euro go go (Closed)

嗌左個香蒜蜆肉意粉，個menu寫左佢係辣，點知丁點辣味都冇，仲有陣膠味。啲意粉以為係條狀塑膠，難食到嘔，唔知佢係點煮，一啲蒜香味都冇。又唔咬口又有雪櫃味。啲蜆入面仲有沙，唔知係咪俾人食。74蚊(set menu)又貴又難食，食左幾啖就完全食唔落。我另一個朋友嗌左白汁意粉，成pat白汁pat上去，冇味道可言。賣相唔係幾好，又好濟…真係以後都唔會再食第二次

一早去咗排商場對面嘅壽司，拎咗籌之後咁就搵個地方坐低，本來諗住飲杯嘢，但見到原來都仲有早餐，所以就叫咗一份炒蛋配鮮蘑菇跟牛角包熱美式咖啡 Americano （$45）可以配牛油或者果醬，質素係不過不失，反而個牛角包係幾出色，熱辣辣都做到酥脆嘅效果。炒蛋同蘑菇就正常發揮。咖啡就普普通通啦，價錢都算合理。同埋都想讚一讚佢哋嘅服務員其實幾好，提我差唔多時間就快完早餐叫我快啲點餐。做街坊生意來講佢絕對算合格。睇吓下次有冇機會再試吓佢哋其他小食

Euro gogo其實都食過好多次，不過第一次食佢個藍青口 —————————————————————  1. 香蒜蜆肉意粉(蒜香微辣)💸$65份量都幾多，蜆都有十幾隻，隻隻有肉冇沙 唔會得個殼，意粉有咬口，如果中意食蒜香嘅嘢食，一定會好中意呢個意粉。2. 鮮茄香草煮藍青口 💸$60佢係煮完再放入焗爐之後先上菜，好夠熱，個汁入面有好多蕃茄粒，加咗啲tabasco就仲好。3. 忌廉朱古力一個字: 正 —————————————————————  Euro gogo地址: 樂富聯合道198號樂富廣場1樓1121-1122號

Euro gogo的分店好多，周圍都有，但我一次都未幫襯過。今天在樂富，經過euro gogo，見到餐牌，都幾吸引喎，就試下啦。我叫波菜龍利柳闊條麵 + 沙律 + 熱奶茶 $70闊條麵好大碟，白汁都幾好味，不太鹹。好豐富的口感，也不算太腻。沙律也很清新，酸酸的汁，好開胃。但那杯奶茶，就不行了，完全沒有紅茶的香，好像飲苦茶一般。Honey就叫半份千島海鮮pizza $56新鮮焗起，很脆，都幾好味。配加大咖啡(+$2)咖啡好飲過奶茶。第一次幫襯europe gogo，都幾好喎！

話說聖誕節正日因為疫情就同屋企人打算系屋企叫外賣食。最後睇中左euro go go一個聖誕4人餐。本身預計送餐時間半個鐘至45分鐘，點知最後等左成個鐘之後佢先打黎同我講訂單出左問題，叫我講清楚比佢聽我地要邊2個意粉。同埋話無曬西蘭花，叫我地轉其他，咁我地最後就轉左煙肉芝士薯仔。點知過多半個鐘佢竟然突然取消訂單。大佬，一餐飯等左成個半鐘竟然無端端取消連解釋道歉都無一句，搞到聖誕節心情都無曬!呢間野服務質素咁差以後都唔會再幫襯!

因最近的疫情關係，餐廳只限制20人數，我排了20分鐘的隊才能進去坐下。排隊的過程中，觀察店內嚴重人手不足，只有兩位員工在前線工作，包括外賣，買單，沖飲料，上餐等，能夠看見他們是沒有停止工作的。看見每位客人包括叫外賣，在外面等候的人們想找員工時，他們都等5分鐘才過來回答問題，令到站在門口的客人都想進去，有不敢進去問問題的想法，比較安排的不好，所以服務方面不是做得相當好。 進去後座位想當寬敞，叫了一個法式薯蓉焗田螺加$8番茄湯通粉和蘑菇番茄意粉（細）加$8番茄湯通粉。上餐時間正常，等了大概5-10分鐘就到，份量想當大，番茄湯通粉看著都快滿到漏出來，意粉和田螺也想當大份，味道正常，沒有到很難吃，也沒有到很好吃，吃過油塘，郎豪坊和這間三間分店的euro gogo ，這間份量最大，最抵吃。

Eurogogo 我間唔中都會去食，不嬲食開煙肉磨菇薯蓉。食左咁多年，每次無論係咪堂食，都係用錫紙兜上碟，同埋d邊位既薯蓉會燶燶地。今次我再叫既時候，用既係瓦碟，薯蓉個size 大左而且個薯蓉底有口感左，中間有少少粒粒分明既薯仔，我好鍾意

