初心

Open Now

Now Closed

呢間初心火鍋其實都開咗一段時間，果日喺Openrice見到有個特別套餐$239就決定去試下，呢個套餐係有一個流程，會先提供餐前小食，再到三文魚刺身，食埋雞煲就可以開始揀湯底打邊爐。———————————————🌟餐前小食 小食一共有五款分別係黑松露蝦多士、麻辣鴨血、炸魚、涼拌木耳、醃製牛蒡，大家食完可以再添。我覺得最吸引就係牛蒡，食落同出面日本餐廳一樣，不過應該唔係自製🤣其他小食就稍為遜色，鴨血偏咸，炸魚同蝦多士麵粉比較多少少，所以最後都只添多咗一碟牛蒡同一碟木耳。.🌟三文魚刺身套餐本身淨係寫刺身，所以期望中會多少少款式，最後得三文魚有少少失望，但三文魚食落都好肥美嘅感覺，所以都唔錯👍🏻不過刺身就只會提供一碟，唔可以任添。.🌟雞煲（中辣）辣度唔係好夠，但食落都濃味而且雞肉都夠滑，雞肉如果唔夠仲可以任添，食完就可以叫火鍋。.🌟海鮮拼盤海鮮拼盤一共有6款海鮮包括鮑魚、蜆、蝦、魚、魷魚、螺，個人認為海鮮都幾新鮮，特別要讚係個鮑魚，真係大大隻咬落又爽口👍🏻蜆亦都大大隻相當肥美，成餐最吸引就係呢個海鮮拼盤，不過只係得一份😆.🌟火鍋放題（醉雞湯底）湯底香但味道唔濃，個鍋睇落好靚好適合大家打卡。不過

想嘗試呢間好耐，但見好多食評都麻麻地，一直無試。今日終於試吓。中午茶，價錢合理，啲員工好勤快，好似無分樓面傳菜。地方就唔係大，但坐落都可以唔迫。今日食點心炒個河粉。河粉有鑊氣，依家都己經好少有。大新份食客都有炒粉麵 同埋好多都係熟客。點心即叫即蒸，需然等得耐啲但熱辣辣正。炸咸水角有水準，見人哋叫其他炸野都好靚。剛剛中午都有人入嚟打火鍋，火鍋爐有特式，係傳統有個煙通嗰類。但火鍋一啲都唔平，未試過，有機會會試吓。飲茶嘅會再去

初心的点心品质非常一般。鳯爪排骨饭，骨少饭多，巨型鳯爪。叉烧包蒸过头，包皮偏湿。咸水角超多油，偏咸。店面服务急需提升。同款点心系不同点心纸价格不一，无良店取高价埋单。下不光临。

買咗coupon以為好抵，原來都有各樣嘅附加費。價錢都是差不多的，食物質素一般，服務很好。雞煲味道不夠濃，蝦比較細隻，如果食物質素可以提升就好啦。應該寫清楚附加費

間野不過不失 好食既但款色真係少前菜可以任叫火鍋料可以任叫海鮮拼盤同個刺身只有一客 不能加入到去先食雞煲，味道不過不失。其間我地問侍應想睇下火鍋料 有無紙可以睇下佢竟然話無佢話第一輪係出哂所有火鍋食物之後有咩加口頭講第一次見咁既方式火鍋料黎哂真係好少款丸得2款 手打個隻同普通貢丸 無其他無任何腸 芝士腸 魔師腸 獅子狗個D都無 款色好似10款左右啦...牛有3款唔同但唔知點叫佢拎某一款因為我地第一轉叫佢加牛肉3份出到黎款款唔一樣之後又無再加整體黎講小食OK魚皮比出面好多店都OK 牛正常海鮮新鮮到爆貢丸好多汁 同出面唔一樣水餃OK但真係無咩款...

難得遠離住嗰區外出，以及好耐耐耐沒有食得放肆，找了一間雞煲放題試一下，一坐低，落單姨姨殷勤介紹，印象分加分，難得餐廳又有刺身，一系列餐前小食，又有雞煲（因為一開始已經肚餓，食完先發覺唔記得影相），仲有火鍋任食，我哋點咗沙嗲火鍋湯底（要讚一下牛豬肉很新鮮），最後仲送個驚喜甜品，以及用嘅用具都好吸睛堂皇（附相片），以價錢都好合理，最緊要服務真係好好， feel到個Yi Yi工作熱誠，詳盡介紹，經理先生關心我哋夠唔夠食整體感覺良好！

初心呢排天氣都好好，所以去左將軍澳海傍附近，同屋企人飲個茶。見到呢間好似都唔錯，就入去試下。蝦春卷呢個蝦春卷外層炸得好脆，味道唔會太咸，蝦既數量有好多，基本上入面都有幾隻蝦，仲有d鮮同彈牙。鳳爪排骨飯呢個飯一上枱就好香，因為佢個煲仲好熱，所以飄黎陣陣既飯焦香，好吸引，如果鐘意飯焦既就唔可以錯過。排骨就有d太肥，如果可以瘦d就好。炸兩腸食炸兩腸最緊要就係佢個油炸鬼夠脆，而佢個油炸鬼都好脆，都係新鮮炸出黎，可以一試。小籠包小籠包皮薄，入面好多汁，肉汁都好鮮甜，好食。

第一次到初心，試了它雞煲火鍋任食前面的小食有松露多士 正😏三文魚生都新鮮、份量也足！雞煲 我哋只叫了小辣都算香 （不過下次可以加辣）之後仲有火鍋任食，南瓜湯底都鮮味 牛肉、牛丸、餃⋯任食仲有一個海鮮拼盤 ，十分新鮮！

