名堤 (Closed)

一段日子以前，名堤前身是很有名的清亭剛轉手時我有問過店員，他們說只是轉了老闆，師父都是相同班底那時候吃過，覺得食物質素還可以但上星期再訪，覺得真的大不如前了茄汁牛腩粉是小妹必點的ITEM精髓在於茄汁要夠濃夠重味但今次食.....個湯稀到似住家蕃茄湯...仲要係唔夠火候果隻亦點了牛柳粒紅飯紅飯好吃，牛柳粒牛味重但煮得很韌另外點了豬頸肉作小吃..............可是.........乾到柴皮一樣現在要找一家又好味又抵食的越南餐廳真係唔容易呢名堤跟以前不同的是，現在有賣酒，啤酒種類不少呢加上有波睇如果當佢係一間睇波酒吧兼做越南菜凡(事實上9點後明顯多客起來)感覺也許會好一點啦~

上周，考獲車牌、新工落實，好事成雙。一位朋友臨時約飯局，為我慶祝。中午邀約，晚上便要見面。幸好，有三位朋友賞面。是日間歇性下雨，沒落實晚飯地點的我們，在銅鑼灣區閒逛。突然 J 君記得一間還不錯的越南餐廳，於是就帶我們來到這兒－－名堤。名堤是酒吧餐廳格局，環境偏暗，但裝修尚算不俗，坐得舒服。食物質素方面，坦白說，只是普普通通。這一晚，圍在桌畔的四個人，並沒有將焦點放在食身之上，反而放在餐廳的小細節上。例如：在 Mocktails 的 Drink Menu 上，大家有沒有發現什麼有趣的東西？如果紅豆冰都算 Mocktails ...... 相信鴛鴦、檸茶都屬於這個類別了。 　　食物來了。豬頸肉，味道相當之普通。肉不夠軟嫩，皮烤得不夠香脆，只有微微炭烤味。不建議點這個。　　然後是馬拉盞通菜，味道是在及格線之上的。但如果馬拉盞可以重手一點更好，今次比較淡，通菜亦未夠爽脆。　　至於牛油雞翼，味道不錯。入口熱辣辣、外皮脆脆地，有牛油味。雞肉都算嫩滑，富有肉汁，加了蒜蓉等香料後，頗為惹味，可以一試。　　沒有參與點餐，所以不肯定叫了甚麼炒飯。只記得這個飯的味道不差，稍嫌鑊氣較弱、配料較少。　　怕不夠

每次行經銅鑼灣駱克道附近，都覺得餐廳既選擇並不多，可能是鋪租的問題吧！從前應該是叫"清亭"的"名堤"仍然是我的首選。平時與友人一起的時候定必叫牛油雞翼，但因為今次自己一個，只簡單地點了"生牛肉檬粉"。老實說，當然好難令簡單的一碗"生牛肉檬粉"變出什麼花樣，但是喜歡就是喜歡吧！清淡的湯底令人多飲也不會有油膩的感覺，而且半生熟的牛肉卻是美味的，要不然也不會叫"生牛肉"。而且這裡的地方非常大，因此完全不會有局促感，最重要是餐廳並不會因翻枱而催促客人。舒適的環境加上大大碗的"生牛肉檬粉"，I like this!

坐下來跟女友睇餐牌（只用了10分鐘），但換來是等了20分鐘才有人來落單.初初叫了1女侍應落單,但轉頭無咗影.之後,叫1男侍應落單,佢直頭當你透明,明明見到我叫,但扮睇唔到直行直過.老實講,當時只得六／七張枱有客,好忙咩!我唔多覺囉!我抬頭看一看.見到2女侍應係門口吹水,1男侍應睇電視.1個吖姐係到傳菜.最後我攞起餐牌舉高手,先有個女過來落單.講真,真係好不知所謂囉!!如果女友唔係話想食喇唦,我諗（名堤）可以拜拜嘞!!!

