四面泰泰式火鍋

Open Now

Now Closed

呢排非常迷泰式火鍋 同港式火鍋一樣 個湯底可以一邊飲一邊打邊爐 而我係好鍾意飲椰奶雞湯 滿足曬飲湯同打邊爐兩個願望 🤤🤤首先要介紹一個必叫嘅孖寶 🏵️寶藏海鮮手工金盒(2人)$498- 寶藏海鮮手工金盒（2人）- 秘製冬陰功椰奶雙拼鍋叫呢個海鮮金盒餐係會送埋湯底 抵叫嘅 海鮮超奢侈 大大隻蠔 鮑魚 墨魚滑 海蝦等等 仲要真係喺你面前打開一個寶盒 啲乾冰效果包你打卡打到傻 除左打卡 海鮮真係好新鮮 啲蝦跳跳下 蠔就手掌咁大 值回票價🤗🤗湯底方面冬蔭公會有少少辣 叫埋椰奶雞鴛鴦鍋就唔怕食唔到辣 冬蔭公湯入面有蝦 椰奶雞就有雞 煲滾可以先飲一碗食下料再開始打邊爐😬😬🍱四面泰牛肉拼盤$328睇落唔平 但佢齊曬各種部位 兩個人都可以試到好多唔同款 連牛舌同牛柳粒都有 款款都咁高質 全部都口感味道俱備 對得住價錢😆😆🍤手工竹笙蝦卷（5件）$79🥠手工椰奶雞肉餃子（5粒）$68呢兩樣手工野都係必叫 自己包嘅 尤其竹笙蝦卷一定要叫！口感味道都好有趣 軟軟棉花口感竹笙包住彈呀蝦滑 非常配合 浸埋落椰奶雞湯就perfect🤣🍢蜜汁泰烤鰻魚串（一份2串）$88呢個係最新小食 厚肉彈牙！🍸泰式芒芒碌碌$42🍹泰

今次已經係第二次光顧，不停嗌一至二人飛坐四人座位，問佢入座安排，佢話按攞飛時間計，咁做乜要分人數攞飛，呢間公司真係要安排呢個黑衫PR再培訓🤬 想講第一次都係咁嘅情況，呢間公司真係xyz

同同事去Airside食lunch,見佢話想打邊爐就同咗佢去呢間之前係沙田食過嘅四面泰😊午市套餐有一人一鍋套餐🙌鍾意食牛嘅佢地就啱晒😊每人叫左一個餐😊入座後店員會介紹餐牌嘅套餐😊同埋會話俾我哋知有$15嘅收費係for返任食蝦片、茶水及手工醬料費 🙌今次我哋3條友啱啱好可以試晒三款唔同嘅湯底，包括酸酸辣辣嘅秘製冬陰功鮮蝦鍋😋滾起之後椰香十足椰奶雞湯鍋🥥同埋慢燉牛板腱清湯真係好濃烈牛味🐮肉類方面可選肥膏較多入口即化既美國特色肥牛🐮濃郁牛味既美國厳選牛板腱及嫩滑西班牙黑毛豬腩肉🐷每款肉分咗唔同嘅份量選擇🙌男仔可以叫大份量🙌都照顧埋細食嘅女仔👧另外每個套餐都有蔬菜拼盤+菌菇+潮州豬肉卷+泰式船面河粉及可樂❤️另外再加咗蝦餅同埋香茅雞翼😋全部即叫即炸上枱仲熱辣辣又酥脆😋💚見到加20幾蚊可以轉特色飲品😊我就要左蝶豆花青檸梳打水💚酸酸地幾清新🥭泰式芒芒碌碌好似芒果沙冰🍧香甜芒果味湧出黎🙌泰式手標啵啵奶茶唔算太甜茶味夠濃都幾好飲😋整體嚟講以每人百幾蚊價錢都幾抵食😋三個湯底入邊，我哋都係比較鍾意冬陰功味😊臨埋單前店員送上泰式甜品😌另外仲有劃分咗一區可以帶埋寵物一齊打邊爐👍同埋我好欣賞呢度每個位都有叉電位同

