Explore Kitchen (Closed)

早幾星期約咗好耐冇見嘅朋友仔一齊食飯，一行六人，用隔版隔住坐～叫咗個二人餐，再叫多咗個小食（薯條），意大利粉同甜品churros。二人餐叫左墨魚咀小食、白酒煮青口，西冷，大蝦意大利飯，甜品要左蘋果芝士餅，同埋加左錢要雪葩～總括嚟講啲嘢食都幾好味，薯條超級正，去到底都有芝士架！！朋友們對雪葩讚不絕口，而我就鐘意我最愛既churros😌如果一碟有多一兩條就好😌成間餐廳無乜客，得一個樓面，幾有禮貌。我地成班女人太耐無見係咁吹水同飲水，佢就不斷幫我哋加水🤣

用餐只可以1小時都冇問題，但等左成半個鐘都未有得食，點知反而嚟左熱咖啡！我地未問下囉，因為之前落單話後上的，點知個服務員問都唔問話我哋冇講，仲話自己跟單出，跟住去廚房好大聲叫: 快啲啦，啲嘢食出得未，我俾個客x呀！真係嚇死人咩，而家呢啲係咩服務態度？我又冇話你，使唔使惡人先告狀，唔想做咪唔好做囉，使唔使咁大聲講返俾我聽，仲要夾住啲粗口，搞到成餐都食得唔開心，做客人係咪要逆來順受呢？就係因為咁我唔會再去呢間嘢！

個人有d累 見佢環境幾好 諗住上去飲杯咖啡食件cake輕鬆下. 上到去無乜人 環境都幾chill 有大落地玻璃 坐得幾舒服 岩過左tea time 無set 就散嗌左杯熱焦糖咖啡 同梳乎里，點知 估佢唔到咁差 唔係正常 係差！咖啡的賣相味道都好垃圾 好似即沖咖啡咁ge味道 呢個價錢 ，雀x ge 味道 甜 飲左幾啖已經飲唔到落去 勁失望 然後個梳乎里都唔係等左好耐就到 賣相唔錯 以為正常啦 如果佢好食我都唔會上黎打呢邊食評 但佢真係差！勁死甜 d砂糖仲未溶哂…撥開個底仲有d好似牛油係度？又係一舊咁未溶哂 一句 難食 只可以用垃圾黎形容 埋單承惠$110 超級唔值 齋坐ok 不可一不可再

無限嘅等待,紅酒燉牛面肉risotto同燒牛肉沙律幾好食,但係紅酒牛面肉risotto真係好慢,我食先二十分鐘佢哋煮咗成五十分鐘。梳乎厘都等咗35-40分鐘,結果3分鐘食完,仲要勁甜,同牛奶糖一樣甜lor。飲品就唔錯幾快。

12:30嘅時候嚟到油麻地，想搵一間唔太多人又坐得舒服嘅西餐廳食午餐。結果見到呢間餐廳評價唔錯，所以決定嚟。位置方便，地鐵站出嚟行2分鐘就到。入到去，餐廳環境寬敞，好夠光，裝飾簡單優雅。頭盤係粟米湯同蒜蓉包。粟米湯幾多粟米，不過味道略淡同比較水。蒜蓉包做得唔錯，面包皮脆脆哋，好夠蒜蓉味。主菜係最滿意，亦都最有驚喜。成個西冷牛扒配薯菜餐只係$68，唔算貴，但質素幾好。個牛扒係五成熟，切開嘅時候入面仲帶紅色，唔會好硬咬唔開，肉質適中，而且都好好味。薯條唔會過軟，食嘅時候仲係熱，所以都唔錯。Lunch set送熱檸水或茶，凍檸茶就要加$6，感覺有啲貴。同埋因為係環保餐廳所以唔會主動提供飲管，如果你特登問佢都只係會比鐵飲管你，因為唔知佢洗得乾唔乾淨所以呢方面有啲扣分，但係因為杯嘢飲比較大杯如果唔用飲管會好難飲。最後想講吓服務態度，有位中年女士嘅侍應講嘢比較大聲同粗魯，好似好唔耐煩。食完飯大概一個鐘，想坐多陣佢都已經比張單俾我，叫我埋單。但明明當時餐廳仲有好多空位，冇人等緊位，飲完嘢抖一陣都唔得。但除咗佢之外其他嘅侍應都好好人，亦都好有禮貌。結論係呢間餐廳嘅嘢食值得推薦，但如果你要求服務好，咁呢

差不多一年沒有去這裏食午餐，每次中午時間都大排長龍，今天剛剛好一到就有位置， 10分幸運主菜+麵包+餐湯+餐茶是日餐湯：雜菜湯，看上去沒有什麼顏色，但是10分清甜意大利進口麵包，上面加上蒜蓉牛油，麵包軟熟，加上剛剛焗完10分香口BBQ燒豬肋骨有五條骨， BBQ醬汁濃郁惹味，而且肉帶小小肥，十分香，又唔會燒到乾，仲有d肉汁，薯條是粗薯條，薯仔味十分重西冷牛扒十分大，而且很厚，十分超值這麼久沒有來質素依然保持得住，值得一讚， $75嘅午餐性價比10分高

