Espresso Alchemy (Closed)

今日去左尖沙咀行街。 見無聊又去飲杯咖啡啦。去到重慶大廈地庫。 見到間都好似ok 既餐廳。 咪去試下囉咖啡好飲。 啲野都好食。 $100都唔洗。 我真係覺得超值。。。佢個沙律的菜好新鮮。仲有個汁真係一流個牛角包亦好好食。 仲有小小通心粉。一個男仔食都唔驚唔夠飽。。最起碼。。。我食得好飽!仲要1點正都冇咩人。 唔洗等位。仲要坐得舒服。冇人要你走。你可以好休閒甘飲下咖啡。上下網。。。。。希望大家都大力支持下啦。。如果唔係我怕好快又唔見左間餐廳架啦!

話說朋友約我去tsim sha tsui食飯都無乜問題丫，但佢話係重慶大廈😱我覺得好出奇，唔通約我食咖哩去到原來重慶大廈下面有個好大既地下商場真係唔黎都唔知，商場下面有好多商店乜都有得行，好多sport wear賣行到最入，見到espresso alchemy 好清新既環境，朋友聚餐係不錯既👍🏿我嗌左本熱朱古力，竟然有拉花😱😻好靚👍🏿同埋都好飲另外值得推介既係個炸薯條配黑松露旦黃醬🍟份量又多又好味👍🏿

第一次在這裡吃已有大半年前，印象中食物可以，選擇不多，都以輕食為主，份量不多。反而咖啡出名，口味也相對特別。在尖沙咀找吃的，在openrice看到了coupon，心想了好久要不要再給這裡一次機會。吃過後發現這個決定做得對，再吃一次竟有驚喜，不是許多餐廳能夠做到回頭有好評。餐廳是在重慶大廈basement的商場內，採取開放形式，餐廳與外面的店舖和通道沒有任何玻璃阻隔，幸好這個商場不算多人流，也沒有焗促感。餐廳一邊是專櫃買甜品和沖咖啡的，而另一個隱藏的末端是廚房，也算是開放式的，而客人坐在中間也不至於被廚房的油煙所沾污。因有八五折優惠券，在我印像中上次吃這家餐廳的食物算是輕食份量，於是膽粗粗叫了兩個大的主食，還加了飲品，差點想多叫一份小食，幸好被阻止，端上來才發現原來食物份量變得這麼大。這裏咖啡獲獎，想不到點一杯無任何咖啡成分的朱古力也有心思的拉花。熱朱古力朱古力味濃得來而不算甜，只有約20%的甜度，於我來說剛剛好，完全不用再加糖。是日餐湯是南瓜湯，用攪拌機打成南瓜蓉，非常rich。但一入口只感覺到非常濃味的黑椒，下得太重手了，反而有點辣，完全蓋過了南瓜應有的甜味，對喜歡南瓜的我是有點失望

完左SEM，約左同學一齊交完功課去Chill下，學習生活實在太辛苦了～我個同學之黎係到食過晚餐，覺得D食物都不錯，所以建議我地去試下個新既下午茶set見到個Set都包左好多食物，又咸點又有點，仲包埋兩杯飲品，價錢幾實惠！因為太多食物既關係，不詳細介紹，推介下幾好食既幾樣～咸點方面：迷你天婦羅拼盤有蝦天婦羅、南瓜天婦羅、茄子天婦羅，食完十分驚喜，因為無諗過西餐廳都會在不錯既日式天婦羅。天婦羅個漿好薄，入面既材料幾新鮮，美中不足之處係涷左，但都算好食既T＿T蟹籽蕎麥面面質幾清爽，份量唔多，加上足料蟹籽，係整個set其中一個亮點。燒三文魚飯團三文魚十分入味，雖然呢個飯團無配到任何醬汁，但因為三文魚本身已經有類似醬油味，所以味道唔會好淡。甜點方面：綠茶紅豆蛋糕綠茶同紅豆一向好夾，加上蛋糕軟硬適中，不會太甜，是不錯的～日式芝士蛋糕我自己唔食蛋糕，我同學表示芝士蛋糕係甜點中既重點，芝士味都幾重，近似New York cheese cake～綠茶鬆餅配鮮忌廉＆果醬幾好既一個配搭，甜度適中，鬆餅又好食～呢次tea令我對espuma既感覺不錯，下次要試下晚餐！

