深宵食堂

Open Now

Now Closed

深宵食堂淨係電視睇過～行行下街經過原來有餐廳～一於試吓～一出𨋢就好似去左日本居酒屋咁～好有風味既裝修～主打甲羅燒 $78蟹蓋裝住滿滿輕輕燒過既蟹膏，鋪滿脆卜卜蟹子，軟綿綿蟹肉，「不」一匙放上外脆內軟既多士，豐富既口感，一流既味道☺️小妹串燒必食：厚燒牛舌$38/串，勁爽口鹽燒雞軟骨$28/2串，脆卜卜最鍾意❤️蒜燒茄子$68，軟淋淋茄子加上蒜同多款調味料，另有一番風味仲竟然有八爪魚丸$32～成日睇卡通片見到啲主角大粒大粒放入口所以愛上左🤣 燒得外脆內軟，唔係成舊淋的～good👍🏻

這裏好像經常都坐滿人, 建議來之前先訂座。旺角這間串燒店營業至凌晨2am, 串燒款式多, 即叫即燒, 絕對是和朋友聊天的好地方😎🤘🏻！餐牌上的食品分為好幾個種類, 有燒物 (肉類、蔬菜類)、炸物、一品料理、主食、甜品。肉類方面, 點了鹽燒原條五花腩、雞軟骨。枝豆及炸魷魚 - 下酒一流🍻~ 蟹肉玉子燒 - 適合二人分享, 玉子燒厚厚的, 很嫩, 裏面有蟹肉, 不過蛋味可以再濃一點。芝士翠玉瓜 - 沒想到翠玉瓜和芝士也可以這麼夾, 口感不錯。推薦: 原條粟一燒 - 一整條粟米會切成四件, 粟米很香甜、多汁。推薦: 牛油燒番薯🍠 - 小番薯很甜, 很軟熟, 燒得一點兒也不乾身。

餐廳環境雅緻美觀，清一色以木為主配合柔和燈光，周圍滿是日本風情的佈置和擺設，還播放經典熟悉的日本歌曲，予人濃厚和風居酒屋的感覺。鵝肝什菌石鍋飯大有驚喜，鵝肝比想像中大件厚身，表層微脆，內裡軟滑，油香豐美，更滲入飯中，令整個飯充斥鵝肝香。黑松露炒烏冬甫上枱隨即散發出陣陣香味，黑松露味十分濃厚，醬汁令烏冬很入味，另有不少菇菌夾雜其中，口感不會單調。脆炸日本大腸比一般炸大腸更出色，肉質較煙韌彈牙，而且炸得香口，不會很乾或嚡口。汁燒白鱔很有水準，肉質嫩滑鮮美之餘又帶點爽口，滿有嚼勁，加上濃郁美味的醬汁，非常滋味。蒜片一口和牛粒也不遜色，生熟程度恰到好處，肉質很嫩滑，肉味濃郁又富油香。鹽燒雞軟骨惹味脆口，不會好油或好乾。吉列廣島蠔挺大件，炸得金黃香脆，蠔肉飽滿肥美又多汁。大阪燒舖滿大量木魚，內層夾雜蔬菜海鮮，再加燒汁和沙律醬，惹味飽肚。凍菊花茶入口溫和，解渴又有滋潤感。

新年飯聚特別多，朋友呢日帶我去深宵食堂，食串燒，飲番杯🍻裝修走日式居酒屋風格，值得一讚嘅係佢地嘅店員做嘢好快手，好有禮貌👍🏻Menu清晰易睇，有前菜/甜品/燒物/炸物/一品料理/主食，選擇種類都幾多。☀️蟹子沙律 $58好清新嘅開胃前菜！青瓜絲好多，每條都沾滿沙律醬😋裡面仲有唔少蟹柳！蟹籽份量都好多，食落鹹鮮爽脆。☀️厚燒牛舌 $38必食嘅厚燒牛舌，肉質彈牙唔韌，咬落仲充滿肉汁。☀️鹽燒雞翼 $28雞翼外皮燒到脆卜卜，內裡肉質就保持到嫩滑juicy。☀️鹽燒五花腩 $58肥瘦相間嘅五花腩，肥膏喺燒嘅過程當中已迫出多餘油份，食落油脂甘香，唔覺肥膩。☀️大阪燒 $42大阪燒醬汁酸甜開胃，入面仲好足料，食到有彈牙魷魚😋☀️炸蟹餅 $32即叫即炸，新鮮滾熱辣上枱嘅炸蟹餅，外皮脆卜卜，乾身唔油膩，入面嘅蟹肉忌廉好creamy。☀️芝士蟹肉咖啡菇 $48面頭大量半溶芝士，好惹味，蟹肉鮮味，大啡菇嫩嫩juicy。☀️豚肉生姜飯 $48睇落細細碗，實則份量都唔少！☀️黑松露炒烏冬 $58炒烏冬有鑊氣！配埋黑松露醬，好好味！好快就俾我同朋友掃晒。☀️冰燒菠蘿 $38外層燒至微微焦香，入面依然係冰菠蘿，食落幾特別，菠蘿鮮甜多

