名堤 (Closed)

和某人在銅鑼灣吃飯，沒計劃吃甚麼，最後他想起了這餐廳於是就跑來了。說起來，這餐廳開了一段日子，不過也許是身處樓上的關係，總不太起眼，這晚八時多到達，餐廳很大，所以也只是半滿狀態，所以就佔上了卡座。又，餐廳的其中一角，設了吧檯／生啤機等，讓人可以好好的喝上一杯。前菜要了大蝦柚子沙拉，蝦不大，不過是非常爽甜彈牙，吃得出是新鮮貨色，柚子稍大塊了一點，不過入口多汁味美，跟魚露麻油弄成的沙拉汁很相配；伴碟的米通只有著淡淡米香，卻是香脆非常，讓沙拉有著更豐富的口感，整個配搭都很不錯！牛油雞翼，聽侍應大叔說是這裏的名物，不過鄙人一向都喜歡吃牛油雞翼的就是啦。這裏的雞翼現叫現炸，上桌的時候牛油味相當香濃，外皮酥脆，入面卻還是肉嫩多汁，蒜茸的分量不多，不會蓋過了牛油的味道，好好好好吃，果然是名物！另外也點了香芒蟹肉炒飯，大概是下了芒果的關係，炒得濕了一點，不過蟹肉分量不少，入口吃著啖啖蟹肉還是非常滋味，芒果吃得出是下了兩個，因為一個很甜另一個就帶酸，哈哈。兩個人吃了以上的已是飽撐得很，買單約＄240，不算貴，也許是客人不太多的關係，侍應大叔也很勤快有禮，是一家不錯吃的餐廳呀。

來了幾次了，都不錯，越式炒金邊粉，唔會痴埋一pat pat, 好夠味，好好食，不過蝦就沒什麼味。蒜蓉通菜，蒜味剛剛好，有足夠味而不太濃，通菜爽口新鮮。牛油雞翼，朋友每次來都必點，其實見到好多人都會點這個，牛油炸得很香，雞亦嫩滑。蝦餅，彈牙，一貫水準。甜品叫了芒果黑糯米，甜甜的，很好吃

我們一家都是名堤的常客由以前舊鋪清亭到合併改名做名堤我們幾乎每月都會幫襯一次或以上無他因為它的牛油雞翼真係好香好好味但係今日去的時候很多侍應嘅樣都唔同哂好似間鋪換左手咁講翻食物質素叫左4隻牛油雞翼一放上枱同以前個樣完全唔同厚粉到嚇親 似係轉左另一炸粉(向經理了解過是天婦羅炸粉)咬嘅時候那些炸皮同雞肉分開哂香味尤在但感覺同以前的不同，完全比不上從前的牛油雞翼已向經理反應，希望會轉翻以前的版本

突然想吃越南菜，openrice 了一下，找到了這間店～這是樓上店～地方頗大～我大概7pm 左右到達，店內人不多，馬上有位～友人點了：原隻菠蘿炒飯$9x頗貴的一個炒飯，沒什麼菠蘿粒：/但味道是ok 的～但我不覺得值九十多元：/我點了：燒豬肉撈檬（$5x)我很愛吃撈檬的！因為感覺清新些，而且我很愛撈檬的汁！以我不吃辣的人來說， 這兒的汁偏辣～ 但撈檬的size 頗大～吃得很飽～ 而且價格合適Like!最後叫了一碟小吃鮮蝦紙米卷（$4x)這個米卷, 很強烈的香茅味 而且太多檬粉了～不好吃：/但總的來說還是ok 啦～

世界杯，一班朋友一起睇波是常識吧！樓下酒吧無位，於是上一層碰運氣。侍應話有得睇，最低消費120/位，都唔貴，咪坐低囉。坐低時約11：30，電視都仲係播緊免費電視台。心感不妙。問下幾時轉台，侍應話就轉。再過15分鐘，仲唔轉台，再問另一個女仔，佢竟夠膽答我：「宜家咪播緊囉！」頂，當我傻呀，播緊既係昨晚的重播黎嫁！到12點，開波都仲未轉到台。講大話話就得，到12：20分先播到，仲要係低清既播放，真係大整蠱！食咗個牛腩煲同青木瓜沙律，牛腩勁冰鮮味，食物偏咸。飲咗枝啤酒、椰青，朋友飲汽水，無驚無險！以為送花生，點知埋單先發現花生價值60蚊！

