居廬 Cafe (Closed)

成日經過但未幫陣過 約左表妹傾計食下野嘆下coffee 今晚兩個就坐近門口 望住街外人車往來 我地就relax嘆下 睇menu就比佢地手工Pizza吸引住 叫左個巴哈馬火腿火箭菜pizza 賣相一流 薄餅皮脆仆仆 再加上火腿同火箭菜 味道好夾 足料 之後表妹想食薯皮 order左洋蔥煙肉焗薯皮 三舊兩個分 薯皮焗到外脆 內餡豐富 有煙肉洋蔥芝士 味道適中 佢地仲有好靚拉花嘅coffee供應 不太甜 咖啡香滑 我揀左草莓沙冰 賣相 迷人Pink colour但味道一般 唔係我所想嘅味道 當然留肚食甜品啦 睇食評話必食推介 紫薯waffle陪抹茶雪糕 賣相極靚 差d唔捨得食 成朵花一樣 可以分格食waffle焗得外脆內軟加埋士多啤梨同抹茶雪糕 好夾 再驚喜係waffle有紫薯餡架

味道正常，不過份量較少，同朋友點左意大利飯，都覺得煮得唔夠耐，有d硬😂 以cafe黎講環境幾好都幾有feel,地點都方便嘅，不過都覺得性價比唔系好高😂😂😂😂😂

今天難得放假，朋友仔話想到旺角花墟買花，為新年佈置下。於是一齊逛下不知不覺已經黃昏，諗住搵下cafe 休息下見到一間餐廳居廬，裝潢又有中式，西式，細細間，幾得意喎，門口放左menu ，主要吃西餐，於是入內一試露筍溫泉蛋沙律沙律菜淸新、爽甜，露筍鮮甜。沙律菜混有黑椒及黑醋，黑椒惹味，酸酸地黑醋，好開胃茴香白酒煮青口青口份量大，上枱時已經香味四溢，青口煮得啱啱好，好幼嫰，淡淡白酒令青口味道更加鮮甜黑松露什菌pizzaPizza 餅底做得唔錯，好薄，唔乾，微脆，中間芝士味香，煙煙靱靱，有口感紫薯草莓鬆餅賣相好精緻，好靚窩夫香脆，有蛋香，中間加左紫薯，幾特別配埋抹茶雪糕一齊吃

朋友在該區住，相約於食評算是不錯之居廬。坐近門口位，四人餐枱，雖說是四人，但枱面細小，基本上放兩份食物加飲料，枱面已放不下其他東西。環顧四週，發覺天花、整個冷氣機及風扇等，均全是黑色，加上中式門面格局，以西餐來說，顯得有些不倫不類，不建議食環境主義者内進，且價錢偏高，主要原因是食物不包括飲料。論食物 : 85/100☆☆☆☆不過不失論飲品 : 70/100☆☆☆拉花技巧未達標論環境 : 50/100☆☆一般之下論價格 : 50/100☆☆偏高

旺角區美食多的是，想搵野食根本唔難，有時係旺角食到悶都會行到太子搵食，太子亦都美食如雲，相對比較多特色菜食又唔會咁多人等位，行多兩步都值得呀同朋友黎到太子依間半開放式既酒吧餐廳食飯，店雖然唔大，但環境都幾有feel同幾舒服，吹住少少風係度用餐都幾賞心樂事<<茴香白酒煮青口>>離遠已聞到好香，有洋蔥同黑椒帶出香味，青口質感適中，煮得剛剛好，食落唔會過份老同埋入口有少少酒香，唔會太濃烈，咸度適中<<火腿煙肉香辣腸Pizza>>薄餅邊食落好脆口，整得一D都唔會厚，夠哂薄，面頭有好多芝士，食落香噴噴，薄餅尺寸份量比想像中大份，都幾抵食呀<<蒜香蕃茄芝士意粉>>以為蕃茄會比芝士更濃味，點知食落個芝士味非常香濃，芝士控必定大愛，入口好creamy，意粉食落夠爽口，軟硬度適中，條條分明，唔會好似食落一舊舊咁，唔好睇佢碟細細，食其實分量都幾多，食完都飽哂<<薑餅人拿鐵>>點解叫依杯飲品原因係純粹覺得薑餅人好得意，所以叫左杯嚐嚐，飲落其實無薑味既，但佢整果時離遠已聞到好香咖啡味

