Explore Kitchen (Closed)

今天帶朋友吃High Tea因為有工事要談所以選了一家環境好點又會寧靜的CafeExplore Kitchen 我們一人點一個餐開心Share朋友點了個芝士牛肉漢堡配薯條🍟$78又長又粗的薯條啊旁邊有黑醋沙律菜厚厚的漢堡包🍔夾著青瓜 蕃茄 芝士 牛肉沾了牛油🧈的烤香麵包🥯好滿足然後在下點了碟蕃茄辣蝦意粉🍝開心開心吃辣食四隻蝦蝦旋轉式地放在面頭下面滿滿的蕃茄汁還有一小束野菜沙律🥗雖然一點都不辣🌶️不過就有鮮甜的蕃茄味還隱隱地發出蒜香🧄最後跟餐的一杯Latte 層次分明和厚厚的奶泡好綿好香啊餐廳充滿著聖誕氣氛有高高在上的聖誕老人有禮物相伴的聖誕樹🎄在下最喜歡那小盆栽🪴上掛著的聖誕老人燈好可愛

食物普通，完全唔明點解可以收呢種價錢。已經好多人講左服務差，我無呢種感覺，因為根本無服務，兩位員工不停討論幾時番新工，有野俾你食已經好好。個人覺得間店最令人反感既係衛生情況，全店彌漫一種發霉的味道，通風肯定有問題。

約咗3個朋友食生日飯，見個環境幾靚，食物相又唔差就揀咗呢間點知服務態度差到由未開始食已經開始嬲睇返先知原來呢間係出名服務態度差，早知睇埋評論先，成餐飯一肚氣。*全晚計埋我地先得3張枱，其中一張係佢地自己友用餐前為咗比surprise 個朋友，我地帶咗個蛋糕提早拎上去，一上到去佢地未開始晚市，我地話想先擺低個蛋糕，一陣再上去。有一位侍應(中年姨姨)接咗個蛋糕用略帶質問嘅語氣講咗句「你地喺度食㗎？」因為佢地收切餅$100， 電話訂枱嘅時候已經問咗，其實我地拎得個蛋糕黎，就預咗喺度食(最後冇喺嗰度食，原因下面講)，當刻我並唔知佢想表達啲咩？之後上到去比近廁所門口位我地，我地要問可唔可以要近窗口位，先話另一張枱ok。其實成間餐廳都冇人，又冇人book枱，得我地一張booking。用餐時食物到齊之後，我想一齊影張相，當時樓面只得中年姨姨，我地問佢可唔可以幫手影張相，佢不耐煩咁幫我地影咗張側埋一邊嘅相之後，比返電話我地嘅時候用命令嘅語氣講「散開！」我地當然明白有限聚令，都只係想快快手影張相留念，你可唔可以用個好少少嘅語氣提醒。(中間有隔膠板)個侍應(中年姨姨)成餐飯嘅大部分時間都係坐喺廚房前面張枱

即使其他再好，服務態度差，絕對影響用餐體驗，難再回頭。當日人客已經不多，大概2,3枱客吧。除了員工不會主動招呼外，即使叫他們也視若無睹。 笑容也找不到，亦說話速度極快，很趕嗎？貴為一間舒適餐廳，更不應該以這種服務形式吧！希望能夠改善，以下為一般評語位於油麻地附近，彌敦道馬路旁大廈4樓西式餐廳 環境位置不錯，可以觀望煩囂馬路，算是香港的一個特色吧大致餐廳環境，空間感尚算足夠，以白色為整體色調，令人感覺潔淨。價錢尚算合理，一般西餐價錢。食物質素:比較特別是麵包配以黑醋，總好過牛油。份量我認為較適合女士或小鳥胃人士味道不錯，醬汁足夠，不會很乾。牛扒熟度適中。

