February

Open Now

Now Closed

今日lunch 同朋友近近地去左觀塘覓食，路過見到呢間餐廳好似環境幾好，坐得幾舒服，就入左去。好彩早左去，如果唔係lunch hr實好多人。一入去就見到天花掛左好多好靚嘅吊燈，好有feel以下係今日嘅lunch menu：好似話一個月左右會換一次menu以下係ordered food:跟餐嘅ice milk tea第一次覺得連milk tea都有得打卡，好靚，兩層清楚分別，如果鍾意飲甜嘅奶茶一定要試跟餐ice lemon tea啲lemon放到好似花花咁，好特別，甜度適中，唔錯跟餐嘅沙律啲菜好新鮮，幾好食，加上沙律醬，好清新跟餐嘅西蘭花忌廉湯熱辣辣，好好味，西蘭花忌廉味好濃郁，點埋餐包一齊食真係一流呢款餐包係我鍾意嘅餐包，軟林林，浸湯一流，好滿足蟹肉魷魚圈墨魚汁芝士燉飯 $98 呢個係我食過最好食嘅燉飯，唔好睇佢黑炆炆，其實佢係好好食！上面有超多蟹肉，入面有好多魷魚圈，真係好入味好好食意式芝士茄醬焗珍寶雞扒伴吉列炸蝦 $108 呢個都係必食！超推介！佢個雞扒煮得剛好，有肉汁，加上佢個汁真係好好味，下面仲有薯蓉添！真係好正好好味黎個大合照先！Lunch黎講我自己覺得物超所值，食物高質，服

約咗觀塘人食飯，索性就約喺觀塘中海日升中心嘅February，大家都咁方便。到埗一刻時間尚早，不過去到晚上7:30都已經八成滿，平日夜晚都咁受歡迎，可見食物有返咁上下。先嚟個香煎鴨肝多士，鴨肝多士都大大件，仲有沙律作伴碟。熱辣辣嘅鴨肝味道絕不比鵝肝遜色，厚切嘅鴨肝又香又滑，配合多士一齊食，完全冇油膩感。朋友鍾意食羊架，其實我自己興趣就一般，不過慶祝佢生日，就順下佢意思，叫咗香烤寶雲酥羊架。羊架總共有三件，好香羊羶味，而且火候控制得好好夠juicy，肉質同調味都出色。伴碟嘅係天婦羅，有我最鍾意嘅南瓜片同秋葵。紅菜頭仲切成心形，擺盤夠晒精美。另外仲叫咗帶子牛肝菌黑松露燴飯，淡淡充滿黑松露嘅香味，帶子兩邊煎香之餘，帶子嘅肉質仍能保持嫩滑，充滿鮮味。我哋仲揀咗兩杯Cocktail，蘋果味就清清地，酒味唔算好重。Snowball除咗有蛋黃酒香之外仲帶點檸檬香，飲品真係相當高質。

呢啲天氣好好訓，搞到日日返工都又攰又眼瞓，唯有lunch食返啲好野精神下，之前去中海日昇食野都話下次要去試February，好多年前食過一次晚餐，個火燒豬手唔錯，不過lunch又真係未食過，既然記得想食就一於去食啦。.西班牙厚切豬鞍配青蘋芥末忌廉 $128原先係呢個同all day breakfast 二選一，最後都係簡左豬鞍，本身都話怕青蘋果芥未就好奇怪😂豬鞍有少少咸，薯條有啲少如果再多啲會開心啲，個醬就整係食到淡淡既芥未味整體都可以接受。

