潮食街 (Closed)

每一次經過新蒲崗,想涼下冷氣,地點就只有PENTAHOTEL比較好.今日都唔例外,是日4點到達,就叫一些COCKTAIL等朋友黎由於COCKTAIL有7折既關係,迫住叫黎飲叫左杯BERRY CRUSH$62就是MOJITO既莓版,老實說莓味不足,飲落都係檸汁同薄荷葉為主題,酒味比較輕,不太苦,天氣熱飲呢類既COCKTAIL最爽.不過落左莓個賣相又幾靚既等埋朋友黎,故已經飲完,真係灰,所以又叫杯CUBA LIBRE$62就是可樂和RUM既混合,再加上LIME一片.味道就是酸酸地既可樂加上苦苦甜甜既RUM.可以話係成人既可樂,男人既浪漫飲咁多點都要食野,叫左$38 香辣羊肉串燒.羊肉面有孜然粉,加上黑椒,十分開胃.羊肉不算很柔軟,但羊味不淡,起馬食出是是燒出來$32 豬皮羅白魚蛋,羅白已煮到很入味,充滿咖哩上湯之類既咸味,豬皮同樣,但有一點彈牙既口感,魚蛋既魚味也是不錯,質感比較實一點.整體醬汁既香料味和咖哩味是存在,但建議再加強一點.以3X元小食黎講算抵食,畢竟我都未見過酒店有咁平既野BTW可能因為做緊團購關係,我地坐到6點3左右就被服務員告知要離開.但係點解你唔問下我會唔會食A LA

團購自助餐，低食同幾好食。。。準時1830開動，成個場都唔算迫，平日仲要8，9成人食buffet,但大部份團購，食物無話特別主題，即係基本嘢囉，可以叫東南亞美食卦，但味道不錯，先食個紅燒牛肉，un左少少，但味道不錯，仲有rib食，都ok....跟手食下三文魚，八爪魚，三文魚幾鮮甜，好多人攞，但無吞拿魚，可惜。。。接住又食d凍食，長蟹腳，蝦，螺等，算鮮甜，所以又食左兩三rounds, 再o黎食d地道食物，乜重慶雞，伊麵，魚等，一般啦，因為開始飽了，哈哈。。。見到有d煎餃子，牛肉點心，再食多兩三件，又幾好味，好了，i'm stuff，當然仲有d乜咖喱食品，總知buffet基本嘢食都有，但年紀大了，不能樣樣食，無計....其實係個胃留少少位食甜品ma，格仔餅加雪榚，正！另又食左豆腐花，幾滑，仲有一d cake仔，有款朱古力好食，但唔記得乜名，簡單講，呢個團賺價，食品算好了，當然地點肯定唔係好，只係勉強叫近鑽石山mtr,但係都叫新酒店ma，住附近的街坊，可以去馬

不知大家心目中在自助餐的「回本位」是甚麼？說出來亦難以置信，就是比較今晚的即煎鴨肝、即開生蠔、松葉蟹等人氣自助名物，廚師先熬上湯後再加入螺頭、冬菰、瑤柱，再燉的無限refill足料醇厚燉湯，成本不比凍海鮮平宜，對於「湯人」而言喝兩盅已「止蝕」。而同場每次只能做兩底的即製窩夫，供不應求下每件也熱辣辣「脆」味十足，還有驚喜是大廚做來娛興的私伙「菲林卷」，薄滑不油，滿滿芝麻香加上略帶起砂的效果，驚喜得無話可說， Pentahotel Hong Kong, Kowloon 的「潮食街」也真是有趣的地方。