呢日同老公喺油麻地行街街 , 行完check下 openrice午餐 , 見呢間喺附近就walk in , 入門口就有店員量溫度  , 然後叫我地揀枱坐 , 見有好幾張window seat都幾好 , 揀張比較多少少陽光既枱 , 影食物都會影得清D , 叫左2個餐 , 粟米蓉....都好味 , 有個蒜蓉多士 , 我有時食蒜蓉多士勁多蒜會咸既 , 呢個蒜味剛好 , 牛扒同豬扒都夠淋 , 配薯條沙律菜係好正既 , 因為沙律既汁有D酸好開胃 , 薯條剛炸起所以好熱, 問店員收唔收咭 , 原來要滿400先簽得....店員提議可以用支付寶埋單 , 我話要簽咭積里數 , 所以我地再要多個餐....心太軟啦

12:15 到, 有很多位,  我們一家四口, 可以坐Window seat, 但其中一名服務員話那邊沒開冷氣, 叫我們坐門口位, 我說不想坐門口, 感覺不太好, 又安排我們坐洗手間門口, 我們情可無冷氣,  都走去Window seat, 只有這裡才舒服, 為什麼要客人坐一些不好的位置呢?  一坐下, 見有告示, 原來lunch 及下午茶時間不供應水飲,  我會原諒這點,  營商環境的確差, 節省水源也沒法。我們order 三份西冷牛, 一份卡邦尼意粉, 跟餐上有湯及包,  我老公喜歡個湯, 清清甜甜的, 包又夠外脆及內軟,  西冷牛分別:  6, 7, 8 成熟, 除了我老公的7 成熟比較多筋, 另外兩個都很軟身, 又有肉味, 份量都大, 我跟薯菜, 只有薯條及沙津菜,  雖然無熱食的菜, 但論價錢, HK$68, 其實相當抵食,  而囡的卡邦尼意粉份量都好足,  她也很喜歡,  飲品方面, 凍飲要加HK$6 , 我和囡覺得唔抵, 便飲熱飲了。總體而言, 食物環境都不錯,  服務員是有禮的, 但可能細節位唔識得做好,  e.g. 明明有好多位, 但比d 衰位我們, 湯未飲完, 又想

因為地理位置方便而揀左呢間book位時無講明有用餐時間限制到當日打黎confirm booking 先話限90分鐘，都算去到體驗到佢d態度先係重點男服務員先「有禮貌地」係我地嗌左餐飲之後表示：你地仲差一樣野未嗌喎，頭先咪講左囉其後更多番以「呢個係我地餐廳既價值觀」，「呢個係我地原則」黎解答我地對點餐數量既疑問食品方面最多只值5-6/10分 但咁既服務態度就-10分啦真心未試過去食餐飯食到係咁比人challenge 我地仲連價格觀都拎埋出黎講...席間聽到隔離枱都面對類似問題...真心不可一不可再

真係嬲到要將第一篇食評獻俾呢間嘢因為見到最新幾篇食評都話係好評天真以為佢終於有改善上到去我就懷疑佢係咪真係同路人佢嗰啲櫈好矮 我有個唔高嘅朋友覺得自己需要BB櫈佢櫈有兩款 但就算係梳化高啲個張都係好矮問佢有冇張高啲嘅櫈 佢就成張櫈搬過嚟教育我地全檯有啲食物係二人餐先有我哋諗住唔浪費食物 於是叫咗二人餐同埋其他一啲主食 佢落哂單先話每人低消要叫一樣嘢 咁點解餐牌唔寫（或者要顯微鏡先睇到啦）訂檯時又唔講 confirm booking 都唔講 係我地成櫈決定好哂食咩先講問你有冇高櫈你咁有態度落單叫我地叫多啲嘢食一樣咁有態度我上嚟食嘢，講俗啲我真係有俾錢你賺你有收服務費，咁講嘢真係打工仔之光食龍肉都冇味啦，而且食物其實真係幾一般，啲料普通哂，又咸。附近有一檯應該都有同一疑問 聽到佢地係咁話侍應冇禮貌 綜合呢間餐廳咁多負皮（之前有post話佢地有staff 買蛋糕想買美心/東海堂，如果我認真啲睇post真係唔會幫襯佢囉）。呢間我就覺得一次機會都唔洗比，我相信同路人唔會咁做生意，自行決定啦。

