食得好

Open Now

Now Closed

「食得好」位於天后，不近地鐵站，若非朋友介紹，真不知道確實位置。「食得好」屬私房菜，價格卻豐儉由人，絕對是接受範圍。我們訂了的圍菜包了八道菜，味道錯又各具特色，我對「食得好三寶」的蝦多士、鵝肝薄餅及琵琶豆腐印象頗深，香口鬆化，當中鵝肝薄餅甚少吃到，大廚將鵝肝釀入脆餅，令鵝肝香滲入了薄餅另有一番滋味，創意十足。不得不讚琵琶豆腐也做得嫩滑可口，一啖一件，不錯。蝦多士保持了香脆標準格式。「生炒蟹肉炒大良奶」炒奶技巧不錯，油份量也適中，令菜式不會炒得太乾身，仍保持了光亮潤滑，雖說這道菜較淡口，卻又渗透出蟹的鮮味，嫩口美味。「原條燒牛肋骨」，聽服務員說牛肋骨用了慢煮3個小時方式，令肉更「林」更入味，配上自家製叉燒醬料提升口感層次，碟上的牛骨無花無假足證原條起肉，正。店的面積比想像小卻不侷促，坐的三、四張枱已很熱鬧，好處是服務員更能專注服務我們，不致怠慢，加上美食享受了滿足的一晚。

今晚與一班對食有要求的朋友食飯，其中一位朋友提議去食得好，佢對呢間食肆讚不絕口，佢話之前食得好係做私房菜的，同埋係懷舊手工菜，所以一直好期待，因為這類型的食肆已買少見少，今晚終於食到la1餐廳裝修彌漫著懷舊氣息，正正切合我地今晚食嘅菜式食得好三宝: ( 蝦多士,琵琶豆腐,鵝肝薄餅)~用個tea set 架盛着，好美觀嘩！蝦多士呀好耐無食la! 大大隻新鮮蝦撻落件多士度！件多士炸得好鬆脆，好好味呀琵琶豆腐炸到熱辣辣咁上枱， 鯪魚肉同豆腐嘅比例好好，咬落去軟綿綿的，鵝肝薄餅~餅皮脆脆的，裏面夾住啲鵝肝醬，好有鵝油香味，好特別！古早錦鹵雲吞~呢個酸甜汁裹有蝦， 豬潤，魷魚 ，蕃茄，菠蘿，青椒，紅椒和洋蔥，非常豐富，雲吞皮尤其炸得鬆脆， 蘸住酸甜汁和配料一齊食，好正蟹肉竹笙花膠羹~好鮮的蟹肉味，花膠和竹笙切成絲狀，食到黏黏的花膠和好爽的竹笙，湯羹真係好鮮甜，好美味終於食到好期待的片皮鴨，配自家製麽麽皮，麽麽皮用一個小火爐烘着，又熱又軟鴨皮一点也不 油膩，把鴨皮放在麽麽皮上，再加上青瓜，大蒜和甜醬捲起吃，好正原條燒牛肋骨~用自家秘製义燒醬慢煮三個鐘，牛肋骨肉完全離哂骨，好爽好彈牙好有牛味，忍唔住

從前的社會男主外、女主內，太太為了慰勞工作了一天的家人，往往都會花很多心思做晚飯，食材不一定是名貴，但往往是花心思的手工菜。一頓晚餐，總結了一天辛勞的工作，見證着一家人嘅團聚時刻，延伸到良朋共聚，生意洽商都是非常重要。今天有緣來到天后這間食得好私房菜，這本來就是一位商人的私人飯堂，平日用作招呼親朋戚友，廚師做的全是傳統廣東菜，老師傅秉承古法製作，在現今嘅商業社會已經買少見少。難得一見的高樓底，古樸優雅嘅場地每晚最多只可以招呼三圍枱，可以想像訂枱需時，除了座位有限之外，指定菜式必須要預早預訂，私房菜的好處就是可以跟餐廳交流默契，公關就如你的私人管家，可以為你詳細解釋每一道菜嘅重點。自家製蜆蚧鯪魚球，百份百鲮魚全人手刴，煙韌彈牙，咬落絕不鬆散，輕點蜆蚧提升魚肉甜味，無可替代。金錢雞，事實是用一塊肥豬肉，一塊瘦豬肉，中間夾上一片雞肝，塗上蜜汁再燒烤，由於工序繁複，今天難得一見。蟹多士圓圓的、脹卜卜的形狀如飛牒，㝢意荷包賬滿、團團圓圓好有意頭，蟹肉鮮甜滿瀉，多士鬆化香脆，老幼咸宜。八寶冬瓜盅，有瑤柱、蓮子、冬菇、鮮蝦、肉粒.... 全部材料都是清淡而不搶，原隻冬瓜蒸燉3小時以上，冬瓜吸盡八寶精