夜晚同朋友去觀塘，黎左呢間February食野。呢到啲裝修好靚，有外國嘅感覺。🍈首先叫左巴馬火腿伴蜜瓜，第一次食蜜瓜整嘅料理，好特別。蜜瓜好甜，再加埋巴馬火腿嘅咸味，特別得黎又好似幾夾。🍝主食方面，我地叫左三文魚籽大蝦明太子意大利麵，意粉醬汁好多，食落好滑，明太子三文魚籽同大蝦份量岩岩好，足料得黎又唔會太咸。🥩另外再叫左澳洲穀飼肉眼扒，肉眼扒好厚身，肉汁豐富。而家配料好多又好食，薯蓉，心型嘅紅菜頭，最特別係天婦羅嘅蔬菜，平時好少見，而又好好食！🍹野飲就叫左一杯mock-tail Peach Boom!Boom! 一杯cocktail Snow Ball, 味道都好fresh好好飲。

觀塘高質德國餐廳🥰February👍🏻位於觀塘駿業街海日升中心嘅February，係一間食物高質，裝修好靚嘅餐廳！好鍾意佢裏面嘅土耳其燈🥰，好有氣氛，但又唔會太暗，或者太嘈。佢嘅椅都坐得好舒服，空間闊落，唔使驚聽到其他人講嘢，或者我哋傾偈會有其他人聽到。首先環境會比滿分。食物層面都好高質：💕美國頂級牛小排 $258話就話牛小排，但其實好大塊，我同朋友一人一半，再可以切成五六塊薄片牛肉。呢次嗌咗大約五成熟，肉汁滿滿，啖啖牛肉香味，唔會韌，而且無筋，非常好食。有紅菜頭汁、黑醋、牛肉汁等等調味，配菜有炸冬菇、翠玉瓜、南瓜同埋秋葵，非常豐富。💕三文魚籽大蝦明太子意大麵 $158灑滿咗三文魚籽，好Creamy嘅明太子醬，加上彈牙嘅大蝦，好好食，份量都好足夠。💕忌薕煮藍青口配薯條 $108呢個青口又係勁好食，應該大約有二十幾粒，每粒都好入味，個醬汁好食到會可以就咁飲，如果加少少雞湯，個醬汁就會變做好好飲嘅忌廉湯。薯條都炸得好香口🥲🥲，正啊！

今日點了食物熊貓的外賣，整體來說很滿意。牛油果鮑魚日式醬沙律味道均衡，鮑魚軟嫩，牛油果熟透。蟹蟹蟹意粉，雖然都是罐頭蟹肉，但味道討喜，意粉口感合適，不會過軟不會過硬。封門柳牛扒值得推薦，是兩小塊組成，牛肉來的大約7成熟，肉味十足，約嚼約香，不算嫩，但也不算柴，配菜的天婦羅有驚喜，有一定水準。然後就是芝士Pizza 整個下來pizza稍微遜色一些，主要是餅批的邊屬於麵包一樣的厚批，喜歡的人會很喜歡，沾上牛扒汁是不錯的，不喜歡的可能會覺得很幹。

之前已經食過February，仲記得呢度個德國咸豬手都幾出名。今日想同朋友係附近食飯慶祝生日😊就帶佢上黎試試啦。February夜晚做西餐+酒吧為主。呢餐晚飯我地食足三個幾鐘😆嘆下菜、飲下嘢、傾下計，非常舒服。呢度嘅環境都幾有情調，有好多霓虹燈同馬賽克杯裝飾，晚市熱鬧得黎仍然保留到私人空間，非常好坐👍🏻既然食咸豬手，就一於精選2人晚市套餐（$520）,包咸豬手，仲有兩個餐湯、前菜、飯、兩杯野飲🫣加埋一兩個人先係$570，好抵啊！是日餐湯：白汁忌廉湯質地厚實稠身，夠creamy，入口順滑。湯入面的材料都非常豐富，食到好多煙肉，仲有比較少見嘅薯仔粒。好足料，幾有咬口😀前菜：慢煮磯燒鮑魚磯燒鮑魚好入味。用刀輕輕一𠝹已經切得開，好腍。伴上香醋沙律菜，is a good start. 主食1：德國火焰鹹豬手伴酸菜絲超正～影完相之後，店員就會幫忙用火槍點火，令豬手的表皮再多重酒燒的香味。豬手切件後Keep到脆皮，黏口😋好多膠原蛋白。每啖夾埋醬汁同酸菜絲，甜甜酸酸的，Yummy!主食2：燒鰻魚奄列蛋飯非常擔眼的大型鰻魚！淨係個賣相已經冇待輸。鰻魚汁同蛋蓋滿整個飯，啖啖都好香甜，好飽啊😆飲品：熱檸水；