呢間野服務真係好好。早前打左電話BOOK 位，訂左7點，我地7點半先差唔多齊人落ORDER。期間一直冇吹我地落ORDER。到食完啦，我地一直吹水吹到10點半，又冇吹我地埋單，仲幫我地加水，叫佢地幫我地影相又唔會托手肘，仲好好笑容。至於食物方面就中上，同平時食開的越南餐廳差唔多。1. 牛油雞翼敏落去好香的牛油味，但係食落去就冇咩牛油味。不過啲雞好滑。2. 咖啡牛腩啲牛腩幾冧，不過有啲鹹。3. 生蝦幾爽口，但係冇咩蝦的鮮甜味，雖然亦都冇鯹味。4. 芒果蟹肉炒飯幾有鑊氣，但係唔係幾見到蟹肉。

 　　  　　朋友的爸爸是越南華僑，因此認識很多越南餐廳，這一家是他喜歡並常到的一家，朋友於是帶我們來吃飯。　　位於銅鑼灣鬧巿的地段，卻因為是樓上食店的關係，沒有昂貴的價格；環境和裝潢更媲美高級西餐廳，餐廳夠大，能容納很多人，由於燈光柔和，顯得頗有情調，有大電視供晚間看球賽的食客。　　我們相約六點鐘晚膳，因為朋友早到，來得及點下午茶，我到的時候恰好過了六點，結果幾乎要以一倍多的價錢吃同樣的東西了。　　先談海鮮炒飯吧，海鮮少飯夠大碟，但海鮮卻似乎不多，不是甚麼特別的海鮮，材料有獅子狗、蟹柳、墨魚，是以廉價，配了奶茶只是四十多元，算經濟了。　　奶茶方面，我覺得是過濃了 ，有點苦澀。　　肉絲炒麵方面，我自己沒有嚐到，但看起來很大碟，但仿然是配料不多。　　至於我點的蕃茄牛肉湯河，是我的推介。首先是夠大碗，然後是真材實料，可以得見切開的蕃茄放於湯碗裏，而湯底更為美味，蕃茄味很濃，是茄膏，既鮮甜又美味，恰好我傷風未癒，吃蕃茄及喝蕃茄濃湯會有幫助。牛肉稍為有點過熟，是以顯得較老，很韌，但是牛肉很多；河粉也很嫩滑。　　服務員也很細心，經常留意著我們的需要，整體來說，這是一個很愉快的用餐經驗。　　

===引言===　　相約小友於銅鑼灣夜遊至凌晨1時許，餓意來襲，此刻正好途經謝斐道，在這十之八九均為食店，不禁概嘆時間拿捏剛剛好。然步行遇一知客，經透短暫遊說，便被她滿腔熱誠所感染上樓一試。片刻，𨋢門徐徐而開，除大堂燈光耀眼外，全場一片昏暗，形成一強烈對比，加上餐桌均點亮了一小蠟台，配合現場激昂音樂，踏入店內彷似步入另一個世界，成一夜鬼……而且是一隻餓鬼　　好！閑話休題。入座後，見一小餐牌，抬頭望去四個大字『特別推介』，是何其霸氣，字字黑白分明，心有感觸，張嘴便喊：一客避風塘辣龍蝦，小辣，份量小。話畢，便與小友一同過目頗有厚度的大餐牌，內裡設計談不上精美，但勝在清晰有條理，便決定追加泰式炒金邊粉，原個椰青海鮮焗飯，無骨鳳爪等佳餚。===主體===以下次序不分先後，隨心而發。---避風塘辣龍蝦---　　一上臺，只見香茅不見蝦，撥開香茅現龍蝦，總算沒有欺騙我們感情，雖說份量沒有想像中的少，卻使我無法聯想到份量大是有多大，是足夠12人聚餐，還是能搞滿漢全席？多想無益，一口下去，香脆得連龍蝦殼都可咬碎，而且絲毫不費吹灰之力，加上蝦球大小掌握得無分毫之差，韌而不軟，完美地鎖住肉汁，留下我滿嘴鮮甜

