潮食街 (Closed)

一個字形容: 差 從未食過酒店晚餐buffet 係無任食蛋糕甜品供應的，所謂甜品就只得四款提供: 楊枝金露、凍腐竹雞蛋糖水、紅豆糕和杞子桂花糕!等我地一行五人還遠道而來一心以為可以任食 Tony Wong 既甜品，oh! Sorry， 樓上 comment 所講: “每次拎2款出黎俾你選擇，食完先再拎過第二款出黎” 全都沒有， 唔好話2款， 連1款任食都無，每人只能得一碟四款 mini-size 甜品: 芒果千層杯、朱古力蛋糕、栗子蛋糕和芒果拿破倫餅; 漠講話完全無 crème brulee同士多啤梨拿破倫餅提供，就連以上四款Tony Wong mini-size甜品都唔知點解竟然可以難食到不能入口 : 個芒果千層杯溶到好似食緊 bb糊仔咁，入口即溶; 栗子蛋糕 = 美心西餅; 個芒果拿破倫餅就好似濕過水咁， d 酥皮林到無朋友!!!其他食物也不用多提: 熱葷唔夠熱、雪糕太溶唔夠凍、無 pasta、麵湯腥、桂花糕無味、連好普通的哈密瓜也難食到不能入口……一句講哂: 絕無下次!!! 

食物味道差，食物補充慢，炒菜超咸，丸類差過超市，麵包得一條法國麵包。自助餐六點半開始，不足一小時三文魚剌身停止供應，經理和總廚解釋是今日來貨出現問題和總廚新加入。酒店八月五日才開邊位員工不是新加入？經即場投訴才說送甜蝦，我唔須要囉。甜品如配給，總廚解釋因table唔夠訂緊未送到。未準備就唔好開張啦！主打菜之一焗蠔只食到芝味。腸類食品欠奉，麵包得一條法國包。平日自助餐原價318+10%，優惠價250。但經過今日只覺值200或以下。總廚還說會改善要我下次再去，蝕了一次還不夠。 

第一次寫食評，呢間buffet係朋友拎到員工優惠約我一家去試食! 可能新開，當日未係好爆，地方都舒服，我估坐滿都唔會好迫！食物都唔錯，refill亦好快！所有食品都以係大眾最多人食的種類，所以都好多都好受歡迎！特別喜愛佢的caesar salad 和Crème Brulee真係再三回味! 可能甜品係由TONG WONG店"外賣"的關係, 所以佢唔似一般自助餐放晒出黎,佢係有個廚師配給,每次拎2款出黎俾你選擇,食完先再拎過第二款出黎! 可能好多人都會對呢個SERIVCE不滿, 但我就好滿意這個安排,雖然係要花多時間行多2轉, 就保證果D甜品不會被人撩到爛晒、搞到一PAT PAT咁無人食! 

自從早兩天吃過大堂的pizzabar後，感覺滿意 、亦從當天打探了二樓餐廳的格局所以一於隔了一天再訪、探索餐廳內午餐滋味 餐廳內側門口較為陰暗，另到整個視覺也感到頗有格調裝修方面延續整所酒店作風、潮及時尚．．．而開放式廚房，就分作以燒味、粉麵及西餐區等類別．．臨走時，眼看西餐食品賣相也很精彩Woo...流心漢堡哦 說回正題、午餐以套餐為主，$88.起首．．當然亦有散叫、但價錢定價也頗進取就如散叫一碗燒味濑粉也要$72.還未計加一、新蒲崗內真是可一不可再 雖則供應的是平民化、地道港式食物，（如:牛腩河、擔擔麵、車仔麵)．．無錯，車仔麵亦有搬上酒店的時刻但散叫實在不值、竊聽身旁兩位藍領青年，也跟自己同一反應  最終要上一個雲吞麵套餐，而套餐亦包括了一份煎餃及餐飲餐飲上要來一杯熱咖啡，濃得黑麻麻的咖啡上、味道苦澀最討厭就是連附上之牛奶也是凍冰冰、衝在咖啡身上更令整杯咖啡溫溫吞吞不冷不暖之感、我實在不愛主角:雲吞麵、燕子尾下的身段、一貫傳統包法可惜蝦肉不鮮、豬肉不香，兩種食物原素混和在一起、只得一個口感: 爽!吃不著香氣，筷子往幼麵身上移．．每一口的麵質都吃不著梘水味，這應記一功、但．

朋友帶我地到一間新開嘅酒店食自助餐..酒店行年青簡約型格路線..沒有大酒店的焗束自助餐有長蟹腳、翡翠螺、大蝦、青口、燒牛肉、羊架、pasta、點心、燉湯、雲吞麵、芝士、甜品...~長蟹腳夠大隻鮮甜~大蝦有半隻手掌咁大~羊架嫩口~Sea bass 鮮甜肉滑~椰子燉雞湯清甜足料~凍檸樂+鮮榨檸檬汁~cool~甜品有Tony Wong嘅拿破倫餅~最後原來雲吞麵都好正..但係已經食唔落啦打折後每人只需二百幾蚊..抵食!  雖然食品種類不算多..但 refill 很快..以這個價錢有這種食物質素..No complaint