香港人成日都話要創新。 成日中西合璧 cross over 突破傳統?反而要食到傳統的中國菜， 可能真係 慢慢慢慢咁消失喺生活之中。 大K要介紹嘅就係呢間餐廳2000年嚟嘅文化飲食傳承。有一棵菜 一個冬瓜一隻鴨， 每一樣嘢都係 廚師 用 最傳統嘅方 精心炮製! 而家仲有幾多間餐廳有幾多個人用半日嘅時間去炮製一味菜式。仲唔 食 唔睇可能以後真係冇機會㗎啦!傳統嘅中國常用油炸食物 食落香口 脆卜卜 當然係受人歡迎啦。 雖然係唔健康，但係為食冇計啦!有圖有真相，大家可以睇下每一味菜式都絕對出得大場面! 做生意嘅朋友 帶唔同地方的客人嚟試下呢啲傳統嘅新菜式。 絕對有頭有面值得推介嘅就係佢嗰個老婆冬瓜盅! 唔單止足料泡劑， 仲要係 蒸足半日 ! 絕對係 嘔心瀝血之作全場嘅高潮就係一隻鴨，這一隻鴨仔不止係一隻鴨仲係要係一隻包含咗2000年中國文化歷史嘅鴨。

平時約屋企人或者朋友一大班人，我地通常都會食中菜，特別係地方菜，因為平時如果人少點兩三個菜式就飽哂，人多先食得盡興嘛。客家菜，潮州菜上海菜咁，通通都係my favorite，但今晚就特別啲，去試左順德菜，仲要係私房的😏。朋友中有人話食過搶住落單，好，又睇下佢點左啲咩菜式先：懷舊三寶(蟹多士、金錢雞、自家製鯪魚球)、古早錦滷雲吞、八寶冬瓜盅、上八珍扒大鴨、梧州紙包骨、琵琶豆腐、蟹肉炒大良奶、陸氏炒飯、焗西米布甸；總共十一度菜。嘩！使唔使呀，去飲咩？！😅😏其實菜單都OK嘅，其中有幾樣懷舊心機菜，家陣都唔係咁易食到，好似金錢雞咁，精粹係層肥膏度，呢度嘅金錢雞，除左舊膶夠香口外，層肥膏真係夠肥，但處理過之後好爽，咬落一啲都唔油，調味有點似义燒，略甜但👍。另一道就係紙包骨，呢道菜我細個時成日都有食，金沙骨用紙包住炸，肉汁被充份保存，但又夠香脆，唔怕熱氣必點！一連食左幾度香口煎炸野之後，食番碗清熱消暑冬瓜盅先，個冬瓜盅超級足料，加上夜香花嘅獨有香氣，係夏天最佳湯品，雖然我一向唔鍾意飲中式湯，但都好俾面食哂啲湯料呀😏。相信全晚嘅亮點應該就係呢道據有人話要預訂先有得食嘅扒大鴨，事關佢功夫多，大大話話要

