日喜樓 (Closed)

呢間餐廳以百碟宴而著名，好岩一圍人食，果晚我哋兩個人叫咗幾個菜式咋🤣餐廳地方大，裝潢靚，坐得好舒適，下次帶埋屋企人嚟食先👌🏻.羅春閣爆汁生煎包 $78又真係有爆汁🤩好食呀！食生煎包最緊要唔好燙親個嘴🙈日喜灌湯小籠包 $74皮薄餡正又多汁！🤤不過生煎包同小籠包嘅價錢都較貴😭孜然羊肉 $118賣相唔錯！✨好多羊肉，幾好味，如果孜然再重啲會更好～上海粗炒 $78用真上海麵去炒而唔係烏冬🤫大大碟，幾抵食！爆汁牛肉餡餅 $48幾好味，但細件，唔夠喉🙈吾是南瓜 $48 外層好煙韌，原來入面係紫薯蓉餡！好好味！💜

因為有大肚朋友，為左坐得舒適，所以選擇呢到。除左冷氣凍啲，基本上都好好。招呼都好周到。酸菜班塊超好食，夠酸夠辣，料又夠多(例如：水晶粉、芽菜)，班塊又好食。價錢同味道成正比。醉雞 同 生炒骨 上次食百碟宴已經食過，超正再點生煎包因為上次分唔到無機會食，果然係肉汁滿滿，搞到朋友一身都係菇湯菜苗真係好好食，但佢既好食程度同價錢成正比清炒萵苣有鑊氣服務好好，環境都唔錯，係冷氣勁凍。仲有個廁所好臭，臭到想嘔。

難得同朋友約到時間聚會，緊係要揀間好坐既餐廳，所以我地黎左係銅鑼灣既日喜樓。佢地最出名既其實係百碟宴，不過我地就得4個人，今次冇機會試啦，希望下次約到多啲人既話再試啦！日喜特調有買一送一優惠，所以我地都每人點左一杯。我揀左甘蔗花茶，味道都幾清新，擺得靚靚咁都幾岩打卡呢。小食點左乾燒蝦球配鍋巴底，平時好似冇咩機會食到，酸酸甜甜配埋脆既鍋巴，好開胃呢。我地每人揀左一道菜，有北京填鴨（半隻），份量岩岩好夠4個人食，可以點半隻價錢都唔算太貴，岩哂想試下既朋友仔。上海粗炒係朋友點名要食，佢話好入味呢，我就冇咩點食。招牌水煮羊肉夠哂香辣，超惹味！羊肉冇煮到太鞋都抵讚。最後點少得菜呢，我地揀左奶油娃娃菜，煮到好淋又唔會太膩。

鎮江糖醋小排骨 $68鎮江骨甜甜酸酸咁 一直都算ok欣賞 幾有特色既一道菜食開通常係大size 長條骨果種 呢份細細地幾易入口糖醋汁係呢類菜既signature 實情就主要係甜味 無咩酸既 岩胃口既人自然會鍾意肉質黎講就麻麻地 我嫌實左啲 咬起黎無骨起刀落種暢順 好在小排骨既整法令佢唔會太韌道菜唔算高質 但就幾襟咬既 食下食下都清左唔少四川擔擔麵 $58食京川滬餐館 又點少得叫返碗擔擔麵俾定心理準備大家 日喜樓既擔擔麵係辣既 比起常見果啲無咁落重碎花生肉醬 而係行辣辣地路線味道上都ok既 利申我勉強算係食得辣之人 所以覣得辣度屬一般碗麵同市價差唔多 但係份量偏少 辣之外調料伴料唔算多 主要食其他小菜好過 有啲堅抵玩 當然食碗麵打底都好既薑蔥大頭蝦煮年糕 $258呢兜野好正 係一個姐姐推介 攞自己隻手比劃 話隻大蝦有小臂咁長一上檯 又真係大大隻 不過似係龍蝦黎嫁喎老世 定係我鄉下得劑少見多怪刀叉侍候 肉質ok 用薑蔥整我自己少見啲 又唔似炒同爆果種 而係薑蔥汁 有啲特色既年糕好多下 切得幾薄易入口 幾有咬口 配薑蔥汁味道可以對海鮮有喜好既人可以試下日喜灌湯小籠包 $74呢籠小籠包堅貴

同事約咗成個月，終於約到食日喜樓嘅百碟宴！話說呢圍菜，主打sell 100碟內有50款不同京川滬菜色，價錢為$4688/ 10-12人 一圍未計加一。當晚我哋有14人，所以要額外加錢 （然而我又唔係好明點解要加，因為碟數並沒有增加）除此之外，我哋add on咗2小時free flow drink，飲品選擇都幾多，有啤酒紅酒白酒花茶，但啲花茶全部都唔係幾好飲 黑啤同白酒就值得一讚講番啲食物先，其實絕大部份都幾好味 一次過可以試到咁多種唔同嘅選擇，真係唔係成日都有呢個機會！基本上全部食物味道都中規中矩，但係冇乜邊道菜令我有好深印象。而講到賣相最靚應該係呢籠蒸包點。不過我冇試味道，因為佢得六粒，唔夠分～總括嚟講，食百碟宴都係打卡呃like行先，因為最後埋單要成$540 一個人，而呢個價錢，應該可以兩至三個人份量喺呢度叫a la carte。

