EL Dining (Closed)

12月份係一個我最開心的月份，除左係有聖誕節之外，亦都係我同老公結婚週年，同埋仲係我老公&大侄女生日。每年我都會揀一個好地方同佢地慶祝，今年就去呢度食飯慶祝。食店在商業大廈，環境也不錯，亦都望到維港。點了三個套餐，其中一個餐係M5和牛套餐😄三個餐湯都係龍蝦濃湯配多士，龍蝦湯來到時，已經聞到好香既龍蝦味，湯很濃味，配上多士好襯😋每個餐都跟住有三個前菜：1) 馬火腿無花果沙律2)白酒忌廉煮法國藍青口3)西班牙風味墨魚和牛餐除左跟上面1&2外，另跟香煎鵝肝😋幾個前菜都好豐富👏🏻來到主菜，老公就點佢至愛羊架，大侄女就係黑毛豬，我就係和牛😋其實主菜未來到果陣已飽飽地，食埋個主菜係飽到上心口🤣不過三個主菜真係好夠份量，味道就不錯啦👍🏻來到最後就有驚喜，因為訂位果陣已經要求甜品畫圖案，比左我心水既公仔，佢地就會按我要求去設計，成餐飯真係好完美🤗

慶祝女朋友生日，要搵間環境高檔，有靚景，又唔太貴，仲有驚喜o既餐廳，唔係咁易，無意中搵到呢間，鵝頸橋附近，鄰近銅鑼灣。食物份量唔算多，但都足夠，人手有限，等得比較耐，不過牛扒同鱈魚味道very nice。咁o岩當晚8點正有煙花睇，雖然角度唔係好正中間，但都算係好高級享受，唔駛出去尖咀吹風，舒舒服服坐係餐廳室內睇煙花。最驚喜係甜品蛋糕碟上畫公仔，畫功一流，氹得女朋友好開心。兩個人食左7百零蚊，算係超值。不過食一次就好，下次無左驚喜就無乜需求番黎食，睇下第時會唔會有新gimmick吸引顧客番啅。

Knew about this restaurant for awhile and was attracted by the view. Recently saw they hired a guy distributing flyers for the restaurant. Actually I was impressed by that guy ( restaurant should give compliment for this guy, he was really trying the best to sell)and I decided to book and give it a try. I picked pork chop and my friend picked sea bass. Main course and soup were very good. Just need to improve a bit for table service. No butter for bread. When asked for bill, took my credi

今日老公大big day🎂, 晚餐点都要豐富啲嘅。我一早book 左銅鑼湾“EL Dining”🥩，對住维港景色食生日飯慶祝🥂🍷🎊🎉，仲要我地包埸咁濟(因為我地早食)，我地用埋隔離枱喺度不停自拍📸🤭……；晚餐真的很好，食物好新鲜；用咁既價錢食到4個頭盤，1個主菜，1個甜品，仲要有85折，真係妈抵。仲係甜品上加上Happy birthday, 而我又係今個月生日，所以可以加埋我個名。職員又好友善，招呼又好，定必會再帮襯好開心老公對呢餐生日饭都好滿意，👍🏻😋😚。

今次我第一次上來食飯，都係朋友介紹，覺得感覺好好。一入去就望到美麗的維港海景，由於一早訂枱，所以服務員俾了一個窗口位置給我們。佢哋通常有兩個set dinner，我們就叫了一個多前菜的晚餐。佢哋嘅服務都好好，服務員都好細心同nice。食物亦擺得好精緻，而且味道仲好好味。最驚喜就係我們預先點的甜品，由於有朋友生日，我們一早叫佢地幫我們做好準備。畫功一流，值得一讚，全晚成班朋友都好開心，值得推薦的一間餐廳。

成班朋友慶祝生日，見這間做推廣，於是一試。海景超靚，影相一流。食物質素幾好，龍蝦湯同西班牙黑毛豬，值得推介。特別一提，佢哋嘅服務態度好好，我們叫黑毛豬時，佢哋已經同我地講，靚嘅黑毛豬叫八成熟就可以，但我們其中一人怕，所以叫了一碟全熟，一碟八成。最後全熟又真係無八成咁好食，侍應好好，問需唔需要幫我們換，我們當然唔好意思啦！因為係我地要求。不過真係好有禮貌同細心，值得一讚。到食甜品時更有驚喜，生日那位個甜品除了寫左名同生日快樂之外，仲畫了個hello kitty,（壽星最愛），真係超有心機。下次生日一定再來！

自從生咗小B之後就冇再同老公出過街食飯。襯媽咪得閒。我哋就偷走出嚟拍下拖仔二人世界😂😂係facebook 見到呢間el dining 個menu都幾吸引又有景睇於是去試下。 啲食物真心五錯⋯叫左香煎黑毛豬好鬼厚。老公話塊豬係靚嘢落足本我呢淨係知好食同唔好食😂😂😂我仲預訂咗個海鮮拼盤。都幾豐富下。有龍蝦青口生蠔。。。食得出係新鮮👍🏻👍🏻我老公去係做西餐都覺得五錯⋯值得推介兩個人去仲有八五折～聽侍應講間餐廳每個月嘅餐牌都唔同～下次再去試

