Fish & Chick (高街) (Closed)

一早聽聞過Fish & Chick係西營盤開左分店，一直好忙今日終於有機會黎試吓啦。地點：位處於西營盤高街，交通方便，附近巴士地鐵都只需短程步行。餐廳位置屬於該區嘅soho區，附近有多間不同餐廳酒吧，外國人較多，氣氛好chill。環境：屬於小店形式，地方唔太多，大概十張枱。一入門口就會見到好大個燒春雞爐，燒春雞撲鼻整體環境光鮮整潔，佈置有外國小店嘅感覺食物質素：有set lunch menu，頭盤我地叫左一個煙三文魚沙律同埋一個炸蘑菇沙律。三文魚同埋菜嘅份量充足，材料新鮮，醬料酸酸甜甜，相當refreshing另外炸蘑菇是即叫即炸，外層脆口入面juicy，配合沙律菜可以抵消酥炸嘅油膩感來到主菜，我地叫左一個燒春雞配甜粟米，另一個係炸魚薯條。店員好細心，上枱前已經將雞分成四份，方便食客享用雞肉烹調得好嫩滑，咬落去好juicy，香草醃料入味得黎又唔會太咸。甜粟米充滿著牛油嘅香味，作為粟米控嘅我，實在想再添食！黎到重頭戲，炸魚薯條！份量依然係好大！真材實料，唔會食落去成舊炸粉，魚雖然係雪藏魚，但食唔出果陣雪味。佢地用左粗薯條，比起用幼薯條更加有英國炸魚薯條嘅風味！再配上茄汁、沙律醬、檸檬汁同

四個細食女仔約晚餐，一個二人套餐加多個main，老細好好人都比我地要多杯嘢飲算數❤️❤️最後埋單一個人一百二，以地區黎講簡直正到爆啊炸魚超推薦，酥脆熱辣三文魚沙律連食肉動物都愛不惜手裝修有氣氛，傾計聚會好去處

之前一個平日晚上黎到呢度幫襯🤓我平時係完全唔鍾意食魚，所以男朋友提議黎呢度都覺得有啲愕然🥺 但係fish & chick 真心令我重拾對🐠🐟既興趣🤣呢個海鮮拼盤都幾抵，～$140有哂炸魚，炸蟹球，燒魷魚，炸蝦等等，全部都幾好食！炸魚都好新鮮😚另外，呢個烤雞係超級無敵霹靂好味！！！完全估唔到會咁好味😂💕 啲雞肉好soft & succulent 又有雞味，好後悔冇嗌到全隻烤雞添😅下次再黎一定會叫一隻烤雞，食翻夠本😆

呢間野成九點去食竟然都要等一陣，所以都幾有期望嘅。利申：我本身係一個好鍾意食Fish N‘ Chips嘅人，但係本身又唔鍾意食魚喎，唔得腥味，所以如果我話好味嘅話佢應該都真係幾好味下架啦。👉🏻薯條係好味嘅，雖然表面都有少少油油的感覺，但係薯條就梗係有㗎啦。質地同味道都唔錯👉🏻我揀咗銀雪魚，記得食西餐揀銀雪魚嘅話我係接受唔到嘅，完全唔覺得有腥味。好可惜佢竟然有腥味😨 👉🏻或者我應該揀第二種魚啦！佢嘅脆漿係做得唔錯👉🏻燒春雞係比想像中好味嘅，因為一般嘅西餐燒春雞都做到好乾好鞋口，而佢仲有嫩滑感，應該係黃油雞

中午經過就入去試下，結果發現咗新大陸！頭盤嗌咗個炸蘑菇沙律，發覺真係正，蘑菇渣得啱啱好，外脆內juicy，而且沙律酸酸啲，好開胃。烤雞係好食夾大份，啖啖雞肉，外層酥脆，內層雞肉好嫩滑，配嘅薯蓉都唔錯夠香口。檸檬紅茶甜甜啲，誤會苦口。值得下次再黎。

I really like to go this restaurant with a good view. Driver will love it so much as while u are enjoying the delicious food, u can watchin your car outside . The fish and chips are really crisp and yummy. And the price is reasonable too

