煌宴酒家

Open Now

Now Closed

咁岩今日經過，上網睇到話好平，性價比高！諗住試一試，去到吾洗等位，可直入，還有很多吉枱坐，但係唔知點解要同人搭枱😑😑都無問題！坐底左，某些灰色背心的人就來推銷買蘿蔔糕卷，因為我地吾係住係附近，所以吾買，某人即黑面走了！也算了，和其他職員說飲什麼茶之類，也沒有反應，可能因為沒有幫襯佢地買卷原因，也算了，和一位姐姐，同佢講，唔該要普洱茶，姐姐好冇禮貌地講，搵其他人啦我食飯啦，咁就走咗😑😑終於搵到人同我哋沖茶，但係沖到過嚟啲茶，直頭係黑色🤨🤨刀算了！薄撐，牛肉，桂花糕，排骨飯係好平，味道算正常，但佢個蘿蔔糕有浸油益味，應該係用千年油煎出來，老人家諗住食得吾好浪費，食左一件，食完後悔了，立即去廁所拉💩，瀉了兩次！真的冇下次了！俾錢買難受！

家母話有朋友介紹呢間，因為平，又唔使搭lift，所以試吓。1.一入到去，覺得有啲熱，以為自己行得急，抖下冇事，點知一路食嘢，一路流汗，最後忍唔住要撥扇，冇誇張，我係熱到成身汗🥵，急急腳食完走。2.人手不足扣分🫣 。開茶、遞點心紙都要不斷舉高手先有人理。3.嘢食方面，叫左蝦餃、蘿蔔糕、粟米魚肚粥、鹹水角。但味道好一般。😓4.唯一值得讚，係價錢實惠(星期日早市)+易有位，不過基於以上原因，應該都唔會再幫襯。😑

我今早在荃灣行山，落山後，與好友走去位於眾安街大鴻輝中心2樓的煌宴海鮮酒家食下午茶，碰巧醒獅隊進行活動，非常熱鬧！我點左點心：蟹籽燒賣皇（2籠）$71.6，潮州蒸粉果（2籠）$43.6，蜜汁义燒包$27.8；粉麵類就有鹹魚雞粒炒飯$72及味菜牛柳絲煎米$88；茗茶每位$13。味菜牛柳絲煎米好有特色，將米粉團2面煎成金黃，配味菜牛柳絲好惹味👍！雞粒炒飯維持水準，粒飯炒得乾爽。

呢間酒樓真係好垃圾 D野超級難食 我都未食過咁難食的龍蝦伊面 可以個伊面係overcooked爛晒夾唔起 紅燒乳鴿又係無乜技巧可言 佢可以炸到出血水 叫左個煎蓮藕餅 入面係全部鯪魚肉 無蓮藕; 蒸條魚又蒸唔熟 上菜又亂咁上竟然係BB旁邊上菜話佢又話張枱無位上菜仲有好多其他難食餸菜真係不能盡錄樓面服務態度好差 無人理仲要叫佢上碗白飯都上左15分鐘BB係咁喊話要食飯飯真係俾佢激死呀總之呢間垃圾酒樓一定一定要blacklist 永不幫襯

我約左好友在荃灣食午膳，荃灣人口多，午市都好難有位，上次在煌宴海鮮酒家食過下午茶都不錯，經理有留電話號碼給我，立即致電留位，大檯一張呀🙏🙏！好在有留位，酒樓人頭湧湧，我地即刻坐定定點菜，我點左陳皮冬瓜鴨腿湯飯$48，涼瓜斑頭腩河$68，菠蘿雞粒西炒飯$48，紅燒皇子乳鴿4隻$119.2，雪菜火鴨絲炆米$48，金珠鹹水角$16.8及麻蓉包$16.8。點心好味又好食，粉麵版都唔錯，經理另外送紅豆沙及西米露糖水，大家好食得好滿足！👍👍

我約左好友去食下午茶，位於荃灣眾安街55號大鴻輝中心2樓的煌宴海鮮酒家是我的首選，環境寬敞舒適。我點左點心：金珠鹹水角＆16.8，潮州蒸粉果$16.8，鮮竹牛肉球$16.8，黃金千絲糕$16.8，蠔皇鮮竹卷$17.8，家鄉鹹肉粽$19.8，鵪鶉蛋燒賣$19.8，燒腩卷$23.8及香煎羅蔔糕$16.8；粉麵有：桂花肉燥炒米粉$48，蟹肉湯伊麵$28及翡翠蝦球湯伊麵$28；甜品：杞子桂花糕$10.8。點心確是好好味，粉麵好有特色，尤其是炒米粉。杞子桂花糕好好食，大家都非常盡歡👍👍！

