發記海鮮酒家

Open Now

Now Closed

3 男3 女, 一共食了:豉椒炒聖子, 芝士焗龍蝦加伊麵底, 椒鹽鮮魷, 薑蔥炒蟹, 蒜蓉炒油麥菜, 發記炒飯, 京都肉排聖子無得頂, 鮮甜又乾淨龍蝦都ok 大隻, 肉質都幾爽鮮魷唔洗講, 勁新鮮, 好好食其他菜, 肉排, 炒飯都幾好唯一係碟蟹一般......唔夠肉, 衰過平時自己去街巿買個d 加非肉蟹, 不過薑蔥炒得幾香今次係我第二次去, 比起第一次好似差咗小小, 或者因為第一次去有廿幾人兩圍, 可以試到好多好新鮮的海鮮, 但總括而言布袋澳食海鮮都算抵食同新鮮, 唯一缺點係偏僻, 一定要揸車去先得!!!

布袋澳係個幾偏僻地方,如果唔係食海鮮, 都唔會入黎無車人仕都幾麻煩, 因為只有一架小巴可以入倒黎, 我地有一半人,需要搭小巴, 寶林:15分鐘一班, 有13個人叫左一個$1980套餐+左個炒飯$50白灼蝦好新鮮上湯龍蝦- 都算大蝶多肉椒鹽鮮魷, 椒鹽瀨尿蝦 -good薑蔥炒蟹 -ok雞- 有咬口蒸魚- 火喉岩岩好海鮮湯-差, 咸左d炒飯- 真係好大牒, 夠乾身

阿蘇在電視介紹的海鮮店, 我們不惜路途遙遠都去試食, 我們一行八人分兩架私家車前往, 那天很大風, 那裏又很空曠, 覺得份在涼快, 一下車便覺得很荒蕪, 行入去開始似番間食肆, 還很熱鬧, 我們沒有訂位, 但不用等位, 算好彩, 因為我們見到食緊時有很多人在等位, 還不知要等幾耐添…….那裏與其他海鮮店一樣都是自己去選擇海鮮, 然後煮給你吃, 來到的第一味是白灼蝦及白灼花螺, 很鮮, 非常好味, 然後是薑蔥炒蟹, 幾惹味, 椒鹽瀨尿蝦就不過不失, 有一味是很大的蜆還有些湯伴著, 有些粉絲, 都算ok, 蒸東星斑, 貴不過好味, 京都骨, 送飯一流, 炒介蘭ok, 清蒸鮑魚, 好好味, 椒鹽尤魚, 好味o環境一般, 不過鑊氣很夠, 個feel很不錯, 大家都食得很開心, 雖然係遠一點, 但值回票價o

2月7日約左朋友入布袋澳食飯...此酒家都有名人"阿蘇"點名介紹過.諗住信得過...點知....約下午5時朋友兵分兩路入去.此地方真係好正,風光明媚...和朋友在附近拍照留念...景色非常迷人...真係可以成為香港的一個旅遊景點.....好啦以下就係親身經歷的見證,有相為証.7點幾到左此酒家,由於客人眾多,幾乎冇位,最後安排坐3號枱.( 此枱是唯一可以見到罪證的).,由於有朋友生日,本來相食豪d,諗住出去點下海鮮.點知換包事件就發生....竟然光天化日此酒家劏海鮮的人兄將人家活生生的海鮮,換左條死魚比人....嘩,心諗唔係嘛,咁好生意都要用此招,真係令人覺得"阿蘇"點解會幫呢間野做介紹架...莫非咁樣做就可以賺多d錢???他的手法就係..人家揀左一條魚或大蝦(虎蝦),佢就換左人地的,將新鮮魚放回身後的魚缸...我好相信出面d人係睇唔到的...因為佢地有一帳篷圍住的.所以最後只點了套餐...費事比人地換野....至於套餐食物的質素都好一般.白灼蝦---好細隻.上湯龍蝦 --- 一般,打蜆太多鹽焗雞 -- 好味,夠熱.西芹炒鮮魷 --- 好韌...味道一般薑蔥炒蟹 -- 不新鮮,d肉"梅"