食餐飯一百元已經加埋一都要俾現金，收甘既價錢連小小銀行信用卡收費都吾願俾，門口又無寫只收現金，今時今日依然不與時並進！食物其實一般般，咖啡加左$10但係都係最細杯。

俾2個唔錯係因為食物唔錯+餐廳環境唔錯係油麻地區呢啲人流多又餐廳不乏選擇嘅地區，能夠找到呢間餐廳食lunch，係好幸運不過小朋友得5歲大，都要計人頭，要叫一份餐，都明嘅，生意難撈，唯有我和老公食多少少先嚟羅宋湯+蒜蓉包羅宋湯好味，蒜蓉包好脆口又香，一件有啲唔夠喉點了呢個西冷牛扒沙律餐，個牛扒煎得好香，8成熟，沙律菜撈左黑醋，好醒胃漢堡包拼薯條沙律漢堡包嘅肉好香，好有肉汁，係沙律醬太多，食個時不停漏出來，食得好輪盡，但整體來講係好食嘅蟹肉香蒜意粉真係蟹肉，啖啖有味，仲好多添，個意粉炒得好香唔乾身，配埋蟹肉，無得彈整體食物上菜快，賣相100分飲品叫左熱檸水，加錢嘅凍焦糖咖啡和熱朱古力焦糖咖啡幾好味熱朱古力係叫俾小朋友飲，要$10就有啲貴，因為用普通朱古力粉沖出來，唔值呢個價（建議應該加啲cream或棉花糖咁樣，咁就俾食客感覺良好啲）餐廳位置不多，但坐得舒服，relax，侍應講明限時1小時，但人唔太多嘅，就可以繼續隨便坐餐廳好曬，陽光靠窗簾檔左一大部份，但有其中一枱食食下要調位(近個張枱）我地坐口對住，都還好，但位就頂柱位餐廳超大冷氣，係舒服嘅，不過吹到啲食物好快就凍晒

已經唔係第一次黎打黎book位，今次突然講話要限時，我話之前無限，接電話既男服務員非常有耐性咁解釋。我心諗，都明既一坐低，服務員即刻講，如果客唔滿，可以唔限時，明顯有mark底訂位客既問題，值得一讚👍🏻野食黎到，以呢個價錢，值！連漢堡包都可以因應客人要求開4，好多餐廳都唔敢又唔肯做。唯一差左少少既係杯野飲細左d坐左個半鐘，真係好多人，服務員非常有禮同歉意咁話唔好意思，真係要限時。到俾埋錢，起身，都重要講多次“唔好意思”講真，5~6百蚊位都做唔到呢種服務質素👏👏

今日大約3點去呢間野食午餐，有個fb朋友開個post話服務態度好，野食環境都唔錯，所以特登黎食。老實講，環境野食價錢都無問題，唯獨是有一個著黑色衫，短黑色金色頭髮既中年女人服務態度好差（店內其他職員無呢個問題），一入店，女朋友問有無卡位，個黑金髮侍應好堀話無，得呢啲（指住2人位既木枱）。咁ok無問題，2人冇卡位坐都ok。到落單果陣都木無表情，女朋友話餐飲之後先叫，佢就粒聲唔出就走左去。最後女友點左凍檸茶，野飲黎左冇飲筒，女友就問有冇飲筒，個黑金短髮女人就轉身就走，望都唔望我地，就話：環保走飲管。我就好嬲，杯檸茶用個好高身既杯黎裝，入面仲好多冰，篤檸檬同飲都好麻煩，我就同個女人講：咁我點飲？佢就俾支鐵飲管我。 如果你一早講明無飲管我就唔會飲凍飲，加上你態度好啲，我感受就無咁差。 事後問返另一個女侍應，得知黑金髮女人經常接投訴，要幫佢執手尾。俾錢黎食野仲要受氣，無下次！

