潮食街 (Closed)

今日女朋友生日，噉就諗住搵一間自助餐同佢慶祝一下，搵一間近屋企附近又未食過嘅自助餐，諗住去試下，我哋都提早咗到噉大約六點到咗，侍應話六點半先開始，可以食到九點半。一入去感覺都唔錯，啲台凳就比較矮，第一時間去攞嘢食先刺身類，野就真係唔係好新鮮。啲甜蝦我未食過咁細隻嘅，細到我都唔識形容，其他刺身都係唔係太新鮮，佢亦都有蒸點心但估唔到係出邊嗰啲魚肉燒賣，海鮮類都比較差，啲蝦亦都唔咪好新鮮，長腳蟹又比較細隻，開咗出嚟都冇乜肉食，比較好係翡翠螺唯一似樣少少就係個佛跳牆。同埋有碗蛇羹食，中菜嚟直情唔使食，佢哋話我啲燒和黃牛，同埋羊架真係好難食，我食咗一啖就唔要，總括來講呢間嘢嘅質素出邊比較貴嘅放題都好過佢如果75折後都要400幾蚊一位，我覺得出邊會有更好嘅選擇。

我試過一次之後 我好後悔 我未試過食一個咁難食既自助餐 食個芝士海鮮長通粉 又腥又凍啲芝士又硬 甜品得個幾款 仲要吾好食既 講真除左個長腳蟹 其他都吾想再講 除左啲待應態度好同坐得舒服外 其他都真係吾知有咩會令我再黎 仲要四百幾蚊一位 但我入黎坐底吾夠半個鐘頭 我已經埋單走人 完全係浪費我金錢同時間 就算下次有人請 我都一定吾會再黎食 第一次食自助餐食到咁樣架囉 食到咁嬲 早知就吾黎試 去食碗燒味飯都冇咁嬲呀 完全係呃人既講到咁好食 但黎到好似吾知食啲咩落口咁

附近街道好靜, 工廠區假期就一定係咁, 但一入酒店都有不少人, 我諗有好野自然可以吸引人來。當晚價錢每位$518, 我用7折優惠加原價10%, 最後$414.40, 我覺得以食物種類及質素算抵食 首先有即開生蠔, 長腳蟹, 青口, 螺, 不過不失。魚生有三文魚, 吞拿魚, 甜蝦, 帶子, 北寄貝, 八爪魚等沙律方面都算乾淨, 醬料選擇多, 要留意有個叫咩吞拿魚他他, 味道不錯。燉湯有迷你佛跳牆, 內有白菜, 2-3件豬骨, 1-2粒嚮螺, 小許瑤柱, 仲有1隻小鮑魚, 湯超甜 驚喜發現自家製蛇羹, 有蛇肉, 有卜卜脆, 有檸檬草, 食落同去蛇舖食一樣這個要同場加送每人兩隻燒虎蝦, 肉方面有羊架, 澳洲M5和牛, 煎鴨肝, 芝士火鍋,  叻沙湯粉雪糕要自己"筆", 欠缺衛生; 西米焗布甸不夠熱, 甜了一點;  芝士撻同香梨金寶比較好味我覺得食物方面好啱香港人, 唯獨熱盤不夠熱, 款式不夠, 不過這點好多大酒店都有這個問題員工方面其實可以看出他們有誠意做好, 門口接待, 帶位, 收碟, 分食物, 結帳服務都OK, 只是欠缺笑容, 給人感覺冰冷一點 , 有待改善整體來講我鍾意

留意左呢間酒店好耐，終於的起心肝今個月去試下。環境幾好，裝修有特色，但食物無質素算不上應該可以係酒店出現既食物質素，試完之後決定以後都唔會再黎。海鮮種類唔算多，有翡翠螺，蟹腳，青口，凍蝦，呢四樣海鮮可以話係完全無海鮮味。如果蒙住眼食既話，我係完全唔會知自己食緊咩。有即開生蠔，但隻隻都係瘦蠔，一樣無咩生蠔味。熱食種類少，好多食左幾啖就唔想再食落去。生滾粥食材選擇連簡單既豬肉都無。碗粥一樣無咩味。甜品選擇少，蛋糕係街坊小麵包店既質素。唯一讚既只可以係燉湯，叫做味道好少少。另一樣值得讚既係有遊戲室，有桌球，足球機&唔同既card game，適合gathering & 有小朋友既家庭。呢個價錢，外面有好多更好既選擇。

今晚契女一家及2位朋友，同我及契女媽媽慶祝生日🎂🎉 - 揀返早兩個月一齊去過嘅新蒲崗貝爾特酒店" 潮食街" 。三百幾元價$(open rice 訂仲有7折) 可以有蠔食，有鵝肝，有燉湯(超級足料㗎)， 鮑魚，長腳蟹，haagen dazs雪糕，即製意粉，仲有好多各種各樣嘅美食 ，認真超級抵食。地方寬敞，吾會好迫，就算好多人來人往都吾怕撞到。如果想泊車，訂位前可以先講明，之後會記錄低，咁就當晚吾駛錢泊車(以訂位先後而先到先得)。 既然有咁嘅優惠，我梗係要帶我架車出去啦! 新蒲崗九龍貝爾特酒店裏面嘅潮食街真係有好多嘢食, 用一個吾貴價錢可以亨有質素好嘅食物 ，而且啲職員服務都好好。 就連閒日都full booking， 等我話畀大家聽有啲咩食....

