February

Open Now

Now Closed

約了朋友試試一所從未試過的餐廳。餐廳照片拍攝技巧不錯，因樓面比相中看到的細少。晚餐環境還算舒適。我們叫了幾味分享。洋葱湯不夠熱、豬手皮不夠脆肉有點靭，牛扒平平，但伴碟的南瓜及芉頭沙律有點新意，心太軟甜品還算不錯。侍應似乎甚麼都不大知道，菜式大少，每天餐湯，飲品落錯單… 話雖如此，態度良好，只欠訓練及經驗。總括來說，有進步的空間。

返工返到個人需要酒精振作一下，提醒自己就放大假，努力頂多陣。芝士洋蔥湯：洋蔥湯濃濃高湯既味道，有黑椒香，天氣凍既日子飲完個人溫暖咗好多。上面仲細心鋪咗芝士塊，多咗奶香既層次感。煙三文魚蟹子沙律🥗 沙律菜新鮮，仲有少見既荷蘭橙番茄仔。而且煙三文魚分量幾多我點咗杯Snow Ball 精神一下自己，甜甜地又細滑，幾易入口。朋友杯Aperol Spritz顏色好靚，用咗Prosecco氣泡酒，顏色好似黃昏一樣溫暖。另外朋友點咗青口跟薯條🍟：青口既分量大，好似食極都有，同埋開曬口，配埋煙肉忌亷汁食好惹味。最後仲有個壓軸登場既德國豬手，豬肉上台既時候仲有火炙既環節，外皮燒得香脆，味道剛剛好，配埋酸菜絲+薯蓉，食到好飽。店面仲有土耳其燈，非常有格調。

今日lunch time 想試下新嘢，去左日升中心explore吓有咩嘢食，一上二樓，就見到February喇，就決定入去試試。入到去發現佢裝修好靚，係pub咁，仲好多土耳其馬賽克燈。有一邊牆上仲有Happy Birthday，生日黎打卡一流店員話menu會兩三星期轉一次，而今日個menu都幾吸引。我同朋友兩個人，就一人叫左一個餐。每個餐就包一個餐包、沙律或湯、同餐飲。餐包唔錯佢上麵包嘅時候，我見冇牛油，仲問店員有冇牛油拎，但店員話唔洗牛油架，佢本身夠味。我半信半疑咁食左第一啖，結果冇令我失望。剛剛焗好，外脆內軟，麵包本身嘅調味亦好好。西蘭花忌廉湯亦好出色，唔會太creamy，亦帶出西蘭花嘅味道。簡簡單單嘅蟹籽蕃茄沙律亦都唔錯，配製嘅沙律醬唔會太溜。第一個主食，我哋就叫咗意式芝士茄醬焗珍寶雞扒配吉列蝦。雞扒好嫩，吉列蝦亦熱辣辣，啱啱炸好。但重點係個芝士茄醬，好好味！濃郁嘅蕃茄味再加上溶左嘅芝士，好邪惡，但好吸引！！第二個主食，嗌左蟹肉魷魚圈墨魚汁燉飯。墨魚汁調味剛剛好，飯嘅軟硬度亦ok，上面仲有好多蟹肉添。整體不錯不過，燉飯真係好飽肚，好快飽左餐飲就叫左凍檸茶同凍奶茶。味道正正常常，冇

觀塘區嘅西餐選擇好多 不過我朋友介紹咗呢間喺中海日昇中心2樓 開咗都好多年嘅西餐廳。一去到餐廳氣氛都唔錯 店員有推介佢哋嘅原隻德國鹹豬手，不過我同朋友兩個女仔就驚食唔到咁多 主菜我哋揀咗美國封門牛柳扒🥩 $228、三文魚籽 大蝦 明太子意大利粉🍝 $158，另外仲要左兩個餐湯同埋炸雞翼配BBQ汁 $78封門牛柳有兩條 五至七成熟啱啱好，切落去嘅時候覺得都要用啲力以為會好硬 但係入口比想像中軟熟，而且有濃郁嘅牛肉味👍🏻 意粉個忌廉汁好濃，每一條意粉都有滿滿嘅明太子芝士忌廉汁，呢個意粉做得唔錯。另外炸雞翼細細隻 不過有五隻 醬汁都好好味，仲有啲沙律喺側邊啱晒我哋兩個女仔。食飽之後都想飲吓嘢傾多陣計 店員就推介左兩杯特飲 分別係荔枝同埋桃BOOM BOOM，飲品味道幾甜，但係果味都好突出，傾吓傾吓就好快飲晒🤭 食又食飽，傾又傾夠，唔錯👍🏻