一行10人新年來食大餐，點了12人套餐，因有人等別大食(包括我)關係唔夠食，再加清蒸鮑魚仔及象but蚌，再加香檳白酒紅酒便夠了。套餐有白灼蝦 - 比出面鮮 +爽椒鹽瀨尿蝦 - 冇乜等別龍蝦Ｅ麵 - 肉爽白灼花螺 - 好鮮，自然好食豉椒炒蟶子 - 爽脆鮮甜 + 好wok氣薑蔥炒蟹 - 差咗Ｄ，肉mui mui 地蒸班 - 出其地唔錯wor，廚房功夫記一功雞 - ok la炒反 - 好食，好到有人可自隊5大碗海鮮湯 - 把大堆海鮮頭頭尾尾煲湯，實好後加清蒸鮑魚仔 - 新鮮便好食象but蚌 - 同上真係旺到不得了，伙記同食客角色是掉轉的，緊記自已身份

當日係平日既dinner time... 但都真係full house -- 令人好有期望呀！由於老闆請食團年飯，而佢不嬲都好好客同大方，所以呢，我地幾圍都食左真係有12-13道菜！其中有.... 豉椒炒蟶子 -- 蟶子鮮甜, 個汁都好惹味，好！ 蒜蓉粉絲蒸扇貝 -- d garlic太太太多了!!!!!!!! 跟本就唔知d 扇貝不身係咩味！呢個做法唔係咁好，即使人客叫用蒜蓉粉絲蒸，但都應該輕手少少呀~~ 蟹-- 都幾好食. d 肉唔會覺得'霉'lor！個汁就都幾好呀，係個'hin' thick 左少少！ 椒鹽瀨尿蝦-- 幾heavy 同重味ge.... 但由於d 瀨尿蝦斬左件上，即係d鹽多左dd, 但個味overall 都ok........ 清蒸鮑魚仔 -- 唔係太'好'鮑魚仔 , 但個感覺都ok, 味道幾清，又好新鮮。 白灼蝦 -- 好爽甜，連個豉油都好食過人出面果d ga。 蠔油生菜 -- 好油........唔係好慣,因為我通常都食全走既菜既~~ 而d同事都覺得可以清返少少，因為之前d餸都咁重味了。 fish -- 蒸得剛剛好，一上枱就已經香氣四溢！well done之作！

一月十八日 (星期日)天朗氣清,又是行山的好日子,我們相約好友,一行八人行山,由五塊田,經釣魚翁,再到布袋澳整個行程約三個半小時,不過又上山,又落山,用了不少腳骨力,約三時,我們終於到了布袋澳,看到有一個漁村,心想必定是我們期待已久的發記海鮮,已經是極度飢荒的我們又怎會放過,直奔店內海鮮是半露天的,鄰近是內海,有點漁村風味,我們實在太肚餓,急不及待要點菜,這裡的伙計很好客,還邊說笑,邊替我們落單,太多是由老公仔發板:豉椒炒蟶子是新鮮的大蟶子,每隻大約兩至三両重,伙計說每人一隻已經足夠,而且最好是炒,因為怕清蒸蟶子肉會較韌果然沒介紹錯,肉質極度爽脆鮮甜,帶點辣辣的豉椒汁,很有風味八隻總共廿六両,每両10元,合共$260,未試過吃那麼貴的一碟炒蟶子清蒸鮑魚仔伙計推介,是大連鮑,25元一隻,清蒸入口爽而彈牙,非常鮮味,雖比普通的青邊鮑略大一點,但仍有點不夠侯椒鹽鮮魷聽說是這裡有名的小菜之一,單是看到魚缸裡頭一隻隻活潑可愛的魷魚,就知道這裡的椒鹽鮮魷有多新鮮上碟,外脆而內彈牙,配上椒鹽,極度惹味,果然名不虛傳發記海鮮湯比較失色及馬虎之作美其名”發記”海鮮湯,其實是白菜豆腐魚湯,而且味道頗鹹,還

