范湯皇 (Closed)

以今時今日普通茶記大排檔都收你$80-$120個菜式，去酒樓食個晚飯連加一無$300位都落唔到樓呢度完全物超所值，食材新鮮，自己去一轉街市買返同一樣野都差唔多價錢唔計水電煤，最重要唔使洗碗。待應推介有私房菜可以試下，今晚第一次黎試水$350/位，佢問有無野唔食等范太幫你諗食咩。好唔使諗正！中式Omakase,菜式以當日餐廳新鮮食材為準。涼菜係鮑魚伴麵超水準，蒜蓉粉絲蒸大扇貝，自家制酸齊，椰子粉葛燉瘦肉，清蒸馬友魚，豉油皇海蝦，豉油雞，清菜，蘢仔蒸白飯，完全無味精。一個字正！如果同我一樣有選擇困難症直接叫中式Omakase, 坐定定等食 風水師傅呃你10年8年，好唔好食試下就知。PS 有隱藏靚梅酒，抵飲紅白酒約$300左右有另有珍藏靚白酒識貨就會知價錢

冇服務可言，$550/位1）多油菜心；2）紅蘿蔔竹蓆茅根廋肉湯；3）鹽香雞（切到一啲都唔專業）；4）鹹香蒸馬友（免強可以）；5）豉味（話大）蝦；6）臘腸、臘肉蒸飯（原條上😤）；7）拼盤（味道okay)（有龍蝦1只（4位用）、花雕鮑魚（每人一只）、蜆肉（每人兩小只）、青瓜、芽菜、梅子石榴..）隨意放成一大盤。$350/位個餐冇拼盤，只係家常便飯餸菜。汽水$25；梅洒$100/杯（想加冰，主事人話加冰會影響酒香，建議放入冰櫃。😅😅其實就係冇冰）冇下次，難怪要出走別區😅😅

首次試中式廚師發板聽朋友說就話好好食，禁未試過，緊要去試一次！入到去會有三個價錢選擇！因朋友試過，我就不多問，選了中價的！滿心其待當天晚上的盛宴！到出來效果都唔錯！都滿有驚喜！*有部分掛住食，唔記得影相*臨走時才記起，他們有道名菜（滑蛋蝦仁🍤）唯有下次啦

呢間范湯皇我係第一次食。之前聽同事講過幾次話呢一間私房菜好好食，一直都想去試吓。今次食咗佢嘅lunch，係籠仔蒸飯，我叫咗滑雞飯，佢即叫即蒸，面頭有冬菇同紅棗，感覺好養生。重要嘅係佢嘅雞火侯啱啱好，食落仍然好嫩口，有少少雞油加埋豉油一齊食，真係相當好味。而另一個就叫咗臘味飯，我試咗一小碗。佢嘅芋頭值得一讚，好味之餘，亦都食得出芋頭嘅香味。啲飯係一粒粒唔會黐實晒。一入秋嘅時候食就啱啱好啦。至於飲品，佢就係俾咗一壺花茶，佢係茉莉花，都唔錯，飲左幾杯。不過價錢方面真係唔算平，要$68，間中去食下都可以。

一直都好想要來🥺之前訂位因店有要事開唔到要改期改了期後又因疫情，朋友不想外出用餐。等了又等。終於晚市再次開到十點。又可以外出用餐😁😁我諗如果范太睇到🙈🙈一定認到邊台客因為當天有點要求所以范太改了一下菜式☺️每次黎到我都好期待燉湯😋😋因為每次都會唔同(連席上同桌也會有不同)原本打算簡兩個一人浪漫餐🙈🙈但范太肯為我改其中一個菜。所以最後點了套餐☺️☺️頭盤的小三色🤔原來是用龍蝦🦞肉拌出來三色中我較喜歡黃色😂😂因為有松露🙈香酥蝦😋😋非常鬆脆又好味😩😩臨走唔就得買多份。燉湯我的是蔘鬚燉湯，友人是川芎白芷湯。可能我地有提及到平時會吃到菜式。所以今次蒸的為我地改了成墨魚蜜汁蒸豆腐🤣🤣很特別👍🏻👍🏻👍🏻最後糖水是桃膠😁😁非常滿足

之前聽朋友介紹過的私房菜，舊舖係太安樓多年，最近搬左入黎元朗，今日即興去試下，難得有位，聽聞book位都提早好多book，之前去過其他私房菜都係樓上鋪，點知去到係地鋪，仲有落地大玻璃，去到比想像中靚，環境好舒適，點餐係無餐牌的，有三個價錢，$350，$550，$880，咁我哋6位，就叫左$550，每一道菜都好好味，我哋誇張到好似洗碟咁，全部餸清晒，兩籠白飯再加一籠龍仔蒸飯，都食晒，好食程度就唔使講啦，依家出街食飯如果想食中餐，唔係茶餐廳就得酒樓，大排檔，又會擔心衛生問題，或者驚佢啲食材唔新鮮，又好多味精，終於搵到一間，冇味精，又好味😋，又健康，你會feel到老闆娘花咗好多心思去整每一道餸，坐得又舒服，可以成家人坐低傾吓計既地方，相信范湯王會成為以後我哋家庭聚會嘅地點

