視螢光幕下這個電話1888 1888(100條線)，我們有專人接聽你的電話。打開大Menu，應該是印刷費貴的關係吧，點心只有寥寥一張，我快速圈完，就到女人圈，每人選三樣是我們的慣例，就像當年劉邦與世人約法三章一樣，只是在這裡找侍應是有點困難的，我左拗腰一轉，看不見有侍應，我右拗腰一轉，又看不見侍應，拗多幾次，我應該就能夠像驅魔人一樣360度不停轉，不停轉，不停轉，直到他們看到我為止，阿門...古法馬拉糕$21：正所謂："唔食馬拉糕，你阿媽就會生鬍鬚"，即刻又叫碟古法馬拉糕，不知道是否臨海環境影響到心情，發現這裡的馬拉糕是比較好吃，起初以為成舊上，可惜只是其中一半，有再想叫多一碟的衝動。 蠔皇鮮

話說每個星期都會同外父外母飲下茶食個包, 之前去開都不外乎荃灣青衣兩個地方, 東海薈係其中一個checklist但係一直都因為無得預約既問題所以冇食到。今次母親節, 外父大人特意早起九點幾已經到左拎籌等位, 因為逢星期日都係超級爆多人, 所以今日食午餐提早變左飲早茶。雖然等位係唔算好方便, 但係野食水準都唔錯, 座位都好寬落同埋光猛, 好適合一家大細出黎食, 當然服務上唔夠人手一路都係青衣各大酒樓既問題。主力介紹下佢地個點心推介, 可以話全部都好食都值得叫, 芝士焗雞粒盞都好適合我呢個芝士人食, 大部分點心可以以「精緻」黎形容。

今日係母親節，特登黎呢間聽聞點心好好食嘅酒樓試下，因為見識過午市時間有幾難等位，所以就諗住早D飲個早茶，但冇諗到9點到都要等30分鐘先入到去。因為仲係早市，所以有特價飯食，所以就叫左個鳳爪排骨飯。排骨唔係好肥，唔錯。彩蔬水晶蝦球，個皮唔係好厚，係水晶包嘅口感，外表幾靚，入面嘅蔬菜幾爽，餡料飽滿，幾好食。香脆海鮮卷，個皮其實係腐皮，入面有蝦、蟹柳同翠玉瓜，外皮香脆，味道唔錯，但上枱時已經涼左，扣左分。(左)芝士焗雞粒盞，細細件，入面係白汁雞粒，普普通通。(右)脆皮竹炭流沙包，外皮脆脆係地似日式菠蘿包咁，入面餡係好流沙，有蛋黃香，好好食。總括而言點心質素唔錯，但周末午市時間要等1-2小時，甚至更耐的話就唔好啦，都係早D黎食啦。

原來東海集團35週年，而家搞緊指定套餐65折優惠，今晚一於成家人來食半圍，試下 東海嘅壽桃包，好出名的，而且有11款菜式 ,我哋七個人，其中一人食齋另叫，叫半席一定夠飽。揀咗臻味宴，半席$1488, 因為我哋七個人，佢半圍係包六個人嘅茶位同加一，我們多出一個人，就只需收多十三蚊一個茶位就ok。爸爸鍾意飲啤酒，另點半打藍妹，佢冇樽裝，得罐裝，冇問價錢，原來超貴，六罐要$228。 可惜晚宴冇包飲品，淨係包茶位同加一，如果可以包六罐飲品的話，咁樣半圍 宴席係咪更加合理又再吸引啲呢？$38 一罐啤酒，似乎唔係好合理喎！ 因為有一位係食齋嘅，點咗齋燒鵝$58, 切開有十塊，裏面嘅餡有蘿蔔木耳等最基本的齋菜，外面的醬油幾好味，口感爽。鴻運乳豬全體，因為係半席，所以要斬開半隻乳豬。 乳豬皮好脆，好爽口，燒得一流，而且冇黑蚊蚊嗰啲燒焦，仲有啖啖肉喎，唔係得塊皮，推薦乳豬！上湯焗龍蝦伊麵， 伊麵比較淋，同埋好淡，份量少d, 上湯煮過都係冇乜味道，灑咗啲蔥花，食到葱香，龍蝦走過油脆脆哋，肉質爽口新鮮，不過味道都真係淡啲，呢度菜一般啦。鮮百合螺片蘭花蚌， 清淡的菜式，幾好味，因為蘭花蚌淡淡地，但係滑嘟嘟，有