是日想食café,太子見到呢間好有feel ge café 就沖入去試試佢!叫左個黑松露意大利飯-一向覺得意大利飯質素可以好參差,一係就一patpat太淋一係就太硬,而今次係超水準 岩岩好! 好多黑松露,陣陣香味格外好食!水牛芝士雞翼-煎得好香脆, 肉汁多,大大隻,食落淡淡肉,一隻接一隻咁食! 叫左MANGO熱情果沙冰-淡左小小,不過就幾解渴唔算好甜!HAZELNUT CHOCOLATE-個心心好靚呀,好濃好好飲!最後叫左個重點甜品-紫薯草莓鬆餅 花花造型好得好搶鏡! 鬆餅入面有紫薯蓉!!呢下真係加哂分,紫薯香甜味好夾!靚之餘又令個鬆餅多左個口感!配埋香芋雪糕同綠茶雪糕,好多種口感好豐富!雖然叫得唔多野食!但令人好滿足!

閒日放假有樣好處 就係可以搵間舒服cafe 坐低同三五知己傾下抖下 居廬位於界限街 遠離太子旺區 坐低好光猛又安靜 朋友未到 叫杯咖啡歎下先薄摩卡上面有熊仔架 杯咖啡好香 又滑一路坐一路等朋友黎 淡淡既薄荷味係口入味朋友黎到 即刻叫野食茴香白酒青口 上盤好吸引青口同白酒味煮得好好 青口本身又新鮮 👍🏼茴香不會好搶味 帶出青口鮮味😬水牛雞翼仲唔係cafe 必叫既食物個醬幾特別 少少辣 好香 同雞翼一齊食好特別😬意粉都係cafe必食之選 味道有保證👍🏼👍🏼另外一個主食係pizza 即叫即焗架一路坐就會聞到好香既麵包味🙈🙈所以食落好脆 亦好足料 每一份都有好多野食居廬出左名食窩夫 所以一定用窩夫作結都係即叫即製架 一擺低已經覺得好靚😍😍窩夫好脆 加埋雪糕食 呢個係不死既冷熱組合😄😄😄個名同你想做到既野一樣 就係係呢度Take a break 可以偷得半日閒 坐係度 hea一陣 作為香港人 真係好奢侈架🙈🙈

常常經過界限街都見到這家古色古香的餐廳，特別在於其灰色牆、紅綠窗框和牌匾設計的招牌。2位處界限街邊，不過這一段路不算太繁忙，人流不多，大部份時間都靜靜的，偶爾會有較嘈的車聲。只有a la carte，有意粉、意大利飯、薄餅、沙律、小食和甜品。連加一，主菜平均＄100，普通咖啡＄30，最貴的百利甜酒咖啡要＄64。以這地段和人氣度來說，索價不菲。愛爾蘭忌廉咖啡忌廉慢慢溶掉，在杯身看著一絲一絲地滲入咖啡之中，煞是好看。期待著在咖啡裡找到威士忌的蹤影，卻只有忌廉的奶香。味道可以，但承惠＄58而只有咖啡和忌廉，就未必有點不值。友人的熱情果沙冰，都幾大杯，賣相還好。水牛城雞翼只是普通煎雞翼，上面加了水牛城橙色的沙律醬，不過煎得幾香，皮脆肉厚。撒上少少鹽和香草調味，雖然惹味指數大跌，但比真正的水牛城雞翼健康。龍蝦忌廉汁煮海鮮意大利飯份量不算大，適中。海鮮只有兩隻蝦、一隻青口和一隻八爪魚。蝦幾爽，但八爪魚又硬又淡而無味。龍蝦汁顏色的忌廉汁入口帶少少粉，沒有龍蝦的鮮味，但味道還好。意大利飯不腍不硬，不過做不到正宗意大利飯中心微生的效果，反而弄巧反拙，中間變成乾硬的生米。雖然細節位尚有改善空間 ，但整體而