不時有去吓啲工廠區嘅廠廈搵食，因為價位實惠，又有不少喺卧虎藏龍。雖然食自助餐都唔少，不過，晌工廠區嘅酒店食自助餐呢，印象中今次都應該喺第一次喇。不過，近年，都發現有唔少酒店進駐入工廠區，為工廠區帶嚟多一點生氣，位於新蒲崗嘅香港九龍貝爾特酒店就喺其中一家，今晚同親友嚟到酒店中嘅「潮食街」食自助餐，認識吓呢股工廠區嘅新食力。由地下酒店大門，以至大堂，都睇到一股本土嘅型格，極富香港文化元素，一睇就勾起啲細細個嘅回憶。餐廳嘅前方原來喺酒店嘅入住登記大堂，唔怪得咁多人，仲貫徹番酒店嘅型格裝修，最搶視線喺放咗一張美式桌球枱，可惜嚟食飯，未有機會顯醜篤番兩Q！入到餐廳內，原來都幾大，一字打橫以「鑊鮮」、「輕型營」、「烤吧」、「籠點蒸」、「面對麵」作為幾個食物分區，設計帶少少本土大排檔風情；而座位就穿插晌各食物區之間，地方蠻寬敞，而最近就喺做緊海鮮煮「意」自助晚餐，主打一系列意大利美饌，讓客人體驗意大利風情。沙律、冷盤晌「輕型營」區提供沙律、冷盤及刺身，先介紹吓前兩者，長枱上擺放2款沙律菜、10款配料及5款醬汁（蜜糖芥末醬、法汁、千島汁、凱撒汁、意大利黑醋），以及2款預製好嘅沙律（意式海鮮沙律、紅菜頭

第n次来香港。时隔近一年， 又来这里吃饭。 又一次来这里吃饭很开心， 并经在香港， 这里也算是熟悉了。今天赶上了这里的限时菜单， 有很多新的菜。 突发奇想的点了一个酱汁芥蓝， 我是有多重口😂。还有一个鲜榨火龙果西瓜汁， 很好喝。大概晚上还是要来这里喝壶茶吧。

我不是第一次去呢度食buffet,原因係因為佢地有團購夠平，每次都會泊車係佢酒店停車場，今次都打算係咁做，當我打去book位既時候佢地話要6位以上先可以留車位，我話我嚟過幾次都係4個人食都係泊係下邊，泊車既同事叫我下次book定位，點解今次唔可以，不過佢話酒店policy係咁我都唔同佢嘈，佢話可以嚟到睇吓有位都可以泊，算，到當晚我去到酒店，見到起碼有成4，5個吉位係度，但個泊車仔話車場full左冇得泊，唔到我眼花，明明吉既位都話冇位？定係位一早俾人book左，果晚buffet由6:30-9:30，我差唔多8點先到，仲邊有人會再晏d又咁多人嚟食吖，同埋中途我有落過去食煙，如果我唔係撞鬼，由始至終到我食完走，果d車位都冇車泊過我明白如果公司規定到6位以上先book得，我唔介意，但係點解咁我嚟到時候有位點解都唔方便吓人呢，我覺得佢地做法有問題囉！

平時一間buffet同時有即開生蠔、羊架同A5和牛嘅價錢差唔到要成6百幾蚊 但呢間就唔洗非常之抵食生蠔雖然唔係好大隻但好新鮮 而就算幾多人排隊等生蠔洗生蠔嘅人都唔會求其洗完就比客人食物方面好多元化 平時開食buffet食唔到兩個鐘就覺得食悶左冇乜選舉 但呢間足以令我食到3個鐘仲有平時buffet只提供一杯飲品之後係加清水比客人 但呢間可以自己岀去沖野飲同埋有汽水任飲我就係甜品控黎 呢間甜品選擇就少好多 但個個客人去到就會只掛住食熱食同冷盤多會忘記左甜品 但餐廳好貼心所以甜品都好迷你唔好太飽 而且有迷你芒果糯米糍一口可以食曬同即整班蘭迷你pancake超香唔甜我推薦大家去試下 本人有機會一定會再去食