臨近新年同屋企人辦年貨，行吓買吓都成9點幾，太夜唔想食太飽，見到呢間深宵食堂，日式主食小食都有，就去Try try嘞。【巨峰提子梳打$38】大大杯凍飲，啱晒行到「興合合」嘅我哋，稍為唔夠甜。【和風牛肉餅$32】即係日本熱門小食牛肉可麗餅，外皮香脆再加軟滑薯蓉牛肉粒，不錯。【炸魷魚$58】魷魚熱辣辣，爽彈惹味。【葡萄豚肉串$38】【煙肉荔枝卷$38】兩款都係肉類包住水果嘅串燒，一咬落去先係燒到好香嘅肉，然後就到Juicy嘅水果。鹹味甜味都幾夾，水果減低膩感又唔會蓋過肉味。必點之選。【甲羅燒$78】蟹殼裝住一堆蟹膏同蟹籽，用嚟搽烘過嘅麵包嚟食，香脆可口。【鹽燒雞翼$28】雞翼皮燒到金黃香脆，雞肉嫩滑。【芝士蟹肉大啡菇$48】多汁大啡菇上面加咗唔少蟹肉，再加芝士焗，味道豐富。【原條粟一燒$48】粟米都幾甜多汁，不過稍為燒得唔夠火喉，多少少香燒味就好。【黑松露炒鳥冬$58】除咗黑松露仲有雜菇，烏冬煙韌，睇落唔大碟但食落都幾飽。

約咗個朋友傾傾旅行嘢，邊食邊傾，就番佢選址晌旺角區，同埋老友鍾意食日本嘢，搵咗一輪，就揀咗「深宵食堂」。一來見佢風評幾好，二來曾經幫襯過，雖然已喺2014年銅鑼灣店嘅事，但印象唔錯喺會有啲加分。跟銅鑼灣店一樣，餐廳位處商廈，一出電梯就喺餐廳環境，以「食堂」為名，總有種小店嘅感覺。整體環境唔算大，但裝修樸實而幾骨子，淺木色和風系，牆上又貼咗唔少日漫海報，更多添日本風情。雖然未有耐到日本嘅春季，但一室天花掛滿櫻花裝飾，襯以串串日式燈籠，感覺多咗好多春日暖和氣氛。我哋版被安排坐晌近窗口嘅二人枱，叫做多少少街景睇吓。食物嘅選擇就以6張點菜紙為主，類別分為前菜、甜點、炸物、燒品、一品料理及主食，而牆上掛有一小塊黑板，寫住好幾款深宵推介。飲品名單就印晌另一張餐牌上，有啲啤酒、清酒、汽水及特飲。餐廳上菜都幾快手，好在我哋就醒目，唔會一次過落晒單，分段落，尤其食串燒，點可以俾佢攤凍架，當然要襯熱辣食啦，配埋杯凍飲，咁至夠爽。巨峰提子梳打 $38、烏龍茶 $16夠晒大杯，兼隻杯嘅圖案都幾得意。友人揀嘅巨峰，味道OK，但略嫌唔夠「汽」咁，感覺未夠爽；小弟就正氣少少，飲烏龍茶，諗住食串燒，清清啲油膩感啫。櫻