觀塘中午搵個位食飯都難，但其實夜晚嘅觀塘靜好多，晚市仲有好多好選擇添🤩 今次同朋友食飯，就揀咗一間西餐廳❣️𝐅𝐞𝐛𝐫𝐮𝐚𝐫𝐲❣️，餐廳擺滿土耳奇燈同霓虹燈，超浪漫💕 食物都高質，尤其火焰豬手更加係打卡名物。𝐁𝐮𝐛𝐮推介🔥👍 巴馬火腿火箭菜薄餅 𝙋𝙖𝙧𝙢𝙖 𝙃𝙖𝙢 𝙍𝙤𝙘𝙠𝙚𝙩 𝙋𝙞𝙯𝙯𝙖唔好睇pizza細細個，用料一啲都唔慳🤩 舖滿巴馬火腿同火箭菜，每一啖都食到全部材料🫶 厚餅底焗得啱啱好，個底香脆而麵包軟熟，食多幾件都唔會滯。👍 德國鹹豬手伴酸椰菜 𝙂𝙚𝙧𝙢𝙖𝙣 𝙋𝙤𝙧𝙠 𝙆𝙣𝙪𝙘𝙠𝙡𝙚 𝙬𝙞𝙩𝙝 𝙎𝙖𝙪𝙚𝙧𝙡𝙖𝙧𝙖𝙪𝙩侍應係我地面前將大大隻豬手點火🔥本身以為只係綽頭，但一咬落去啱啱用火燒過嘅豬手皮超香脆😗 豬手肉肉質嫩口又唔乾，打卡之餘仲食得超滿足😋👍 蟹蟹蟹意大利麵𝘾𝙧𝙖𝙗 𝙍𝙤𝙚, 𝘾𝙧𝙖𝙗 𝙈𝙚𝙖𝙩, 𝙋𝙖𝙨𝙩𝙖 𝙬𝙞𝙩𝙝 𝘾𝙧𝙖𝙗 𝙋𝙖𝙨𝙩𝙚睇個名都知呢個係一個超「蟹」嘅意粉 🦀 用上蟹肉、蟹子、蟹醬，三種材料各有不同口感，但同樣有濃厚蟹味。意粉煮得啱啱好，彈牙帶微辣。📍 February 觀塘駿業街56號中海日升中心2樓A號舖

🔺貮月 February （觀塘） 今日出開觀塘就約喺呢頭返工嘅friend去食個lunch，點知就發掘到呢一間不論係食物還是氣氛都幾唔錯嘅西餐廳👍因為我同朋友都想可以大家一齊share食～所以就選擇咗意式芝士茄醬焗珍寶雞扒拌吉列炸蝦同埋二月全日早餐兩個set跟埋餐湯沙律各一，而飲品就選擇左凍檸茶～🤤🔻是日餐湯及沙律餐湯嘅味道唔錯，夠晒Creamy同埋濃郁，而沙律面頭加咗少少蟹子做點綴，令到賣相都幾吸引，連埋啲菜一齊食亦相對增加口感👍👍🔻二月全日早餐 ($148)入全日早餐可以話係份量十足，相當大碟，同朋友一齊share食，大家都可以分到想食嘅唔駛爭🤣🤣🔻意式芝士茄醬焗珍寶雞扒拌吉列炸蝦 ($108)淨係賣相都已經十分吸引～開頭仲以為會好細份，點知拍得上份全日早餐😂因為同朋友邊食邊傾下計嘅關係，所以都攤咗一陣間，不過炸蝦依然keep到個香脆度，冇變淋，抵讚👍👍而個珍寶雞扒就以薯蓉做底，面頭放左芝士喺面一齊焗，食落肉質都幾嫩滑，配合埋茄醬，相對較清爽唔會有油膩嘅感覺！而且店內嘅職員都相當細心有禮，店內嘅懷舊風格同埋土耳其馬賽克燈亦會令人忍唔住有影相打卡嘅衝動🙈喺附近返工居住嘅觀塘友千祈唔