喜愛吃烤雞的我，試過多間烤雞，經常路過此店，見到網上評價也很不錯，但中午或晚上見只有2-3 台客人用餐，一直想找時間去試試。剛好OpenRice 見到此店訂座有優惠，所以我選擇了最便宜的時段去試吃烤雞。12:00-14:30 有7折15:00-17:30 半價18:00-20:00 有6折20:30-21:00 半價我在平日中午經OpenRice 訂座，下午17:00 到達，見到2 個男仔服務員，當然這個時候餐廳是沒有客人，我可以一賞包場下午茶吃烤雞，點了一份半隻烤雞，配送$30 的配茶，我選了薯蓉，我沒有點飲品，一坐下時服務員很自動的给我一杯暖水，下單之後等了約10 分鐘，美食便送上。烤雞半隻，份量很足，薯蓉也不少，有1/5 隻碟的份量，應該3 人分享此下午茶份量都足夠，雞肉入味，雞肉平均位置都嫩滑，肉不會嚡，雞皮香脆可口，沒有烤蕉，薯蓉也好味，整體來說值得吃。我見到店內還有2 張BB椅，可以方便帶幼童來用餐。由於我是平日15:00-17:30 時段有正價半折，折後加上服務費$57 ，店鋪隔離就是一間士多，可以吃完即去買飲品，比較附近的下午茶餐，半隻雞仲有薯蓉，夠3 人享用，值得再吃

好耐無食過Fish&Chips 有心掛掛係Openrice search 翻見到之前食過嘅Fish&Chick 係港島區開左新一間分店而用Openrice訂位更有7折當然二話不說訂位去食啦！鋪頭距離地鐵站都有一定距離 而且要行上一條大斜坡行到上去都幾攰架! 😖鋪頭同另外一間差不多大小 但係講氣氛就無個間咁濃厚！大比目魚 $148之前試過佢地嘅石頭魚 今次就試下佢嘅比目魚啦~😋佢炸得剛剛好 魚肉又好滑 好香嘅魚味而且薯條似係用新鮮薯仔切黎炸 所以薯仔味好濃😋個人覺得唯一缺點係魚上面嘅鹽可以放係一邊比人沾黎食魚嘅頭尾部分因為無鹽所以會比較淡~橄欖油炒香蒜片辣椒意粉 $88呢個意粉真係好好味 👍🏻蒜味好出 好香 而且都炒到入曬意粉入面!😋反而辣椒味就淡左小小不過整體來説係好食嘅！😋Brother's Cider Apple $60薑味檸檬蜜糖茶 $38

本身係堅尼地城已經試過依間炸魚薯條店知道佢係高街都開左終於今日約齊人有機會試一試係咪同堅尼地城本店一樣咁好食高街依間都唔算大，不過我自己覺得好坐過堅尼地城個間。至少個間隔無咁窄唔係一條直行，啲臺都好似大張啲之前一直都係晚餐去食，原來午餐係有套餐架咼！$88起有前菜有國飲有主菜，我覺得幾抵食前菜我地揀左炸蘑菇沙律。沙律菜用左醋調味，酸酸地幾開胃！最好食係粒炸蘑菇，外面好鬆脆，裡面粒菇好juicy，最開心係佢粒菇底有放香草，所以味道更豐富！主菜我緊係試炸魚薯條啦！我覺得同堅尼地城個間無咩分別，都好好食！炸魚外面脆裡面軟滑又多汁，薯條因爲厚切，有口感又唔乾，配埋個酸瓜醬一齊食好味！我個friend就試左煎魚同意粉，意粉正常無咩特別，唔會太油係值得讚既，不過我個friend中意辣就覺得再辣少少會好食啲我地都無諗過最好食竟然係煎魚！佢魚皮特登煎脆左，不過舊魚又唔會煮過龍，好軟滑好多汁，而且仲有好好味既pesto! 依個真心好食好驚喜！我覺得比起炸魚佢仲好食！仲有一樣野我地都覺得特別既係個檸檬紅茶，無諗過佢會用蜜糖調味，所以唔會好甜配埋煎炸野食岩岩好，好清新可以解油高街依間fish and chi

星期一Monday Blue , 為了舒緩壓力，收工後去食好啲。這間炸魚薯條店位置比較尷尬，資料上說是C 出口、但其實是B出口與C出口之間，如果從C出囗走過去，就要下山，如果從B出口走過去，就要上山，兩者之間就是隔著行人自動扶梯， 或長長的樓梯。進去的時候尚早未有人，因此我就可以包廳了，而且全部職員只服侍我一個，哈哈！跟職員確認了優惠後，就點了格陵蘭的大比目魚（Halibut)，配有脆卜卜、熱辣辣的炸薯條，大大條的十分有囗感，食起來比麥叔叔的過癮多了！炸大比目魚酥脆香口，金黃色的炸粉下包著鮮美多汁的比目魚肉，水準一流。當晚沒有點飲品，但職員都不斷為我添水，服務值得讚許。