觀塘日昇中心 開左好多野食 行行下 原來有間bar 環境都ok 就試下 呢個平日都有lunch set 晚上 有散叫、二人餐、 happy hour 仲有買一送一餐湯 甘荀忌廉湯 甘荀湯好甜 好滑 Side dish 番薯條 炸起熱辣辣 有沙律醬可以dip 主菜叫左個肉眼扒 另有配菜 炸蘑菇 粟米 肉眼扒 都幾有牛肉味用左少少鹽調味 唔洗再dip sauce 都好夠味蟹蟹蟹意大利麵其實係蟹子 蟹肉 同 蟹醬 蟹子 脆卜卜 有咬口 蟹肉同蟹醬有鮮味 但唔會咸配埋意粉一齊食 食落仲有鮮甜味 不錯最後 餐茶叫左熱檸茶 同 凍檸茶 呢度既環境都唔錯 平日放工黎飲番杯/ 同朋友慢慢食個dinner 都唔錯

觀塘真係美食天堂離😝成日都搵到好多又平又高質嘅美食，今次就比我搵到一間隱世高質西餐，係位於觀塘駿業街日升中心既february🙆🏻‍♀️💓首先餐廳食物種類好多元化，無論係主菜、小食、甜品同埋嘢飲，都一應俱全，選擇困難症嘅我揀咗好耐😆✨美國封門牛柳扒必食推介，牛扒大約係七成熟，係由美國進口，封門牛柳牛肉味超級鮮嫩多汁，牛肉味勁濃😝✨三文魚子大蝦明太子意大利麵又係另一樣必食推介，廚師一啲都唔吝嗇，落足材料，每一啖都有超級香濃嘅三文魚子味😚 加上大蝦🍤味道極之鮮甜，仲要大大隻😆✨炸芝麻雞翼超級香脆，外脆內軟，雞翼鮮嫩多汁🤩✨是日餐湯同埋青檸梳打同埋荔枝特飲，都係高水準嘅發揮，以後會繼續過嚟食🙆🏻‍♀️

餐廳位於人煙稠密的觀塘區天花佈滿馬賽克燈🔮室內燈光柔和昏暗 氣氛十足適🈴️與三五知己一同聚會的好地方🍻𝒮𝑜𝓊𝓅 𝑜𝒻 𝓉𝒽𝑒 𝒟𝒶𝓎🫕 是日餐湯忌廉粟米湯是經典之選味道香甜🌽質感幼滑濃稠最適🈴️在這寒冷的冬天下飲用☃️𝙰𝚙𝚙𝚎𝚝𝚒𝚜𝚎𝚛𝒫𝒶𝓇𝓂𝒶 𝐻𝒶𝓂 𝓌𝒾𝓉𝒽 𝑀𝑒𝓁𝑜𝓃🐖巴馬火腿伴蜜瓜蜜瓜爽脆清甜🍈中和Parma Ham的鹹香味🐷整體配搭清新開胃🌱𝙼𝚊𝚒𝚗 𝙲𝚘𝚞𝚛𝚜𝚎 𝚡 𝟸𝒞𝓇𝒶𝒷 𝑅𝑜𝑒, 𝒞𝓇𝒶𝒷 𝑀𝑒𝒶𝓉, 𝒫𝒶𝓈𝓉𝒶 𝓌𝒾𝓉𝒽 𝒞𝓇𝒶𝒷 𝒫𝒶𝓈𝓉𝑒🍝蟹蟹蟹意大利粉蟹籽及蟹肉份量很多✨每啖都真材實料🦀醬汁有部分沈於底部建議食用前攪拌均勻 味道更突出𝑅𝑜𝒶𝓈𝓉𝑒𝒹 𝐿𝒶𝓂𝒷 𝑅𝒶𝒸𝓀 𝓌𝒾𝓉𝒽 𝒫𝓇𝑜𝓋𝑒𝓃𝒸𝒶𝓁🐑香烤寶雲酥羊架羊架外層佈滿麵包糠🍞外酥內嫩 羊肉肥美惹味可口 值得一試✨餐廳更設有畫碟服務🎨十分適🈴️慶祝生日或紀念日🎉

