囍公館 (Closed)

星期日走咗去睇極光打卡。因為人太多，所以我跟家人先去找間餐廳來個速食才去睇極光打卡。 點咗咕嚕肉+jer jer芥蘭煲 及1碗白飯。上菜都好快，咕嚕肉食第一粒己經係全肥膏，以為自己唔好彩。點知之後個D 都係得肥膏。無一粒是有肉。 痴線到離譜。只係得個皮炸得好脆皮， $400只係得個食個炸粉。😡😡😡真係以後都唔會再幫襯。到個jer jer 芥蘭到都算唔錯，不過就要不停叫佢起個白飯先有人攞番碗飯俾我地。而且仲收多咗我地。

零服務意識，點解香港，仲要係西九這些地方，可以容忍服務員令客人感到到如此反感，如果你希望試吓咩叫做比錢受氣，請來一試。詳細如下：1.充滿油漬的茶壺，拒絕更換，反眼反到上頭頂，因為那些侍應大叔大嬸覺得點解少少污糟都唔能夠接受2.洗完碗碟的水，持應會叫你直接倒喺地下，因為佢話我哋唔會比野你裝住啲水3.點心都未食完，侍應就會勒令叫你快啲走，就算冇人等都要走！如果有機會，呢一間餐廳嘅老闆或者管理層睇到，除咗我寫的評論與及其他食客嘅體驗，你就明白，你哋嘅員工，不斷咁幫你地倒米，很可惜！PS:呢間餐廳個名唔應該係囍公館，其實係「氣攻管」：條氣攻到上氣管！

上年去西九食左間中菜館 可以望到維港景！裝修好繽紛 唔似一般中菜 仲有outdoor 位～點心好精緻 好岩打卡！可惜冇食到片皮鴨同叉燒 🥲岩打卡點心❇️ 彩虹鮮蝦餃皮係彩虹院 不過餡就正正常常❇️ 盆栽小蘿蔔啲泥係朱古餅碎黎 真吃土 😆 酥皮一層層好酥脆 入面蘿蔔絲切得好幼 依個幾推薦叫！❇️ 鮑魚千層酥依間嘅酥皮都做得好出色！ 加埋鮑魚好夠淋！❇️ 雪山叉燒包招牌菜 外皮夠脆 入去叉燒都出色 係偏細 一舊唔夠喉 😹其他❇️ 黑松露小籠包❇️ 鮮蝦紅米腸❇️ 龍皇海鮮泡飯依個推薦！個龍蝦湯熬得好濃 想再食多碗！

座落西九海傍中心位置嘅囍公館，糅合食物、文化同音樂於一身，新式中菜有多款創新配搭，環境打破傳統形式，用上多種色調，空間感十足，最正當然係望住成個海傍嘆片皮鴨啦，食物同體驗都一流👍🏻—— 香草蜜豆玫瑰露叉燒 $168石盤暖住上加分👍🏻叉燒每舊一口size好的骰，係燶叉黎㗎😍一咬好脆，內層肉嫩有汁，滲透玫瑰露酒香味，加埋半肥瘦比例，真係冇得彈🥹—— 鮮腐竹米皇浸菜心 $168菜心鮮綠爽脆，浸住米漿依個配搭幾得意，米味溫和兩者幾夾—— 鴛鴦米黑松露帶子炒飯 $228超有口感嘅炒飯👍🏻乾身！有咬口！帶子半熟鮮味十足，加適量黑松露調味好好食! —— 煙燻片皮鴨（推廣價$388)全晚最期待🤩餐廳會問定幾點食預翻時間燒，準備好師傅就會係桌前片鴨，肉眼都見到出哂煙熱辣辣。鴨味濃郁唔羶，鴨皮極致酥脆，皮下脂肪燒至透光，入口即溶；麵皮比較厚，配料醬汁有最基本三項，如果有埋密瓜就好啦⚠️記得提早一日預訂先有優惠!假期都用得㗎🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 囍公館 (#九龍)尖沙咀西九文化區藝術公園地下GF-01-03號舖