沒記錯呢個商場都翻新了三次了，搜尋下知道這裡是入選cafe，在午飯又不太迫讓人舒服自在。不記得影相嘅黑松露蘑菇意粉，好香濃而且醬汁豐厚。Latte也濃郁。再來有啊德國腸嘅薯仔沙律：外脆內嫰的香腸加上醬汁不錯，薯仔沙律比較爽口可能未熟透吧但加上黑椒青瓜洋蔥口感不錯👍Green tea latte的宇冶綠茶粉好厚，茶味過濃espresso味欠奉，入口有滿口粉的感覺，可以平衡兩原素就更可取了！

誤打誤撞黎呢度食左個Lunch! 有驚喜本menu設計都算有心思，選擇又多，沙津、包、pasta、all day breakfast、burger，連牛排都有！兩個人一人飲左杯cappuccino、一份炒蛋多士配雜菜沙律、一份鮮蝦通心粉牛角包！等左幾分鐘飲品+食物都黎齊哂！食物份量比想像中大，炒蛋多士目測有4隻蛋！炒蛋加了芝士、味道唔怕單調雜菜沙律都好大份，配黑醋汁酸酸地好開胃，正好中和番芝士帶來的膩！鮮蝦通心粉牛角包相對地細份d不過好好味！咖啡就正正常常唔太突出，埋單每人九十蚊左右，好值得再黎試食其他野！

之前曾經試跟“開飯”多獲好評的餐廳找吃，但結果“中伏”話雖如此，都係要自己親身嘗試才知一二所以，某些食評雖然未能盡信…但仍可作參考嘗試與否由自己決定！經常在尖沙咀出沒，想找好地方吃…也很困難都係從“開飯"食評中找到重慶大廈嚟竟然有此家隱蔽的餐廳上星期太晚的時間，接近九點落到嚟想找吃…整個商場都靜應應見就快關門的模樣都唔敢試啦這個Friday night放工約了另一半在尖沙咀等，反正又不知吃什麼好？😔提議再次來找吃，今次竟然滿座另一半先到快快找枱坐下！到步時見另一半已坐著參看餐牌，行經入內望到每枱所叫的食品都很吸睛👀應該唔會太差吧！看看餐牌價錢又很合理啊比想像中抵吃研究完一輪後…原來先要到櫃檯落單付款，食物稍後會專人送上…落單前煩咗些少因為對餐飲選擇及附加費有很多問題，正式落單時有些要求，另一半又不愛吃沙律醬汁，要求多士上的千島醬分開上， 但值得一讚的是服務員態度誠懇👍友善親切也耐心地回應問題…原來每份主菜可同時加$20飲品再另加$20餐湯當初以為只可選其一返回座位不到五分鐘，餐飲已預備好賣相也相當吸引，來之前看到其中一篇食評說…喜愛濃厚咖啡味的會大失所望那麼，即是說這裡咖啡會較為淡味👏

Came to Espresso Alchemy for the first time, just situated at WK plaza which next to Chungking Mansions. Never expect that there's a plaza in the middle lol.It was such a nice corner to chill with my beloved friend. We ordered Chicken burger in homemade coffee BBQ sauce w/ fries $99 x Pancake double $89 x Flat White & Matcha latte~The portion of the chicken Burger was quite big, the fries were crispy and enough to share among 2 ppl. Interesting flavours between sweet & sour, it wasn't an intens