今晚諗住打邊爐⋯⋯嚟左呢間試吓，見佢又有雞煲食⋯⋯又有刺身⋯⋯又有海鮮，都好豐富雞煲不過不失⋯⋯不過食到一塊豬皮曱甴味可能處理食材，處理得唔好黑松露蝦多士，呢個唔熱，同埋成口油，不過係脆口試身只有三文魚，普普通通食完個雞煲，要咗一個蟲草花南瓜湯底⋯⋯火鍋配料原來一次過上枱，如果好食可以再加，不過我哋冇加了響鈴，我哋需要佢換過，因為林晒，另外魚皮都係，疏左氣蟹子丸，貢丸，蟹子丸唔新鮮我哋淨係加咗肥牛，但係肥牛都好參差海鮮種類都係好一般，呢個海鮮盤唔可以添加的我喺第二間食雞煲火鍋放題，質素一定好過呢間，呢間最好嘅就係佢嘅服務，好熱誠，但係如果食材咁差，我下次都唔會嚟幫襯，佢哋呢個位置咁好，其實可以做好啲吸引客人，星期日應該會好多人，但係呢間仲有咁多吉枱，咁我都明白了

位於將軍澳唐俊街18號The Parkside地下G09號舖的初心食打邊爐放題。去呢度有趣嘅地方係先食前菜小食，再食雞煲先再打邊爐及甜品。是一個套餐形式。前菜小食比我特別嘅係蝦多士，然後就係三文魚。比起普通邊爐放題出色。

今日去了初心食 雞煲打邊爐自助餐，計埋今日，巳經去過三次，但今次 食物質素變差， 海蝦和蟹唔新鮮， 龍躉肉好鞋，肥牛和豚肉好鞋， 從未食過咁鞋嘅肥牛同豚肉， 手打牛肉丸都好鞋， 唔知用什麼牛肉，打到啲手打牛丸咁鞋，都是第一次食到噤差的手打牛丸。至於雞煲都可以，和 蝦多士十分脆 ，其他食物就沒有特別，十分普通。但這間餐廳出餐十分慢，當我第二次去食時，巳發覺這問題，之前是120 分鐘，今次變了150 分鐘，出餐更慢，時常要等食物。可能海鮮唔新鮮， 我返到屋企肚屙了幾次，所以，以後都唔會再 幫襯這間餐廳，列入黑名單。

午餐過來初心，第一次來來它的龍蝦餐，龍蝦都幾好食，連一個小菜，不用300蚊，但如果轉芝士焗就要加30蚊，整體質素幾好，點心有特價選擇，燒賣最抵食，如果想食點心又想食小菜的話，這間餐廳可以一試

年廿九同屋企人飲下午茶，疫情下揀間細細地嘅酒樓安全啲👾叫左1 set 乳鴿拼蝦伊麵$98（忘了影乳鴿）兩樣都好食，醃鴿唔會死咸，蝦球伊麵好足料。1碗麵有4隻大蝦球，爽口無雪味，仲有蔬菜、菇木耳，有大酒樓嘅水凖。呢個好抵食，好味！點心水凖一如以往，唔似交黎貨式，真心好食😋薑汁糕唔太甜又夠辣炸鯪魚球好味，如果有埋蜆芥就更好炸兩，脆口，腸粉似新鮮做，好味呢間酒樓勝價比高，雖然唔係區內最平，但好食、服務幾好、坐得ok, 勝價比高👏🏻👏🏻

勁恐怖，勁恐怖，勁恐怖！唔知唔夠人手定點⋯⋯我都只係叫咗兩款點心啫，11:45落單，到12:26先有得攞，外賣自取等咗足足42分鐘！係42分鐘！連隔離網上外賣平台車手都等咗半個鐘以上，等到忟！眼見門外企咗10幾人，幾乎係個個叫外賣都等咗30分鐘以上，真的很離譜。其實如果做唔切，就唔應該一味接單啦，電話外賣、apps加埋walk-in客，個個啲order塞死哂！明顯就唔夠人手！落單阿姐仲收埋錢同我講話等15分鐘，最後係要等40分鐘以上。我以後都唔會幫襯，真係要客無了期等太久。大家要買佢外賣都諗下先喇。

// 𝙐𝙣𝙙𝙚𝙧𝙧𝙖𝙩𝙚𝙙 𝙃𝙤𝙩 𝙋𝙤𝙩 𝙎𝙥𝙤𝙩 𝙖𝙩 𝙏𝙨𝙚𝙪𝙣𝙜 𝙆𝙬𝙖𝙣 𝙊 🥘 //-Located at The Parkside, neighboring to the low-density luxury residential area at Tseung Kwan O, “𝐅𝐢𝐫𝐬𝐭 𝐇𝐞𝐚𝐫𝐭” is a newly opened hot pot restaurant owned by Chef Chen, a 30 years experienced chef in Cantonese cuisine.🙌🏻 𝐆𝐫𝐚𝐧𝐭𝐢𝐧𝐠 𝐚𝐥𝐥 𝐝𝐢𝐧𝐞𝐫𝐬 𝐬𝐚𝐭𝐢𝐬𝐟𝐚𝐜𝐭𝐢𝐨𝐧 with not only their comforting interior design but also their delicate dishes on their Hot Pot All-You-Can-Eat menu.🥢-☞ 𝐇𝐨𝐭 𝐏𝐨𝐭 𝐀𝐥𝐥-𝐘𝐨𝐮-𝐂𝐚𝐧-𝐄𝐚𝐭 𝐃𝐢𝐧𝐧𝐞𝐫 𝐌𝐞𝐧𝐮 - 𝐇𝐊$𝟐𝟓𝟖With two hours of table time, ref