位於觀塘日升中心二樓的February，開業已有7年之久，店舖位置更不是地鋪，疫情難捱的日子都能捱過，相信食物質素一定不錯。今晚和朋友來吃晚飯，進入店舖，就給天花的七彩掛燈吸引，店舖裝修雅緻，很適合一班朋友包場開派對。老闆話因店舖是二月開張，所以叫“February ”，簡單易記。「鮮菇忌廉湯」$48先來兩碗忌廉湯，菇菌香滿溢，濃淡有致，令人回味無窮。「德國火焰咸豬手配酸椰菜」$298招牌菜德國咸豬手，非常大隻，服務員在我們面前灑上酒再點火，幾秒後，火就慢慢消失，非常好玩，之後再把豬手拿去廚房切碎，方便食用。豬手皮香脆，帶點點酒香，肉有嚼勁，伴碟的薯蓉和酸椰菜都很好吃，讚。「三文魚子大蝦明太子意粉」$158超大粒的明太子加大蝦，很吸睛，軟硬適中的意粉混合三文魚子，簡直完美。「炸物拼盤」$128有雞翼、炸魚、炸蝦、薯條和沙律，樣樣都很新鮮和好吃。

今日過黎觀塘既工廈玩，但又未夠鐘所以行行吓就入左黎食個early dinner先。店舖裝修幾有情調，有啲土耳其馬賽克燈同酒樽做裝飾，令到整體感覺幾特別幾有神秘感！我地叫左個意粉，明太子醬好濃烈好creamy，每一條意粉都掛滿曬汁，呢個配搭好食！而且面頭既蝦又大隻又好彈牙，仲有啲三文魚籽充滿鮮味，每一口意粉都有三文魚籽係口腔內爆破！巴馬火腿火箭菜薄餅大推，我一個人食左三塊，薄餅嘅芝士同醬汁再加埋火腿的味道很夾，而且芝士做到拉斯嘅效果，真係嚟多一碟都唔夠我食。Peach boom boom係幾正，上面有紫色嘅碟豆花配合埋其他裝飾點綴，顏色鮮豔奪目，睇落非常吸引，而味道都唔錯，好有鮮甜嘅桃味，飲完唔夠喉想黎多杯。

位於觀塘中海日升中心的「February」，係一間裝修滿有古典風味的德國菜西餐廳🍴店內座位寬敞舒適，同朋友暢聚就最好不過甘筍忌廉湯湯質感幼滑，帶甘筍及忌廉香，配上鬆軟麵包粒，更加滋味芝士四重奏薄餅薄餅邊皮酥脆，批底厚薄適中，口感鬆軟。四重芝士分別有車打、巴馬臣、馬蘇里拉及藍芝士🧀每件都呈現拉絲狀態，芝味香濃忌廉煮藍青口配薯條青口飽滿又大粒，鮮甜味美，充分吸收咗奶油忌廉汁。配上香脆又大條的粗薯條，單吃或者沾上忌廉汁都可德國火焰鹹豬手配酸椰菜原隻德國鹹豬手，上桌後店員會點火造成火焰效果🔥豬手外皮香脆可口又鹹香，半肥瘦肉口感鬆軟，豬味濃郁！伴碟有香滑牛油薯蓉及酸椰菜以作解膩之用Vodka Lime伏特加配上青檸汁，簡單又美味，輕易就能嚐出Vodka的酒香氣Whiskey Coke威士忌的辛辣濃厚，恰好平衡可樂的甜味

今晚收工同朋友去咗觀塘「February」食晚餐，鬆一鬆。被安排咗坐喺側邊卡座，好舒適呀甘筍忌廉湯先叫咗碗忌廉湯暖一暖胃，香滑濃郁，甜甜地巴馬火腿伴蜜瓜新鮮爽脆又甜美的蜜瓜，配上肥美鹹香的巴馬火腿，清新開胃炸物拼盤適合多人開心共享的炸物拼盤，有炸魚柳、雞翼、薯條及炸蝦，每款都有3-4件，炸得金黃香脆可口。魚柳同炸蝦外脆內軟；雞翼皮脆肉嫩，配上濃郁他他醬，邪惡滋味燒鰻魚奄列蛋飯鰻魚大大塊，厚切又肥美，肉質軟嫩，啖啖肉，滿有魚鮮味哦！白飯加入鰻魚汁炒香，配上超滑溜的半熟奄列蛋，飽肚又好食，大滿足1664 BLANC眾所周知的1664 Blanc，係一款時尚、果香、清新的小麥白啤酒🍻甜味與清新感平衡得恰當剛好，帶獨特的清新柑橘果香Hoegaarden清新白啤酒，帶花香及果香，同朋友chill一chill就啱哂