今日打算過黎食飯，見到太多人就決定放棄。見到有買一送一優惠，就打算買杯嘢飲試下。因為個自助點餐無寫買一送一個優惠係要禁兩杯定一杯就得，問左兩次都無人應。我最後就禁左一杯。見到佢整完杯嘢飲打算叫佢直接比我地，佢特登要放係堂食的出餐口我地攞完發現無飲管就問佢攞….佢係就gum飛落個盤比我地…..個盤係濕架大佬….個飲品製作區係開放式的，d小料係放係出面，我地可以接觸到的地方，無蓋，衛生情況堪憂呢個服務態度，呢個衛生程度祝你地早日關門大吉

今日約朋友食飯，餐廳在Airside商場，原來新開了呢間泰國菜，真係不知道原來咁靚。一入去真係哇哇聲，餐廳好大，有兩個廳+一個室外。室外真係好似去了度假咁正。忍不住出去打了個卡！餐廳食泰國火鍋，一邊係冬陰功湯底，有幾隻新鮮蝦。一邊係椰奶湯有雞肉，每日新鮮熬製，滾起湯底之後可以先飲湯。真的很不好意思，我們兩個人飲了好幾碗湯，要再加湯先吃火鍋。湯底真係好好飲！火鍋配了三個醬，他們有跟，左邊是專門點海鮮，中間點任何嘢都很鮮味，又專門點肉類。其中我們叫了3-4人的海鮮盒，有鮑魚、帶子、蝦、珊瑚蚌、墨魚丸等，以為很小，原來來的時候還很壯觀。另外還點了豬頸肉及鰻魚串，不得不選鰻魚全新是非常正，很牛肉，烤得很脆。非常推薦。店家因為新開，所以送了兩碗爽耶耶甜品，有新鮮水果，火鍋之後加上甜品真是絕配。吃完之後我們出門口，還有很多人在等。果然好吃傳千里。

香港好少有泰式嘅火鍋店，之前食過一間旺角嘅覺得好得意，最近聽講啟德新商場Airside都開咗一間泰式火鍋店，就同閨蜜來試下啦~首先想讚下間商場真係好好行😂 😂終於有一間唔係一式一樣嘅大集團大品牌，呢度更多小店、特色店鋪！！講返餐廳四面泰火鍋，呢間餐廳俾到我好有活力嘅感覺，點解咁講呢~~因為呢度每一位店員都好熱情好有笑容，仲好好服務添，即刻令我都心情非常好啊🥰 🥰 🥰佢哋推出嘅午市一人火鍋好食又抵食，我哋叫咗3款唔同嘅鍋底，每一個鍋底嘅湯都可以先飲湯再打邊爐咖~ 佢哋個湯底真係無得頂，每款都係當日熬製3小時以上先有咖，而且加湯都係加返原湯底，唔似其他餐廳只會加滾水或高湯，呢度嘅湯底你由到尾都係食到原汁原味，非常抵讚👍🏻 👍🏻肉類方面，牛板踺定肥牛，佢哋嘅肉質都係好新鮮，好有牛味，一個lunch火鍋有肉有菜，營養均衡，搭配得啱啱好。如果覺得唔夠喉仲可以追加佢個小食，2款我哋都有叫，我就鍾意蝦餅，材料非常有誠意，啖啖蝦肉！！朋友就鍾意雞翼，係單骨嘅，食落好方便。宜家仲有免費甜品送返咖，店員介紹係新店優惠，去到8月尾就無啦！！個甜品超好味，有新鮮生果加椰汁糕同斑斕糕，仲有啲椰肉爆珠，非常有咬口