一早買定groupon，專登黎試下平平地既自助餐。好唔好？比想像中好。都幾多野食既。生蠔雖然死又要排隊，不過味道都幾好。沙津吧都好大.......特別啲既有豆腐花，乳豬仔(竟然係脆皮),芒果糯米飯，鴨肝(夢想係鵝肝),燉湯，仲有點心........魚肉燒賣算係我食過最好味。唯一遜色啲既係魚生，色澤同款式都爭啲，成為全場最少人食既食物😂😂😂😂😂😂如果有下次我應該都會再黎~~~(如果都係呢個價)

是日小妹生日，呢間潮食街我上年聖誕節都有同家姐同爸爸慶祝埋生日都係嚟呢間，覺得佢價錢稍為平而且老人家住喺黃大仙區所以來呢度比較方便！貝爾特酒店加入富玩味色彩的香港文化元素，別具特色，感覺較為年輕！我們一入餐廳reception隔離已經有一張pool枱！不過你唔使旨意有得玩因為好多小朋友霸住咗😂另外亦有足球機等耍樂設施！呢度別與一般嘅自助餐，因為每一個Area 有唔同嘅招牌感覺好似行緊唔同嘅餐廳咁樣，主要有刺身，我淨係食咗三文魚，我要求要三文魚腩！佢都照比🤤🤤另外有吞拿魚，八爪魚等等。，all day breakfast 🍳 (salad ham bar) , 即煮麵類如拉麵 ，蒸點有珍珠雞，魚肉燒賣燉湯呢個超多人拎， 每個人個枱上面都有一盅，不過個湯稍為咸左少少，但係就超熱！另外仲有甜品區，即整窩夫加Hagen daz雪糕， 有士多啤梨，朱古力，雲呢拿味道，另外仲有雪米糍！窩夫屬於脆身偏薄身，有別於一般較為厚身會好滯，同雪糕一齊食texture好夾好正！就算幾飽都食得落🤤🤤記得要自己加返喜愛topping 啦！有朱古力醬，士多啤梨醬，花生醬，花生粒，煉奶，七彩糖等等的正常選擇！仲有豆腐

環境與一般酒店自助餐不同 人較多但較舒適自在 食物選擇多 refill快 且質素不會因refill次數遞減 員工服務態度好 有禮貌 有問有問 用餐區外有小型playroom供小朋友遊玩 價錢亦不太貴 絕對有下次!

我開宗明義想講呢間平日book位都要俾按金，我好吾鍾意呢個policy!入到去係燈光係暗，野食吾算多，海鮮ok,肉類就麻麻，呢暗主打香港特色小食，對我來說就不吸引，無下次的

喺團購見到新蒲崗開咗間酒店，好似好多嘢食，而且價錢好合理，即刻買兩張試吓。酒店嘅位置並唔係咁方便，而食物係好多樣化，但無咩係特別好食，反而酒店設計時尚新穎有特色，裝飾擺設亦比較吸引。生蠔係即開，但係冇咩海水鮮味。焗龍蝦，蝦肉唔多亦比較細隻，味道係唔錯嘅。涷蝦，紐西蘭青口，鱈場蟹腳，翡翠螺。涷蝦新鮮，蟹腳亦唔太鹹，而青口同翡翠螺色澤以及味道都唔太吸引。鵝肝，燒牛西冷我欣賞，鵝肝充滿油香，用餅乾減油膩感，無用多士咁厚，感覺無咁乾。牛西冷大大件，顏色吸引又唔韌。燒味有叉燒，燒肉，豉油雞。牛仔骨，雞翼，焗魚普通。羊架有肥膏，肉質仲係粉紅，豬頸肉亦惹味。日式蒸水蛋配黑松露醬食唔出有黑松露味，反而燒腸類幾好。即製煙肉磨菌白汁長通粉，啲汁夠Creamy。甜品就無咩大驚喜。

星期六晚食好多人，可以因爲依家有優惠做緊，大家都黎試下。野食都以中式為主，好多種類既中式野食都有例如叉燒、燒肉、湯盎...但中式既野又冇話特別好食。個人覺得軟殻蟹天婦羅好正，食左好多舊，真係外脆內軟，又唔會太乾。同埋紫薯天婦羅都推介👍🏻👍🏻👍🏻另外佢呢到有法國生蠔食，見到條隊一直都keep住多人，但對於唔食蠔既我黎講就冇吸引力既。我就食多幾隻蟹腳補下數。肉類既食身味道一般，不太特別。甜品就食左幾個心太軟，佢即場用光波爐整，熱辣辣再自己加d雪糕上去就perfect✨仲有個拿破倫都好食。呢到個環境同設計好特別幾型，但野食就普通，我覺得都可以黎試一試✨不過地方就真係入，比工廠大廈包圍。