星期六一行6人，同事介紹話buffet值得一試，而且$310包埋加一呢個價錢有生蠔食，新酒店，又近我，所以去試下。先講裝修，舊香港主題又帶modern feel，幾得意，D枱唔逼，坐得幾舒服。D食物種類不算少，起碼樣樣都開正我中意嘅野：凍盤：即開生蠔（師傅話來自愛爾蘭，幾新鮮，唔係好大隻果D，但咁啱我唔中意食好大嘅生蠔，所以幾好，我食咗一打。 不過每次只可拿4隻，要排隊但唔耐）蟹腳（新鮮，有鮮味，我食咗好多）翡翠螺（已經清去內臟，夠細心）凍蝦（middle size，夠爽口）凍青口 （我冇食）沙律我食咗凱撒沙律加煙肉，羅馬生菜新鮮，一般酒店沙律嘅水準，冇特別，我純粹係為咗食D菜。其他熱嘅野，我就比較中意呢D，味道幾啱我胃口：- 法式忌廉煮青口- 龍蝦湯- 響螺頭燉湯- 鵝乾多士- 西蘭扒、羊架- 燒雞翼、燒墨魚丸、牛丸- 白胡椒湯煮花甲- 重慶麻辣雞煲- 忌廉芝士局薯仔其實仲有義大利粉檔同麵檔，open kitchen style，但我冇食到因為已經好飽。甜品話係by Tony Wong，不過我冇食，因為已經好飽 同埋我唔係好食甜品。朋友就話木糠布甸好好食。我只食咗綠豆沙+木桶豆腐花。

重要的大日子來臨!!!即晚已經有人訂位安排,晚上準時到達，環境同普通酒店吾同，但系風格係我鍾意ge^^，情調不錯，擺得好靚靚呀!!! 好欣賞！不過燈光較暗，不利攝影好, 又到咗主角出場嘅時候啦~~~想不到有我最中意食既生蠔，好新鮮，好肥美。贊！餐廳除了即開生蠔外，蟹脚真係好鮮甜 ，啲刺身好新鮮。其實仲有好多好吸引嘅選擇，差不多你想得到的種類都會有，無論冷盤沙律，魚生壽司，中西熱盤，粥粉麵飯，冷熱甜點全部都有。。。環境浪漫又舒適, 食物美味有質數, 我同Honey都好Enjoy今晚的晚餐, 離開時已經講好咗下次要再o黎...

今日係一個幾特別既日子,約了老闆食餐飯輕鬆下,當然佢埋單最後簡左呢間開既酒店,PENTAHOTEL 入面既潮食街食飯,本身想食A LA CARTE,但入到去服務員提意食自助餐,咁我地行左一轉,研一研15秒後,忽然間服務員說有7折,即時轉章食自助餐原價$348,7折後$278.4,不過他們說信用卡都有85折既其實呢間酒店都同我有0.1%既關係,因為我老豆有幫4A Like Black 生產,4A Like Black就設計佢地既制服,而我係老豆個仔,所以呢0.1%的確霸氣刺身類係大路選擇,三文魚吞拿魚八爪魚SNAPPER食了三文魚和八爪魚,三文魚合格,夠滑有魚味,八爪魚就比較硬身海鮮冷盤就蝦,青口,蟹腳和螺蝦新鮮,因為個殼很實!青口很嫩而帶點點甜.蟹腳亦鮮甜,但比較瘦,螺都幾彈牙,無沙(小TIPS:魚生豉油已在餐卓上,不用到魚生部拎,因為我搵左好耐先知)自助餐包1杯飲品,但現場做緊生啤買一送一,叫了一杯同老闆開心SHARE(ASAHI),價錢不詳點解我話係香港人口味?除了裝修有幾十年前既風格外,食物都好地道,重慶雞煲,炒蜆,燒雞翼和CORN.呵呵正WOR,特別係重慶雞煲,香料味重又不死咸

酒店門口似飯店 入到去冇人招呼 要自己上多層 林住試試新野就出事la 同男友見到好多大排檔feel既檔口係到 omg 燈色陰沉 完全五係浪漫氣氛囉 出去拎野食 要行到超級遠 刺生三文魚五新鮮 焗蠔細隻到冇朋友完全失望 我未試過一路食一路講一間野既不是 d員工隨便拎d野係到食 真係無言 行左三轉 我都五知自己可以拎咩番去食 最好食係湯圓囉 連生果普通既西瓜都冇味 食雪糕個雪糕機內有四盒俾人(不)黎食但有三盒都冇曬既 焗住食一隻味 不知所謂 未夠時間我地都即走了 經理自動波張張單整85折 但請我都五會再去 真係浪費金錢 千萬五好去牙大家 而且價錢五平 激鬼氣