既然啟德Airside開咗一段時間，特登入去搵嘢食，見到有間泰式火鍋睇落幾吸引。限時120分鐘，入邊環境寬敞，冷氣夠大，樓底夠高。但係因為中央冷氣，冷氣調唔到，但係佢哋都好細心比披肩我哋🥰🤗，怕凍嘅女士們都唔使驚。前菜有泰式蝦片，本身人頭$15包前菜同埋茶水，所以呢個蝦片係可以無限refill😂。我哋嗌咗個泰式冬陰功同埋椰奶雞湯鴛鴦鍋 $178，個湯底鮮甜到我飲咗好多碗🫨5/5，跟住都係嗌吓啲牛肉豬肉鱔片等，佢哋仲有熟食串燒豬頸肉，整體感覺都幾好😌🤗。賣相擺盤唔錯嘅美國雪花牛小排🐄 $288正常發揮的日本黑豚肉🐖 $138插在冰上面的白鱔魚片🐟 $98比較普通的炭燒豬頸肉 $68服務方面，店員加湯嘅時候好細心會用一把扇🪭擋住回彈嘅熱湯，呢種咁細心嘅服務風格，同一般香港食到嘅餐廳有啲唔同，然後我都係度上網search吓餐廳嘅背景，原來係內地嘅公司🤭。

同朋友約咗去啟德行街，晏晝行airside原本諗住去五樓食foodmuse，見到側邊有間泰國火鍋幾好view，想坐得舒服d就去咗四面泰食。餐廳環境都係泰國悠閒風，有大窗可以睇風景，窗外雖然見到對面地盤起緊，但望到藍天白雲心情即刻好好多。餐廳侍應都nice嘅，因為我唔食牛，一人一鍋就唔怕要就嚟就去啦。我地幾個人分別揀咗三個餐，三款湯底，三款特飲😂😂侍應仲同我地介紹返每隻醬料點咩食最好，另外仲有無限量炸蝦片提供，btw，蝦片夠哂脆係好食嘅。美國特色肥牛套餐美國嚴選牛板鍵套餐西班牙黑毛豬腩肉套餐每個餐都跟咗蔬菜，菌類，仲有泰式船麵河粉，份量都幾足料。特別要讚，佢地個椰奶雞湯鍋真係好濃，好好飲，我連飲咗兩碗。加湯果陣侍應係用原湯加湯，呢個真係好加分。泰式芒芒碌碌，蝶豆花青檸梳打水，泰式手標波波奶茶泰式手打蝦餅夠厚夠彈牙，香茅雞翼點醬食都唔錯。食到咁上下，侍應拎咗碗甜品嚟，佢話慶祝新店開張，今個月31號前，每位客人都會獲送一碗賓粉爽椰椰，係個有冰粉、生果、椰肉珍珠整出嚟嘅甜品。味道幾好，椰汁味幾重，口感幾得意。同fd一邊吹水一邊食咗兩個鐘，飽到捧住個肚走。lunch打邊爐食到咁飽真係好滿足，ha

食牛市套餐 收$15/人 寫明有蝦片和手工醬料。已經上哂菜仲未黎 問個女職員 佢講野粗聲粗氣：「黎啦黎啦！」然後蝦片都唔自動比 要再問 然後問佢一枱一份定一人一份，然後個女職員大大聲：「一枱一份！張枱唔夠位嘛！所以！咪可以refill囉！你地唔會蝕底嘅！」然後再去嗰啲捧咗一大盤蝦片黎：「大把蝦片 唔通我放哂上你枱？」 其實只係出於顧客嘅普通疑問 有必要咁無禮貌？又無寫清楚。人均都成$150嘅lunch，咁嘅服務態度唔可以接受。仲有 叫佢地refill蝦片都扮聽唔到 食物係可以嘅 但員工唔得 全部都無train過

今日中午去AIRSIDE 廣場內0午市雙人火鍋套, 一家三口,除叫了$399的套,湯底選擇慢燉牛腱,美國嚴選牛板腱,鮮活海蝦一份兩隻,手打墨魚丸一份四粒,清邁什錦田園,泰國船面河粉,再單點了爽脆皖魚片$68元,套餐可以加$38元叫一碟泰式手打蝦餅及加$28元叫一杯泰式手標啵啵奶茶,再加叫泰國船面河粉$28元,牛腱湯很鮮甜,美國嚴選牛板腱亦非常美味,丸及海蝦一般泰式船面河份不錯,所以加叫一碟,泰式手打蝦餅亦很鬆爽,一家三口以足夠個食,這個優惠價超值,埋單還有二百元現金券送,可於下次晚餐使用,會再光顧。

