Ebeneezer's Kebabs & Pizzeria (D’Deck)

Open Now

Now Closed

I was ignored a few times waving at that waiters when they obviously saw me. They were doing their own things.Ordered roasted chicken rice, but chicken salad came. Asked the waiter where the rice is because we didn’t know that’s salad, thought they are missing the bowl of rice. The waiter questioned us “Does salad come with rice?” in a sarcastic tone.Overall, all waiters are super rude. If you ever want to get an unpleasant dining experience, this would be your choice. If not, there are many oth

平日行過都想試吓，卒之今日lunch同埋朋友仔一齊去啦 上到舖入面已經聞到香料味好索，再望下有咩好食嘅時候就花多眼亂。最後揀咗簡簡單單嘅雞肉配薯條🍟 熱辣辣嘅薯條有濃濃嘅香料味，食落去感覺比其他薯條乾身爽口，配埋汽水一齊食真係唔錯！

愉景灣大部分餐廳既價錢都比較貴，所以我地就揀左呢間價錢相宜既中東菜。呢間餐廳除左有卡巴、咖喱、薄餅之外，都有唔同既小食，例如炸魚薯條、希臘沙律同咖哩角等。魚肉卡巴  $69卡巴外皮煙韌，厚度適中，入面有魚肉、紫洋蔥、生菜同沙律醬，十分惹味。餐廳另外仲提供左三款既醬汁俾我地加落卡巴，分別係辣醬、薄荷醬，同埋蒜茸醬。不過我地覺得本身已經好夠味，所以就冇再另外加醬汁。咖哩蝦炒飯配沙律 $80炒飯係用印度米，同平時食開既米好唔同，印度米比較長身同乾身，食落粒粒分明，再加埋香料，好好味！蝦仁爽口彈牙，份量都幾多下。意想不到既係飯入面竟然有半個烚蛋同一舊薯仔。跟飯個嗰沙律我就覺得唔太好食，青瓜唔爽脆，我食左兩啖就冇食。香濃咖哩雞肉 $68呢個咖喱雞飯充滿住土耳其風味，咖喱望落好似肉醬既感覺，但食落啖啖香料味，而且辣度好夠，食落好惹味。另外，一開始以為會有好多薯仔，但點知入面一嚿嚿既全部都係雞肉，食完成個飯都已經好滿足。不過土耳其咖喱同日式咖喱比起黎味道都大有不同，所以接受到香料味好重嘅先好叫啊🤣

其實呢間野唔係第一次食，每次嚟到愉景灣，我都會好掛住佢哋嘅炒飯，今次我叫咗三盒飯，兩盒配雞肉，一盒配羊肉，羊肉唔太蘇，都幾好食，雞肉就冇得頂，個飯一粒粒，夠鬆軟，配埋個沙律嗰啲特別醬汁係幾好味，另外就加咗大約$30忌廉蘑菇湯，係唔夠熱，但OK

【Ebeneezer's kebabs & pizzeria】這個招牌非常熟悉，因為在香港有多家分店。但是主打較為少見的中東菜，不是小編杯茶。不過今日來到仿如外國的愉景灣，ebeneezer's kebabs & pizzeria 來過午餐又覺得ok，加上pizza絕對小朋友啱食，就獻上第一次！ 餐廳位於2樓，地方寬敞，格局似快餐店。 【Ebeneezer's kebabs & pizzeria】作為中東菜餐廳，主打多款kebab及咖喱等美食，例如有卡巴、卷餅、希臘沙律等，而且價錢相宜合理。【Supreme pizza (L) $154】多款 pizza 選擇，另外有兩個 size 9" and 12“。第一次試就試至尊 pizza！餐廳叫得 kebabs & pizzeria 應該是 pizza 專門店，不過這個 pizza沒有大驚喜。pizza 底沒有焗得香口，又不太鬆軟；toppings 份量足夠，但味道平凡，整體來說只是中規中距。【Fish and chips $85】傳統的英式 fish and chips 選用鱈魚柳，放入啤酒炸漿再炸至金黃色。這個 fish and chi

