悠閑閣餐廳 (Closed)

柴灣終於有間似樣少少嘅西餐廳。雖然係由社企經營，但食物質素一啲都唔輸蝕。昨天叫左個雞扒帶子，賣相好似削左少少，但味道幾好，非常足料。一個set lunch，有main dish，有麵包，有餐湯，有野飲，$68，好ok啦！

因工作關係，今日又要來到柴灣，行下行下就發現到呢間Fantastic Cafe。午餐由58到98蚊不等，包餐湯及餐飲，選擇都算多。是日餐湯係忌廉蘑菇湯，忌廉湯都算滑，湯料有蘑菇粒及粟米粒，以cafe餐湯黎講算唔錯。香煎泰式香茅雞扒飯 :份量相當大份，雞扒醃得入味，亦煎得香脆，配埋泰式辣醬，酸酸辣辣好開胃，但略嫌醬汁有點唔夠，飯食到最後都啲乾。另外建議餐廳可以加多少少配菜，咁就更健康。茄蓉煙三文魚天使麵 :天使麵口感煙韌，配上茄蓉酸酸地好好味，煙三文魚新鮮，味道同天使麵好夾。上返開飯網睇，先知道原來呢度係社企，食物都算抵食夾大件，有機會真係要再黎。

星期日處處人山人海,想舒舒服服靜靜地食個lunch真係5容易,我都5記得喺咩途徑知道呢間餐廳,有個禮拜日失驚無神就中咗上去試吓叫咗我最愛嘅牛扒,老公就叫咗個天使面2個都5過$100,又大份量,味道5錯,係赤柱啲西餐嘅味道,一啲都5 hea 架餐湯都5差喇,嗰日係南瓜湯,我覺得有進步空間嘅,但咁嘅價錢就ok喇但個餐包就5得喇,乾晒硬晒都5叮返熱先比人食最好就係5洗等位,人又5多,可能5做廣告又喺工厦區裏面無乜人知喇,但我就係中意佢夠靜吖有樣野要提提大家,如果雖要好服務嘅就要諗諗喇,嗰度全部係退休年齡嘅大叔大嬸,5會話頭盆刀叉湯匙扒刀同你擺晒位架,不過正常不過不失咁喇總括嚟講價錢食物環境都係值得推介嘅

祖利安說柴灣商廈內有一間食評不錯的社企餐廳，於是帶歌安利亞一起去試試 。餐廳環境寬敞，是日更有live band獻唱，在職員端出生日蛋糕時，live band 亦有即席送上生日歌，搞搞氣氛。我們點了焗南瓜野菌茄子千層麵($78)、招牌脆皮豬手配德國酸椰菜($118)、巴馬火腿伴田園沙律配日式芝麻醬(+$8)。餐包鬆軟美味，沙律的蔬菜很新鮮，味道不錯，餐湯相對普通。豬手份量十足，但不夠入味。豬皮雖脆，但較硬，而醬汁很稀，味道一般。薯角好味，但酸菜太酸。值得一讚是配菜份量很多，可平衡一下肉類的飽膩感。千層麵美味可口，有大量芝士、蕃茄、茄子和南瓜蓉。建議二人以上share 吃，否則會過膩。

朋友推介，是社企餐廳，地方闊落，多位亦近小巴站，交通方便。是日星期六中午12點半到，只有疏落幾枱客人。餐桌前後位置鬆動，但左右距離很近，滿座時應會頗為擠擁，但也有卡位可揀。點了炭燒牛排跟意粉($98)，一上枱香味撲鼻。雖然點餐時侍應未有詢問成熟度，但切下時尚見肉汁，肉色粉嫩，應有5成熟。肉味尚算濃郁，肉質也算軟冧，但部分筋位會少少韌。厚度size適中，整體不錯。伴碟只有2舊西蘭花和一堆粟米，略顯失色。朋友點了大蝦天使麵($62)，有5至6隻蝦，size頗大，不是mini size，朋友反映味道不錯。餐包是香草包，小小一片，女生來說分量剛好。餐湯只有南瓜湯，沒見其他選擇，味道不過不失。2份餐的麵量也頗多，男生應該也夠飽。侍應是上左年紀的嬸嬸和叔叔(?還是伯伯)，但反應也很快，服務殷勤有禮，不輸後生呢。最後埋單不用加一，整體CP值ok，可encore，週末輕鬆之選。