起facebook留意到，一路都想試，咁岩有朋友生日。見有有promotion,就去了試。我們一早預訂了窗口位，可以望到維港海景，淨係影相都半啦鐘。😅侍應服務態度好好，仲問洗唔洗幫我們影，好細心ar！佢推薦了幾款食物，其中一樣係黑毛豬，超好食。塊豬又厚又juicy,個個都讚好，真係直得推介。提下大家，如果有人生日，做緊4送一，仲可以幫畫碟，上次仲幫我們畫埋公仔，真係好有心機。原本我們食完飯仲有下場，侍應同我講10:30後有得唱k飲酒，可以唔洗轉場，繼續姊妹談心。

生日飯訂了位，有優惠4送1 ，所以來試下。地方真的比較細，被安排的座位仲有隻小強飛出來！食物不過不失但其實佢話 $398一個set但多數的 main 要加錢所以唔係咁底食。四個人都成$1400！

之前成日在facebook見到有優惠，於是去試。這間是位於銅鑼灣望到維港海景餐廳，價錢又不貴，$378有五道菜，$488有七道菜，有朋友生日，仲可以買4送1。而且海鮮又新鮮，生蠔好正，不過要預訂。食物質素好，西班牙黑毛豬更加要必試。之後生日仲有一個畫了公仔的甜品送，睇得出畫得好有心機，幾有誠意。我們成班女仔掛住景相傾計，搞到好夜，佢哋仲轉埋卡拉ok俾我們唱歌，服務態度真係好好，值得一讚，下次我們必定再來！

生日飯，四個人點了四個不同的主菜，四個人都覺得味道非常一般。如是大酒店厨師同高級食材，這一晩是大失水準。一定不回再來。 服務一般也沒有甚麼驚喜，唯獨是維港海景是吸引之處。It was a birthday celebration dinner. The food menu is alright. We chose 4 different main courses. The cooking and food quality is subpar. The service was so so nothing special. It is not worth a visit.

原本開開心心去慶祝生日嘅，但講服務真心唔得！平時食飯影唔影相都冇乜所謂，但生日都想影相留念，但叫個Waiter幫手都幾唔願意幫，乜嘢都要叫，又唔係特別平，正常價其實要有番個正常服務羅！大把海景餐廳啦！下次都唔會再去羅！失望

今日同事介紹左間貴得嚟又好有水準既西餐廳, 坐得舒適, 又望住個無敵大海景, 食完個午餐都精神百倍, 最重要係食物質數都好好。餐廳位於商業大廈樓上，所以未必太多人知。餐廳大門用全黑色，一打開大門就看到充滿陽光嘅海景，形成強烈對比，精神為之一振。餐桌數量唔多，人流少，坐得舒服，可以靜靜地享受午餐。我地叫左2個午市套餐: 香煎西班牙黑毛豬鞍配燒薯同埋香煎安格斯肉眼扒配燒薯。套餐已包括餐湯(指定)、沙律菜、主菜、餐飲。主菜送上後，侍應拎咗3種芥末問我地要邊種，主要係英式芥末(圖左) 同埋法式芥末(圖右) ，英式芥末味道濃郁，法式芥末比較淡。香煎西班牙黑毛豬鞍配燒薯，第一口咬落去黑毛豬就感到外面一層煎到薄脆，十分香口，而且豬肉亦易於咀嚼。香煎安格斯肉眼扒配燒薯，我要7成熟，廚師調節到啱啱好，雖然牛扒中包含很多脂肪(圖中牛扒中間淺白色都是脂肪) ，但除此之外味道非常好，亦嘗到牛肉味，建議不要放太多芥末， 否則遮蓋咗牛肉嘅香味。另外這2塊扒下面都藏咗幾粒燒薯仔，份量同味道都啱啱好。最後還有餐飲雖然價錢偏貴，但係有咁嘅水準真係物超所值。間唔中都要對自己好啲，可以嚟呢度食下。

朋友生日來食飯慶祝，見facebook有生日優惠，就book黎試下。餐廳雖然唔係好大，但一入去就見到個維港海景，已經加分。人手雖少，但服務週到，解釋得好詳細兼好nice。食物質素好好，有些驚喜，賣相幾靚，而且仲好好味。有酒店級水準。食完仲有得唱卡拉ok，朋友都好滿意這個生日嘅安排。值得一讚，還送了一個畫了公仔嘅甜品，好有心思。

男朋友生日黎左呢度食生日飯，book檯要俾$500訂金。環境很不錯，可以睇到維港景色，幾private寧靜適合約會慶祝。食物方面，前菜一般冇咩驚喜。主菜叫左一個西冷一個黑毛豬，兩個都幾好食，尤其係個豬，真係幾出色。最impressed嘅係員工嘅服務，由介紹菜色，到上每道菜，到最後幫忙準備切蛋糕影相，都超級好服務態度及有禮，令成餐飯加左不少分總括來說都好滿意呢餐生日飯，會考慮再來或者同同事黎食lunch