👍🏻 德國火焰咸豬手配酸椰菜超有驚喜🎉本來叫佢係為左點火儀式 點知食落真係做到外脆內腍滑🐷燒過既豬皮份外香脆 食落充滿油香但不膩 油質頗滑 皮下既脂肪更到達融係口既感覺 3-4人share好開心😉👍🏻 慢煮14小時油封鴨髀慢相好精緻 高級西餐既菜式呢度都有 慢煮過既鴨髀 依然嫩滑且保留肉汁 旁邊既配菜都好有心思🤓值得一試👍🏻 忌廉煮藍青口配薯條忌廉煮青口都係經典配搭✅青口全部都開晒 有入味同埋仲有鮮味 醬汁入面仲有少許洋蔥粒 增加口感 薯條酥脆🍟唔覺唔覺越食越多👍🏻 巴馬火腿火箭菜薄餅好多巴馬火腿係面呀！！火箭菜比例剛剛好 唔會搶左火腿風頭 底下係芝士同茄醬🥫餅底夠脆 好味！👍🏻 蟹蟹蟹意大利麵蟹肉蟹籽意大利麵 食落算是比較清爽 帶有少許辣味 更能突顯蟹肉鮮甜🦀👍🏻 是日餐湯（甘筍粟米忌廉湯）甘筍同粟米味道都好出 入面仲會有少許粟米粒🌽正！注意事項⚠️- 餐廳使用左好多土耳奇燈/霓虹燈 更以相片、酒樽等作裝飾品 非常有格調！☺️

呢間西式餐廳都算有特色有溫度。店裡好多客人開心慶祝既相,又有大電視,有歌聽,馬賽克燈又好WARM。我叫左兩個MAIN同一個是日餐湯,飲品係大大杯既凍檸茶。是日餐湯係南瓜蟹肉湯,無諗過咁夾,呢個季節飲南瓜湯都幾正。油封鴨腿係我幾中意既食物,有係紅酒啤梨同MASHED POTATO,好正!鴨腿好大隻,肉都幾稔,容易咬。蟹蟹蟹意粉有多重既蟹,蟹子、蟹肉同埋蟹膏醬,好多肉,醬既味道都好濃。整體感覺唔錯!服務好!

觀塘打工仔，收工覓食之選啦。環境幾有feel，裝修頗有異國風情，馬賽克吊燈夠曬浪漫。位置闊落，坐得舒服。黑松露野菌湯真系十分濃郁，醇厚的黑松露鮮菌味道，搭配香濃忌廉湯，真系好絕配。值得一贊系餐包都唔錯哦，皮脆而內裏軟熟，好好味。羊架愛好者，見到通常都要試下啦。今次系法式做法，羊架鮮嫩多汁，搭配金蒜香料，都真系別有一番風味。卡邦尼意粉又系一絕哦，撈埋雞蛋，真系勁香滑濃郁。而且裏面材料一啲都唔差，夠足料，女仔細食啲都搞距唔掂。飲品造型都幾奇特，Mocha帶埋草帽，都幾鬼得意。荔枝特飲真系好耐無見過紙遮仔啦！！！個人感覺飲品味道稍微偏甜，下次可以少甜試試。店員服務到位，order爽手，收碟及時，抵贊啦。