平日都好少黎柴灣，而柴灣東貿廣場其實有好多間教會，其中一間就係我恆常聚會既教會，就連6樓餐廳都係一間良心社企，專請長青人士作招待及服務員工👍🏼真的要多多支持!每次林唔到去邊道食飯、或者唔想去商場同人迫、或者超大雨既情況下，都會選擇黎呢個飯堂😂每一次來到都必選「豬手」，啖啖肉之餘，外皮仲脆卜卜，雖然咸左啲啲但勝在大件夾抵食😋配埋薯角、超多既配菜，顏色配搭加曬分啊，每次食完都大滿足離開😁😁😁除左豬手外，佢都有焗飯、意、扒選擇的，份量充足夠飽足一整日😂

有朋友以前來過，說這間不錯。我看了網上資料和打電話查詢後，知道它是一間有基督教背景、幫助長者就業的社企西餐廳，星期五和六晚上有像是長者的4人樂隊，相信唱的歌不是民歌就是soft pop oldies，應該適合我們這些喜歡唱歌的老餅。並且在8點後顧客可以上台唱歌(每首歌捐30元做善事)。看看餐牌，感到價格比想像的低，還有 法國燒乳豬 可以預定。於是預定了一隻小乳豬(2.5kg)、約了一些同學一起去happy。預訂乳豬是需要先交訂金的，所以找了一天午餐時候上去交錢。到的時候，座無虛席，侍應忙得很。等了一會兒後才招呼我，侍應打電話去問有沒有乳豬，知道有了後收了我的錢就讓我走了。建議各位如果去交乳豬訂金，最好下午茶去。星期五晚終於到了，我們13人7點陸續到齊。樂隊也快開始。於是我們叫了湯、巴馬火腿沙律、garlic toast(不確定)、八九道菜和甜品，大家分享吃，就開始聊天。7點半，湯、toast和沙律開始來了。湯蠻好喝的，但忘了是什麼，toast也好吃，沙律新鮮醬好味。法式燒乳豬來了！燒得很均勻，照相後拿去切塊上盤。吃起來毫不油膩，脆爽。雖然不及以前吃過的葡式和西班牙式燒乳豬，但也很不錯。

位於商業大廈內既社企餐廳，上去之前都帶有一點點期待。但點知一出lift就聽到好高分貝既歌聲。是日餐單，選擇多，價錢都唔平。是日餐湯係南瓜湯，味道都幾濃。餐包係提子麥包。焗星加坡大蝦海鮮飯有蝦有青口，幾香。炭燒紐西蘭厚切肉眼牛扒伴雜菜薯角叫了七成熟的牛扒較韌，叫了五成熟的比較好。好大塊，肉味同質素可接受。薯菜幾好食，不過要小心打開支茄汁，否則成身都係。焗菠菜石班配薯蓉薯蓉十分滑，可想而知用了大量奶同忌廉。石班都有魚味，還可以。西蘭花較生。其實唱得唔差，只係聲浪過高，坐得前就好辛苦。歌曲以七八十年代為主，男歌手唱英文歌都幾好聽。

呢度地方夠大，坐得好舒服，員工好有禮貌～食物質素好，不錯不錯～份量都好充夠，選擇都好多元化，特別係隻脆皮豬手，外表好脆，入面好夠肉汁～如果可以送啤酒的話，簡直一流！我地會再幫襯～

$160多元的全隻波士頓龍蝦餐, 龍蝦細得可憐, 起出來的肉比一隻大蝦還要少, 肉質無鮮味像雪藏,只有一大堆薯角及配菜, 主角龍蝦變了配角, 感覺被騙, 沒有下次. 