食物幾好食，推介豚肉丼，醃得好好味，名古屋雞翼同腩肉都好食，蟹肉玉子燒反而一般。環境坐得舒服，服務唔錯，多d飲品選擇更好。無影相post 唔到，大大力支持💛

好難得同好姐妹一齊拍更收工，心血來潮一齊去食返個宵夜，傾吓計放鬆下。今次我哋幫襯深宵食堂，講明係宵夜，深宵食堂可以坐到二點，主要係串燒。我地叫左好多野食。燒八爪魚丸，生蒜台灣腸，汁燒雞腎，鹽燒雞軟骨，芝士年糕，炸蟹餅，和風炸雞，蒜片一口和牛粒，黑松露炒烏冬。全部嘢食都係即叫即整所以都係熱辣辣上枱。當中我最推介嘅係蒜片一口和牛粒同炸蟹餅。蒜片一口和牛粒，和牛好軟淋，牛味好足夠，另外佢仲有唔少菇，連啲汁炒埋一齊好好食。炸蟹餅新鮮炸起熱辣辣，入邊好creamy，外面好脆。飲品方面我哋叫咗兩杯汽水，估唔係大大杯，都只係$16。坐喺度傾好耐計慢慢食都飲唔晒杯汽水另外都想提下佢地既裝修，佈滿櫻花🌸，日本傘，充滿日式居酒屋風味，場上仲有啲宮崎俊海報同figure。

是日好日想去食好西，到左油麻地附近，就搵間日式店試試店鋪充滿日式佈置，播放住日文歌同掛油紙傘櫻花做天花睇左一下餐牌 叫左唔少食物燒物必點 雞軟骨+牛舌+蟹肉大菇燒菇唔會一陣野菇味 內有蟹肉和面上的芝士 同大菇好夾食入口蟹肉會爆一爆出黎 口感特別要試下牛舌就夠淋 有夠肥 油脂都多 食完有點罪惡感不過入口的牛香味都幾種下 夠味！雞軟骨夠脆夠熱 面上帶有點雞油食入口又香又美味 即叫即整果然不同和牛餅 外脆內熱 入面不是一塊肉餅而是有點薯蓉和碎牛肉 薯蓉整到有似芋泥般食到薯蓉都幾滑 同時食食下會食到牛味個人都幾中意到主食必點黑松露烏冬來上枱已經聞到香氣 黑松露醬多 菇仔都多烏冬唔算太淋 雖然有少少油 又勝在夠入味咸咸的烏冬再飲下啤酒 真是再適合不過埋單不貴 深宵食堂仲會開到2點 返夜班放工去 跟同事去試下都幾好滿足

今日早咗收工約了朋友去一間日式小食舖頭， 這舖最啱係三五知己食飯吹水嘅地方。 鋪頭環境都唔錯好似去咗日本一樣。我哋就叫咗鵝肝多士， 啲鵝肝口感都唔錯一食落口就即刻溶化反而多士就比較硬， 再來厚切牛舌，味道唔錯牛舌唔會太韌剛剛好， 還有鹽燒雞翼和鯖魚， 啲雞翼一口一嚿唔會太大嚿，而啲鯖魚味道濃沃，再嚟芝士蟹肉咖啡菇和炸薯餅， 啲菇配埋芝士蟹肉一齊吃另有一番特別嘅味道， 而薯餅就當然好脆。 最後還有黑松露炒烏冬和大阪燒當然梗有我最like嘅蒜片一口和牛粒，啲牛肉好嫩而且一口一嚿最啱係飲埋啤酒。 所以下次同朋友吹水這個地方最適合 。

同朋友每月一次嘅飯聚🙃食咩佢話事❣️叫左啲串燒同主菜2份食❣️入正題❣️🔺燒八爪魚丸$32🔺1串有3粒❣️唔會厚粉🙃有唔少八爪魚粒🐙🔺煙肉荔枝卷$38🔺呢個味道幾特別❣️荔枝好甜而煙肉就咸咸哋❣️match埋口感清新啲🤤唔會太油膩👍🏻🔺甲羅燒$78🔺蟹殼下面有一塊烘過嘅方包切開咗4塊❣️成個蟹殼都係滿滿嘅蟹膏🤤仲有啲蟹子👍🏻方包烘得脆❣️蟹膏好正❣️🔺鹽燒雞軟骨$28🔺燒到好脆👍🏻🔺鹽燒雞翼$28🔺1串2隻👍🏻熟得啱啱好味道適中❣️🔺芝士蟹肉大啡菇$48🔺推薦❣️有好多芝士同蟹肉❣️芝士係半熟狀態🤤蟹肉好多👍🏻🔺炸魷魚$58🔺如果係魷魚控唔好錯過❣️好好味🤤有啲似平時Aeon賣緊個隻魷魚酥嘅味道❣️🔺日式炒野菜$48🔺好多木魚絲❣️而且炒得好爽口😍🔺黑松露炒烏冬$58🔺1人份量嘅烏冬✅除此之外有啲菇類一齊炒🤤烏冬上面仲有一大堆黑松露❣️撈勻食好正❣️