入到愉景灣玩都要周圍搵下有咩食，D’Deck都有好多選擇，我哋就揀咗呢間相對比較平嘅印度Kebab店食啦～ 之後睇返發現佢都有好多分店喺大學canteen同旅遊區，所以其實我哋之前都食過啦😛•🥢 羊肉卡巴 $85呢個kebab好足料，啲餡料包到好實，唔會散開晒🤩 個餅皮都有啲厚度，但唔會好硬，軟軟地嘅，包住一層生菜同紫椰菜，中間係羊肉，肉嘅份量都唔少，有烤過嘅味道，夾埋沙律醬食都好好味😋 如果唔夠醬都可以自己再加，有3種醬：蒜蓉汁(白色)、鮮薄荷(綠色)同香辣汁(橙色) ，香辣汁都幾辣，一食條脷就好有感覺🌶 蒜蓉就酸酸地，鮮薄荷就幾fresh，食過嘅kebab唔多，但呢個會想再encore嘅😋•🥢 香草串燒雞肉薄餅 (9’’) $98 呢到嘅pizza都係薄批底，出爐熱辣辣，烤到有啲脆脆地，配料同醬都好多，分佈得算均勻，除咗雞肉，仲有洋蔥、青椒、紅椒、芝士同番茄醬，仲芝士多到仲做到少少芝士拉絲嘅效果🤩

Ebeneezer's Kebabs & Pizzeria串燒雞肉Chicken Tikka Set Lunch(with chips)~$67雞肉不太嫩，略嫌有d乾，薯條份量都幾多，薯條要加少少三色醬先好味串燒雞肉Chicken Tikka Kebab~$58嚟到呢間店，唔食Kebab都唔得，呢到Kebab真係好好食，雞肉不太乾，入邊有啲醬，加埋洋蔥，生菜一齊食好好食😋Lunch set可以加$15加配小食多個薯條，我哋加咗$15，但係兩個女仔真係食唔晒，不過個薯條OK好食，而佢亦都會比3枝醬你加，白色醬最好食，類似酸乳酪味😍Ebeneezer's Kebabs & Pizzeria (D’Deck) (愉景灣)🏠：愉景灣D'Deck 1 樓 102A舖☎️：29870036

環境方面：略有小小污糟，但可接受，可能因為人手不足，未能將枱面完全清潔。另外，因為門口沒有門，所以雀仔可以飛入店內休息，幾有趣。食物方面：印度燒雞味道有小小咸，但剛剛整好，熱辣辣都可以食，香料味都重，正宗味道既感覺。香濃咖哩羊肉咖哩香料味重，好味，但小左小小辣味，唔太辣，另外羊肉就正常可以食烤餅店舖既食物都即場製作，所以烤餅好味，外層脆口，配搭咖哩一流，必點另外叫左杯芒果奶昔，餐牌上面係咁寫，但飲落似芒果乳酪（應該係google翻譯錯誤所致），有略有點酸整體會比合格分數.

hi, this restaurant will screw you up if you order online!! This restaurant doesn't care about returning customers. all reviews here are likely faked from advertisers!! Walking-in is only 60 HKD but they charge you 80 if you order online. they just want to screw you up and make money from you.

入到嚟愉景灣搵嘢食，發現咗一間食卡巴嘅餐廳，好耐冇食過卡吧喇今次可以試一試，入到去侍應生熱情招呼，一行四人，我就點了一個雞肉加羊肉卡巴 仲有一杯Stella啤酒，等咗冇幾耐新鮮熱辣嘅卡巴卷送上嚟，食卡巴最緊要係落醬汁，白色，橙色，綠色，缺一不可！ 白色似沙律醬味，綠色青瓜醬，橙色係辣醬。撕開卡巴卷錫紙，已經感受到熱力滲出來，充滿咗香味羊肉雞肉嘅組合一啲都唔蘇，而且仲有啲香脆既感覺，餅皮軟熟，但要注意落橙色醬汁時候要適量，因為橙色係辣味，食唔到辣就唔好放太多了。

黎到愉景灣咁有異國風情，當然唔好食返啲港式架啦，但又諗到平平地食個午餐，黎呢間就一定啱晒喇，又大份又抵食，仲要唔差架，之前喺其他分店食過覺得唔錯，所以再黎呢間食，因為閒日嘅關係差唔多包場咁滯，得一兩枱客人，所以都好清靜，店員仲得閒到喺度拖地，雖然係乾淨，但我覺得有客人用緊餐就唔太好。下午時份有lunch set,40+~70+一個餐有跟飲品都幾抵，份量都好大份，我地點左串燒雞肉卡巴set+串燒雞肉set(with chips）+芝士薯條，由於高估左我地自己食量，啲薯條剩返差唔多二份一，有點浪費隨食物送上三枝特色醬料白色類似酸乳酪味道橙色係辣椒綠色類似百里香嘅味道個人鍾意三隻都落晒好好味，可減低油膩感芝士薯條感覺已唔係之前食嘅味道，質素有少許下降必點卡巴，最鍾意串燒雞肉味