自從畢業後，已多年沒有跟同學聯絡，今晚難得有機會相約聚首話當年，真是十分期待。因有同學住在天后左近，他特別推介此店。 此店雖然地方不算大，但勝在樓底夠高 ，環境幽靜，我們可舒舒服服一邊品嚐佳餚，一邊暢談當年情懷。原本以為一班人食中菜，都是這兩三味差不多 的菜式，但原來有驚喜。第一道菜：食得好三寶， 有蝦多士、 琵琶豆腐和鵝肝薄餅， 蝦多士有原隻大蝦鋪在麵包上，香脆可口。錦鹵雲吞， 已很久未有食過， 餛飩剛炸起熱辣辣，配上酸酸甜甜醬汁，非常醒胃蟹肉竹笙花膠羹，啖啖蟹肉鮮味片皮鴨， 鴨皮烤 得卜卜脆， 鴨肉和油脂分佈平均，不會太油膩，又不失 嫩滑夾着自製的麼麼皮同吃， 咀嚼外皮香軟而內裏鴨皮卜卜脆，真是令人垂涎慢煮牛肋骨， 十分淋滑，啖啖牛肉香味順德煎釀鯪魚肉，很久沒有嘗過此傳統菜式，還記得童年時在外婆家常常吃此菜，令人勾起不少回憶。蟹肉炒大良奶，不覺油膩，有淡淡的蟹肉和奶香豉椒牛肉炒米粉， 夠鑊氣，炒米粉的火候控制得很好，令米粉底部微微焦香，還配上余均益辣椒醬，相得益彰甜品：椰汁雪糕紅豆冰，沒想到中菜館都有雪糕紅豆冰吃，真令人喜出望外整體食物質素頗佳，菜式有別於一般中菜館，於傳統菜式加入

今天晚上，懷著期待的心情到天后品嚐老派私房菜，除了品嚐美食之餘，最難得是能與一班共同嗜好的朋友相聚，話說這聚會已經安排了大半個月其中有人提議要試一試呢間私房菜，一間從前不會對外開放的私人飯堂，煮的全是懷舊老派菜，老派菜的特式是，工序繁複，精挑細選四時食材，頗費工夫，故漸漸失傳，難得今次有機會，當然不會錯過，但需要提前預訂，而今次能夠多人一起品嚐多款菜式，故特別令人期待由於之前係私人飯堂，門口並不顯眼，位置不當街，面積亦不算大，但給人的感覺是「實力就是一切，你懂的就來」相對今時今日的標準不能說是富麗堂皇，但以私人飯堂來說，就好像能擁有一架私人飛機一樣豪華，亦可想像能夠在這裏用膳，一定是非富則貴朋友們陸續到達，大家寒暄問好，猶如一個私人派對，當然最重要就是期待今晚有什麼菜式很多特式菜因製作需時，所以一定要預訂，特別感謝一眾好友為我安排打頭陣的是「金錢雞」，年輕人可能從未聽過，這道「金錢雞」其實並無雞之實，是由一塊瘦豬肉、一塊雞肝及一塊肥豬肉組成，坊間已經好難食到，眾人馬上手機先吃，場面甚是有趣蟹多士，懷舊三寶之一，看上去像一隻元寶，又像鮑魚，入口非常鬆脆，不油膩，外脆而肉香，沾上少許沙律醬

啲同事話老細年年都鐘意係食得好請大家食飯，終於有機會試下了！ <食得好三寶>蝦多士、鵝肝薄餅、琵琶豆腐，三樣都咁新鮮同熱，三樣都係功夫野黎，鵝肝薄餅真係好正，油香同個薄餅蝕合一齊，很難忘 <蟹肉竹笙花膠羹>好濃味，好足料，食到好多條狀既花膠，彈牙可口<古早錦鹵雲吞>炸雲吞，配甜酸汁（似咕嚕肉）咁大個人都未食過! 好懷舊！ <片皮鴨+自家製麼麼皮>全晚最期待的片皮鴨呀! 個麼麼皮係佢地自己整，仲有個爐熱住，唔會凍曬痴住曬!片皮鴨片得有功架，好香脆，唔會好油，證明燒得恰到好處! <原條燒牛肋骨+自家秘製醬>未上菜已經由遠處聞到個陣香草同孜然粉味喇! 好大條骨同埋好多肉! 識食一定係食筋位，點解? 因為可以同時食到有咬口同半肥瘦既位!本身已經好香，但點埋佢個秘製醬又係另一風味！ <瑤柱桂花炒魚肚>好似揚洲炒飯既味道，因為有蝦有蛋，但主角就變成上級食材魚肚! 正! <椰汁雪糕紅豆冰>一人一杯唔洗爭，係全晚點睛之作! 估唔到係中式酒樓都飲到紅豆冰! 仲以為會係傳統既紅豆沙!D紅豆煲得林