男朋友生日所以係買左套餐，包左酒店加buffet.諗住應該都唔方好味！點知勁有驚喜！真心唔明白點解評分嘩咁低首先款式多到我從來未試過每款食唔哂！我好意外咁多選擇勁開心，進攻長腳蟹，唔會似得其他酒店咁淹得耐咸水而又咸又晤新鮮！呢間比我食到鮮味仲有好多海鮮架，另外3文魚都勁新鮮！個＂鄧＂湯好有媽咪愛心湯味，無味精，真係一流有熱辣窩夫配4款hagendaz，勁興奮！甜品tony wong蛋糕就反而麻麻，有小小失望但係人5星級酒店都無咁齊款式啦仲有入口即融鹅肝，勁香勁好質素，我真係搵唔到一個理由比劣評！員工服務快，仲問我好唔好食我要幫忙平反！我一定再去

今日同同事去咗呢間新蒲崗酒店食lunch！呢度環境好大，裝修都幾新穎！我哋叫咗個印尼炒飯同食神飯！個印尼炒飯賣相好靚，蝦片好脆！隻蝦燒過，味道好香！啲飯又係一粒粒的，好乾身！真係好好味！呢個印尼炒飯連湯連飲品係$88另外仲叫咗個食神飯，材料係煎午餐肉、叉燒煎蛋飯！雖然材料普通，但食得出用料係靚嘅，個飯都幾好味！我最鍾意係個湯，好好飲！呢度食野嘅價錢普遍較貴，可能因為係酒店價掛！

為了表示不滿，決定跑上網大吐不快，自己是第一次寫評語！有錯請見諒！😖以為近近地，2個人花了幾百蚊去附近新開間酒店食自助餐，結果食到想死！是難食到想死。😡😡😡😡😡😡😡d三文魚好唔新鮮，好似死魚嘅口感😖，又好似放左好耐，原本自己好鐘意食三文魚但食左一轉就已經冇食！見到d廚師行嚟行去，但d嘢都係擺到好亂，可能是特色。沙律同生果都唔多！冷盤真係冇d好少少嘢食！蟹腳一睇就知是普通貨，原全冇鮮味！連大蝦都唔見👎👎👎！女朋友話d熱盤太油，見到都唔想食👎👎👎👎！可能人唔係太多人所以d嘢食唔太新鮮！以為食即煮意粉或者魚蛋麵會好d，點知都是好普通唔好味！點心叫做熱，但都沒驚喜！四川鷄唔夠味！連好熱心推薦嘅湯都好淡！近如清水一樣。個廚師自己有冇試左先比人食！甜品一d驚喜都冇，女朋友話d蛋糕又細件，又唔好食！酒店d人推薦話係好出名Tony Wong 做，如果是真的，就更加差😖😖😖，生果都唔多。雪糕重係自己𢳂，冇一杯杯，唔係好衛生！以為食平d未必唔好，結果係大啦啦比幾佰蚊食d完全冇水準自助餐，真係覺得好激氣。又要比女朋友話我cheap! 今晚真係「食蕉醫肚」！

酒店位置已經唔容易揾，停車場又冇……重要泊工厦！我好後悔冇行一轉先決定食吾食！！最後坐低至發現中左伏，食物款式少到冇朋友！少都算喇，諗住貴精不貴多，但食物味道同【難食】兩個字分唔開！大家有冇見過啲凍蝦個殼會黑色嫁？食果時重覺得霉霉地，三文魚刺身仲有根添！吾食冷盤，轉戰熱食囉，點知……！嘩！白灼菜心，炒麵，豬手……問你死末？睇到都冇哂胃口！雖然三百幾蚊吾係多，但係都吾係俾啲咁嘅食物我呀！塲內仲有其他嘢嘅，不外乎燒腊呀鹵水嗰三數樣，但係得個咸字！甜品數埋都吾夠6款，最嬲係連最基本嘅水果都係得3樣咋。貝爾特＜----請我都吾會再去，從未食過咁難食嘅所謂自助餐！！

一間新嘅酒店坐落新蒲崗，冇諗過會去果度食buffet,但係原來k11有free shuttle , 20分鐘就到。見到都唔少人。果度冇生蠔，冇所謂因為我唔食，但見到好多平時buffet 冇嘅嘢.先試'老'水翼同豬直,味道不錯.只有兩種魚生,還有美味蟹腳。最驚喜有松子魚，雖然只係用魚柳，但睇得出功夫，好味.仲有棘雞煲,可惜我接受唔到咁棘.當然唔少得嘅係麵檔,冇味精嘅湯,good.驚喜接著,居然有我一向鍾意嘅Tony Wong 蛋糕,仲唔只一款任食。太飽了,見到Hagan Daz 雪糕都食唔落. HK$348 一位，都幾低食。因為之前響Facebook like 咗佢仲有八折，正！Most of the waiters are very young but they are polite and service was good.