星期日同朋友一行十二人、兩隻愛犬，晚餐時間嚟到尖沙咀西九文化區嘅 — 囍公館。 店舖高級西式裝潢，配以昏暗柔和的黃光，和其他中菜廳截然不同。心想，應該會有一頓滿意嘅晚餐、十分期待。 結果，卻令我寫咗呢篇食評，嚴格嚟講我對食物方面無太大意見，無令我地好驚艷嘅菜式，不過不失，唯一批評嘅係片皮鴨嘅皮做得唔太好。 與其話呢篇係食評，不如話係一場挑戰後嘅感想比較貼切！我地準時八點嚟到餐廳，有一位啡長髮女經理(A)安排我地坐室外位置。我地無遇到其他食評叫極都無人理嘅問題，反而有一位女侍應(B)幾乎無離開過我地枱嘅範圍。起初B問我地要咩茶嘅時候，我已經覺得唔太禮貌，但真正令我地覺得態度差嘅係A經理。我：A經理：我：唔該要兩隻片皮鴨A經理：無喎 咁夜唔會有(當時係20:10)(然後就唔出聲企喺到) 準備起身走之際，之後有另一位男經理(全店態度最正常)聽到之後就入咗廚房幫我地問，結果話可以幫你地落一隻，但需要等九個字。之後上菜期間，不斷有整跌我地筷子，整跌上菜嘅匙羹，但一句唔好意思都係無講過。 我地亦都因為呢啲唔禮貌對待開始討論，相信店員都有聽到，我都聽到佢地有討論我地。最後到埋單嘅時候，

唔俾負評瞓唔著，希望大家幫襯之前三思高級中餐廳啲服務態度仲衰過樓下間茶記，垃圾！食物質素同價錢唔成正比，炸子雞一啲都唔脆，不如改名叫豉油蒸雞，話哂都$588，俾啲咁嘅質素，67。片皮鴨$688， 仲衰過出面$388嗰啲，真係老掌櫃都好食過你，失望至極其他野份量少都算，味道只係好一般，以後不會再幫襯，勸大家唔好哂錢，真係不了。未夠鐘就直接過黎收枱趕客走，唔該唔好意思都無聲，不L知所謂除左個景之外，無野可取。貼錢買難受，M底嘅先好去

去完故宮係呢個公園行下搵野食，海邊很多人帶同寵物野餐露營十分熱鬧。睇左西九餐廳啲讚好既評價我覺得唔太能參考，因為入面有間明星開既餐廳係台灣果邊評價都麻麻地，香港既分店會好得去邊，無乜可能，但都有好多好評-.-選左呢間中菜因為同行想食點心。下午時段無乜客人，當日太陽又好好，我們選擇坐戶外，見已預先擺好餐具，所以餐具上面有灰塵，員工唔會主動提供洗餐具既大碗，紙巾餐巾都無，要不停叫佢地先俾野你，去返高級少少既中菜酒樓都唔會咁樣乜都無又唔主動，枱櫈都多灰塵要自己抹。食物份量唔多，擺盤可以，份量好細，兩款麵同點心多數都係淡而無味，要另外嗌豆瓣醬同辣椒油先夠味。埋單700幾蚊有啲心痛，預左西九呢邊食野都唔會平，但起碼應該要維持食物同服務質素，甚至應該更好，所以十分失望，睇返啲可愛狗仔同小朋友心情先好返啲。

好食到未影相就已經食晒本身見到西式裝修，跟住食中式嘢係西九都已經冇乜期望 但係喺攝影推介下嗌咗大廚炒飯，好食過大排檔！！ 有鑊氣之餘好香口啲飯粒乾身，好似入邊係有蟹子同埋鹹蛋黃（？）。炒飯嘅帶子都好新鮮彈牙驚喜！戶外梳化又舒服，望住個海景咖啡其實同隔離hooman都差唔多，仲要平啲其次都嗌咗XO醬炒腸粉 都有鑊氣嘅，不過油咗少少個叉燒就真係好好食，肉質軟得來有咬口同埋肉地 同個炒飯好夾總括嚟講都幾滿足，性價比都唔係太差嘅一餐