ʟᴜɴᴄʜ sᴇᴛ➊。栗米忌廉湯+蒜蓉包 （前菜）湯就平時罐頭個隻味，包熱烘烘，入面軟軟，唔多唔少，呢個價錢有前菜已經抵晒😂➋。烤大啡茹黑松露意大利飯 $62啡茹多汁，飯夠味夠creamy，（朋友食落去第一啖已經話我一定會鍾意😂）係最近最合我口味嘅菌類意大利飯🥰份量都夠多，值得encore！➌。香草烤春雞配蒜蓉汁（飯/意粉/薯菜）$68揀咗薯菜，有黑醋汁沙律菜同薯條⛄️黑醋汁應該落咗蜜糖，唔鍾意太酸嘅人都食得。薯條炸得好靚，溫度啱啱好，夠脆，係粗薯條🍟有比埋番茄醬🍅春雞有啲細隻，但薯條夠多，一個人食夠飽。雞肉冇柴冇乾，略唔夠味，但蒜蓉汁汁，鍾意食春雞可以一試！➍。香煎澳洲西冷牛扒配蒜蓉汁（飯/意粉/薯菜）$68揀咗飯，就飯呀。牛扒有驚喜！要咗五成熟，放上枱已經覺得煎得好靚，食落口仲好食🥰係想要嗰隻嫩度同味道！有黑醋汁沙律菜，咁嘅價錢真係好抵食🤪➎。伯爵茶（跟餐飲品）覺得加咗奶之後一定好好飲⋯⋯（最近鍾意奶茶加奶😂➏。焦糖咖啡（跟餐飲品+$10）想飲甜野就嗌左，冇覺得加十蚊肉痛，雖然冇拉花但都飲得幾開心🥰❀☘︎ 環境 ☘︎我哋大概三點到，入到去已經覺得好靚，呢個時間少人安靜，同本身幽靜灰色嘅環

星期日睡過了頭, 出到巿區平日慣常去的餐廳大都巳排長龍, 偶然見到呢間就上去試試Lunch set選擇不算多但還算可以, 食物水準正常, 對得起價格, 餐廳裝修簡潔空間感大, 客人不多亦算安靜 ( 指客人而言). 但有點令人非常煩擾是服務員自己大聲談話, 講是講非, 令到全部客人都被迫一齊聽侍應只有兩位, 小男生是ok的. 反而另一位女士經常大聲講話, 內容亦與工作無關. 我們點了兩個餐, 餐飲在食物送上後遲遲未見, 通知男生跟進, 然後女士送來餐飲的時候自行解釋, 話因為大部分客人要求食到中途才上飲品. ok, 但你作為侍應從未問我們想怎樣, 不上餐飲, 但水也沒半杯奉上, 大家乾啃食物, 大部人真是這樣的嗎？後有再有三個客人到來, 女士大叫" 三隻". 原來客人是一隻一隻計的, 好趣緻的量詞還有, 餐廳全走飲管的, 環保是好但店主有否想過高身長窄杯, 不提供飲管客人好難飲用? 既然不用飲管, 杯款就應該更換成適盒直接飲用. 咖啡亦只提供最基本普通機沖, 對咖啡有少少要求的也不用想, 沒有你要的寧靜的餐廳環境, 可惜有個煩過茶餐廳的碟碟不休的侍應, 想星期日過得平靜點就不建議去這間.

在油麻地，食市林立，但要找一間用心做食物的餐廳未必咁易，而Explore Kitchen就是一間講求食物質素的餐廳，無論午餐，下午茶或晚餐，都感覺到他們那份誠意。食物款式上，有興趣可以看一看圖片餐牌，話多唔多，但總算可滿足到一些對食物有要求的人士，論環境，坐得都算舒服，沒有那種擠迫的感覺，可一家人食，又可以拍住拖慢慢品嚐，但如果下午時分，沒有窗簾下進餐都幾曬吓，至於有評論話服務態度不好，我本人真心覺得還可以，可能服務員講話大聲咗少少吧，我反而覺得有親切感呀，結論是，未食過誠意作品，又想於繁囂中找到平靜，享受一餐，不防一試，價錢方面合理，覺得貴可以食番茶記。

一入到去，完全唔見有服務員，走到入近廚房才飛現原來係有2位服務員，一個正在玩手機，一個發緊夢。當見到我時，玩手機的服務員便收起手機，問我幾多位同探熱，再安排我們到廁所旁的一張枱，我即時要求轉別的枱，服務答其他枱稍後有野攪，唔係好想我轉枱，面黑黑咁。成功轉枱坐底後又回去打手機，menu都無比我，攪到我又要走過問佢拎，佢回答我，係喎唔記得添。我都無言以對。最後，食物OK, 但唔想無來。

正午時分，陽光☀️嘅照射特別猛烈亦特別溫暖，侍應安排我靠近窗邊坐～Lunch time 餐廳唔算多人，坐咗5 6枱人～.等咗5分鐘左右，嘢食好快上～餐湯⭐️有粟米🌽湯，味道正常，會食到一粒粒嘅粟米，唔會好溜～.前菜⭐️蒜蓉🧄包，正常發揮，蒜蓉味唔太重，質感偏軟容易入口～.主食⭐️香煎澳洲西冷🥩黑椒汁牛扒配意粉🍝一上菜見到好大份，牛扒叫咗5成熟係真係5成，無過熟，咬得到；黑椒汁係另外上，個人鐘意食黑椒味，所以覺得味道都正正常常，不過偏水，可以杰返少少～意粉口感唔錯，唔會過腍或過硬痴牙～.另外跟餐嗌左杯伯爵茶☕️夠濃夠熱～.成餐飯份量以呢個價錢嚟講都算大份，對於我就剛剛好食晒唔好嘥😋