在報章上看到這間剛於八月開幕的九龍貝爾特酒店，宣傳其富有香港情懷的自助晚餐，還以我最愛的Tony Wong甜品作招徠，馬上打電話訂位，這樣便「中蕉」了！第一時間當然是吃蟹腳，但質素認真麻麻。另外有翡翠螺和青口，亦不是新鮮貨色有點心和燉湯 - 椰子燉雞湯，我將之稱為「君子之交」，因為「淡如水」！Pizza、牛扒和叉燒酥，既「鞋」且乾辣雞煲和即煮粉麵算是較好吃的了魚生有兩款，桶裝Haagen-Dazs有四種味有芝士和火腿，水果只有三款最期待的Tony Wong要19:30後才供應，但竟然是配給制，每人只可拿一件！惡人把自己那件讓給我排了幾轉隊才湊夠一碟，但味道跟Tony Wong店內賣得差得遠！中途出過兩轉蒜蓉粉絲蒸扇貝，但扇貝肉質極霉，不吃也罷。大約19:30後已沒refill海鮮，剩下一些烏烏黑黑的蟹腳！環境氣氛： ★★☆☆☆餐廳設計確實有特色，座位都有幾款，但卻不見得有一款是坐得舒服的。安排給我們的座位「精緻」得連袋也沒位放，但慶幸不是坐麵檔前的那些「大排檔」位，另外食物放得有點亂。食物質素： ★☆☆☆☆幾乎沒有一樣食物是滿意的，連所謂的Tony Wong甜品也大失所望！服務態度：

一早預訂的生日飯地點~早前看到某雜誌的食評 再加近期openrice食評 嚇死咩本住"唔會咁差掛...."的心態去享用我的生日飯 我同男友都話"其實好ok喎~!" 長蟹腳未算粗壯但好鮮甜! 刺身只有兩款, 而我只吃三文魚, 夠新鮮~~但如果有多D款揀更好^^ (e.g.甜蝦, 帆立貝)萬眾期待, 大家又愛又恨的Tony Wong焦點甜品~ 今日任攞喎! 可以因為平日(星期一)嚟, 少d限制~ 所以一開波就拎定先喇.. Napoleon無濕氣, 夠脆喎!吉士醬好rich好正~ 朱古力蛋糕中間有脆脆 有驚喜 而本人唔食栗子蛋糕, 未能評價^^ ***Napoleon 8點就無晒喇, 所以想食真係要早d攞定!***雪糕有Haagen Dazs! 有本人最愛嘅綠茶味, 加晒分~~ hahaa 水果都好新鮮好甜!鮮燉雞湯 夠味 好飲^^ 炒蟶子 味道普通~ 但見個廚師炒得好夠火候!Cheese & Ham 本人無試到^^ 並無parma ham~後期推出的pizza~ 當時太飽無試到 但賣相好吸引!有即煮麵食, 但又無試 烤豬肉 烤羊脾肉 幾好味~西冷扒, 韌左少少~此為另加$42嘅檸樂~~

隨著郵輪碼頭嘅發展，新蒲崗已由原本嘅工業區漸漸轉營,開左好多中價食肆，仲有商埸同酒店。Pentahotel係新蒲崗第一間3星以上嘅酒店。今次係我自佢8月正式開幕以來第一次光顧。餐廳走簡潔路線，採用左Open Kitchen設計，廚師煮緊乜，客人都可以清楚睇到。午市没有提供自助餐，只有套餐同一些單點食品供應。食物以港式茶餐廳食物為主。我點左xo醬干炒牛河餐(跟餐有酸辣湯，同一杯嘢飲)。牛河炒得都幾香口，但肥左D酸辣湯味道調教得出奇地好，用料都恰到好處杯凍檸茶就認真麻麻，無茶味。依度無論服務，裝修至到食物都好茶餐廳，好彩新開張有8折，價錢還可接受。