囍公館 (Closed)

今日34-35度，12:30pm到，間餐廳一個人都無！我有小狗所以坐室外，但只有熱茶供應，唔緊要我地五人每人叫左各式各樣飲品，又ice coffee又mocktail，點知太熱想問佢拎冰水，但無，你飲熱茶啦！我地叫左 $75礦泉水，免費添一次冰，其實間餐廳有30 蚊枝水bonaqua牌但只供外賣人士，唔可以堂飲呀，如果飲要你企係地下黑色線外呀小姐😡 Wow 今日34-35度d waiters 真係好好人！成餐飯$1200蚊，貼錢買難受，真係好熱先至迫不得已叫水，你就係用熱嘅天氣賺更加多嘅錢，都唔緊要，餐廳行貴價路線所有嘢要收費我明白，但對唔住服務態度只可以用劣質來形容，除咗個經理最後有少少體諒，一家人黎飲茶希望係開心，最後因為服務態度而破壞成個星期日嘅氣氛！最慘係有一個女服務員有嚴重說話問題，我唔係歧視，但真係完全聽唔到佢講乜嘢，絕對係一隻字都聽唔到，我相信FAM係以高級中式餐飲嘅形象黎經營，我相信有更加好嘅位置可以安排俾呢一位員工，食物嘅質素及環境一切都好好，真係衰喺Service，接近$100一籠點心，真係得呢啲服務質素嗎？今年年頭嚟嘅時候食燒賣，原來係唔熟，已經嬲到飛起，加埋今日

平時好少去西九因為交通唔算方便今日同啲同學仔一齊去影完相朋友介紹之後就去咗囍公館睇到個價錢牌確實係覺得有啲貴但係我哋懶得再搵第二間所以都係入咗去食其實叫咗好多野食但唔記得相機食先🥲炒米粉 大廚炒飯 黑松露烏冬 紅米卷 仲有個好貴既菜😂其實全部食物質素都超高個菜都真心好食👍🏻 價錢偏貴但都值得再去🤗

第一次到訪西九文化區，因為朋友想食片皮鴨，上網找了很多間，這間囍公館的口碑不錯，所以決定一試😌預訂優惠價，原價688，依家388食一隻片皮鴨，另外加錢188 二食，炒涼瓜🦢先講片皮鴨，新鮮熱辣送到過嚟喺我哋面前表演！聽到很清脆的聲音，口水都流🤤片皮鴨一肥入口即溶嘅感覺，唔會好油膩，唔會食到一泡油咁，果然係幾出色，我通常只會食兩件，呢度會不停想食😋😋😋😋😋二食就無乜特別，我下次唔會加，因為已經無乜肉食😌我哋另外叫咗兩個餐，最少要嗌兩份餐，餐包括店中馳名叉燒個個都話好好食。叉燒又淋又入味，燒得恰到好處。個炒龍蝦🦞略嫌小咗啲肉，唔係好夠食。味道不錯！有個炒飯太好味，忘記影相🤣菜好都甜呀，唔中意食菜嘅小朋友都話好食！🥬🥬🥬個湯就偏淡左少少！最後，仲有湯圓做甜品。我最喜歡佢嗰度嘅，每杯都好精致！！！🍸🍹🍷🥂💜●‿●💜🏡：👍🏻👍🏻👍🏻👍🏻👍🏻😋：👅👅👅👅💵：$2600/3大兩小🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️

賣相好有特色既點心本身好中意飲茶，雖然價錢中上但也想試試環境好舒服，食左個蘿蔔酥好有驚喜，有心思既，因為佢做到好似真既盆栽一樣而味道都好好食吾係得個樣。蝦卷好香口！ 炒飯色香味俱全～～一定會再黎試埋其他野🤤

