江川手打烏冬 (Closed)

朋友介紹話呢間野烏冬吾錯所以經過就走入去食店入面有D暗不過裝修吾系重點見朋友講得好似好好食咁所以就試蕃茄湯底牛肉烏冬湯底有D酸荷蘭豆又太淋烏冬又普通連朋友都覺得個烏冬冇佢上次去TST戈間咁好食冇想像中咁好食所以平平如果想普普通通食一餐既都叫做OK既

星期一同朋友行完旺角中心打算哲地方醫肚,見到對面有間食手打烏冬wo,咪去試下lo...我地一行三人,一個叫咖哩汁湯烏冬,一個食日式雞柳炒烏冬,而我就食日式吉列豬扒蛋包飯。 先講下個蛋包飯,我期待佢ge蛋包飯入面應該係茄汁炒飯,佢唔係都算(始終間間店做法都唔同)個飯黎到個蛋皮係爆開左睇曬入面d飯,係白飯炒白飯lo,即係佢有炒過下,又有丁屎咁多蛋花o係度,原全冇味道可言;到個蛋皮,佢塊蛋皮又硬又乾又凍,直頭好似人地新鮮整蛋卷,d蛋卷醬熟左可以拎去卷o個種口感;到個咖哩汁簡直勁!勁咸個勁!佢連帶跟o係咖哩汁入面d薯仔粒同蘿蔔粒都咸到苦ga,可能廚房打算咁樣可以中和返d冇味ge白飯炒白飯la....唯一可取少少ge就係個吉列豬扒都幾新鮮lo~ 到兩份烏冬,我男友食ge炒烏冬本身都味道OK ge,不過衰在雞柳零味道....而朋友ge咖哩湯烏冬,唔知點解個味勁似合x道杯麵ge咖哩味,味道都算係不過不失,不過佢d烏冬ge質數真係差左d lo,佢o個度話明係手打烏冬,但d烏冬質地只係比平時打邊爐食ge京都烏冬差不多...食完之後都唔知食左d咩落肚,好在唔係叫得多野食,如果唔係就食到一

行完街~又要搵野食見佢唔洗排隊就入去~~環境黑暗!! 金魚江feel-.-地方細...係出面望入去好似好大咁~~食物一般...重味精~~明明以烏冬作賣點~~卻唔彈teeth-.- 叫左金茹肥牛烏冬~~湯底雖然落足料夠濃~~但個餸好un同難食!!!!份量較小~ 可能女仔食量要小d掛xdd"因為唔包野飲~所以無野飲!!service要讚~~就算出面愈來愈多人排隊都好!!都唔會逼你走~ 不停加水^^"

琴日行旺中 夜晚好肚餓 見到對面有間"手打"烏冬"專門店"就立即衝左入去一入到去已經暗叫不妙 因為這裡的裝修勁似廁所(男朋友話佢想模仿水世界)隨便叫了個烏冬咖哩湯底(京蔥爆雞球) 男朋友點了照燒雞排蛋包飯(茄汁)蛋包飯先來 一看賣相 已經勁求其 茄汁就真的只是茄汁加水塊蛋又薄又硬冇蛋味 真的不知道他們是怎樣整的飯都好硬 勁難食呀烏冬講明係"手打"烏冬 但一點也不煙UN 也沒有麵粉香 同超市買的10蚊3包烏冬冇咩分別咖哩湯底一般啦 不過好重味精 食完要不停飲水令我嬲既原因 係呢度既食物真的一點誠意都沒有如果不是開在旺角區 大概一早摺了

旺角街頭閒逛到吃飯時間, 見未試過呢間野又唔駛等位, 諗住試下, 點知.......雞卷蕃茄湯烏冬: 雞卷勉強正常, 湯都叫可以幾濃, 所謂手打烏冬就完全唔得, 腍既, 叫做好過噹噹少少而已金菰豚肉卷粟米湯烏冬: 湯味正常, 不過咁配好似有少少怪, 個卷都可以吃, 烏冬....食完真係想打人湯同料都叫做OK, 不過間野叫得手打烏冬.....俾喊係無可避免

在旺角中心對出的西洋菜街，早前開了主打日本手打烏冬的餐廳，每次經過總有很多人排隊等位。剛好在過去的星期日下午二時許，與女友經過看到沒有人排隊，於是便進去一試。筆者叫了天婦羅豬骨湯底烏冬，女友叫了冷烏冬。等待了約十分鐘左右，烏冬終於送上。見下圖，大家都估計分量不是很多，筆者心想希望是重質不重量。可是烏冬不是想像中彈牙，與超級市場買的冬烏分別不大，唯一值得欣賞是湯底尚算中上。至於凍食，筆者認為冷麵比冷烏冬好一點。總括而言，餐廳長期吸引人客始終看食物質素，盲目抄襲未必是成功之道。http://hk.myblog.yahoo.com/chicken-goal/article?mid=3125