試業第一天，門口派menu個姐姐非常熱情所以就諗住試下，佢帶我們入坐，一到張枱就有一個感覺上話得下事既女staff講張枱我留左比我d fd，(我心諗就算你真係留左枱比你個fd 你都唔應該當住我地面講出口)，我老公話咁無位我地咪走，佢就話都帶左入黎咪比個客坐講下性價比，兩個人食左千幾蚊(食完一d飽既感覺都無😂)我就唔識分有無落味精，淨係知食完番屋企我地都係咁要飲水，所以食物 飲品 湯底全部都無覺得驚喜過最後想講咁既收費仲要自己行去一間房仔比錢埋單，仲要排隊🙄比左3張劵 一行出門口即刻扔左佢，呢間野唔會有下次

誠心推薦 ！我吃過最好食的泰式火鍋！一直都是四面泰的忠粉！已經食過無數次了！因為四面泰的泰式湯底實在太上頭了！聽講係九龍城Airside開了分店，我立馬衝去一試究竟！💪🏻估唔到還是保持到他們家有的水準！！🤣和朋友去點了他們家優惠午市雙人套餐！($399/2人），每次去都係食晚餐，估唔到午市平靚正！！！😍午市套餐包括了雙拼湯底，我們揀左秘制冬陰功 和椰奶雞湯底！我超級推薦雞湯底🫶🏻我同朋友飲咗兩大碗先開始打邊爐🤣！另外佢哋附送的一碟蝦片！我覺得超級好味！📌套餐我們選擇了：🔸鮑魚仔🔸手打墨魚丸（是真的貨真價實！有墨魚粒）🔸美國嚴選牛板腱（夠嫩滑！）🔸雜菜（把菜放到湯底里很入味！）🔸泰國船面河粉（之前都沒有試過食佢哋既泰式河粉，感覺好新奇，而且好食和湯底好夾）📌我們另外加購了：🔸手打蝦餅（蝦餅外脆內軟，我超級喜歡吃這個，每次都叫🤣）🔸特色肥牛🔸泰烤鰻魚串（呢個都好食！必點！都係皮脆內嫩）！🔸炭燒豬頸肉（我的最愛之一，而且份量很多）

適逢朋友介紹，於餐廳開幕的第一天光臨吃晚餐。由開幕日起到8月31日，餐廳都有以下開業優惠：1. 單一發票滿$300送$100現金券，可疊加；2. 外賣飲料，買一送一；及3. 堂食送甜品繽紛爽椰椰。開幕第一天已爆場，即使有預約，也要等半小時才可以入座，我們唯有在門外先看菜單。菜單簡潔易明，圖文並茂，大部份海鮮和小食都有標明每份多少隻。然而肉的種類太多，卻沒有標示份量及內含物，令我們很難只按照價錢作出選擇。例如我們不知道牛肉拼盤內有什麼肉，份量和美國雪花牛小排比起來誰較多等。蔬菜拼盤也沒有說明有什麼蔬菜。建議餐廳在這方面作出改進。入座後，桌上有一籃免費炸蝦餅供客人享用。餐廳使用QR Code下單，網站上終於有說明牛肉拼盤含有什麼，還有建議的煮沸時間，十分貼心。但還是沒標明份量，我們問職員才知道5款肉大概每款4件。由於純肥牛和純牛板腱哪裏都可以吃，所以我們選了牛肉拼盤。火鍋有3款湯底可選，包括冬陰功、椰子雞，和牛肉清湯。可單點，可雙拼。如選購海鮮寶藏金盒，則免費送湯底。我們選了二人份海鮮金盒，送了冬陰功拼椰子雞湯，變相便宜了$178的湯底費用。椰子雞湯較清淡，雖然有椰子味，但雞味欠奉，也不夠