紐西蘭石頭魚炸魚配薯條🐠🍟 💲145法式原味烤雞（半隻）🐓 💲95（炒蘑菇另加$10）白酒汁煮鮮蜆意粉🍝 💲108檸檬罌粟籽蛋糕🍋 💲40🤩指定時段用app訂座可享高達50% off💁🏻‍♀️✅ 蜆肉晶瑩剔透 而且份量多🤩❔ 炸魚用既油係新鮮 無油膉味 但係魚唔算好新鮮 肉有少少黴 而薯條炸得太脆😕❔ 雞既賣相麻麻 睇落幾瘦弱 但係食落肉質算係嫩滑 配菜蘑菇係角切 個人就比較中意原粒上🍄🤣❔ 檸檬蛋糕一上枱都幾失望😞 竟然係兩片而唔係一件咁上🍰 不過旁邊既蜂蜜柚子糖漿味道就唔錯 同蛋糕好夾🍯👅Taste：3.25/5💰CP值：2.75/5🙋🏻‍♀️Service：3.5/5👁‍🗨Stylishness：3/5

●Cod 鱸魚+薯條($130)●記得喺好耐之前同daddy媽咪去食架啦～好似仲係臨近農曆新年添呀 哈哈😂係一個咁充滿東方節日氣息嘅時候 竟然係食西餐 我哋真係奇葩其實我都係第一次食一啲唔係魚手指嘅炸魚同唔係連鎖快餐店嘅薯條😅😅😂所以都唔可以話品論到啲咩但係食得出炸魚個炸皮好鬆化 咬落去有卡滋卡滋嘅聲音 但又唔會有油喺口腔爆出嚟個種油膩感魚肉亦都冇冰鮮魚硬實嘅質感同雪藏嘅味道 反而炸漿完完全全包覆住魚肉 可以保存住魚嘅魚油 令到魚味喺咬開咗之後隨著魚油一湧而出 味道好有層次😍😍讚!!!●滋味海鮮籃($140)●淨係嗌fish and Chips 又點會滿足到我呢個焚化爐呢😍所以我哋就嗌埋一個小食盤啦! 有炸魷魚 炸魚手指 炸蝦 炸魚同埋炸蟹球 性價比真係唔高 我會建議留返筆錢去附近食甜品/嗌多個fish and chips就算啦🙈🙈因為份量好少 而且啲炸小食都唔係好新鮮 有少少漏氣😢😢少失望●白酒蜆意粉($100)●呢個都係伏味有少少濃之選 最基本嘅蜆冇沙都做唔到 同埋感覺上似食緊浸咗白酒汁嘅意粉 兩者仲未融合一齊 如果更加入味就更加好啦👅💭💭💭好味(⑦/⑩)抵食 (⑥/⑩)💭💭💭

這間炸魚薯條店的炸魚選擇也多，是次進餐選了石頭魚，味道不錯，真係有魚肉，同魚肉係會比炸皮的地方多。然而，幾中意呢度既烤雞，味汁鮮嫩，唔會太咸，配上玉米就剛好。我最喜歡的是意粉，以意粉蓋住蜆，啲蜆係碟的底部，仲要唔厄人每隻都有蜆肉，唯獨有一粒係唔開蓋而冇食，蜆肉係有鮮甜的味道。其實坐低食既人唔多，建議可以用OpenRice book 枱先可享有9折優惠～

呢間啲炸魚同烤雞食過幾次都覺得好高質，之前揀嘅炸魚都係啲肉質偏嫩滑嘅，而今次揀呢個石頭魚就唔屬於滑溜系，而係肉質偏細膩帶點咬口又唔會韌同實，魚味重而鮮✨ 另外加咗個青豆蓉，實物呈鮮綠色有啲怪，不過又幾好味，比起佢係三色豆咁食好味好多同容易接受啲😂.烤雞就唔使講，一貫水準嫩滑非常，味道同肉質都好平均，唔會話有啲位特別淡味或者特別嚡口，另外今次配薯蓉，原來都幾飽肚，質感紮實😌.今餐驚喜位係呢個白酒煮蜆，諗住叫多個小食又唔想食炸嘢先揀佢，食落先知原來咁正，白酒汁非常香口，而珍珠蜆粒粒都脹卜卜，感覺晶瑩剔透，咬落去會咇汁鮮味超濃✨ 呢個真係必點😍

#二人精選套餐呢款二人套餐會包兩款頭盤或小食，兩款主菜及餐湯。如果想食甜品就要用優惠價追加啦。頭盤我哋揀左#煙三文魚沙律及 #香烤雞翼配薯條🍟 三文魚足足有四大塊，食落有少許香鹹的味道，沙律菜亦很新鮮。而雞翼及薯條即叫即整，上碟是熱辣辣的👍🏻.主菜方面我地叫左#烤雞半隻配薯蓉 及 #炸魚配薯條。烤雞非常推薦🤤真係即叫即烤！食落去外皮香脆可口，內裏的雞肉仍保持剛熟的嫩滑，肉汁豐富不會乾爭爭的。🙈下次去應該會叫一隻。.🏠Fish & Chick (西環)西環西營盤高街27號地舖