呢間烏冬店係旺角開左一排, 有人心血來潮想試下咁我一向都好鐘意食手打烏冬&日本野2個人去到叫左滑蛋鰻魚烏冬(粟米湯底) & 炸魷魚鬚烏冬(豬骨湯底)食物一來到. 首先嚇人係碟炸魷魚鬚!!! 份量少, 魷魚鬚細條都算, 仲要勁油!!! 心諗我去旺角街邊買$10都好過你啦...滑蛋鰻魚看似正常, 點知超級多骨!!! 未試過出去食鰻魚食到個口咁累-.-d湯底都夠哂經典!!! 粟米湯底係用幾湯匙罐頭粟米加水加鹽豬骨湯底我食唔出同出前一丁豬骨濃湯味有咩分別真係有冇搞錯@@ 已經唔係平. 2個人食左$92但係食物毫無誠意最令我費解係, 點解門口會有人排隊去食?? 究竟係D人未試過, 定貪呢度方便.....惟一可取之處為服務唔錯

能夠號稱手打烏冬，必定有其過人之處。這次真是中左計，由於路經此地，又見咁多人係度等，女朋友由要求，就試下江川手打烏冬啦！服務員算是用心及態度良好，好有禮貌的等我們點菜。我雞扒烏冬配蕃茄湯底，而女朋友就點了個吉列豬扒烏冬配蕃茄湯底結果：中計雞扒烏冬配蕃茄湯底 - 雞扒冇咩特別，但烏冬好粉，諗住最穩陣的蕃茄湯底冇蕃茄味同好咸女友的吉列豬扒烏冬配蕃茄湯底除了吉列豬扒算是香口一點外，其他都是同上。其實我可以比ok，但因為他們首本名菜是手打烏冬，連最出名的都如此水準，maybe服務可以，但味道不可原諒。

放工食宵夜...見未試過呢間咪入去試下!嘩...超後悔....九洲湯烏冬:個湯又唔熱...個味有d似出前丁丁既豬骨味...但係淡個隻囉...滑蛋鰻魚麵鼓湯鳥冬:佢張menu係放埋一起既,但黎到係分上既~有d意外!!但個麵鼓湯...就真係唔知想點...熱就熱喇...但係超淡囉...滑蛋鰻魚...d滑蛋唔錯!!!豬頸肉:呢個好味!!!

見到話"手打烏冬專門店"以為好掂....點知.....坐低咗兩個烏冬set(金菇豚肉同漢堡)加一客鯖魚....以為有多款湯底可以選擇,會好pro,但只係味精湯...自稱"手打"烏冬專門店,一定唔係,仲差過惠康買嘅特惠牌烏冬,完全,如果佢唔係話自己係"手打"烏冬,仲要係專門店嗰隻,我會冇咁失望同冇咁與...個金菇豚肉就硬到咬唔到,個汁嘅味道難食到嘔,又煎到燶晒...個漢堡都好味d,但又係煎燶晒,又勁多油,想增肥者可以一試...另外收咗一客鯖魚,都算ok.

真係唔明，個鋪頭外面個樣整到好似ok，入面d 野點解可以難食到咁......仲要貨不對辦!!!話說小弟同女朋友行完寵物街之後想搵野食，落旺角經過呢間野之後俾佢"江川烏冬"呢四隻字吸引左埋去。入到去望住個menu好似好吸引，好快就叫左兩樣野:1, 西京比目魚烏冬套餐 ($46 + 10%) (日本唔知乜Q 汁湯底) 2, 和風金菇黑豚肉套餐 ($42 + 10%) (豬骨湯底) 先上和風金菇黑豚肉套餐，餐牌上面既配菜冇左，我問經理D 配菜去左邊，佢話果D 係蔥，已經倒左入去碗湯入面...下??唔係呀??除左知道入左黑店，已經冇咩好講...再試一試個豬骨湯...我即刻好掛住味千...淡茂茂，冇乜味。烏冬又係出左事，一D 都唔彈呀，同阿媽買一包包果D 烏冬冇乜分別。係青衣間赤丸製麵所(無論係質素下降前後)同埋屯門間自家烏冬都好食過佢一百倍，價錢仲平添!!不過好戲仲係後頭，個西京比目魚烏冬套餐黎到仲精彩，個日本醬油湯底簡直係麵鼓湯溝左好多水...我女朋友一食就話好難食...最後我地調轉左個湯底黎食...我相信呢碗野會係我人生入面食過最難食既一個湯底...埋單$102，我個肚食有堆野係入面，但當