8月26日, 早前買咗一個$69嘅團購下午茶, 今日無無聊出到嚟銅鑼灣, 等到下午茶時間可以用~ 之前呢度係開咗好耐嘅清亭, 我地都係常客, 唔知佢地轉咗手有咩改變. 我地上到去, 全新裝修, 成個酒吧格局, 原來佢地走夜場路線, 加食越南菜, 夜晚仲有波睇, 好似好多元化~ 之但係喺呢d地方食越南野, 總係有少少格格不入…::: 牛油雞翼 :::以前清亭嘅牛油雞翼真係出晒名, 亦都係我地嘅至愛, 所以個團購餐咁多小食揀我地都要咗雞翼~ 味道唔錯, 個炸皮雖然油油地不過好脆好香牛油味, 雞翼肉地嫩滑, 熱辣辣好香口惹味, 加埋青檸汁味道更加清新~ 最意想不到嘅係個樣可以同以前差唔多, 相信而家個廚師同之前嗰個有關係, 先可以做到咁似~::: 生牛肉湯河 + 青檸梳打 :::生牛肉雖然係生, 但係都唔太食得出牛肉嘅鮮味, 再浸下滾熟一下就韌咗.. 湯底就幾普通, 食開越南粉都知湯底係精髓, 只不過呢個除咗淡, 亦都冇乜牛味… 平時食呢d都會有一碟仔青檸、辣椒, 竟然我最想要嘅時候佢地唔俾, 唯有追佢地俾番… 加咗呢d先有番少少味… 整體呢個生牛河係失敗嘅…青檸梳打正常, 梳打本身有少少酸

前身係清亭，裝修後變成越泰酒吧餐廳，感覺唔錯，多左好多卡位，亦有多部大電視，好有bar feel。星期五晚3人行，差不多八點黎到，full左一半。安排坐卡位，岩哂，可以邊食邊girls talk。泰式生蝦：一order有8隻，有冰墊住d蝦。蝦夠凍同新鮮，夾埋生蒜片，點醬汁食，好刺激。炸春卷：一如以往清亭出品，炸得香脆。好味！泰式鳳爪沙律：鳳爪數量不少，拌入生洋蔥，味道不錯。只係食到尾就覺得好濃味 串燒雞肉沙爹：正正常常牛油雞翼：自從清亭搬左上樓上鋪之後，感覺佢冇咁好食，所以冇點呢個菜好耐。係友人極力要求下再點。結果都係覺得普通，好油、牛油味唔夠同炸粉略厚。馬拉盞炒椰菜苗：食泰國野，我多數會點椰菜苗，貪佢夠爽口。廚師既馬拉盞落得好夠，好夠味。泰式炒粉絲：份量正常，配菜唔馬虎，但可惜唔夠味。邊食邊傾，唔覺唔覺食左個幾鐘。意猶未盡，各自叫左一杯啤酒再傾多個幾鐘。一頓滿意既晚餐！值得一提，呢度應該係同下面果層酒吧合作，(我見到有下層酒吧侍應出lift，手捧一杯啤酒)，所以酒類飲品選擇好多。可能亦因為咁，有部份侍應唔係好熟d牌子，友人叫一杯啤酒，竟然有3個侍應埋黎問係咩酒，到最後要係餐牌指個名先