1. 茶壺有其他客人留低嘅茶漬 碗碟又崩曬邊咁 😅 好污糟 🤢🤮2. 要辣椒油無辣椒油 要余均益無余均益 😅3. 叫咗小籠包 侍應要三催四請先識拎碟醋過嚟 😅4. 叫咗燒賣 未熟就拎俾客人 大佬啊 食豬肉刺身咩 😅 同啲侍應講話兜野未熟 佢哋淨係拎走就算 連道歉都冇 如果係啲屋村酒樓 咁嘅質素都算啦 但呢度話晒啲嘢食都唔平 咁嘅質素真係唔多得 Train 吓啲staff 換吓啲杯杯碟碟好喎 總之食到一肚氣 建議大家如果冇咩咁睇唔開 都唔好立亂試呢間嘢 🥹

- 隨住故宮文化博物館開幕，相信大家喺參觀前後都想喺附近搵個地方坐低食嘢🍽 西九文化區有唔少西式餐廳/bar，但係如果大家想食中式嘅話，就可以去囍公館~ 呢間定價較高，不過可以透過落地玻璃窗欣賞到180 度維港海景，食夜晚應該仲靚🌉 雖然係中式飲茶，但係餐廳嘅裝修都好有玩味，有啲西式嘅元素，而且主打創新嘅點心，係一間幾獨特嘅中菜館🌟Roasted pigeon 紅燒乳鴿 正常水準，印象唔太深刻🤔Steamed fresh shrimp dumpling 彩虹鮮蝦餃(3件) 💰68 呢款色彩繽紛，蝦餃上面有啲金箔點綴，裏面係原隻彈牙嘅蝦(唔係蝦粒)，幾滿足！Wild chicken stuffed with pork dumpling with mushroom and caviar 野雞鱘龍魚籽燒賣(3件) 💰68 個名睇落幾特別，食落就係有豬肉同雞肉混合嘅燒賣再加魚籽脆卜卜嘅口感👌🏻Fried mixed wild rice · Seafood · Eggs · Premium soy sauce 大廚炒飯 💰198 飯裏面有帶子同埋蝦，啲飯炒到粒粒分明，夠乾身又有鑊氣；仲撈埋唔少蟹

平日中午時間，一家三口行過，見到門口有啲位可以坐，雖然天氣炎熱，但小朋友還是喜歡坐在外面看風景，於是我們便坐下點了一些點心和一個泡飯，其實坐在外面對住維港風景有點微風挺舒服，坐下看看評價都有點擔心，說服務很差，但食完覺得還可以。蝦餃，春卷都不錯，本人最喜歡的是海皇泡飯，二百蚊左右，不算平，但食完這個泡飯覺得值得，湯嘅濃度剛剛好，I like it，可能是個人口味的問題，大家可以參考一下。服務正常，不是最好，但也不差。

第一次嚟食嘅時候係同朋友過嚟佢話識老細所以嗰晚感覺冇乜特別 仲覺得啲嘢食好好味！今次自己同男朋友過嚟 體驗完全唔同點菜嘅時候已經長期搵唔到人點 佢哋個個企喺度好似發白日夢咁 叫咗好多次都聽唔到 游緊魂～ 之後問佢哋關於茶錢又講得唔清楚一個話一定要收茶錢 另一個話唔使食物係唔差既 但係晏晝食來講都算貴 同埋食食吓一路睇食評 就好有共鳴 😆 大家都覺得佢哋服務態度有問題 坐咁耐淨係見到個經理喺度打點 其他人都好似游魂 如果改善到服務問題嘅話其實呢間嘢唔錯

睇食評見到話服務差，隻鴨又遲上，都係去左一試，因為想食個間好full,父親大人又想食片皮鴨，咁見食評話鴨都好食，又有位就決定一試。打電話訂位，仲預留左一隻片皮鴨同龍蝦，仲問我隻鴨想幾點食，咁我心諗可能有d位已改善左，都放心啲。Overall野食係ok嘅，不過隻鴨好瘦，佢專登片走晒d肥膏，得番好脆嘅皮同肉，所以唔夠juicy,片皮鴨係連啲肥先好食，不過因為佢煙燻所以味道都特別嘅。講到重點，服務態度，真心嬲。因為室外同室內嘅溫差問題，令佢冷氣機滴水，全部都係霧晒水點，準備滴落嚟，結果佢真係滴，咁即刻話佢知，佢先去抹乾，其實因為溫差而滴水真係唔係問題，但麻煩你抹乾先俾人坐。咁我提議不如轉位俾我地，staff話抹完就冇事㗎啦，仲同我老公講你可以買六合彩.....但原來仲有其他位滴水，佢再滴時我地又出聲，個staff竟然只話sorry,再次提出換位佢都唔理我。結果第三次滴落枱，我地話跌咗落啲餸點算，再次提出換位，佢哋先肯action,但換完個位其實情況都一樣，最後先轉左一個上面無冷氣裝置嘅位....當我以為佢唔轉位俾我哋係因為其他位已book,但去到8點個場都唔full,勁多空位，咁有乜解究開初