第一次食中東菜，平時係旺區都唔會特別去搵。今次黎到愉景灣酒店，嘗試下異國風情所以就試下哩個中東菜。貓仔對中東菜有的啲抗拒🤔🤔，但係樹懶仔反而覺得幾惹味。我地總共嗌左四個菜，但呼籲各位人數唔多真係唔好叫咁多，因為佢份量都幾大同埋菜式會配一份主食。自從開左哩個IG之後，樹懶仔同貓仔已經肥咗好多，希望大家食好西野既同時都要注重體態🤪希臘雜菜沙律💰62由於想降低自己嘅罪惡感所以我地就叫左個雜菜沙律，配菜新鮮，加埋菲達芝士酸酸地非常開胃。芝士咖哩菠菜💰73菠菜加埋切得好似板豆腐嘅芝士，食落好香口。印度米比較長身同彈牙，乾身而且較鬆散，配咖哩醬汁一流。同我地平時食開嘅泰國米日本米唔同。樹懶仔個人幾中意呢一味。烤雞肉薯條💰73雞肉烤得咸香，食落有dd乾身但加埋薯條配搭埋個薄荷大蒜汁, 味道濃郁。至尊薄餅（9吋）💰98土耳其火腿，牛肉意大利辣香腸，洋蔥，番茄同埋蘑菇等⋯薄餅底同平時食開嘅唔同，比較似餅乾，口感介乎於薄同厚批嘅中間。PS: 醬汁係薄荷同大選特製而已成，貓仔非常抗拒呢隻味，以上都係樹懶仔個人見解。

朋友話介紹食清真菜，嚟到先知原來係之前讀大學都有食過嘅呢間餐廳🤣今次多幾個人可以試多啲唔同嘅菜式🥳首先唔同嘅地方係，呢間分店係有人serve嘅，仲有人幫手搵位🤣 坐定定慢慢睇吓食咩先再撳鐘仔叫侍應嚟落單。我地叫咗：Lunch set: gyros kebab (spicy) 本身想試雞同牛，點知得返雞，okok,試住一款先😅 Spicy都算幾辣，唔食得辣嘅應該一路食一路流鼻水😂 雞肉唔乾，仲好香，係好味嘅😋我地仲跟set加咗薯條，朋友介紹最正嘅係嗰三支醬！綠色係薄荷，紅色係辣（真係幾辣），白色係最大路嘅蒜香Pizza 叫咗兩個：chicken tikka, supreme 餅底做得好好，好脆但唔會好乾，芝士可以拉絲出嚟勁正🤣咖哩叫咗：Aloo muttor (薯仔青豆黃咖哩）配Roti 呢味反而唔算太辣，咖哩夠香，配埋薄餅一流🤣最後有少少可惜嘅地方係冇哂mango lassi, 有啲失望有兩樣想叫嘅嘢都冇😂記憶中之前喺大學食過嘅分店，本人覺得幾有特色但味道一般，呢間分店嘅食物感覺好味啲🤣 喺街嘅餐廳同大學canteen質素係唔同嘅🤣🤣🤣

難得去愉景灣，但又想食印度野，所以就嚟到呢間餐廳食。叫咗兩個菜式，咖喱羊肉配飯同雞肉卡巴🥰個咖喱羊肉飯令我喜出望外，佢嘅米同我哋出邊食嘅米好唔同，長身啲同埋幼啲。佢嘅羊肉好淋🤤係每一塊都好淋啊仲要一啲都唔騷，咖喱仲有得中辣定係大辣，唯一令人失望嘅地方就係太少薯仔🥺雞肉卡巴雞肉嘅份量都算多，外皮好鬆脆🥰另外佢仲提供咗三隻醬料，每一款醬料同卡巴好襯🥰真係不得了

嗌左「香濃咖喱雞」😋啲飯唔係平時個啲泰國米比平時食開既更長同香粒粒好分明🤩🤩🤩好食又好得意🤩唔食飯可以轉配烤餅架🙂由於當時肚餓程度係100既我就選擇左飯 只不過冇諗到個份量多到成座山咁😂咖哩好香奶香味🤪 小小辣～唔錯唔錯可以一試😌