呢間拉斐特…特別衰格！由其是做receptionists嗰幾個女仔全部一律手法，即使有空枱都唔派俾輪飛嘅客人！裡面有熟客、自己人即俾枱先！佢地可以 53分鐘內，無論A,B,D,D飛，都可以一張枱都唔派俾輪飛客！我嚟呢間拉斐特四次，三次見到都係因為輪候問題而嗌交！最好笑係啲客見到個經理小姐帶個冇嗌飛嘅入座，問佢點解？佢答個客話係booking嘅！大姐呀！你地講明公眾假期同埋星期日冇得book位㗎！即係蛇鼠一窩！！

唔知點解媽咪好鍾意去東海薈成日約朋友去飲茶食飯清明節公眾假期約咗親戚去東海薈飲茶好彩事先book咗位如果唔係11點幾落去都要等成五十幾張枱雖然訂咗位都要等一陣但係好快就入到去公眾假期茶錢一位已經收$13果然係走高檔路線六個人嘅茶錢已經去咗成$70咁就試咗幾個點心1) 豬腳薑一碗入邊竟然會有三隻雞蛋 都夠姜反而豬腳就唔係好多舊雞蛋煮嘅時間唔夠耐所以就唔係好入味但係薑味都夠嘅2) 燒味拼盤有鴨胸 海蜇 燒腩仔 叉燒 豬頸肉鴨胸同朱頸肉應該唔係自己整所以水準都正正常常叉燒就有啲過濃燒腩仔個皮唔係太脆但係都幾好食3) 炸魷魚鬚都幾大碟好香口 調味幾好唔會過咸4) 金錢肚都係正正常常一般酒樓水準5) 燕麥糕最健康係呢一個點心 有咬口甜甜地都幾好食6) 蛋散佢個糖漿係柚子蜜所以酸酸地幾特別 都幾好食7) 仲有個炒飯唔記得左叫乜嘢名炒得好乾身一啲都唔油而且配料好多 有蝦 魚 蛋等等比預期中水準高好多可能因為講用假期比較多人 樓面唔係太夠而且飲到一半連茶壺都話冇問啲姐姐要滾水 佢就話冇茶壺冇滾水所以我哋一台人要share兩個茶壺 遞黎遞去 有啲唔方便整體來講東海薈係一間水準算高嘅酒樓不過係價錢收得有啲

今日係公公嘅80大壽， 屋企人特別為佢喺東海薈訂咗一圍壽酒，適逢東海飲食集團三十六週年，各款壽宴套餐，均由經驗豐富既廚師團隊精心設計，用料上乘，匯聚多款大受歡迎既招牌菜式，我地揀咗個【福壽年年宴】，每圍都只係五千零蚊，就有原隻鮑魚又翅又杉虎斑， 認真超值。首先嚟嘅係鴻運金豬全體，呢隻乳豬皮下脂肪唔多，每一塊皮嘅底下都有肉食，皮連肉一齊食係我最鍾意嘅乳豬狀態，一口咬下，豬皮香脆得嚟唔會太鹹，肉質仍然可以保持住嫩滑多汁，除咗因為大廚掌握好燒烤既火候同埋時間之外，原來仲選用咗飼養大約 40日既乳豬燒製而成，點埋個甜甜地嘅乳豬醬就達致最高境界喇。翡翠炒花枝蝦仁，蝦仁數量極多，大大隻每人食一嚿都仲有剩，花枝口感煙韌，夾埋底下超甜嘅蜜糖豆一齊食，好味。乾貝野菌扒時蔬，呢個清清哋嘅三少之選，由靈芝菇，金菇，雲耳，白菜同乾瑤柱煮成，個味道清清地，帶出瑤柱嘅香味，實屬唔係成日有菜食嘅城市人嘅福音，如果個獻少啲相信會更加好。百花炸釀蟹鉗，蟹鉗炸得極之酥脆，外層嘅炸漿又唔會太厚，咬落啖啖都咯咯聲，蟹鉗嘅入面係新鮮嘅蟹肉，每一啖都係食得出嘅鮮味；蘸一蘸甜酸醬食，更加醒胃。紅燒竹笙蟹肉翅，蟹肉翅相當足料，真係有