上星期六同朋友食生日飯 第二次黎啦可能假期關係，比平時多人甘啱呢日live band係唱懷舊歌 後生仔一邊食西餐一邊听係會覺得好搞笑但睇得出食客都好enjoy係甘嘅環境野食有水準 價錢平得黎好有Heart好難得柴灣有甘好的餐廳 會再去

跟男朋友到柴灣搵食,地點都叫就腳,柴灣地鐵站一出行5分鐘度到,係工廈區。不過真係估吾到會有個甘好氣氛既餐廳，星期日晚７點半度到吾哂等位，安排左２人台坐。間餐廳都幾大間，位都多但排得幾梳，有Ｄ沙發位俾２／４人坐，不過滿哂，下次再來要ＢＯＯＫ沙發位坐。服務都幾好，服務員都係婦女多。睇完ＭＥＮＵ覺得最吸引都係肉眼扒（～＄１４８）。跟餐有沙律，湯同餐飲。沙律有最鍾意既芝麻醬，湯飲得出好足料。塊肉眼扒都幾大份，都埋叫左６成，煎得岩岩好，有Ｄ血水，啖啖肉。配菜份量都好多，食完真係飽。仲有ＬＩＶＥ　ＢＡＮＤ，不過唱Ｄ歌係中文老歌多～個人覺得幾正，氣氛幾好。又吾會太嘈，可以傾度計既～會想再ＥＮＣＯＲＥ，見其他台叫既野食都幾吸引 

對社企餐廳冇咩認識, 早幾日有機會之下第一次去左東區呢家XX衛理搞的餐廳試位置好卡啦, 係工廈入面入到去, 裝潢擺設OK, 有少少酒店的樣子, 但係因為工廈, 玻璃一隔就俾隔離的工廈庶住晒個view...不過唔緊要吧又唔係食個景跟住睇餐牌, 可能係節日定晚市, D價錢係比街果D餐廳貴, 最貴接近300, 最平接近100叫左個肉眼扒食, 接近150之後等...等等等...等左30分鐘...如果係正常餐廳, 除非真係好好食, 否則我已經發晒爛渣...首先黎個沙律, 芝麻醬"好勁", 搞到成口都係芝麻味... 不過D菜都係fresh的, 因為食到栗米, 生菜味...食食下, 食到4份3個老肥佬經理就無啦啦收左我碟野...-_-之後餐湯, 忌X唔知咩咩湯, 個湯就可能餐廳注重客人的健康, 所以係無味既...再等等等等等...到主角出場, 肉眼扒, 賣相唔錯, 有薯仔有扒有刀有差個汁就唔錯, 有汁味我叫左6成熟, 個扒就真係血肉模糊在我眼前...(正)試食, 冇咩根痴牙, 淡淡肉還可, 薯仔都OK成舊俾你食扒有扒味, 牛有牛味去形容吧, 因為食過唔少牛扒都係牛扒味, 唔會牛扒變豬扒 (簡單D我f

今晚屋企無飯食，同老公出街搵野食，係openrice 搵到呢間，記得係好耐以前食過屯門個間分店，今次試呢間。我地無book 位walk in 入去，見唔係好多人，個場好大，坐左7-8台。好舒服， 星期五，六晚仲有live band, 好正，唱好多舊英文歌，食物係set dinner,包麵包，沙律，餐湯，主菜同餐飲，價錢由$7x-$2xx不等。我叫左牛扒，老公叫左雜扒， 牛扒五成熟，好大塊，好淋，不過根位多dd,不過唔影響，有個汁，食落有d 酒未，但配牛肉好好食。老公個雜扒除左豬牛雞外仲有羊架同煎蛋，幾特別。沙律就日式芝麻醬沙律，幾開胃，餐湯應該係薯仔湯。可以係咁舒服既環境下用餐，真係好難得，可能係位置比較難搵，所以唔係咁多人知，但我先得真係值得推薦，而且係社企，可以幫到有需要既人，等佢地可以自力更生，更加值得支持。另外值得一讚既係侍應既態度好好，好有禮貌。