一個難忘的晚餐，在樂富閒遊，竟然第一次認識Euro gogo. 入門己給那職員吸引住，積極有效率的接待及推介，誠意的工作態度，非常好好👍食物美味，價錢超廉宜，員工團隊精神可嘉，百分之百投入，深深看到管理階層落咗好多功夫，走時看看職員的名牌，Yoyo Yau, 加油💪

今日去樂富分店食lunch。人不多，基本保持到6個街磚，所以食得安心。主菜個意粉合格，好食嘅，性價比之下值五星（人家做得好就五星）。可惜失分晌啲周邊上面。扣分一：沙律同主菜一齊到，但就被放在旁邊扣分二：凍咖啡無飲管、攪拌棒，糖膠沉杯底扣分三：意粉只跟餐叉，無跟餐匙，點食？［一］係基本知識。［二、三］慳過龍。要客人自己要求至有。減少客人同員工接觸次數可減低傳染機會。客人亦感覺好啲。另外，樓面人數少，一個頂幾個，我明白。但客人self service都係想幫忙，唔使一句「我幫你拎！坐低！」命令客人坐低掛？！當時餐廳得13個客人左右，約一半有嘢食緊，又無人排緊隊下單。唔會係太忙一時「控制唔住」掛。

平時見這裡多數要等位，今天早了吃午餐，趁著未有人排隊，入去吃個豐富午餐吧！他們的效率也算高，收銀職員幫我下單後，隨即便化身為侍應（可能欠缺人手吧），為我遞上湯和沙律菜。價值$9的蘑菇忌廉湯，有小量蘑菇，但喝下去口感也算滑，蘑菇味也濃郁，這個價錢來說算不錯了。今天叫了蒜香蜆肉意粉餐，蜆是連殻上的，算是鮮甜，可是有小量沙，意粉口感算是「煙韌」，但有小量意粉太乾太硬，拌勻的橄欖油及香草令意粉更香，味道清淡，重闊來說算是不錯。

我成日都覺得euro gogo係貴價版既薩莉亞，食物種類差唔多，但會足料啲，貴返啲！今次揀左4樣野，一個小食，一碟粉面，半份pizza,同一個甜品～～小食叫左蜜糖雞翼，有5隻，雖然有甜甜蜜糖，但食落啲雞肉係鹹，味道有啲奇怪⋯雞翼肉質比較實～菠菜汁龍脷柳闊條面，睇落唔錯，芝士幾creamy,闊條面軟硬適中，幾有彈性～半份夏威夷薄餅，有火腿同菠蘿，餅底有啲硬，有啲乾爭爭⋯焦糖忌廉燉蛋，呢個睇相吸引黎點既，可惜，味道同我心目中既cream brûlée 係好大分別，焦糖燒到硬晒，啲燉蛋好漿糊feel,唔知點解可以係咁既質感⋯⋯

下午茶時間，感覺並不太餓，於是來到這連鎖的咖啡店。走進店內，看看還有座位，才再去點選食物，這店是先付款。要了一份班戟下午茶，多要一碗通粉，以及一杯大份量的奶茶。付款後，先坐下來，不久店員也送上餐具、紙巾及調味用糖。等了不久，最先送上的是通粉。鮮茄湯通粉，鮮紅色的底，有著碎碎的蕃茄，湯中也混有香草。湯底鮮茄味香，帶點點酸，感覺清新而又醒神開胃，香草帶點綴作用，令香味及味道也變得層次感豐富，通粉不軟不硬，配合湯的味道剛好。蜜桃班戟，看來份量十足的班戟，旁邊放著兩塊蜜桃，加上小小的忌廉作襯托。蜜桃味道很香很濃很甜，整個班戟內都是滿滿蜜桃，並不是只有數塊充數的感覺，份量十足，每一口都有混著忌廉與蜜桃香滑美味，很有滿足感。藍色為主的紙杯，有著一定厚度，奶茶茶香，口感順滑，茶味濃而香，味道卻不是港式，帶點英式的濃厚味，非常地吸引，難得連鎖店會有著這個味道。雖不算是很有特色，卻有著不錯的質素，優閒的休息一會，也算不錯。

第一次幫襯，叫了個麵包布甸下午茶，等了接近廿分鐘，得來一份燶的布甸......整個底都係黑色的，但叫佢再上又唔知等到幾時......其實味道還可以，係洗綩個個辛苦。

i was curious to try this restaurant as the menu seemed interesting. i order an afternoon teaset. the food was just average. had a banana pie which tasted like the ready made frozen ones that were reheated in the oven. We ordered two coffees and had to pay an additional $8 each for upgrade to mocha and cappuccino. it was the worst coffee i ever tasted. it was beyond disgusting. instead of milk fatty cream was used. the coffee itself tasted like it was expired ...not going to visit this again eve

20190701 今日放假出去行街，經過樂富廣場見到有Eurogogo ，見到下午茶餐牌好吸引坐低叫個B餐（蒜蓉包+熱飲），$36 蒜蓉包熱辣辣，牛油味濃郁，蒜蓉一粒粒，好滋味熱檸茶 茶味好重30幾蚊 自己買完野食 有人送餐抵食