The East Ocean Gourmet group is famous for their big peachy longevity buns stuffed with big Vietnamese egg yolks oozing with golden oil.They recently gave out 888 of these longevity buns at TsingYi to spread their love.I was also in the area attending someone's birthday which of course had these gourmet longevity buns!!It started off with the crispy suckling pig which was tender and tasty.Next were the squid slices, springy prawns and sugar snap peas which were glistening and appetizing.The vege

孔子曾言：「三十而立，四十而不惑，五十知天命，六十而耳順，七十而從心所慾，不踰矩。」 人生短短數十年，人到中年，每逄生日，總想與親朋好友共聚，把酒言歡，共享佳餚，細說生活瑣事。小妹，與友人，仍然年輕。「壽宴」這等場合，我輩只是座上客而矣﹗這夜，相聚「東海薈」，齊賀某君的六十大壽。 百無聊賴，細看宣傳單張。這個設計cute、充滿喜慶的「百日宴/開心生日派對」，應該更加適合我們參與的﹗ 適逢「東海36週年慶典」，預訂餐飲，餐廳提供低至65折的優惠。復活節期間，東海更會特派《福滿小隊》於青衣城免費派發888個壽桃包，與大家分享無限的「福」氣。可惜，小妹要外出度假，否則，必定扶老攜幼，去青衣城「接福」。 稍等片刻，十道菜的壽宴正式開始了﹗ 金黃色脆的鴻運金豬全體，選用出生大概約四十天的乳豬，以自家醬料醃製，再燒至外皮酥脆香口，內層則是肉質纖維幼細的鹹香豬肉。翡翠炒花枝蝦仁，是一道爽脆鮮美的菜式。大廚以嫩綠飽滿且脆口爽甜的甜豆，去香炒口感和鮮味洋溢的花枝和蝦仁。 百花炸釀蟹鉗的做法並不複雜，把已去殼的蟹肉、蝦膠和調味料拌勻作成蟹鉗頭，再沾上蛋漿和麵包粉，下油鍋炸至金黃色。 一口咬下去，炸釀蟹鉗香

筆者自問是個不折不扣的港島人，雖然哥哥住大圍，所以間唔中都會抽空去探望下佢，但青衣卻是一個我絕少會踏足的地方。不過早前有長輩生日，選址於青衣城一樓嘅「東海薈•拉斐特」擺壽宴，身為後輩嘅我，當然要出席，而這晚我地就預訂左一席 $4680，12 位用嘅「福壽年年」壽宴。人齊後馬上開餐，第一道菜係鴻運金豬全體，據說這隻乳豬出生只有約四十天，上桌時色澤紅潤，油光明亮，食落外皮非常香脆可口，肉質肥瘦適中，而且保持嫩滑多汁，足見大廚掌握火候得宜。 接著第二道菜係翡翠炒花枝蝦仁，所謂翡翠其實係蜜糖豆，雖然蜜糖豆屬味淡菜類，但這兒的蜜糖豆，外形飽滿，入口爽脆清甜，味道不俗。至於配搭的花枝和蝦仁，前者口感彈牙、而蝦隻亦爽甜鮮美，食味不俗。第三道菜係乾貝野菌扒時蔬，成品用料好豐富，有瑤柱、鮮冬菇、本菇和白菜仔等，入口惹味又不油膩。接著是一道百花炸釀蟹鉗，蟹鉗 Size 十足，猶如雞髀般大隻，炸至金黃色，賣相討好。入口一試，成品用上大肉蟹鉗，加上包得滿滿的蝦膠，咬落彈牙，連蟹肉一併入口，外脆內嫩，蘸甜酸醬吃，酸香醒胃。緊接是一道紅燒竹笙蟹肉翅，高湯調得厚薄適中，色澤鮮明通透，非常吸引，味道香甜濃郁又唔會濁，

等待新工人姐姐的日子，又是四出搜索美食的時候。難得小孩子乖乖溫習好考試範圍，內子就接我們一起去吃晚飯。今晚去了青衣城，當然要去嘗試期待已久的東海薈 ·拉菲特 。據朋友説，這食店是數一數二的好地方。當晚看到有人舉行百日宴活動，看到主題特色的裝飾，也考慮下一次小孩子生日時開生日派對。很可愛的主題！💕我們點了一個晚飯套餐，只是$298 已經有上湯龍蝦伊麵 ，再有2款菜式；完全是超值之選！單看賣相及份量，已經無可挑剔。加上美味可口、貼心有禮的服務，果然是值得推薦的好食店。