有朋友介紹呢度油麻地有間唔錯的西餐，人少少，仲話通常walkin都ok咁我就唔信佢照book去到就真係發覺可以walkin咁野食都係意粉意飯講野食之前想同大家講，我估間野都係家庭式事關d伙記個個都好fd，有時見佢地坐埋一齊吹水，玩下電話咁個日好似係d伙記其中一個d仔女生日，嘈到以為去左黃埔間m記咁先黎一個前菜西班牙風味炒蜆真係sorry因為個度暗黃（我指燈光），所以電話快門唔快，一郁就影到咁樣但的確唔錯，原來炒蜆同蒜片辣肉腸都幾夾，幾有西班牙辣的風味之後叫左個西班牙辣肉膠蘆筍扁意粉個味幾熟口面，同個頭盤一樣味，相信呢間野有西班牙呢3個字就係辣+辣肉腸+蒜片都唔錯啦，側面仲擺少少辣椒粉比你點下咁我就叫左黃金芝士大蝦意飯你睇佢個樣就知好食，黃金黎講佢幾黃，個飯100分可以比好高分係有d唔知個個黑色蜘蛛網有咩作用食落去唔脆，以為係隔夜的鑊撈隻蝦幾大隻，但芝士味唔係話好多最後叫個水蜜桃雪芭同埋churros，個churros好好食，外熱內凍有d似我老友

睇 reviews 以為間餐廳好正，點知原來係兩回事！叫咗 -- 蝦意粉： 味道可以凍檸茶：差過一般茶餐廳心太軟： 一般炸魚薯條： 魚塊未熟透，冇魚味； 薯條可以接受座位舒適度： 一般，1/3 座位係𨋢口/厠所門口/樓梯口服務態度： 差 (西口西面，叫一杯水要叫3次，冇落場時間，所以員工就地係餐廳梳化上瞓覺，好隨心)環境： 只係好在樓底高，其餘冇咩可取；有大玻璃窗，不過外面全部貼咗花紋膠紙，有景等如冇景；天花聖誕裝飾仲未拆，佈滿塵，有啲擔心啲塵跌落嚟。。。

Weekend 天口咁熱 無book 位都唔知去咩黃店食好😎Explorer Follow 就Follow 左好耐食就真係第一次....重要無BOOK 位~好彩都早(1點前) 都重有張walk-in枱🤩之後見好多熟客都有book 位~多人黎食都好正~有落地玻璃....樓底又高...都岩一班朋友/ 同屋企人黎🥰出街食西餐 食扒 其實都食到無咩期望....但88蚊同128蚊既牛扒我都係唔想失望 所以叫左88 再加多個burger🙈88 有扒有湯有蒜茸包重有野飲 真係weekend lunch 都咁抵食!!?!?!🧐是日餐湯係南瓜湯~蒜茸包都重係熱嫁😍其實我都一個包怪😛呢個蒜茸包係幾新鮮😍無法包overnight 之後要再焗到又硬又脆 個心都有少少軟....索哂蒜茸牛油既油香...Burger 係juicy 菜都fresh好耐無食burger 有芝麻響面 係香既👍到88蚊既澳洲Sirloin….叫左3成岩岩好💛有牛味....有少少筋無落太多既鹽調味,,,,sauce 都唔洗加👍跟薯菜個薯條係岩岩炸起!!!正!!!Salad 重加埋黑醋!! 本人就好鐘意!!甜酸度都岩岩好😋不過友人就對黑醋零興

旺角鬧市中的悠閑進餐環境晚上想同朋友靜靜地食餐飯傾下計呢間餐廳絕對係一個唔錯嘅選擇空間十分寛敞，也不會太嘈吵食物價錢不貴，中規中矩叫了份炭燒美國安格斯肉眼 12oz 5成熟也真的剛剛好另外再叫了杯薰衣草Mojito 甜甜的，酒精味不重，女仔會比較容易入口