朋友說試百碟宴，於是多找了11人去品嚐，每位約$420上100碟菜約用30分鐘。終於上完整百碟川菜，氣勢磅礡非百種菜式，因細碟，每樣菜式會double ,重複上百碟食物約30分鐘，8:30到，為拍完整照片9點才開餐，😄食物一般人，期望過大的沒驚喜碗碟精緻，色彩鮮豔，刺激食慾粉皮，甜品不錯有興趣既朋友留意百碟盛宴分兩輪:6:30和8:30上臺，食物上臺要25分鐘。若未能集齊12人，可考慮半席。另外一席的話可以13-14人，因為12人會吃剩。

呢到係食上海野既最有特色就係有一百碟既大餐 不過今日又無咁豪我地都係叫左幾個送第一個前菜係黃金蝦球 佢既將包埋隻大蝦 好惹味好好食 下隻蝦都好新鮮 下面既米通簡卜卜脆 好夾 再加分之後就係水煮魚 魚都好多 食落都好滑 湯麻辣 不過自問唔係好食得辣 就要三思啦haha奶油白菜都係水準之上 個湯好香濃  菜既程度又岩岩好片皮鴨都幾大份  鴨既質地都好滑 之後皮脆又唔會好肥另外叫左上海粗炒 都有上海野既水準最後食埋甜品就岩岩好喇

日喜樓店鋪面積大，坐得非常舒適。今次同朋友黎到叫左北京填鴨半隻跟12件薄餅、仲叫左填鴨二食醬燒鴨架，個人認為薄餅同填鴨係絕配，配合埋醬汁同其他配菜就更加正，醬燒鴨架就比較多骨，我就唔太鐘意多骨的食物。

係銅鑼灣鬧市之中，唔洗等位坐得舒服又可以慢慢食🥰-砂鍋雲吞雞🥘 $98用餐當日店員向我們推介有半價優惠，所以就點了🤣原來係一大煲湯，有雲吞同菜，雞就另上。湯係好足料既中湯，冇味精味，好飲🤤雲吞同菜都好食。雞因爲煲過湯，所以有啲鞋，但食下都無妨。-羅春閣爆汁生煎包 🥟$78/4件果然好爆汁！包底好脆，好好食！拍得住上海食到果啲（雖然上海食係rmb9/4🤣）-高力豆沙香蕉球🍌 $38/3件呢個超推薦！！高力豆沙軟綿綿，好似梳乎厘pancake咁，不會過甜，鍾意甜就可以食埋面層糖霜，唔鍾意撥走就可。餡料是紅豆蓉加香蕉，有香蕉中和紅豆的甜味，好夾🤩-

本身book咗呢間嘢慶祝屋企人生日，點知附近有遊行所以想遲一個禮拜先去，打俾佢地同佢地講我地有老有嫩，為了安全起見淨係想改期唔係想cancel，而且我地已經俾咗$1000 deposit所以我地一定會再來，但佢地好似開咗錄音機咁一味話材料已經訂咗所以唔可以改期，完全沒有事先提醒，問佢地之前幾個禮拜遊行有無影響，先話有！但都係個句- 唔得，完全唔會體諒客人！最後講到我地一肚火，最終都係要放棄deposit，並且以後都唔會去！為了區區$1000咁樣對客人，實在難而接受！

位於登龍街gei 日喜樓 主打食中菜一直我都想試下呢度個百碟宴 但今日只得兩個人 所以食唔到喇一落去有個打卡等位區 中式圓櫈 別具一番風味坐位都好舒適 俾人有舒服gei 空間感兩個人黎講 我地會唔會叫得太多野食呢酸菜魚 - 魚肉新鮮扎實 食落嫩滑佢用小辣調味 適合好多唔食得辣gei 人都可以淺嘗一下酸菜味道濃郁  令人好開胃乾扁四季豆 - 四季豆爽甜 配上辣肉碎香口又惹味 令人食指大動四喜臨門 - 4種味gei 小籠包 有原味/蒜香/九層塔/茴香每一個都有香濃湯汁我自己就最鐘意九層塔 香味好突出瀑汁牛肉餡餅 - 無呃人 真係好Juicy外皮煎得好香脆 一啖食到外脆內軟又多汁 正呀大千雞 - 呢個雞食落好得意 甜甜地 又帶住花椒香味雞肉炸過 皮脆肉嫩 配上青蔥感覺多一份清新飲品我地叫左香茅薑茶 佢淡淡gei 香茅味感情清新配上濃而不辣gei 薑茶令人身心舒暢