24-12-2008當大部分人都因為要「應節」, 自願「進貢」多幾舊水去西餐廳 / hotel buffet 食環境食氣氛兼同人迫餐懵, 我屋企就因為太鍾意食海鮮又太數口精 (?), 年年 Christmas Eve 一定去中菜館食海鮮, 真係反高潮 今年一行 5 人選擇布袋澳, 主要因為阿媽同事介紹呢間「抵食」, 而且連阿爸都從未駕車入過去, 當入去行0下啦:- 豉椒炒蟶子: 我0既至愛, 呢度的亦做得好食 -- 蟶子極爽脆鮮甜, 加埋辣辣0地的豉椒汁, 勁正!- 椒鹽瀨尿蝦: 椒鹽落得都幾重手0下, 味道鹹0左 d; 瀨尿蝦本身雖然無乜羔, 但夠晒肉地, 食落仍然鮮甜, 好食.- 清蒸鮑魚仔: 彈牙, 不過鮮味度一般, 有 d 擦膠 feel...- 清蒸羔蟹: 蒸得太耐了, d 羔係頂晒角, 但食落好硬好硬; 蟹肉就鮮甜又夠實, 都幾好食.- 蒜蓉粉絲蒸象拔蚌: 象拔蚌爽口鮮甜, 不過最好食當然又係 d 索滿蚌汁又沾滿蒜蓉的粉絲, 我好唔客氣地食了兩隻!- 白灼蝦: 要了中蝦, 肉質結實爽甜; 個頭就勁「黑」, 唔敢食, 可惜.- 仲有碟蒜蓉炒白菜仔: 油水夠,

前幾日去食，食左：1.鹽水雞腳。用既應該係急凍大雞腳，都算浸得夠，唔算太硬，味道都OK。2.鼓汁炒蜆。個汁較得幾好，炒得亦夠火喉，本來幾野味。但係d蜆本身唔得，肉質好差，後來問老細，話係d大陸蜆，仲係咁say sorry話以後唔會咁。大家要問清楚。3.白灼東風螺。d螺新鮮，所以白灼已經夠鮮味。4.上湯龍蝦。龍蝦ok，炒功都唔錯，d汁可以鎖係d肉。冇加伊麵，之前食開有伊麵，但總係煮到水汪汪，自己就唔係咁鍾意。5.椒鹽瀨尿蝦。有少少炸過龍，但係都仲可以，不至於太乾身，唔錯。6.薑蔥炒肓蟹。當造爆肓，炒得ok，不過都係走油時耐左少少，有d乾，不過都唔錯。7.椒絲付乳生菜。出哂水，唔得。大排檔feel，冇expect過任何service。加埋啤酒汽水，五個人埋單~$1,500。呢度成日黎，但蒸魚我從來唔叫，佢地d魚係新鮮，但似乎唔係好識蒸......

我們昨晚（星期六）一行6人大約在7點左右到達，差不多已經客滿﹗海鮮類，我們點了：5隻蒸飽魚–無特別，都算大隻，有2個5元大小，我自己唔喜歡食飽魚。白灼東風螺–有少少"醒"味，好硬。炒聖子–有少少熱，入味，算好食。炒蜆–凍冰冰，都不知放了幾耐，才拿給我們，有十幾隻都未開，加上只有殼的數量，全碟都唔知有無一半蜆肉呀﹗蒸杉斑–佢話有1斤幾，個樣皮開肉裂，我覺得比較老，佢上魚的時候，用了兩隻碟，我以為剛蒸好，誰不知，又是一個"涼拌"﹗5隻蒸扇貝–上面的粉絲，唔入味，但扇貝都算鮮味，不過有少少老﹗炒蟹–算最好的海鮮類，雖然都唔熱，隻蟹本身好多膏，海鮮新鮮最重要﹗另外後加了一個清炒菜心及楊洲炒飯：清炒菜心–無特別，不過是所有食物，最熱的一碟﹗由於楊洲炒飯追來追去，都沒有來，我們取消左。當我們等結帳的時候，有個服務小姐手上拿著兩碟楊洲炒飯，話我們叫左一碟，先給我們食住先，我們話已經結帳，佢就話唔緊要，拿著兩碟飯到後面去，放左那兩碟飯給另外兩枱客。根本佢就想試吓我們，如果我們話算啦，來了就食，佢就可以賺多一碟錢，果然"識做生意"。加上5支啤酒及免費的生果，一共1, 108元。基本上，全部海鮮都唔熱，坐