早幾日去左太子果邊接朋友放工，之後一齊食飯～佢帶我黎到居廬食晚飯！呢個冬天完全唔凍，我覺得好熱 = =所以一坐底即刻點左杯凍飲，榛子朱古力，好香濃 ～ 小食點左 " 水牛城雞翼"， 雞翼煎得好脆口，上面既芝士汁帶有少少 salty 同甜既味道，幾 match ～主菜點左 "蒜香蜆肉露筍白酒煮意粉"～有 d 失望，d 料 eg. 露筍同蜆肉都好少，又冇白酒味；不過意粉就好多！ 另外我地點左 "南瓜汁牛肉意大利飯"，呢個就好正～好香既南瓜味，而且好 creamy，有飽肚感，不過略嫌牛肉太少。 最近我地亦點左個"草莓鬆餅"食，濃滑既士多啤梨雪糕，再配合鮮甜既士多啤梨，好滿足！ 埋單around 每人$200，可以叫到野飲、主菜、甜品，唔算貴～呢度既職員服務同態度都好好，下次應該會同朋友來黎食其他野！

長假期間要返工，放假的朋友竟然約hightea。難得老細都放左假，大膽d偷走出去嘆個靚茶先！飛的去到指定地址，門前有點複古味，幾有趣。聖誕期間仲有點聖誕氣氛添。食物方面，朋友仔一早已經預備好。一來到就有我最愛的all day breakfast，滑一滑炒蛋馬上取悅到我。香滑濃郁的炒蛋配上點點香草，十分討人歡心。如果組合當中有煙三文魚，就更perfect了。朋友仔另外點了雞翼同意粉，都係cafe必食的。出品不錯，有一定水準。自行點一杯花茶，享受一下午後時光。花茶原壺上，附小火爐可保持熱度，值得欣賞。花香味濃，茶味香，十分配搭。連花茶杯也甚具風味，令人心曠神怡。飽肚後再點一客pizza，食住傾下計。pizza薄薄地幾有咬口，醬汁配料豐富。三個女人，最精彩的壓軸美食當然是甜品！大大的士多啤梨窩夫，見到已經好興奮。窩夫熱辣辣，外脆內鬆化，一啖窩夫一啖士多啤梨雪糕簡直是享受。雖然製作比較耐，但精彩的甜品作總結，令我地都十分滿意。

Menu寫住''晉家門''好搞笑，哈哈！今日食左個意粉-蒜香蜆肉露筍白酒煮意粉（$88），份量不多但剛好兩人都夠食，面身乾但都充滿住稠稠的蒜香白汁，又帶有濃濃香香的芝士味，好夠滋味整個意粉十分好吃黑松露野菌雜菜意大利飯（$98）濃厚的黑松露香味將原本平平無奇的米飯昇華至深層的領域，值得一試黎到食即烤pizza-蕃茄芝士薄餅（$68）勁多勁拉芝士，簡直係減重朋友的大敵，卻又無法抗拒的滋味。田園沙律（$58）食到中途先上，前後次序調轉左，但好彩個沙律黑醋汁略為酸，所以有野食打左個底再食會好d><"否則可能會因為個醋汁搞到反胃。最後亦都係我最期待已久的出場-紫薯草莓鬆餅配士多啤梨雪糕（$88）微溫的溫度，鮮甜既士多啤梨，再配合濃滑的士多啤梨雪糕，鬆餅內部係相對無咁甜的紫薯蓉，配合得天衣無縫，有樣又有內涵，真係實力派既甜品這間cafe好貼心，會一道一道菜上，令人食到食物最美味可口的味道！