在Viu TV love staycation見到February 很靚很有格調咁就來試一試，來到發現原來在龍鳳號旁邊。February 偏向舊式懷舊風情的西餐廳。巴馬火腿伴蜜瓜 $138成片蜜瓜上枱好吸睛 ，餐廳好貼心的將蜜瓜逐件用火腿包好。蜜瓜清甜多汁，配上咸香火腿，是經典的美味。德國火焰咸豬手伴酸椰菜 - 薯仔沙律 $298店員會先將原隻咸豬手送上，倒上酒清，點上火焰，供大家打卡。紅紅烈火，火光沖天，實在壯觀。🔥事後店員會再切件，添上酸椰菜和薯仔沙律。咸豬手的皮炸得如厚切薯片般極為脆身，豬手肉厚濃香，不會過咸。說是薯仔沙律，更似牛油薯蓉。薯蓉走粗獷路線，結成一團，比較飽肚。香草帕士圖蟹子蟹粉意粉 $208意外地發現它是乾炒意粉，而不是常見的白汁忌廉。意粉以大量洋蔥和拆碎的蟹絲炒成。蟹絲份量非常多，吃完意粉還剩下一大堆。乾炒的做法令蟹香更突出香口，不會膩。我喜歡蟹絲那沙沙粉粉的口感。不過整體洋蔥味比較勁，不愛吃洋蔥的人要留意。🍹Lychee Boom!Boom! $68(Lychee, Lime Juice, Popping Candy)荔枝梳打內放入爆炸糖，上枱時在杯內不斷微微炸

忙碌後的休閒 · February 做完一日野同老公去左撐枱腳黑松露野菌忌廉湯本身飲第一啖覺得冇乜特別，但點知原來寶密在內，入面有好多黑松露😍 加埋甜嘅餐包，脆脆地浸落湯度，幾好飲幾好食😄柏土圓蟹子蟹粉意粉 $208呢個比較驚喜因為每一啖意粉都有大量嘅蟹子同埋蟹肉；呢度嘅意粉比較幼身，唔覺意都食晒，食完唔會話覺得太飽德國火焰威豬于配酸椰菜 $298呢個真係有火焰，上菜嘅時候侍應喺我哋面前燒著個豬手，火光熊熊，燒到豬手嘅皮脆卜卜😍 之後侍應仲好好會幫我哋切好，輕輕鬆鬆一舊一舊就可以食到啲豬手豬手既皮真係好脆，食到佢嘅膠質；肉都幾冧，可謂外脆內軟，點埋特製嘅蜜糖芥末醬，幾好味😄嗌多兩杯嘢飲，good dinner

收工約咗朋友喺觀塘食飯，平時行開行埋未食過呢間所以試吓。餐廳入面啲土耳其燈飾幾靚，相信嚟飲嘢都ok。首先係冷盤，和風清酒蒸鮑魚（$148）醬汁係甜甜哋嘅醬油，鮑魚唔算細隻，幾有鮮味，食到微微清酒香。咬落去都幾彈牙，初頭仲驚會唔會好韌。德國火焰咸豬手配酸椰菜（$298）呢個好好食！開頭侍應會嚟倒啲酒製造火焰嘅效果，幾好影相😂。豬手幾大隻，肉質好滑、好淋，入晒味有咸香，加埋啲豬皮勁脆真係好好味😍😍必叫！最後有澱粉質做結尾，卡邦尼意大利粉（$178）超大份！上到嚟嚇親，啲意粉係擺滿曬成隻碟。意粉正常質素，有濃濃嘅cream包裹住好香濃，面頭鋪滿左脆脆嘅煙肉碎，撈埋生蛋黃一齊食，飽肚之選。飲品叫左Peach Boom Boom同Lychee Boom Boom，上到嚟就聽到爆炸糖嘅聲，我同朋友都鐘意荔枝多啲，因為桃味糖漿有點甜。