上星期天和一班朋友「長途跋涉」─在港鐵寶林站，再打「的」進入布袋澳(據說這是除了自己開車外唯一個較為方便進布袋澳的方法)。經過20~25分鐘後終於到達「發記」，朋友胸有成竹地點了一個$1580的套餐，再叫了一盤蒸扇貝($240)，看了餐牌已很舊，價錢沒改過，證明還算老實生意人。朋友坐齊，一大盤菜也隆重登場，每盤份量都很足夠，讓我介紹一下各個菜式﹕1、白灼海蝦─剛好煮熟，火候控制得很好，蝦肉清甜爽口，大家全部吃光，可見受歡迎程度！2、灼西生菜─和一般酒家差不多。3、薑葱炒蟹─能夠帶出蟹的鮮味，蟹肉鮮甜，只是稍嫌鹹了一點點！4、清蒸扇貝─扇貝上地鋪上一層蒜泥和粉絲，味道清甜，加上蒜泥後不會單調，口感豐富。5、龍蝦伊麵─很多龍蝦，肉質鮮甜。伊麵吸收了龍蝦和少量芝士的味道，好吃！6、清蒸海斑─相對這個菜顯得一般，魚肉似乎蒸過頭了一點，雖然新鮮，但有點了硬，蒸的時間控制出現問題。7、炒蟶子─這個菜味道相對較濃，有醬料辣椒，與其他的菜成很大的對比，吃起來另有一番風味。8、沙薑雞─非常嫩滑，是吃過最嫩最滑的雞，比許多以「雞」為招牌菜自稱的餐廳有過之而無不及。海鮮西家能做出如此鮮美的雞肉，值得一讚！我

朋友推介布袋澳食海鮮好抵，所以一行十人由將軍澳打完牌就殺入去....我地order左1880既海鮮餐白灼海蝦：幾新鮮都大隻椒塩瀨尿蝦：炸到好粉，反而蓋晒鮮味炒聖子：唔係太大隻薑蔥炒蟹：向來唔食蟹嘅我都品嚐一下，入味，但朋友話啲肉就梅梅地蠔油菜心：大大條，粗壯！豆腐海鮮湯：有一煲，但天氣太熱，怕怕龍蝦伊面：除左係咸啲外，都好ok！蒸大大石班：勁大條，唔錯！沙薑雞：夠滑，好味！橙另外order左一客沙薑雞腳。但因為冇冷氣，所以都好辛苦。

岩岩返香港就8號風頭~~點知要入呢一度食野~~山長水又遠~~男朋友同d朋友專程楂車入呢一度食野~~我一上車就訓左~一下車係山卡啦~好似比人賣豬仔甘 我地一行11人食左佢一個好似1880既海鮮餐足12位用~~1~~ 白灼海蝦~~新鮮好味~~又夠大隻2~~椒塩鮮尤~~外面粉脆入面好彈又野味~正~3~~炒聖子~~好似整得太熟~~唔係甘岩我~4~~薑蔥炒蟹~~細細隻蟹但係好多汁夠入味~超喜愛呢一個~5~~蠔油菜心~~果然係海鮮出名~~不過呢一個唔係強項~~d菜好老~~好多查~~6~~豆腐海鮮湯~~好多好多胡椒粉好多好多塩~~想攞 人命甘~7~~龍蝦伊面~~酒店既水準~~正~8~~楊洲炒飯~~超大盆~~一個=街既餐廳4個size甘~~味道都唔錯~~9~~蒸大大石班~~條魚一定好新鮮~~好大條但係唔會*鞋*師傅好野~10~~椒塩尿尿蝦~~隻隻都好大隻~~多汁又多肉好味~10~~橙~呢一個好好野~~橙都可以甘甜真係唔簡單~

幫親左好多年，水準都保持得咁上下，好少有失準情況。今次中午入黎食飯，只係叫左三款海鮮一個炒飯。白灼蝦：夠新鮮，食到係海蝦，蝦膏又多，正！蒸鮑魚：時間啱啱好！貴妃蚌：粉絲多左啲，但中唔係太中意，但隻蚌好新鮮。海膽炒飯：好味，飯身夠乾。原來日頭黎風完全唔同晒，好有漁村風味，夜晚就嘜都睇唔到。

雖然對我呢個香港島人路途有d遙遠, 但不枉此行....四人菜單如下:1.付乳通菜: 普通菜式, 但好食, 唔多油2.椒鹽魷魚: 炸完仍然juicy~正!!! 而且唔係好多炸漿包住~~~3.炒蜆: 不過不失4.炒聖子: 好爽, 好鮮甜5.炒蟹: 淡淡肉6.鹽水雞腳: 估不到的好食! 7.粉絲蒸扇貝: 勁多粉絲&蒜蓉, 勁勁勁正!!!而且蒸到岩岩好, 扇貝冇變un, 值得推介!!8.白菜仔豆付魚湯: 足料, 好甜!! 好住家feel~~9.香竽西米露: ok啦...好滿足, 見周圍幾多外國人幫襯, 比香港島甚至離島好食, 再食海鮮都會黎呢度!!