日喜樓呢個名好似有點熟悉，原來是日熹樓的前身。由從前的杜老誌道改到宜家銅鑼灣的登龍街V Point我一直都咁喜歡。日喜樓主打上海菜，都是以重口味為主完全岩曬我。由灣仔轉到銅鑼灣無論格局與裝潢都大有不同，現在全走摩登簡約的路線，位置相當方便而且寬敞。餐牌上的種類花多眼亂，而且有六月限定優惠，真係何其吸引。由點心、小菜、涼菜、飯粉麵、甜品應有盡有並以IPAD所顯示出來。飲品方面，現在更有買一送一的優惠，多款任品選擇。雲呑雞 $98本身$198現在只需$98可以食到雲呑雞 又點可以不試呢？雲呑相當飽滿而且熱騰騰連同湯汁同吃份外美味。還有半隻飯肉嫩無比，連同雲呑足夠6人食用抵食推介。 京味韮菜肉餡兒餅$38京菜又點少得京味韮菜肉餡兒餅，喜歡日喜樓以小碟的設計，每份都細小碟可以吃多幾種款式。外脆油份不高的韮菜肉餡兒餅，輕輕咬一口肉汁滲出，韮菜味道濃郁又惹味。羅春閣爆汁生煎包 $78招牌菜又點會不點呢？以小鍋奉上保持其熱力，每粒都脹卜卜外脆，爆汁生煎包 的確有爆汁的效果，肉汁豐盈令人回味無窮。椰汁炸饅頭 $28看似普通的炸鰻頭，其實更見不平凡。椰香濃郁包著外層，而且即叫即炸的關係連同煉奶同吃，美味

#cassiegocwb-瘦編今日收工去左銅鑼灣Vpoint嘅日喜樓上次食過佢嘅Lunch Set真係好正好好食。🙈-晚餐就無Set，只可以散叫，比Lunch Set會貴少少，不過都係咁好食。今次叫左雞煨麵同招牌上海小籠包($74 4隻)。💕-雞煨麵個湯底好濃好香雞味，啲麵吸收哂啲雞味，個麵仲會有少少碎菜、碎豆腐同碎雞肉做配料。招牌上海小籠包食法一定係先咬一小啖，之後吸裏面嘅肉汁，超級鮮甜，食完4隻又會想再叫多4隻！🙈-味道評分▶️🌕🌕🌕🌕🌑 (4)抵食評分▶️️🌕🌕🌕🌑🌑 (3)回購評分▶️️️🌕🌕🌕🌗🌑 (3.5)-➡️日喜樓 (銅鑼灣)📍銅鑼灣登龍街18號V Point B1樓

日喜樓位置鄰近地鐵站，地點非常易找。 餐廳寬敞，又配合現代化的裝修，比一般中菜館有不同的感覺。他們以100小碟的小菜馳名，但我們一行只有兩人，所以只選了單點菜式。我們先點了醉雞和木耳作前菜。木耳充滿著麻油香，但又不會過於油膩，而且廚師混入了生蒜，添上一層刺激感，是很好的開胃小食。醉雞份量恰當，醉雞汁不會帶有強烈的酒精味，而且雞件頗滑，值得一試。再來點了四色小籠包，小籠包的皮不厚不薄，筷子夾起上來不易篤破，中間的肉汁又得以保留。個人最喜愛還是原味，但建議放涼一會兒才進食以免燙口。另外點了半份的片皮鴨，他們把餅皮用隔油紙分開以免餅皮黏在一起，十分細心。鴨皮脆口，非常好吃，皮和肉的份量各半，是不錯的選擇。最後點了吾是南瓜，猶如其名，它不是由南瓜製成的甜品。外皮製成南瓜形狀，中間包著紫薯蓉，甜而不膩。

周末長假期輕輕鬆鬆行下街，偶然出太陽偶然雷暴是這個週末的特色，行過幾次見到呢間日喜樓，位於地庫今日終於一試，水準有幾好喎！裏面人幾多，好多個家庭客，今晚我哋食呢幾樣：雞絲粉皮 $58牛肝菌、雜菌慢煮黑豚肉 $228孜然羊肉 $118羅春閣爆汁生煎包 $78四川擔擔麵 $58雞絲粉皮麻醬夠晒濃又杰，粉皮很滑又黏汁，所以好好食。第二到來是孜然羊肉，比想像中更好味，羊肉唔騷又多汁，夾埋啲青椒紅椒洋蔥食，好香口惹味。羅春閣爆汁生煎包𥚃面真係有湯汁，所以有少少燙口，要小心慢慢食，底層果皮都幾脆，但係有啲硬硬地，可能要咁樣先至有理想效果。牛肝菌、雜菌慢煮黑豚肉等左好耐下先到，可能是慢煮嘅原因，哈哈！同想像中嘅黑豚肉唔同，事實上係五花腩肉，叫做醬汁煮五花腩比較啱，入口即溶，非常腍，鬆化，好好味，要來撈麵一流，所以特登剩番兩件打包返屋企聽日晏晝食。最後的擔擔麵，辣度啱啱好，分量調味都好適合，好食。全部味道都好好，呢間值得推薦。