店舖環境都幾好，一邊飲飲食食，一邊睇電視播世界盃，都幾享受！而且餐廳職員既服務態度都好好，見我行出位已經知我想去廁所即刻遞條鎖鑰比我。炸物拼盤有炸魚、薯條、雞翼同埋炸蝦，全部都啱啱炸起非常酥脆，點他他醬食就啱哂，仲有伴碟既沙律解膩，啱哂一班朋友仔開心share。德國豬手真係成餐飯嘅亮點，擺盤非常有心思💯💯💯店員仲會喺豬手上面點火，非常適合打卡，之後店員會幫我哋切件👍🏻燒過嘅豬手皮好香脆，肉質嫩口好滑，點埋醬汁更加開胃。野飲方面有好多選擇例如有cocktail mocktail smoothie我就揀左杯冇酒精既lychee boom boom，漸層既顏色好有少女心，飲落甜度剛好，清新既果味啱啱好同野食既咸香balance番，亦都唔會越飲越口渴。朋友揀左Snow ball，飲落有少少似益力多嘅味道，帶少少酒精味，酸酸甜甜咁，非常清新，解膩一流😍😍總括黎講係一間食物服務環境都有一定質素既餐廳。

首先成個用餐體驗非常難忘，餐廳老闆好客熱情，見我地幾個朋友仔比埋支咪我地唱K，賓至如歸，食飯唱K一次過好開心，我地仲同隔離枱一齊合唱哈哈，好warm啊~食物方面全部都好高質素，大力推介德國火焰咸豬手配酸椰菜，真係有火焰效果，燒完令到個豬手皮更加香脆，佢地細心到比你影完相再切開起肉，完全唔洗擔心會食得好麻煩，個蜜糖芥末醬超好食，中意佢夠甜唔會過份刺激~炸芝麻雞全翼配泰式甜酸醬做小食啱曬，佢個雞全翼真係炸得好惹味，其實唔沾醬都已經夠曬味，肉質滑溜溜，雞翼尖必食，啖啖肉好開心，個脆皮真係食完都想繼續食~慢煮磯燒鮑魚超讚，又彈牙又爽，無唸過西餐都有鮑魚食，仲有油封鴨脾都好難忘，我第一次食，個朋友不停話一定要叫，果然冇介紹錯，原來真係好好味，平時牛排豬鞍食得多，下次都一定叫油封鴨呀！食左咁多高質野埋單都只係八百蚊，有得食有得玩有得打卡，大家一定要黎！

生日之星話之前上網睇到呢間餐廳一路都好想嚟試吓，我地叫左慢煮磯燒鮑魚，無唸過西式餐廳都有咁好食磯燒鮑魚食，酸甜汁配搭十分爽口彈牙鮑魚，口感啱啱好！跟住必定要點慢煮14小時油封鴨髀、超級出色既法國菜，油封鴨啖啖鴨肉，外皮微脆，種豐富既油脂感間直一流，加埋特製燒汁，連配菜香炸秋葵都好好味，每次食油封鴨都覺得自己好幸福，肉質嫩滑，朋友點既鹹豬手啱曬打卡，火焰效果好特別，仲有唔同味既shot，易入口我最中意哈哈，店員都非常nice仲叫我地一齊唱k添，多謝佢哋比左個happy night我朋友仔☺️

上次食01 發現呢度原來有好多其他小店😳🥣是日餐湯-粟米西蘭花忌廉湯 $48each幾特別嘅組合，🥦西蘭花味都出，仲有粒粒🌽粟米～好田園風👩‍🌾白酒忌廉煮藍青口配薯條 $108加入大量🧄蒜蓉，個汁好香～就咁飲咗幾啖😳好正🤣 🍟薯條即叫即炸熱辣辣♨️無論配🥫茄汁或者點白酒忌廉汁都好好味～🦀🦀🦀蟹蟹蟹意大利麵 $168佢用咗蟹肉、蟹子、蟹醬煮成～蟹味超濃，蟹肉分量比想像中多～意大利麵煮得啱啱好~al dente👍🏼🦆慢煮14小時油封鴨髀伴紅酒啤梨·薯蓉 $228油封鴨髀肉質嫩滑，就咁食都唔會乾。但都可以試吓點佢個gravy，會有另一種風味。最特別係佢配左一個炸明太子芝士飯團，第一次試呢種配搭✨咖啡 -$38以一杯熱咖啡為呢一餐畫上完美嘅句號。奶都係打熱咗的～環境：4.1/5充滿異國風情，有好多🇹🇷土耳其燈～服務：4/5店員態度有禮☺️，一早已經準備好一支水係枱，可以自己斟👍🏼食物：4.1/5食物質素好好，食咗好多我覺得好創新嘅配搭✨Revisit: Yes