唔近地鐵站，算難搵，都係問左路先去到。叫左番茄芝士pizza同個個話難飲既薄荷朱古力好可愛，好似狸貓。之前見食評，有人話覺得冇薄荷味，但我反而飲到，但杯野飲未至於好飲。番茄芝士pizza，外脆味道濃好食，但食第1塊仍是偏熱，當食第2塊就開始凍唔夠熱，如果下次熱d就好，我食左3塊。職員唔錯，親切有笑容有禮貌。果度都坐得舒服，比我想像中大（因為好多人都話細，但我覺得大）PS.最初食左3塊pizza我覺得冇咩事，點知隔左半個鐘就食物敏感，全身生粒粒。其實我對貝殼類先敏感，我想像唔到尼個令到我敏感，唯一有問題的，可能係d醬。如果有食物敏感既人，唔建議食尼個。

旺角區好多人，今次行過少少，去咗呢邊揾食好，附近好多小店，呢度望落幾舒服望落似酒吧，但周圍有好多中國式古典裝飾煙三文魚凱撒沙律 $78煙三文魚擺到好似多玫瑰花咁，擺盤有心思。菜夠新鮮，唔會有苦澀味。淋上黑醋，酸酸甜甜，清新開胃芝士洋蔥煙肉焗薯皮 $68好 home-made feel，細細隻薯仔上面有洋蔥煙肉，唔似平時啲餐廳整到好鹹，有屋企感覺蒜香硯肉露筍白酒煮意粉 $88好香！食落口超香濃白汁牛油味，意粉煮得剛剛好，軟硬適中。啲汁濃度剛剛可以令每一啖意粉都沾上汁龍蝦忌廉汁煮海鮮意大利飯  $98意大利飯係用真o既意大利飯煮 (有啲餐廳會用普通珍珠米...) ，軟硬度ok，口感唔錯。啲汁好鮮甜，唔會話太濃，食多幾啖都唔會太油膩。海鮮有青口、大蝦同墨魚仔。熱 latte $34有熊仔拉花，仲有心心圍住，好有心思。見到呢度用即磨咖啡豆，有 heart!總結： 環境舒服，嘢食唔錯，好適合同朋友坐下，傾下計，hea 下～

這間餐廳帶有很濃的中國風~但食物卻是西式的~是中西結合的餐廳來的食物裝飾得十分別緻牛角包中間夾著芝士~ 而蕃茄帶小小酸味~令人更開胃~再者~蕃茄的汁會令麵包沒有太亁~因為太乾的包很難入口紅汁意粉 落了很多芝士~紅汁很濃花茶裝飾優雅~ 可以慢慢享受用餐~不用趕時間薯條大條夠脆~份量合適~!意粉有點細碟~如果大吃人士不合適!整體味道 風格~都算不錯~可以是一個十分減壓的地方~唯一有個地方不好就是有人可以在里面吃煙...和冬天時候來有點凍~因為門口是大開的

冬至喎，公司有得放早，我地呢D躝街精梗係無咁快返屋企，反而係去左太子既「居廬 Take a Break」hea一hea，嘆杯啡食個甜品。 響太子界限街，突然出現一間古色古香既茶室，就係佢啦。響呢度，幾乎每位客人都會帶埋平板電腦黎，邊飲咖啡邊上網，非常悠然自得！ 薑餅人朱古力 ($42)就先黎杯熱飲啦！臨近聖誕，要呃like就梗係叫薑餅人飲品 (其實餐單原本係薑餅人Latte，但我唔太飲咖啡，所以轉左Hot Chocolate)，面頭係一個好可愛既ginger bread公仔，相機食飽我再飲，好香朱古力味，但唔會太heavy，仲有胃食其他野！ 番茄芝士薄餅 ($68)食Pizza我鍾意食簡單既，呢個番茄芝士就啱晒我，原塊新鮮番茄+勁多芝士，面頭有少少黑椒調味，酸酸地帶微辣，餅邊香脆，開胃好食。 焗煙燻德國火腿牛角包配欖油雜菜沙律 ($68)Pizza做得出色，我地即時encore個牛角包，果然同樣出眾！牛角包充滿牛油香，而且烤得鬆脆，一切即散；芝士同火腿永遠係絕配，鹹香惹味，夾埋酸酸甜甜既沙律醬，非常好。 紫薯草莓鬆餅 ($88)花花造型，又係呃like之選！面頭係香芋雪糕，每一格窩夫都