近月於電台不停聽到信諾環球保險公司的耆安人壽保，真是疲勞轟炸，但又似真係幾好，如果我是耆英可能會考慮吓。並不認識信諾，卻見原來有座信諾環球保險中心於銅鑼灣，好奇走近看看，原來有食肆於首二層，但入口分開，既然來到，就試試這家泰越菜店。走到大廈低層食肆入口，馬上有支客招呼，爭取客人，然後指示如何乘電梯上二層，磪保客人不會有意無意走到另一家食肆。因為到達前先在咖啡弄拿了籌，所以簡單快捷嚐了以下越式二人餐：越式河粉 喜見河粉上除有牛肉外，尚有牛根牛丸，材料十足，牛肉呈粉紅，半生熟剛好，湯底味清而香料足，添加洋蔥及蔥綠增辛口，配以魚露風味十足，河粉幼身滑溜，有水準！雜錦沙爹串－雞牛豬各一條水準合格，肉不嚡口，香而不焦，沙爹醬雖未為出色，亦滋味。馬拉盞炒通菜通菜嫩綠味濃，泰越風格，粵式的炒青菜多吃了，特意轉轉口味，甚為滿足。咖啡弄快有位，一小時不到的快捷晚餐，合意！其實餐廳有非常多菜式，有平有貴，有機會再訪。

牛粒紅飯佢竟然用very nice嘅炒飯可惜過咸牛粒甚有咬口柚子沙律冇咩味won't order again牛油果軟彀蟹quite nice!!!牛肉火車頭河粉有米味又滑環境 - quite nice!!!服務 - quite good

經過見到諗住試下 坦白講質素真係唔多好 唯一覺得見得下人嘅只有個焗飯 各樣湯河都十分普通 西蘭花亦係自己都炒到嘅貨色 1.原個椰青焗飯料唔太足 比想像中細好多 但飯算炒得粒粒分明2.雞絲札肉湯河唔特別 只有好小雞絲同札肉3.炒西蘭花4.生牛肉湯河牛肉太肥 都係好少料 冇下次啦⋯⋯⋯

I used to go to this place under its old name long time ago. Apparently, they have changed hand for quite some time.Food: The soup base for the pho noodle was not exciting at all. None of the dishes were exciting in fact. The spring rolls were small and over fried. There was not much shrimps or meat in the fried rice or noodles. I consider the portion too small for the appetizer. In fact, any seafood and meat ingredients were sparingly added to the dishes....The Vietnamese coffee was good though

銅鑼灣收工，辛苦左一日當然想好好坐下，但又想食越南菜。唔好以為實無可能，呢間樓上鋪又大，又有好多卡位，坐落都幾舒服。貫切咩都想試既作風，兩個人叫左4樣野牛油雞翼、豬扒撈檬、咖哩牛腩煲、馬拉盞炒通菜牛油雞翼真係必必必必點！睇落平平無奇，但一咬d牛油香味出哂黎。大家見到係炸野可能會擔心好油膩，但加左青檸汁之後真係唔覺得油膩食雞翼大家可能無咩點要求肉質，但呢個雞翼d肉好嫩好juice，第一口真係好味到呆左除左青檸外，仲附上淮盐。我就覺得唔加好d，因為覺得有種甜既味道，但加左就感覺味道豐富。我建議一隻加一隻唔加啦 豬扒撈檬撈檬就真係平平無奇，唯一覺得個豬扒既香料好香，唔會太咸馬拉盞通菜呢個真係唔合格，馬拉盞味唔夠，真係得個樣，而且有d油。以越南菜黎講，呢d只係基本菜，但真係不合格咖哩牛腩煲好小係越南鋪見到有咖哩食。一上枱打開蓋d煙出哂黎，d咖哩香味都嗅到哂咖哩味係有，但有別於印度的香料極重、泰國的酸辣、星馬的椰香。呢種真係表達唔到，好似係全部既中間牛腩食落算林，而且無渣薯仔唔算好好好林，但係d咖哩入哂味

之前見團購有個團購餐，＄188有湯有四款前菜（每樣一件）、主菜、甜品及越南特飲，諗住平平地食下除夕大餐，見間舖頭又係上樓，都冇咩期望，只要唔難食就得，點知真係出呼意料之外～～（唔記得影相）個南瓜湯好濃好味我地八個人去食，四款主菜都叫晒羊架好入味又大件，竟然有三大件咁多牛仔骨都好味，不過肥左少少豬扒好好味，唔會煎到好硬海鮮拼盆個大頭蝦勁大隻（得一隻），魷魚筒入面仲有飯添～甜品我只係試過雞蛋布丁，好味，唔太甜飲品我飲左杯越南特飲，唔知橙汁咩咩咩，好飲架仲有人問我地D野好唔好食，啱唔啱胃口，對我地D團購人黎講，招呼都唔錯架啦（最緊要大時大節都唔限時）加埋一，一人大約＄＄220，除夕黎講真係好抵，仲要交通方便在銅鑼灣，GOOD唯一個廁所勁污糟

Reason for visiting:I was out with my grandma, and I wanted to let her try something different.  Environment & Hygiene:It was quite a big place that kinda looked like a bar; not what I was expecting. Because it was so roomy, it felt comfortable inside. Also, I didn't notice any problems with hygiene.Service:Surprisingly nice and friendly staff. We were treated politely. Taste & Value:Since we arrived after 2pm, both lunch sets and tea sets were available. For both sets, you could add a snack for