一年一度的大學同學聚會，今次選了呢家位於天后的老牌私房菜『食得好』。天后地鐵站行過去幾分鐘就到，都算方便~睇個門面都幾有氣派, 唔簡單咁!!!入到去發現個樓底好高，上面擺左架人力車~~好懷舊的格局入面只有幾張枱，是傳統酒樓的格局。首先上的是3道超經典菜式! 金錢雞!!嘩, 呢味真係好耐好耐冇見喇!!!好令人懷念喔!!!仲有蟹多士!話經典唔經典咁，但一上枱就秒速被搶哂啦!!第3寶，蜆蚧鯪魚球，如果有酒飲就仲正~~不過今晚的同學都好乖, 個個話揸車唔飲酒金錢雞其實係冇雞嘅，後生一輩可能未食過，其實個概念同西方的BURGER好似，就係兩塊皮夾住D餡咁。面頭是义燒，中間是雞潤，底層是爽口的肥豬肉。3樣野單吃可能冇驚喜，但夾埋一齊吃, 果種感覺，我會形容是神來之筆，一定要試!蟹多士要貼張咬左一半的相, 俾大家睇下有幾多蟹肉! 金香酥脆不失蟹肉鮮味，真材實料架~!之後就係錦訟雲吞，塊塊都炸到好平坦，唔係縮埋一舊，用心的食客一定會賞識如此用心的廚藝! 個汁酸甜度校到剛剛好，可以撈飯添呀!唔好俾佢停，全晚重點是呢個巨大的八寶冬瓜盅，有大大隻鮮蝦同勁多配料，聽說是原個冬瓜連金腿上湯拿來燉足3個小時以上的

今日同一班朋友去天后興發街一間隱世私房菜“食得好”食晚飯。因為私房菜關係在訂位時朋友一早訂好菜式，當日人齊就可以開飯囉😃😃～睇下朋友預備咗咩菜式😁😁首先嚟一個“八寶冬瓜盅”，啱晒而家咁炎熱嘅天氣，飲完可以即消暑。睇下湯料十足，冬瓜肉同其他配料都好多。第二道“懷舊三寶 ”，究竟有咩? 原來有蟹多士、金錢雞、自家製鯪魚球 。真係好懷舊，係我年代只知道鯪魚球是什麼，但蟹多士同金錢雞真係未食過。今次叫人生第一次食，感到好新奇。味道方面，未食已經聞到其香，食後感覺好特別。好似金錢雞咁我仲以為係雞，哈哈🤣🤣其實係由一塊瘦豬肉、一塊雞肝及一塊肥豬肉組成，很香口味很濃。第三道“古早錦滷雲吞”，將雲吞皮包餡料拎去炸，再沾上勁多餡料的甜酸汁，一齊食香脆無比。😉😉第四道“上八珍扒大鴨”，聽經理就隻鴨烹調料大約三個鐘有多， 先炸油炆再加上其他海鮮食材以及芡汁一齊上碟。鴨肉好淋身配上海鮮一齊食，感覺不錯。第五道“梧州紙包骨”，睇到油泣泣唔知味道又會點呢？食落似酥炸排骨，都算ok啦～第六道“ 琵琶豆腐”，豆腐都好有豆香味，炸到唔太油，ok 👌🏻👌🏻。第七道“生拆蟹肉炒大良奶”， 蟹肉都算多， 炒奶很香滑，呢個好好

之前同朋友試過這間Eatwell，食物質素不俗，所以一早訂位帶屋企人去試試。訂位時已選定菜式，主要都是試這裏的招牌菜。先來的食得好三寶有琵琶豆腐、蝦多士、鵝肝薄餅，一上枱已經陣陣香味傳過來。琵琶豆腐外脆內軟。蝦多士不會過油，炸得香脆，一大片蝦膠舖在多士表面，爽口彈牙。薄餅裏面夾著薄薄一片鵝肝， 充滿著油脂甘香，但又不會太膩，鬆脆可口，果然係招牌三寶。另外點了一個蟹肉竹笙花膠羹，每啖都十分足料，有竹笙、蟹肉及花膠絲，幾乎料多過水，有蟹肉鮮甜、花膠膠質黏性及竹笙的爽口，混合在一起，滋味無窮。小菜點了一個菠蘿咕嚕肉，咕嚕肉其實唔難煮，但要做得好味卻很難，這個的咕嚕肉卻令人眼前一亮，外脆肉嫩，咬落去真係聽到「咯」一聲，而且裏面啖啖肉，完全無肥膏，最重要就係每舊大小差不多，加上酸甜汁剛好掛好在咕嚕肉面，一分不多一分不少，是高質之作。

