肥姐蠔餅婆

Open Now

Now Closed

星期六晚同老公入黎元朗掃街，見到呢檔得蠔餅，鳳爪同涼茶賣都有好多人排隊，所以就跟人排下，由於太多人既關係，所以唯有叫外賣。叫左份蠔餅多芫茜（$35），即叫即炸，蠔仔好大隻，炸得非常脆，再配佢既秘製辣汁真係好惹味！秘製辣汁有的似泰式酸辣汁既味道，我唔小心一次倒曬落去，對本人黎講都幾辣下😂，即刻要搵便利店買維他奶解辣，今次係我第一次食蠔餅唔係落魚露，原來落辣汁係禁加好味嫁～～以後入黎元朗一定會再黎叫反份蠔餅食。

在元朗，無人不曉這間炸蠔餅吧。我先排隊，等一下，肥姐問我要多少件蠔餅和要不要芫荽。蠔餅是即叫即炸，所以要慢慢等。上前俾錢攞蠔餅時，感覺到裡面好熱，真的好佩服肥姐可以日日係裡面炸蠔餅 👍🏻我件蠔餅有很多蠔仔 😍，差不多每一口都食到肥美嘅蠔仔，好正呀 😋

有個自小喺元朗長大嘅朋友話我知，呢間嘅蠔餅好好食，好多時都大排長龍，自從佢結婚搬離元朗後，就好少機會食到，所以每次返娘家食飯，都會順道買件食下！自從我三年前搬咗入元朗，試過呢間蠔餅後就不能自拔，雖然小店係三年間幾次加價，但無損我對小店既支持！今晚另一半行經呢間小店時心癢癢，打電話通知我要食蠔餅，所以我哋就約咗喺小店門前等！另一半已經預時order定兩件蠔餅，所以我去到只係等左一陣就有得食啦！蠔餅新鮮炸起熱辣辣，非常香口，而且蠔肉脹卜卜好大粒，份量又多，再配埋芫荽及小店自家製酸辣汁，非常好食惹味，真係食極都唔厭小店仲有其他自家製食品，例如無骨酸辣鳳爪及低糖涼茶等，試過都不錯！

這家蠔餅店在元朗很久前已經很出名，蠔餅𥚃的蠔絕不馬虎，雖然他沒有坐位給客人享用，因為是企係店外食，但這店人流非常旺，基本上一説元朗蠔餅大家也會說肥姐！而且來店買蠔餅的人也很自律乖乖的排隊，肥姐就會問客人要幾多件和要不要芫荽😉，另外大家可以隨意加辣醬食完之後記得自助放回碟子👍🏻👍🏻而且蠔餅$35一件，啖啖蠔肉真材實料！

🍢肥姐蠔餅婆🥠👏次次都大排長龍既肥姐 👏😋大件夾抵食 35蚊🤤好多蠔 啖啖都係蠔 甚至一啖幾隻蠔 蠔仔幾大隻 唔細架！人情店👏蠔餅超鬆脆香🥰好自助 食完自己放番番去🤪配辣醬任加👍🏻芫荽會問要唔要（中意芫萎可以叫多D)，新鮮即炸五會用好多粉，五會好似食緊麵團👍🏻 ..好味程度：😍😍😍😍5😍為滿分價錢：HK35地址：肥姐蠔餅婆 (元朗)元朗教育路68號兆豐樓地舖#蠔 #蠔餅 #元朗美食 #肥姐蠔餅 #芫荽

《肥姐蠔餅婆》蠔餅 $35(9/10)入元朗必食選，唔係肥肥誇大，真係好好食。首先一大塊蠔餅，上面落超多芫茜蔥， 如果唔鍾意食芫茜蔥嘅朋友記得要提肥姐，賣上超級吸引。蠔餅就無數過有幾多蠔，但可以講啖啖都食到蠔， 雖則蠔不是好大個d，但勝在無腥味， 配上個炸粉香脆可口， 簡直好似天衣無縫！！！😋😋肥肥覺得相比大排檔呢個更加好食都， 但 兩者有分別嘅，特別係個炸粉上面， 大排檔嗰啲就比較似食餅個感覺，而肥姐嗰啲就比較似食薯片較脆口！！最鍾意食脆口嘅肥肥，所以我鍾意隻肥姐嘅蠔餅😍😍😍另外仲有秘製辣汁，類似泰國嘅辣汁，鍾意食辣嘅朋友記得唔好錯過！🌶️🌶️ 溫馨提示：大家記得排隊時候靠欄桿排隊唔好阻住路人⚠️⚠️==============================味道：(9/10)抵食：(10/10)環境：(7/10)服務：(8/10)

姐蠔餅婆 元朗人都推薦既蠔餅當時夜晚11點都有6-7人排隊等落單但肥姐好快手, 即叫即有所以等都係3-4分鐘既事。-果然係好好食! 熱辣辣架!蠔仲多過啲餅咁, 蠔仔好大隻,有啲有一節手指咁大粒。加埋肥姐秘制酸辣汁(泰式), 好開胃呀。-肥姐超親切,我好鐘意佢果種出自內心對客既真性情。決定每次入元朗都要去幫親!!! 排隊果時見到有張紙寫住 "大家對女兒的祝福都收到了" 我就諗係咪佢囡囡有咩事😢食完上fb又咁岩有page出左佢地既故事。呀女忽然患上左好罕見怪病😩肥姐要一個人晏就開舖夜晚照顧。你地記得如果去元朗都幫親下呀。小小支持都好有用架~-