話說，我一個腳短同事難得地生長左對腳，緊係要出遠少少嘅地方食好西啦！呢間Explore Kitchen 之前同老公食過一次，可能佢地岩岩新開冇耐啦，啲野食係唔錯，但服務態度真係麻麻，所以一直都唔敢食第二次。但係呢排啲抵食扒嘅餐廳執得一間少一間... 冇計...又想帶我同事去食好少少，咁唯有俾多次機會佢啦咦！入到餐廳，個阿姨都算好態度，加上多左兩個後生幫手樓面，即刻好好多咁😂 我地都係照叫左扒据，$68真係幾抵食，仲要係好食架～又大塊（我同事果塊又厚又大塊） （我地一行6個人）個汁都做得好好食，唔似一般黑椒汁。佢個蘑菇湯同蒜茸包都好好食！我嘅腳短同事就叫左魚扒，都好軟滑，佢兩面好似用左蛋汁煎咁，防止佢煎到散收收，好食！ 我再加杯Mocha，佢杯mocha咖啡好重咁，好香，苦苦地，中意咖啡嘅人一定要試下佢地嘅咖啡，係幾好飲嘅。雖然埋單都要8十幾蚊，不過食佢嘅野，緊係要食埋佢嘅Service, 今次幾滿意，下次會再食！Ps: 我地預先佢一開門我就打去卜枱，好彩都有枱俾我地。 餐廳啲位唔算多，人就愈黎愈多。

< Explore Kitchen >呢間油麻地樓上cafe空間感幾大，樓底高，所以係嗰度食飯同chitchat都幾舒服😇————————————————- 餐湯、餐包 -餐湯真心麻麻地🤧好淡好稀，茶餐廳既羅宋湯都好飲過佢😣餐包大大舊，都脆身既！不過蒜蓉味就唔係太香————————————————- 香煎澳洲西冷牛扒配蒜蓉汁配薯菜 $68 -牛扒叫咗五成熟，裡面都係呈粉紅色既😍 雖然唔算juicy但勝在無根，質感幾好，唔會un! 呢到既薯菜係薯條，炸得香口唔淋油🤤沙律🥗都係有落醋有調味既！————————————————- 香煎比目魚配蕃茄汁配薯菜 $108 -呢個魚比起上面嘅牛扒真係貴好多～不過呢個比目魚肉質的確滑！魚皮略嫌煎得硬左少少同埋無咩魚油魚脂既香味🤨但係份量都足夠都唔錯既！😼😼同埋小編覺得個蕃茄汁幾好味🍅————————————————- 檸檬茶 +6 -檸檬茶加6蚊覺得略貴，感覺加10蚊飲特色咖啡抵d🤣 檸茶都係西餐廳既質素，個人認為個杯幾靚，不過無飲管飲就真係有d唔係咁方便————————————————最後想講嘅係呢度嘅服務態度有啲差😵😵小編當日坐低左

悠閒星期六，嚟到油麻地一間cafe ── 裝修簡潔悠閒風，感覺好relax。一去到店員幫我量體溫，安排我坐靠窗位置，可惜今日落雨天色暗淡，無咩陽光 .因為下午3點幾4點，好餓了，本來想食lunch set，但要迎接夏天keep fit，所以揀咗個健康少少既鮮茄辣蝦意粉意粉口感唔錯，軟硬度適中；蝦size偏細，雖然係原隻蝦(有蝦頭蝦尾連殼)，不過廚師將中間蝦身位置去殼，都幾細心，令食客更方便😘 醬汁味道唔錯，唔會偏蕃茄酸，醬汁偏水，如果較返「杰」D就更好。.叫咗杯伯爵茶，夠濃夠熱.整體評分 :食物 : 7/10服務態度 : 8/10餐廳環境 : 9/10.下次路過既朋友快D去試下啦