一大班朋友聚餐食中餐就最好不過一行14人一張圓檯坐哂拉近距離!好友之前試過呢間順德私房菜話唔錯，仲話呢度以前唔開放既，係某富豪招呼親友好友既地方~所以我地都贊成試吓 ~ Book定張大檯仲先訂定啲菜式~  先嚟順德三寶:有蟹多士、金錢雞、自家製鯪魚球。蟹多士賣相精緻，用蟹肉釀多士上面再放上燒賣皮,食落去係三層口感，鬆鬆脆脆夠香口，中間仲有陣陣蟹香。金錢雞真係第一次試，雖叫金錢雞，但其實由豬肉、雞肝、冰肉(豬肥膏)做成。雞肝略帶甘香，薄薄既豬肥膏沾滿醬料，惹味非常，一口咬落去已經唔理肥唔肥，好味就得啦🤭古早錦鹵雲吞， 呢道菜好多時外出食飯都會點，因為亞媽中意食~不過好多時錦鹵汁嘅材料越黎越少，喺呢度就有返小時候既味道~錦鹵汁既材料有魷魚、豬膶、蝦、菠蘿、三色椒、洋蔥~超足料! 酸甜度適中，點咁香脆既炸雲吞一流自家製鯪魚球　鮮味香口，加埋蜆蚧醬，味道更突出～　上八珍扒大鴨 呢個又係功夫菜，先預訂既~ 人多真係要試吓! 店長介紹呢度菜先將大鴨上色， 然後炸至金黃色，去骨， 再將花膠、冬菇、帶子等炆煮,然後一齊蒸，最後加芡汁~  雖然身邊既女仔朋友都話怕肥只係試左少少鴨, 不過我反而好中意,鴨

又到舊同學聚會，有住在天后的同學發現有一間私房菜，名叫食得好，試過食物質素和味道不錯，所以今年就决定去食得好，同學訂左枱，我們準時到。餐館地方雖然不算大，但整體雅潔，座位舒適。服務也週到！食得好三寶(蝦多士、鵝肝薄餅、琵琶豆腐)：店家的招牌菜當然要試試，用三層架上，擺設精美，三寶都是香脆口感，蝦多士的蝦新鮮又大隻，蝦和麵包都炸得酥脆。鵝肝薄餅外層薄脆，鵝肝入口即溶，琵琶豆腐調較得夠味，炸得外脆內嫩！片皮鴨、自家製麽麼皮：鴨新鮮又大隻，即叫即燒，片出來的鴨皮連少許肉，皮脆肉鮮嫩。麼麼皮是自家製，厚薄均勻，放在籠裏用火馨住，保持熱度，用麼麼皮包住鴨皮，加上青瓜和特製醬汁，一口咬下，齒頰留香，十分惹味！蟹肉竹笙花膠羹：好足料，竹笙花膠有口感，蟹肉和湯底鮮味十足。古早錦鹵雲吞：雲吞皮夠薄炸得鬆脆，汁料豐富，有豬潤、魷魚、瘦肉、菠蘿、三色椒等。正宗懷舊做法，酸甜度適中！鮮菠蘿咕嚕肉：咕嚕肉冇骨啖啖肉，肉質鮮嫩，炸過都不會硬，酸甜獻汁調得夠味，菠蘿比較酸。瑤柱桂花炒魚肚：夠穫氣，蛋炒得嫩滑，魚肚和銀芽爽口，瑤柱鮮甜。椰汁雪糕紅豆冰：這個有驚喜，飯後甜品竟然有 懷舊的雪糕紅豆冰，花奶滑有椰汁香味，紅