Recently, this popular restaurant has opened a new shop in the Mong Kok area, we finally had a chance to try their food again in a closer place. We ordered our favorite skewers and also a bowl of recommended rice to share. the place was packed with people even during a weekday night, it definitely has its reputation. first arrived was the grilled beef tongue, it was perfectly grilled and flavorful. the second skewer then arrived, which was grilled fish, sauce was tasty and delicious. The fish wa

知道男神💜鐘意食串燒🍢收左工之後 當然會帶佢食好野啦之前係旺角行街無意中發現🌟深宵食堂🌟今日就一於試下佢入到去見到佢既裝修好有日本風格好似日本既居酒屋🏮坐低之後我地就急不及待叫野食因為怕食串燒會口乾所以就叫定一杯巨峰提子梳打解渴芥末八爪魚🐙聞落有好強烈既芥末味食落煙韌、有咬口但吾會蓋過八爪魚🐙既鮮美汁燒白鱔一串有4件皮脆 肉質嫩滑燒完都仲可以保持佢既肉汁👍🏻吉列廣島蠔呢個係我地兩個既至愛！睇落好大隻😍炸得香脆又可口配合埋醬汁更突顯蠔既鮮味呢個一定要趁熱食呀☺️甲羅燒個蟹蓋放滿左香濃既蟹膏蟹膏上仲有蟹子做點綴下面仲放左香脆既多士比你有兩種選擇既食法😋個人就比較鐘意就咁食蟹膏🤤🤤黑松露炒烏冬佢地重點在於香濃既黑松露😍😍至於烏冬就彈牙可口而且吾會太油👍🏻鹽燒雞軟骨燒到個皮脆卜卜而且雞肉肉質嫩滑都算合格汁燒雞髀菇佢用自製既醬汁燒醬汁滲入雞髀菇 係吾錯既~~辣酒焗蜆個人認為吾太辣 幾好份量都算多

突然間心郁郁想食日式串燒同埋日式料理，然後就喺網上搵到呢一間日式料理店，見到相入面裝修好靚，所以就上嚟試一試。黎都真係眼前一亮，佈置得好用心，尤其是櫻花嘅裝飾，真係好有日本嘅味道👍🏻《汁燒白鱔》$72燒得唔錯，白鱔好爽口，而且都好Juicy，符合預期👍🏻仲有汁燒雞腎$38同埋鹽燒雞軟骨$38，都幾唔錯！《厚燒牛舌》$38厚燒唔係間間都做得好，但係呢度都唔錯，牛舌食落唔會韌，而且都好夠味又爽。《炸魷魚》$58首先覺得份量有啲少，不過炸得幾脆口，外皮唔算厚。《蒜片一口牛》$68牛肉非常嫩和juicy，不過略嫌蒜味唔係太足夠。《玉子燒》$78玉子燒嘅味道略甜，不過蛋幾厚實，唔會一夾就爛，整體不過不失。

又係去我哋最鐘意食嘅居酒屋，今次去咗位於旺角的深宵食堂晩餐。晩市時段果然多人，好彩我哋早咗。厚燒牛舌（$38）名不虛存，真係好厚身。鹽燒雞翼 （$28）- 雞皮香脆，雞肉嫩滑，沾上檸檬汁更清新。鹽燒秋葵 （$28）- 在秋葵上面加上木魚，口感巨層次。蒜燒茄子（$68）加上很多調味粉，仲有我最喜歡嘅蒜蓉，味道真係超惹味。食完小食都唔夠飽，要嗌返個鰻魚石鍋飯（$98）。鰻魚燒得好靚，配埋甜甜地嘅蒲燒汁仲好味。仲有泡菜為伴碟，辣辣的令人開胃。