這次來吃便宜一點的越菜,這家名堤其實之前我們已經來過,之前很有名的牛油雞翼非常好吃,不過裝修很一般,像茶餐廳一樣,現在煥然一新變得像半高級餐廳,每抬也有1個蠟燭台座位也滿舒服的食評:前菜我們選了蝦餅,女友說蝦餅很難做得難吃喎,果然這家也很不錯,外脆內彈, 但不考功夫吧?額外加了20元要了一個炒菜, 沒想到是蝦醬炒唐生菜, 要通菜原來要另外叫, 不過那個看似新手的侍應也連番道歉,那就算了, 不是很多餐廳的侍應會味道也算不錯, 菜也很新鮮生牛肉湯河: 很細小的一碗PHO, 牛肉也沒有特別好吃, 也沒不妥, 配菜如生洋蔥沒有過多影響味道, 合格吧!蝦醬炒飯: 這個主菜反而很巨型, 完全始料未及, 上面放有一隻蛋, 飯粒乾身且分明, 料很足, 很滿足!青懧梳打: 味道很濃, 沒有偷工減料, 正!椰汁三色冰: 很淡很淡...忘了下糖漿了嗎?

　　妹夫的爸爸是越南華僑，對香港的越南餐廳很熟悉。今次來的名堤，就是他推介的。恰逢中秋將近，我們一家人就在這裏吃飯做節。　　環境方面簡直一流，地方寬敞，座位也多，而且很潔淨，格調也優雅。可惜電視開得很大聲，顯得有吵。　　服務也不錯，侍應忙碌之餘也不忙和我們閒聊，感覺頗親切。　　我要了火車頭湯河，首先是賣相佳，洋蔥弄成了花圈似地擺放在碗的正中央，很有美感。我先嚐到的是它的湯，很清甜，不太鹹。內裏有牛肉片、貢丸，扎肉片，但份量各一，不是很多。　　河粉方面，如絲質一般的軟滑，質感很薄，吃下去很順，而且也沒有太闊，入口即溶，沒有渣，真是一流。　　海鮮炒飲方面，先是賣相佳，另外就是海鮮的份量也蠻多的，有大蝦、蟹柳、墨魚，真的不錯，可能有點薑黃，吃起來很醒胃。　　至於三色椰汁冰，夠大杯，椰汁的比例蠻多。不錯。

團購瘋系列 – 早前在網站發現一家叫「名堤」的餐廳，推出 $69 二人越式下午茶餐，見餐廳名不經傳，本來沒打算光顧，後來不知從那裡得知原來店子是由已結業的「清亭‧燕萍」部份班底坐陣，即時又燃起了筆者要來幫襯的慾望，況且下午茶餐份量不多，可藉此先試試餐廳水準如何。座落於「清亭‧燕萍」原址的「名堤」，據說是本港少數以供應越式料理為主的餐廳兼酒吧，顧客除了可於全日任何時段挑選各款酒水飲品外，餐廳於每天晚市後仍會供應多款越式小食，是三五知己閒聊的一個聚腳點。預約了一個平日的下午到訪，位於樓上舖的「名堤」，用餐區以沙發卡座為主，店面設計尚算寬敞闊落，加上近門口的一列酒吧，在昏黃的燈光掩影下，又的確有點酒廊餐廳 feel。出示團購券後，侍者先遞上菜單，二人餐前菜 4 選 1，當中包括越南炸春卷、烤豬肉濱海、牛油雞翼、無骨鳳爪。牛油雞翼向來是「清亭‧燕萍」名物，來到這裡又那有不點之理？ 一客 2 隻的牛油雞翼，外皮確實炸得非常香脆，而且脆皮之下的熱辣辣雞翼，入口肉質嫩滑，肉汁豐盈，只可惜細嚼之下，牛油香味不多，而且蒜味亦稍嫌薄弱，幸好灑上青檸汁再蘸些淮鹽後，吃起來也算開胃醒神。主菜方面，可於