it's almost 12 and we wanted to ask if we can sit outside later, and the old guy waiter was very rude and shouted at us while we have a 2 years old child watching. I don't understand how could a man with such bad attitude and behavior can serve in a restaurant that is completely overpriced. Very very bad experience

一直都想試試囍公館非常出名嘅煙燻片皮鴨，趁做推廣電話訂座可以$388就可以食到原價$688嘅煙燻片皮鴨，廚師在旁切片皮鴨時，由鴨皮發出香脆聲音簡直聽得見，值得一讚青瓜大蒜全部切碎，包裹片皮鴨入口非常方便，當然好多口碑推介嘅脆皮琵琶豆腐亦不能錯過，本人亦誠意推介👍🏻好少食到非常乾身又香脆嘅琵琶豆腐👍🏻鴛鴦米黑松露帶子炒飯，鴛鴦米原來係一種係普通米飯另外一種就是經過炸泡的脆脆米粒，入口嘅時候口感非常豐富多咗一個層次好特別👍🏻食物買相的確吸引，服務態度亦細心體貼，而且望住整個維港風景，價位差不多啦😉

嗰晚睇rubber band，所以全日入去m+ hea下chill下😂睇之前都要食晚飯，黎左食中菜新派既中菜館，個裝修同一般食中菜既好唔同，都岩父母親節同父母去食茶我哋叫左玫瑰花茶，幾特別，幾香，玫瑰味足龍皇海鮮泡飯⭐️⭐️⭐️⭐️🇭🇰$208因為見OpenRice d人有5星推薦而叫，不過我又唔覺佢值5星，佢d料都夠既，配米通粒食，有d脆脆既口感唔錯，我係覺得個龍蝦湯底唔夠濃，不過如係鍾意清少少既感覺，佢可能就五星，只係對我黎講，龍蝦湯底係應該要濃。脆皮琵琶豆腐⭐️⭐️⭐️⭐️ 🇭🇰$168幾香口，外脆內軟，豆腐味都足，同埋入面唔乾，嫩滑既香草蜜豆玫瑰露叉燒⭐️⭐️⭐️⭐️🇭🇰 $168中式fusion 菜，半肥瘦叉燒，係幾好食，不過同一般中菜食到既靚叉燒分別不大，呢個都係食一次算😂😂😂

我比咗$68……買咗兩粒湯圓……(So i know i would have to type more characters so here i am. Never wrote any kind of food review but this restaurant is making me to do it for the first time in my life.)

尋日同朋友行完M+, 都已經兩點幾，見冇乜落雨，就行出去海濱睇吓有咩食，行到囍公館，望咗吓餐牌，酒店中菜價錢，最低消費每位$200，因為太肚餓，照入去試吓😍😍點心出色👍👍😋😋景靚😍😍坐咗3小時🫖🫖7個點心每人埋單$223😊😊😊好🈵️足嘅下午😋😋😋

服務態度超差， 問佢攞醋好唔願意。 限時個半鐘 ， 冇人等位情況下，未食完食物，沒有問你可以收碟未，已經幫你收起碟和碗筷。食咗大約1:20分，還有食物未黎齊已經出咗單放在你枱， 我以為自己食緊放題。 咁嘅價錢我唔需要喺度食 (飲茶價錢每人約三百幾蚊）。 只係個景靚，食物質素好一般， 冇特色， 完全冇一樣食物你係可以話好好食。 有幾個入口，E邊掃心出行， 要你去另一個入口去掃針卡， 要個客行嚟行去， 我都係第一次遇著咁嘅情況， 唔會再幫襯。