食海鮮呢幾年都係鍾意自己去街巿揀好，再去相熟來料加工餐廳酒樓做。好多地方都去過但就係未去過楊屋道街市買，因為不熟悉附近可加工的食肆。今次有幸朋友有相熟做廚房就係街巿附近，一於約埋三五知己去試試。上網先做功課，楊屋道街市魚舖可謂臥虎藏龍，格好晒格同心水目標先出發就可以減少跌錢機會。今次買料用了約$1700，加工費用連小菜酒水加一$2100共$3800（仲有房）。8個大人1個小朋友食完仲打包3大袋走人。估唔到傳統酒樓都做到咁優質來料加工，菜式用心又不馬虎而且性價比超高，買料貴平豐儉由人。遇到良心食肆真的又是出路遇貴人，希望係呢個夜市艱難時期佢哋可以支持到落去💪💪💪

每碟炒米粉份量不一，同一張枱，人哋來一碟份量，自己來半碟份量。而且呢間米粉純粹番熱，沒再點炒。有叫金栗炸魚餅，但係倒不如喺出面買返來自己煎，沒咩特色。價錢的確便宜，不過真係一分錢一分貨…

同屋企人去飲茶，呢間第一次食，下午茶時間有優惠點心紙，不過有最想食既點心都唔喺紙上。屋企人叫左燒味粉麵，$18.8 都幾抵。我叫左幾碟點心，蝦餃，魚肚，叉燒包，蘿蔔糕，凌魚球，最開心係點心都熱辣辣的，蝦餃屋企人覺得幾好食，魚肚都好食。叉燒包就咸左少少，凌魚球就麻麻，入口太淋唔彈牙。

🐠同家人經常去嘅一間街坊酒樓。性價比極高，不論小菜、炒粉麵🍲、海鮮🦐、湯...食物味道各方面都食到好有鑊氣，美味可口。😍鐘意呢間酒樓嘅地方仲有，酒樓嘅侍應都好友善，會耐心介紹菜式，又會主動同客人閒談🗣，提供幫助，特別有親切感，呢方面唔係每間酒樓都做到。好推介大家去試佢。👍🦤片皮鴨$128我每次都會點，因為真係好抵食，外皮香脆，唔油膩，肉質岩岩好，絕對唔會話乾，亦冇騷味。趁熱食，餅皮仲係有d煙韌，配埋醬同青瓜🥒京蔥，美味極了。加$40仲可以兩食涼瓜/茄子🍆炆鴨 。雖然未去到超級優秀的片皮鴨水準，但係呢個價錢，我覺得佢巳經好完美，對得住個價錢。🐓燒雞好高質，每次必點之一。雞皮炸得好香脆，冇絲毫嘅油膩，😍雞肉鮮嫩。🐖燒腩仔酒樓燒肉真係有一手，一樣係做到皮好酥脆，連肉汁仲保留到肉汁，味道唔鹹唔淡，真係太過份了😠😠，咁好食，忍唔住食左好多舊。🥰🐠🦀清蒸魚/鮑魚/蟹呢間酒樓嘅海鮮類都係好新鮮，之前都食過幾次，每次海鮮都處理得好乾淨同唔會腥味，就算簡單嘅清蒸都覺得好食，食到好鮮甜味。😋總結：今餐係一個晚市套餐，仲有個介菜排骨湯、清蒸斑魚同紅豆沙糖水，唔洗$900就食到咁多道小菜，一枱6個人都食到飽哂

平日飲早茶的街坊茶樓，貪佢價錢平，孖寶點心埋單吾使50蚊，又吾太多輪候時間，仲要12點落單，就嘆足兩個鐘，對公公婆婆的街坊來講，當然歡迎啦！我地呢類中坑入到去，只是小朋友年紀，搭下枱，閒聊幾句，一盅兩件，樂事也。今晚一家四口第一次來街坊酒樓食晚飯，目標明確，試下酒樓兩大宣傳菜式：片皮鴨和冬瓜盅。為免一些酒樓宣傳造假，早早便話售罄，特意中午便訂枱訂菜。今日是閒日，預左人客不會多，當真全場不足10枱客，清靚兼坐位距離大，疫情下食得更安心。預左街坊酒樓的菜式只是行貨水平，便沒有刻意拍照和撰寫食評，眼見OpenRice 都也是寥寥可數。跌眼鏡啊！先上冬瓜盅，68大元以為只是迷你版兼冇料，甚知份量足夠8位以上，四個人起碼食了4-5碗，尤其是老婆大人很喜愛冬瓜盅的，飲左兩碗都飽啦！接著片皮鴨兩食，一點都冇欺場喎！平均每人都最少食左5件，鴨肉和薄皮都新鮮，皮脆肉滑。一食128元，兩食涼瓜炒鴨肉只加40元。諗住好細碟，但竟然份量大碟過例牌喎！味道吾錯，略嫌鴨肉多過涼瓜。本來想點多一盤酸菜魚和咕嚕肉，但為免浪費，只點了例牌咕嚕肉。味道和份量合格，唯標示係鮮菠蘿嘛！來者只是罐頭貨，要求不多啦！88元一碟都