小妹曾經是一個一成不變的人，去同一間餐廳，食同一款食物。不敢試新嘢，怕失望，怕有遺憾﹗但自從走上寫食評之旅後，嚐味態度一百八十度轉變。敢於、勇於，並樂於嚐新、嚐鮮。今日，路經名堤，決定一試。最終，並沒有失望﹗名堤位於一樓，地方頗大，座位闊落，有落地玻璃窗，襯以昏暗燈火，飾以饒富越南特色的水車、竹葉及圖片，極適合三五知己聚會談心。午市套餐由$46-$78不等，包主菜、餐湯及餐茶，超抵食，且選擇又多，還不收取加一服務費，真是極著數﹗小妹點了香茅豬扒撈檬，另加錢要了蒸粉包及海底椰冰，盛惠七十大元罷了﹗據聞，越南氣候較熱，所以越南菜以清淡為主，清爽不油膩。烹調時注重清爽原味，以蒸、煮、燒烤、涼拌為多；即使油炸或燒烤的菜式，大多會配以生吃蔬菜如生菜、薄荷、金不換等，以去油膩下熱火。蘑菇蕃茄湯小妹是蘑菇迷，但此湯較特別，是首次嚐試的 – 因為蘑菇淪為配角了﹗蕃茄湯底應該是以濃縮蕃茄醬調製的，味道酸咪咪，略帶甜，材料除了浮面的蘑菇片外，還有切得極為幼細的紅蘿蔔粒及洋蔥粒。香茅豬扒撈檬 $48香茅豬扒撈檬勁大碗，配料除了份量十足的豬扒外，還有青瓜絲、蘿蔔絲、蔥粒和少量花生等蔬菜消減熱氣。預先切成條狀的

今日同朋友行開銅鑼灣，悶悶地佢介紹我睇套<<被偷走的五年>>，出黎成11點幾，佢又話肚餓想食宵夜！真係比佢激死，兩個男人一齊睇愛情片，仲要一齊食埋宵夜！！！無計，唯有打算隨便找間粉麵檔，點知佢又話想食越南野真係麻煩！老實講，我雖然都幾鐘意食越南湯粉，不過銅鑼灣有邊間特別出名既越南食店我就真係唔太清楚。好彩佢都有做功課（？！），帶左我上名堤，入到去見個場幾冷清，都驚驚地：唔會中伏掛？　我唔想睇完套好戲轉頭食埋Ｄ難食既野返歸　T_T坐到落黎，四圍望下個環境其實唔錯，昏暗既燈光夾埋淺啡色為主既裝修，格調唔錯，不過兩個男人就有Ｄ怪怪地（暴汗）。由於我心如鹿撞（誤）既關係，叫野食既時候就隨朋友叫左個烤牛肉撈檬，無叫我最鐘意食既火車頭！間餐廳既設計都用左幾多心機，我同朋友坐係玻璃隔離既四人座度，聽Ｄ侍應講玻璃係單面既，即係我地望到外面，而外面望唔到入黎，其實而家唔少餐廳都會係呢種細微既地方做Ｄ貼心既服務，不過唔講出黎既話，客人未必會留意到店家既用心！店舖內仲有不少竹葉既擺飾同越南風味既掛飾，成個氛圍都唔錯，聽朋友話角落仲有個吧台同隔間，可以比鐘意睇波既人成班一齊吹水

飯癮起時好想有飯粒落肚！！貪佢依到少人就黎食個快餐依到係越南泰國風味既菜館佢地方好大。有用綠葉作點綴東南亞風情出哂黎最特別係佢有個迷你吧枱可以暗暗一角飲下酒傾下計講番飯款其實都係大路既幾樣椰子焗飯。牛柳粒紅米飯。咖哩飯見佢星星推介個西貢特色炒飯我又冇心水就試下 雖然冇咩客但即叫即炒都等左十五分鐘有多係肚餓到就暈既時候都幾漫長好在佢有電視分散下注意力黎到係一大個圓拱形既飯上面壓左４隻蝦好大隻新鮮又彈牙爽口但係冇味的即叫即炒熱辣辣煙鴨胸同臘腸粒同蔥既份量正常我嫌臘腸唔夠香口其實開始唔鐘意食野叫炒飯覺得好多餐廳都係ＨＥＡ住煮見有材料咁咁炒埋一堆就當係冇心機之餘當然好食有限今次就冇咁差，但同時都冇咩驚喜只係填肚就好最特別要講既係佢有黑椒粒充滿成個飯第一次食到咁既味道啖啖都有黑椒粒又出奇地幾夾幾好味唔會覺得太辣同濃味熱辣辣食又幾惹味