舊同事曾經向我推介銅鑼灣越南菜館清亭，並把它的牛油雞翼讚到天上有地下無，怎料未有機會品嚐之際，該店已告結業，換來是另一間叫名堤的餐廳。既然路經此處也不介意試試，意想不到此店地方頗為寬敞，雖然是午飯過後仍能吸引不少食客幫襯。兩人分別點了一碗麵食和凍飲，另再加想試已久的牛油雞翼。先來的是生牛肉湯河，主角份量不多且刨得很薄，把粉紅色的部份往熱湯一浸，瞬即淥得熟透。牛肉入口尚算柔軟，但缺乏濃香的肉味，湯底偏淡沒甚鮮味。河粉粗身，吸收湯汁後很滯口。至於香茅豬扒撈檬勁大碗，炮製豬扒的火喉掌握得恰到好處，能夠保持肉汁之餘入口鬆軟，再加上香茅獨特的味道，非常吸引。檬粉配料有青瓜絲、蘿蔔絲、蔥粒、花生等，醬汁酸甜得宜但略為稀身，要加很多很多才夠。飲品方面點了龍眼冰和椰汁三色冰，味道是無法預料的好。可能是天時暑熱的關係，冰冷的凍飲已羸了一大截，我的龍眼冰顏色鮮明，酸酸甜甜的複雜味道同時俘虜味蕾，非常有趣，椰汁三色冰亦得到大大好評。千呼萬喚的牛油雞翼到尾站始肯出來，熱騰騰的溫度加上金黃色的外表令人食指大動。炸漿薄薄一層不太油膩，外層製得香脆可口，內裏肉質仍然嫩滑，可惜的是牛油和蒜香味不太濃郁，令人有點失望，

今日一支公諗住去搵下野食，係地鐵站一出就見到間賣越南菜既餐廳，就諗住得閒去試下…我1點幾去到都唔算多人..個地方大多 有勁多部電視! 初時唔覺以為入錯地方..因為都幾有feel似落左bar...我嗌左個A1烤豬肉撈檬 蒸粉卷同杯青檸梳打…午市都咁大杯野飲好surprise… 青檸味好夠! 最抵讚係佢比細粒冰!! 加$8完全收貨!跟住就黎左碟蒸粉卷….個皮好薄…不過嫌佢蒸得耐左喲….>_<最後就係碟烤豬肉撈檬!比我想像中大碗 有齊涼伴 d豬肉幾好咬口整體黎講都好滿意…埋單都只係50幾60..最正係你可以坐係度勁耐d員工都唔會唔鋸你 仲對你隨傳隨到!

泥過呢到好幾次，的確係值得推介俾各位！之前幾次都係晚市泥多，都要等位，但今次泥呢到試下佢個下午茶。見到佢個ｍｅｎｕ選擇都幾多，有飯，有粉，有法包，又有小吃，價錢都係＄３０－５０！今日食左個炸豬排撈檬，小吃就點左個扎肉沙律，加８蚊飲紅豆冰…炸豬排撈檬：炸豬排大大件，又唔燶，仲香嘖嘖！可惜太大件，如果可以斬得細細件豬排上碟就更加好，可以食得斯文ｄ嘛　個檬粉就碎左小小，要用ｓｐｏｏｎ食，不過好好味…　　可能ｄ汁ｍａｔｃｈ到ｄ檬粉啦…撈檬嘛！小食：　扎肉肉沙律…我以為真係有小小生菜同其他配料ｇｅ沙律，但原來只係一碟扎肉。不過好彩都唔細碟ｇｅ！　：Ｄ　酸酸辣辣咁，好開胃…紅豆冰，味道淡左小小，可以再加多ｄ　椰奶／汁。紅豆唔太林，又唔太硬，　岩岩好！　紅豆份量大概３分１杯啦！　加８蚊都底食仲有一樣野真係值得ｌｉｋｅ，之前其實都有讚過！除左ｄ　ｗａｉｔｅｒ　ｇｅ　ｓｅｒｖｉｃｅ　ａｔｔｉｔｕｄｅ之外，佢ｄ位真係坐得好舒服！　因為係梳化卡位。　又可以望下街景，又可以睇下電視！整分共有８０分　︿︿