完全無味精嘅私房菜，地方唔大，一入門口就見到開放式廚房，好有屋企嘅感覺，我地一行6個大人，2個小朋友，俾咗間房我哋，bb high chair已經準備好，價錢人頭計，廚師發板，唔使煩點菜，俾當日最新鮮嘅野你，我地揀咗$550嗰個餐，有鮑魚、龍蝦、醉乳鴿丶星班丶燉湯丶海蝦丶沙薑雞丶臘味籠仔蒸飯，甜品有紅棗雪耳桃膠同雞蛋腐竹糖水，小朋友肚餓我地特別order咗個麵，個湯底都係真材實料，小朋友食得好開心，全部餸都水準超班，完全無投訴之餘食到我地全部人舔舔脷，食到半路老闆娘范太仲同我地傾計，一個好開心嘅晚上

話說父親節訂枱食飯，父親大人想有新意思，唔想去一般餐廳食行野，於是膽粗粗 book 咗依間。雖然有朋友試過話得，但畢竟 $550 位，check 又有負評，都是心大心細，心諗大不了食一次就算。於是按時出現，一入去無乜人，大件事! 後來先知有大枱 No Show。但已到此都要坐底，待應第一時間就開茶，是晚驚喜開始。由茶講起，不是一般茶，是特式花茶，有乾甘桔無花果。配餐廳環境音樂，令你覺得回了家食飯一樣，輕鬆。跟著等到齊人，終於上第一道菜，有多款冷盤 及 當晚其中一亮点 大北海道蟹 及 大鮑魚 做前菜，非常新鮮，多肉，鮑魚更加一絕不但質地爽口， 烹調後仍能保持鮑魚原 size, 高！因為係小店，人手不多， 略嫌棄張枱有啲細，待應都努力更換碟子，加茶，服務一流，結帳先知無收加一，茶錢 ! 到下一道就是出名嘅燉湯 ，一飲全枱靜哂，默默地飲，不用多說，夠熱夠火， 材料精華盡在湯中。之後有凍魚， 一上以為係大眼雞 ，呃錢咩 ! 点知 係自己太孤陋寡聞 。之後去街市問返啲魚檔 先知 果晚條凍魚叫 將軍甲 ， 真係冇乜人識，可以做到條魚 能夠保持鮮味，肉質唔鞋， 需要一定技巧。成餐飯食到一大半已經好滿

因為疫情關係，很久已經沒有與家人聚餐。難得限聚令放寬。我就同家人去試城中所說的 「家常便飯」，亦真的喜出望外，很開心尋回了「家」的味道。該晚與家人一同聚餐，知道范湯皇是私房菜型式，所以就讓范太發辦。先來前菜，後上精心燉湯。就這两款已試出范太真材實料，毫無味精。該晚約有7至8道菜，菜肉魚湯飯有齊。不得不提，我本人覺得全晚精髓所在，一定係條（一夜情）。 就只這條魚，我一定能添上两三碗飯。 多謝范太在疫情沉悶的限聚下，讓我家有一餐豐富開心的晚餐。簡單卻很實在的范湯皇，真係一試難忘。

先來北海道凍蟹，不可能失敗，黑色的蟹羔係咪正常呢？唔識。食咗沒有肚痛。同碟有兩隻鮑魚，鮮甜。第二道鹽焗將軍甲魚，誤以為剝皮魚，啖啖肉乾乾的，又食唔出特別鮮美，老板話佢係全港唯一識咁樣整將軍甲的人。跟住來個燉湯，清淡，有少少鮑魚和湯料在燉盅內。花膠菜芯用石X魚浸熟，因為戴咗口罩聽唔到係石崇魚定石頭魚，魚湯好味，菜芯食材可以有進步空間。海膽雪耳蒸水蛋，很好👍🏼。黃酒雞係全晚最好的一道菜👍🏼可惜已經很飽，打包。籠仔蒸飯👍🏼一半打包。 甜品是紅棗大西米椰汁，好味👍🏼因為是日父親節，全晚有兩枱客，另一枱是熟人。承為每位$550。不會重來。