重慶大廈有個地庫波鞋舖比較大間，行完想食埋野嘆個咖啡，最岩行去全店角落頭，有間小舖頭自成一角用上自家炒咖啡豆泡製靚咖啡，即坐低嘆一嘆。用上自家咖啡豆，對咖啡既品質要求一定好高，咖啡機配備都唔差，仲有好多介紹咖啡豆既資訊。全店用左木製傢俱好型格但又唔會感覺壓迫。一入到去就有黑板仔畫左野，大家黎到一定要試Good Food同Good Coffee。仲有可以賣自製既咖啡豆，同埋有咖啡用具可以買，咁就可以順便買埋番屋企飲咖啡喇！牆邊都有好多裝飾，仲有認證牌。Honey Earl Grey Latte($42)，淨係個杯已經覺得好靚喇，Latte用自家製既豆沖一定有質素保證，加上幾濃既Earl Grey味夾埋又幾好飲。Sparkling Black($45)，係面前倒ristretto落lime soda度，一黎就成杯倒左落去影唔切有相，咖啡香再加上有汽soda帶小少甜味，特別得黎又好飲。食個晚餐雞柳漢堡($99)，一黎到大叫左聲好大份呀，又勁多薯條架，配上混合左自家咖啡豆既bbq醬，雞肉嫩滑配上辣辣地既醬汁好惹味。睇下塊雞真係好厚架，成個漢堡都超巨型呀。Double Homemade Panc

今日與媽媽來尖沙咀逛街，行過重慶大厦，記得WK廣場地下好像有間咖啡店，於是便下去坐坐吃點東西。自己喉嚨有點不舒服，我就點了伯爵茶 來喝而媽媽說她昨晚睡不好，想要coffee提提神，於是便點了杯cappuccino給她喝，來到很香呢！比我杯伯爵茶包吸引多了，於是便叫她比我喝兩口嚐嚐，入口很順滑，平時不喝咖啡的我都容易接受，一喝便喝了半杯餐牌見到燒肉都可以做漢堡？超新奇既配搭 好奇之心即刻出現食完真心醉了 估吾到咁好食香脆豬柳漢堡 $109推薦指數: 10/10醬汁係自家咖啡燒烤醬 食吾到咖啡味 BBQ醬汁好濃 但又吾會過咸 帶點辣味 仲有好多什菇厚切燒肉係重點！好好味有成三大塊 豬皮有點脆 帶煙un 肉質鮮嫩多汁 脂肪極少 大部分都係筋 瘦肉部分食落都吾會鞋 簡直係誠意之作!!麵包鬆軟綿密！好高質素上面嗰層仲痴滿厚厚既香濃芝士麵包外脆內軟加埋芝士超正！推薦喔真係一個出色既漢堡 不枉我喉嚨痛都要食-跟住當然要食埋甜品自家製雙份班戟 口感煙韌的PancakesDouble Pancakes $89雪糕係雲呢嗱味 有點偏甜班戟皮食落都係雲呢嗱味 入面有cherry醬 酸酸的 外面就淋左朱古力醬

與朋友慕名而來，本身是衝著濃厚咖啡而來的，可惜咖啡令人失望了。我點了杯flat white 和 一份all day breakfast (Total：$125)。咖啡整體偏淡，上桌時沒有咖啡香，感覺跟出面cafe的普通貨色沒有太大分別，嚐不出一間標傍優質烘焙咖啡應有的質素，朋友也表示沒有特別之處。All day breakfast份量也不算太大，畢竟麵包只有一小片，其餘也不飽肚，不過煙肉片不乾身也不油膩，放了充足香料的炒蛋和炒菇亦充滿香氣，倒是意料之外地好吃。另外，朋友叫的黑松露雜菌意粉相當creamy，菇菌的香味也充分帶了出來，就是可惜沒有黑松露味。然而，這點在黑松露薯條中完全彌補過來，黑松露醬味道濃郁，配上熱騰騰的薯條，很適合作為午後小食。相比之下，雞柳漢堡就有點失色了，鬆軟的麵包和滑嫩的雞柳的確令人胃口太開，但朋友卻認為汁醬太像m記韓式燒烤醬，令level頓時下跌。整體而言，這店的食物明顯比咖啡要好，但仍有不少可改善的地方，因為所謂的cafe、coffee shop在香港實在不少，要令客人回頭所下功夫實在不能少。