朋友慶祝生日，约了朋友第一次預訂晚飯並在前一天预訂了一隻皇帝蟹，說好需求約四斤重。在星期日約下午五時半接到酒樓電話，問是否確定要蟹，只有一隻約六斤重。因時間太短，所以答應留。到酒家后，被經理帶到魚池，指着唯一的一隻蟹說這隻蟹十分生猛重約六斤多。因本人喜吃皇帝蟹，從蟹的體型估計不足四斤，便要求經理取出秤重，誰不知取出后，才發現是一隻死蟹。經理立刻說對不起，他也不知道。我當時感到十分無奈，一心预定一隻蟹作主食為朋友興生，结果變了羊腩煲。酒樓海鮮預左呃秤，但不足四斤却變成六斤多，太誇張了。而且是一隻在經理口中十分生猛的死蟹。如果經理沒有講大話，這隻蟹估計巳死了一段時日，而化作一隻殭屍蟹，才會感覺到生猛。平心而論，其他食物還可接受，感覺白飯最好，是熱上的。

之前荃灣大鴻裡面有一間 21樓叫鮮一夜現在搬了入酒樓合併了一齊，搬了也冇去食過火鍋，所以今日特意來了試吓會不會同之前一樣水準，有發現價錢和以前差不多，但食物質素有進步，碗仔翅質感和味道唔錯，個雞煲也很有份量，刺身也好新鮮，是任食任飲也要常試一下。

友人報料這裡的放題低食，便和太太來試過究竟。這裡裝修豪華，是高級酒樓格局，地方寛敞，坐得很舒服。任食火鍋2.5小時，每位$268。包紅燒花膠翅、野生竹笙拼糖心靚鮑魚、 五色刺身拼盤、即炒奇妙雞煲、火鍋湯底、航空海鮮拼盤、安格斯肥牛、火鍋配料任食、汽水啤酒任飲、雪糕任食。紅燒花膠翅，竹笙比較多，花膠和翅尚算可以，整體味道可以接受。野生竹笙拼糖心靚鮑魚，鮑魚味道鮮甜又大隻，野生竹笙味道比普通竹笙爽口。 五色刺身拼盤，有赤蝦、三文魚、帶子、希靈魚、北寄貝，其中以赤蝦和帶子，最為鮮甜美味。即炒奇妙雞煲，份量頗多，配上大量蔥、洋蔥和香料，味道香濃，而吃雞件時，最好將爐關至最少，否則雞肉會過火了。火鍋湯底，要了麻辣火鍋湯底，和四川火鍋差不多味道，只是藥材味道濃少許，而辣度十足，用來吃牛肉就非常配合。航空海鮮拼盤，包括有元貝、蠔、蜆類，其中以蠔，最為突出。安格斯肥牛，脂肪平均，味道十足。火鍋配料方面，我推薦海蝦、脆肉鯇魚片、脆肉鯇魚腩、鱔片和墨魚滑。這些味道鮮甜，爽口彈牙，是非吃不可的。

荃灣的大鴻輝中心，是個晚飯好去處，各式餐廳飯堂如雨後春荀，總有一間合心意。煌宴環境尚算企理，鶴立雞群的彩紗😍😍，在云云的素白中尤其出眾，深得我心。我們今晚點了超值晚市優惠，只要點選一碟正價菜式，就可以享用兩個特價菜式。至於晚市必食孖寶、三寶，價格也極具競爭性。其中一客特價小菜椒鹽牛仔骨$68，友人至愛，例必要食。蒜頭炸得香脆，亦算乾身，牛仔骨醃過，味道不錯。正價的蛋黃金沙蝦 $98，其實也屬合理價格。咸蛋黃餸菜一向是大愛，那種經油炸過的咸香，難以替代；跟海鮮配搭起來，更是雙得益彰。黃金蝦已經去頭，目測蝦身呎嗎也不算小……😍😍另一特價精選，清蒸沙巴龍躉班 $68，這個價位實在是超值 ，幾乎要在街市買也有難度 😎😎吃魚最緊要新鮮及火喉，蒸起的魚鰭上揚，就是夠新鮮的最好證明。😍😍朋友推介這個 "煌宴一夜御套餐" ，不論價錢及菜式都甚是吸引可以惜是夜有點趕，唯有留待下回了！