今日經過開，見到餐廳門口的菜式都幾吸引，於是入內用餐。我19:35落單，叫左兩個前菜，一條湯同埋一個蒸飯，結果一等就等左半個鐘，連遲入過我既兩枱客人都上哂前菜同湯，我都係咩都未有！我再三催促服務生，終於到左20:05，我既前菜先到！我完全唔理解點解凍食前菜都要等咁耐！之後個飯更加誇張，等左50分鐘都未有！中間係無人黎交代，我主動問，就keep住答我就有就有！最後我叫佢埋我張單，我就無等到個飯了！一吐火！

聽人講范湯好食。中午行過就入去試下。未入都知收費貴。不過諗住都試下。講到咁好食。我同朋友一坐底已經有一壺花茶（應該係檸檬味花茶）放係度飲用，後來先知原來係跟餐嘅花茶，冇其他飲品選擇。點左2個餐。加一個愛心靚湯$38-（點餐個女仔係唔識中文。需要講英文點餐）前菜係芽菜，佢餐牌就一個餐跟一個前菜。我地2個都係一碟，後面坐左3個都係一碟。芽菜有點麻辣香。食落都辣辣地。味道可以係分量略小愛心湯一壺，應該係薯仔蕃茄煲魚湯，味道濃厚好香，薯仔淋身，好香魚味。分量都有3小碗左右。2個人都ok. 招蕃茄牛肉飯$78-蕃茄汁撈左落d飯度。配上3色椒都唔錯。牛就係肥牛黎。都可以接受。分量女士都夠。馳名咖哩雞飯$78-講真。佢個咖哩同大家樂個個味係差不多我覺得。多幾粒提子。分量都幾小。唔太飽。雞肉都ok嘅。不過有一件未熟。入面粉紅色。。最後2個人午餐食左$194-都幾貴下。每人接近$100-應該唔會再點黎食。太貴。

和家人去完屯門青松仙苑拜祭父母後，一起去元朗朗屏虹坊的范湯皇食晚飯，支持一下范太。先上冷盤-鮑魚再上招牌-酸齋，好味盬焗雞-夠入味白灼蝦 - 鮮味煎䱽魚- 每次必食，次次都十分滿意太太最喜歡的煎肉餅煎馬友一夜干，魚味濃炒青菜今晚主角-油鹽焗奄仔蟹。奄仔大隻，充滿蟹膏，十二分好味范太另外一樣招牌-燉湯. 今晚是天麻白芷燉魚頭。最後是腐竹白果薏米糖水。㷛到奶白色，所有材料都混為一體，足火候我們全家人都十分満意今晚的餸菜，已經約好下次會再來

今天帶老友專程入元朗朗屏虹坊的范湯皇試一試范太高超的廚藝。今次三個人，兩枝清酒配范太私房料理。梵-日本之翼，日本皇室御用清酒，機場免稅商店五千丹一枝，當然好味過獺祭。先上前菜，好味香煮肉餅，好juicy煎䱽魚，火喉啱啱好離骨，我們一路食一路讚石崇魚濃湯，范湯皇以燉湯聞名，我們一口氣飲清光首本咖哩牛腩加飯另外一個首本名菜- 滑蛋蝦仁，真的好滑黃酒煮雞今晚的高潮是花蟹蒸蛋。兩隻大花蟹放在蒸滑蛋上，超級好食今晚每人五百元，浄係食花蟹都有賺。最緊要一致裁定碟碟都好味，不枉專程入元朗試范太的手勢。

原本一家四口充滿期待品嚐這間好評的私房菜（沒有餐牌不要緊，是預料中事，通話中只提及價錢包括8款菜式有湯加個糖水。），而小弟亦絕不是第一次食私房菜，300蚊是相對便宜，相信會包括少許海鮮如最基本的蝦……。 先中肯一些（欣賞的），進入小店，感覺是舒服的，老闆娘態度親切，很有笑容，店內掛上一幅幅食客相片，相信口碑不俗，當時心情更是期待。坐下不久，先來三個前菜（下😟其中一碟是毛豆/枝豆，不是8款中的其中一款吧!如是，這個絕對失望），另外兩碟為酸麵筋及哈密瓜沙律，味道尚可，仍充滿盼望……接著，是咖喱雞，雞相信是用鮮雞，個汁是吸引的，但份量每人只可嚐兩小件，四人分兩舊薯仔（多謝晒😒!）…… 打擊開始出現，下一碟是蒸肉餅（叫做有幾粒魷魚同食得出手打的）和焗蠔仔蛋，味道好麻麻，如70-80一碟，都還覺得可以。當時心情已一沉，為何仍未出現海鮮😨，但已是6款了……想不到海鮮是清蒸細條馬友（上面加多一隻食指長的咸魚😔）。最後一碟是無鹽菜心，今日到此為止。 以上小菜唔該$1200😰😰😰!全不明白，只是一些家常菜（無疑是有心機煮），但這些食材（計盡材料費只值二百），煮法……（