返工前，好好享受午餐先有動力上班雖然呢到環境細又無人同你落order要自己出去買，但勝在係地庫，無咩人，可以好好享受!而我就叫左碗creamy既菇菇意大利粉(唔記得碗粉叫咩名)，首先一入口超燙口，平日其他地方食既都唔會咁燙口，呢碟明顯係即煮即上 而且仲好creamy!d汁每口都包住d意大利粉同菇菇，而菇菇又好爽脆，好新鮮!除左食粉，梗係要試返杯嘢飲!本人雖然知道呢到咖啡好出名，但好可惜係本人唔飲咖啡，所以就轉試抹茶拿鐵，先未入口已經被杯拉花吸引，好靚~入口雖然抹茶未算好濃，奶味份量比較重，如果抹茶份量重d一定可以更完美 不過已屬不錯!

上網見到呢間好似好好食 就嚟左 搵咗好耐 原來唔係重慶大廈入面 呢度佈置好似普通coffee shop咁 開放式幾舒服 要落咗order先坐低 叫咗四個餸三個人分嘢食好快到個薯條嚟到嗰陣好驚嚇 冇諗過有咁大兜 $49真係抵到爛 啲薯條勁熱唔太油 果醬都好好味😭 好想係咁食呢個沙律好Fresh 啲煙三文魚都好好味 竟然有好多塊 菜上面有啲醋 好match個沙律 個多士都好脆 唔會話有蛋沙律係上面就林左呢個黑松露意粉就冇咩特別 比起平時嘅白汁意粉啲汁稀啲唔係好有黑松露味 同埋份量比較少 唔太推薦但係另外呢個茄汁意粉就特別好多 出面未必有 啲蝦好大隻 個汁都好特別 但係分量都唔大整體來講 呢間都唔錯

開頭比呢間餐廳既咖啡吸引，試下，發現啲野食好食到不得了。見到人地叫薯條，基本上係忍唔住一定會叫，因為個賣相已經好吸引，伴松露蛋黃醬，味道一流。試過幾款菜式，意粉、多士、英式早餐，基本上都無令我失望過。除左環境有少少可以挑剔既，就係坐外圍的話，旁邊就係商場行人道，途人行過有些少影響，好彩既係人流唔算十分多。至於咖啡，款式都係個啲，但有啲特色既，味道亦係與眾不同，推介試Honey Earl Grey Latte，各種味道配合得幾好，咖啡味唔太濃，對咖啡有興趣既初心者，可以先試呢一款。

同朋友約出黎見面，當然想搵一個舒服又可以坐得耐啲既地方傾下計 放鬆下！咁啱搵到呢一間就一於去試其實係地庫個扶手電梯一落 轉右你就會見到 地點都唔算難搵既因爲我係朝早11點幾就去到 所以成間cafe空無一人 個重感覺真係好正 好舒服！叫左一個卡邦尼意粉、黑松露蘑菇意粉、加左個餐湯（$20）仲有兩杯野飲Latte, Earl grey chocolate !份量都還可以，意粉我個人認為都唔錯 卡邦尼意粉一定要即食！攤左一陣 入面啲芝士就乾身 到時就會好濟！另外一個意粉就黑椒味較重 蘑菇都好多 最後都食唔晒，中意黑椒味重既朋友都可以一試！另外個日既餐湯係西蘭花忌廉湯 都好健康 算係食完肥膩既意粉清一清如果大食既人可能唔夠 但一般既西餐都唔會大份得去邊既 但係性價比都幾高Latte大家都可以一試 但因為我自己本身唔係飲開咖啡既人所以不評價不過另一杯Earl Grey Chocolate我個人幾推薦、唔會太甜 朱古力既味道都唔會搶走伯爵茶既味道 估唔到兩樣加埋都幾夾最後埋單都係$205 除番每人都係$100左右，但就嘆左接近兩個鐘