一直以來我都唔太鍾意食蠔餅，但係見到元朗依間肥姐豪餅咁出名，每次都排晒長龍。琴晚去左試。佢令我對蠔餅改觀😍首先，佢一d「聲」味都無，而且啖啖都有蠔仔！最重要既係，加左佢個辣汁勁好食！佢真心有d辣，如果唔食得辣既唔好咁重手😂佢有莞茜配上，但我唔鐘意食，所以叫左佢走莞茜🤪我諗好快我又會再黎一次😂😂😂

✨👍🏻Delicious and crispy oyster omelette from Yuen Long Fei Jie 🤤 The omelette was big with quite a lot of oysters and not too oily or floury at all. Recommend you to try with their house made spicy sauce for an even more flavourful omelette! Prepare to queue a bit during rush hours❗️|Oyster Omelette馳名蠔餅💰HKD32

入元朗食元晚餐，就心思思想去肥姐食蠔餅，位於出名涼粉糖水鋪附近，而且都有2丶3間闖出名堂嘅食店在佢左右，但記得留意開門時間，下午五時後到就一定唔會摸門釘雖然加咗價但係仍然不減捧場客，要三件先平D，但其實佢仲有泰式鳳爪出，亦有自家制飲品。由於鋪面好細，所以如果要喺度食嘅話就要企喺度食，但係都係一種風味嚟㗎喎，而且為免阻住其他鋪頭同行人，所以佢都建議我哋企近欄杆邊排隊由於係食宵夜，所以我哋只叫咗兩件淺嚐~$70。出名係因為真材實料，除咗之蠔好大粒外，無沙、洗得乾淨同冇腥味。而且炸得好脆，落粉適中，唔會一patpat粉漿，加埋個自家製辣醬，簡直係無得輸。ps：中意芫茜可以叫多芫茜，配埋一齊Perfect match佢仲有自家制飲品比妳解解熱氣，呢個係五花茶，另外仲有雞骨草同貝天葵，貝天葵唔係度度有，之前試過味道微酸，有啲似山楂味。佢D嘢飲以健康為主，小糖小甜嫁

朋友想食馳名 b 仔涼粉，所以就入了元朗，雖然好大份食完已經飽，不過始終午餐都要食下熱食感覺先完滿，所以決定掃街，原來附近的教育路有好多正嘢食。我地今次有口福了。前面有烤烏頭，呢間就有靚蠔餅，兩樣都好似幾正，不過我地二選一，揀左蠔餅。真係無選錯，因為超正，係超鬆脆香，又多汁。識煮野食都知蠔餅係好難煮，太多蛋會好硬，太多粉又唔夠鬆。。。。呢間真係太正。好想返去再食，可惜係元朗太遠，否則可能同老公會日日去添。。。。

來到元朗，一定要試試肥姐蠔餅。當日去到已見一條長長的人龍，店內只有肥姐一人，而且是即叫即製，所以等待的時間需要長一點。熱辣辣的蠔餅，一定要配上自家製辣汁。酸酸辣辣的醬汁可以減少油膩感，更能豐富蠔餅的味道。蠔餅炸得非常香脆可口，粉漿不會過多，蠔仔份量亦十分充足。

就在大大条坑渠边上，夜晚七点多就有条长队排着；我们点了一份，32蚊，辣椒酱很香，蚝仔蛮多，生粉不会多，料还是挺足的，配点辣椒酱更好，不会太油腻，不够完美就是皮不脆…

今日帶住係九龍既蕉積姐元朗一日遊我地去左行山吸收靈氣😎行左2粒鐘就返返元朗市區覓食一番蕉積姐介紹返我食肥姐豪餅反而身為天水圍人既小妹一次都冇幫襯過平時行過見到好似好油咁所以就算好多人幫襯都冇試過😅既然蕉積姐推介到點都要試下啦於是叫左一個兩份分豪既size都挺飽滿大粒豪餅有好多椒鹽粉係上面，非常之咁惹味😍😍食落口重一啲都唔油👍一口一注芫茜加埋袐制辣醬，勁香口😄果然冇介紹錯!我地2個食到舐舐脷😋真係好鬼邪惡呀！!

元朗除左有好多好食既茶記之外，唔少得小食，而芸芸元朗街頭小食入面，最深得我心既一定要數「肥姐蠔餅婆」。係幾年前肥姐女兒患重病，有網友熟客得知事件之後係facebook發布消息，呼籲元朗人或者黎元朗既人幫襯支持小店，當然依家已經雨過天青，肥姐既敬業樂業確值得我地尊重。小店多年來都係老模樣，食既係肥姐既手勢唔係環境。呢到有張枱仔，比你加醬汁、自己倒垃圾同疊返好隻碟。價錢主打賣蠔餅，分1-4件，價錢都係$30/件，另外都有鳳爪同飲品。肥姐蠔餅　$30/件即叫即煎，炸粉夠薄，最緊要係蠔要夠肥美，蠔新唔新鮮都睇處理手法，呢到既蠔有肉汁有鮮味，而且蠔份量都夠，配上脆脆既炸皮，好香口，枱面有秘製泰式酸辣汁，我自己就一定會點，因為絕對係畫龍點睛，令成個口感層次更加提升同埋更加惹味。基本上一、兩個星期就會食一次肥姐，一係食完晚飯黎食個宵夜，一係就口痕過黎食件過下口癮，我唔會話佢係最好食既，但肥姐既心機同埋蠔餅中上既質素已經足夠令我經常幫襯。