平時好多人等,見今日4點無咩人就入去食下tea, 叫左個吉列豬扒烏冬同雞扒烏冬~間野好簡陋咁, d位坐得唔舒服~! 不過侍應生服務就ok~d野好難食~ 吉列豬扒好似o係微波爐"丁" 完咁~ 一d都唔脆!! d肉又好霉!! 好難食~d 烏冬就好一般!~ 要左豬骨湯底, wa....味道好似出前一丁公仔麪咁, 仲要好咸tim ar! 好多味精~!! 雞扒烏冬就要左蕃茄湯底, 好濃,不過就好酸~!! 而雞扒都麻麻地, 好 "鞋"同太咸!!~呢間野一定唔會再去!! d野好難食!~ totel 食左$84 就唔係好抵lor~40幾蚊一碗烏冬, 呢個價錢可以去好多地方食都得啦!!~

行開旺角諗住同女友去食米線，經過呢間舖，見到門口有唔少人等位，諗住等下啦。點知等左成3個字，想走架喇，但咁0岩又嗌到我地號碼，算喇，心諗入去可能有好野食。其實企門口時都發覺有D怪怪地，D碗係透明嘅，女友一早覺得唔會係正宗手打烏冬，不過既然入左去就算。入到去見到D menu 勁污糟，我女友連掂都唔想掂。跟住諗好食乜，望住個部長，佢呆呆滯滯走埋來問食乜，問完又唔寫，如果佢記憶力超強就真吹佢唔脹嘅。我要左個日本傳統湯底金菇黑豚肉烏冬，女友要左個豬骨湯底豬軟骨。好喇，一來來左個豬骨湯先，女友飲左啖，哇！發生咩事，D味淡過淡奶！食嚿豬軟骨，哇D「軟骨」咬到牙都軟！烏冬更唔使講，同你係雜貨舖買的噹噹烏冬咁，佢「過人之處」係煮到近乎沙河粉咁削。我哋隔離有兩位姐姐一路食緊，我見佢個樣勁火，發生咩事呢？原來等一個甘筍湯烏冬等左半個鐘！佢叫個侍應埋來吹單，個侍應仲唔識死，同佢講：等我幫你問下仲有無甘筍湯先。 咁搞笑？乜落完單你先去check有無貨賣？喂，頭先落單個部長去左邊？我果個「日式傳統醬油」湯底更加吹脹！等左3個幾字，吹佢單，佢先同我講話去check下有無！姐姐，3個幾字，我屋企都煮好啦，係咪先？

同男友行左好耐, 唔知食咩好, 見到呢間好似幾吸引, 好多款既湯底同埋侍應都幾有禮貌, 咁就入去試下la!入到去, 因為無其他既"木台", 所以有坐近門口個張, 但個經理見我好似唔係咁ok, 都好快轉左入d既位比我, 幾好!服務ok, 但係d食物就真係麻麻地ok喇....我同男友一齊食個咖哩吉列豬扒烏冬+雞軟骨唔係等左好耐,就已經到個湯其實我接受, 男友都話ok, 不過個吉列豬扒比較細@@, 又幾厚粉, 食落唔係好熱有d失望/_\(唔應該有期望-0-)仲有個小食, 炸雞軟骨 $22 無咩特別 份量唔算多, 亦不可以話勁少總結係無咩特別, 而且價錢亦不算平, $4x一個烏冬不包飲品應該不會再來(門口有d魚魚既射燈係地下幾得意)

甚少寫食評(雖已過多月),但和友人吃後，友人稱一定要'表揚'俾大眾知！被騙(一)：自稱"手打"烏冬專門店...手打?! 無可能啦,擺明唔係,仲叫自己專門店, 好心啦！講到咁大...被騙(二)：門口一巨型海報展示提供近十款湯底：豬骨、麵豉、玉米、蕃茄、甘荀、菠菜、'魚立'魚、咖哩等......(有d唔記得喇)我地係因為這眾多特色湯底所吸引而決定嘗試，但坐下一看餐牌，只有頭五款係有供應(咖哩有自己專頁)...... 想試特色湯底，對唔住，no way！(佢唔係暫停供應一陣,係貼住遮哂,似永遠都無!!) 唔好信..！被騙(三)湯底雖仍有多款，但我覺得其實係同一個底！我們試玉米和甘荀，請完全不要期望有預期的玉米甘荀味。同一個底→同一個味精湯底！(只係加dd所謂該款味道入去,可能又係味精精…)大佬，如果係味精湯，咁我洗乜去你度食，自己喺超市買包自己煮得啦！都好味過佢！　嘥左我一個晚飯時間"a!!!友人一向對味精勁既食物有敏感不適，回家不久感頭痛！　大家自己斟酌！味道：差劣，超市時下買倒的味精麵的味道都好味過佢！環境：ok啦，只是如大家所說：不要坐門口位！(又凍又熱)服務：嘿，俾我見到人地