可能因為遊客區覺得唔優做，我book咗枱食中午飯，開門我係第一枱入去，佢帶我坐最入最入嗰張枱，我同佢講可唔可以坐中間位，佢同我講嗰啲俾人book咗！我同佢講我都係book咗枱喎！佢跟住沒好氣咁俾我坐。嗰日係星期三，成餐飯全場都係得三四台，你比張好少少嘅枱人哋坐都唔得？點解要咁呢？？ 敬業樂業，想人有回頭，服務態度真係好緊要。

諗住打電話過去book枱冇人聽，唯有試下walk in好彩有位。落單過程還好，但係食物質素一般，半隻炸子雞$300，但味道同普通酒樓無分別，唔值呢個價錢。個炒飯上碟個下幾香，口感都好，但凍咗之後發覺豉油味好重。嗌咗壺茶，諗住叫佢加水但嗌咗3次先有人理。食完主菜，諗住叫甜品，但大部份都冇，最後落咗個朱古力奶凍，點知等咗20分鐘都未有，追問經理嘅情況下竟然話一早就冇，但落單時職員話有，無又唔一早講埋單時職員又整爛咗張電子收據。個個職員都無乜表情，好似好唔願做整體感覺失望同差！！！！大部份座位都望到港島個邊，但海景唔算太清晰。

五個同事一齊黎食lunch, 今次一早已經book 左枱， 因為之前黎嘅時候超級多人，但今次唔知係咪係平日，所以室內只有十枱八枱客，而室外都係3-4枱左右。。。今日大家唔太肚餓，所以只係叫左6樣野，海鮮泡飯，蝦餃，XO醬炒腸粉， 上素餃，炸琵琶豆腐同埋黑松露包。 連茶錢同加一，全單大概$9XX個海鮮泡飯真係好出色，食落有龍蝦湯味已經好足料，有帶子同蝦之類，仲有d 炸脆米蝦餃d 蝦好彈牙，而個造型都好靚。可以客唔多，枱同枱之間隔得好遠，所以我地傾計傾得好開心

今日約個朋友去西九文化中心食嘢，糊里糊塗就坐咗一間近海邊嘅餐廳，原來係一間中菜廳，睇完個menu貴到七彩，三個人食食咗千五蚊，咁究竟食咗啲乜呢。😂😂呢個燒春雞非常之好味，入曬味，個皮脆到不得了，好耐未食過咁好食嘅燒春雞。呢碟紅燒肉咋不得了又係好好味賣相都好靚中菜食出新高度，一碟開水白菜，熱湯倒下，花開盤中，美妙至極。湯色雖淡，但入口濃郁，好巧的菜式👍🏻最後為朋友揸住埋單😂😂多謝曬環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️♥️🤍回頭指數🤩：❤️❤️❤️🤍🤍

成日喺M+附近經過見到人哋望住個維港景食點心好享受之前又見到人介紹所以心心念念很久於是平日放假終於決定去試一次點不知除左個景之外食物真係不值得呢個價錢點心都算係好普通我寧願去逸東軒食至少平日的點心優惠會抵食啲食物款式多啲同埋精緻啲彩虹鮮蝦餃其實都係普通正常蝦餃，多咗d色蝦都算新鮮嘅鮮蝦紅米腸呢個我覺得算係咁多個中最好味有啲似炸兩，但中間好鬆脆蟹肉海鮮春卷呢個我友人話有啲腥盆栽小蘿蔔唔夠鬆脆、皮太厚下面盆栽嗰啲偽泥土… 好似益益地脆皮琵琶豆腐見到d人介紹就叫嚟試下完全不是我哋expect，唔太鍾意食素菜湯帶子灌湯餃其實食到最後已經冇咩expectation呢個食落去都係普普通通羊肚菌燒賣沒有驚喜、沒有特別就是多了個羊肚菌在上面應該… 唔會再嚟性價比不高不知晚市水準是會否高返d

這家店在M+博物館附近的藝術公園裡，一開始花了些時間才找到。週日的下午時分過去的，但是沒有了之前網友推薦的下午茶或者賣相十分驚艷的菜式。只有點心和一些常見的菜式。我們點了幾個點心，味道都不錯，坐得也舒服，環境挺好。

野食ok，但職員的服務態度冷淡，已經向2-3位職員表達過想加水，但職員一直扮聽唔到，最後有位男職員一直叫我等等。等等等，等到餐飯食完都未有人加水叫賣單又即刻過黎