魚鈁 (汝州街) (Closed)

又到星期五食好西時間，本身其實心思思想去太子食飯點知想去間餐廳已經執左🥲最後黎左深水埗稔起可以食雞煲，正！次次黎親都爆棚等好耐，今次難得唔洗等位2個人例牌叫個重慶雞煲1個辣炒土豆絲再加枝青島麻甩得黎又滿足👏🏻如果未食過建議一定要試重慶雞煲，$208半隻份量仲要大，啲雞唔係得骨頭，煲入面加左菇、豆卜等配料，吸收曬啲汁嘅精華超級惹味！話佢係全香港最好食嘅雞煲絕對唔過份！另外見到好多檯都有叫炸饅頭，望落都唔錯，下次嗌多啲人黎試吓先🙌🏻星期五六建議訂定位先❤️

午餐，朋友話要去呢間店食，仲推介食魚片同牛尾飯。店係樓上鋪，真係唔多起眼，裝潢普通似一般小菜格局，面積都算大，有卡位有圓枱 ，都坐得舒服。我地一坐底未點餐就已經送上例湯，叫左幾個午餐share黎食。牛尾飯賣相靚好淋，完全入晒味。濃湯鲜茄魚片個湯好濃郁好鮮甜，魚片好滑。整體係好滿足，好好食，肯定會再翻兜。

想來呢度好耐終於嚟到🤭之前冇睇清楚餐牌以為係食辣野為主但原來又唔算四川菜反而感覺係一間食魚嘅餐廳🤣既然黎得食魚就梗係狂叫魚啦！三樣魚既菜式- 剁椒蒸魚頭、麻辣魚春魚卜煲、麻辣魚腩煲🐟雖然叫咗中辣，但其實唔多辣建議食得辣嘅朋友要叫大辣🌶🌶🌶魚頭好入味，剁椒酸酸地都幾開胃魚春魚卜份量算多，又係超入味，而且墊底嘅薯仔同青瓜好提升到味道👍🏻魚腩完全唔硬，好嫩滑，略煎過更香口～兩款炒薯絲同埋炒萵筍絲好爽脆，不過唔辣無咁惹味😂😂😂😂

叫左個剁椒魚頭個魚頭質素點我都唔介意最重要個味道好味但一開個盒 到底咩事？當我無食過定一個廚師完全冇煮過？個樣已經完全唔似都算 諗住可能食落好味啦食完一淡真係粗口都忍唔住講句d姜多過個辣椒全部都係薑味 跟住完全無辣味 啲薑味勁到鹹味都食唔出d水多到又稀 真係唔知咩事真係垃圾到收我100幾都算呢兜野但間餐廳出得先好野比返d食物尊重黎？咁都可以出街比客？真係嬲到開個帳戶出嚟留言鬧痴線 好難食

再次到訪魚鈁～每次去親深水埗都一定會黎平時黎親都必嗌生炒骨最鐘意夠脆之餘仲有新鮮🍓土多啤梨肉不過今次難得終於有剁椒蜆梗係要食啦 之前次次黎到都賣曬嗌左一陣就好快上菜WOW~~~有驚喜喎鮮甜又無沙 仲要好JUICE 當然 唔少得佢地既麻辣魚春魚卜煲真係一食愛上 煲底仲有青瓜 蘿白同土豆條食到尾岩岩好 超淋又入味最後仲有必點 椒鹽豆腐粒夠滑身 脆面+椒鹽整得岩岩好唔會太咸 暫時我食過最好食既一間順帶一提另一開心位係有特式沙冰今次黎到仲多左幾款揀 超滿足

好味指數：🤤🤤🤤🤤🤤抵食指數：🤭🤭🤭 (用外賣app, mark up太多)🌟🌟麻辣魚春拼魚卜🐟魚春走油走得好透，咬落好香口，實身唔會散開晒，同時好入味。魚卜滑嘟嘟，沾滿麻辣湯汁，食唔停口🫣特別值得一讚嘅係，佢嘅魚春魚卜量好多👍🏽，唔同以前食過兩間，配菜多過主菜，以為自己食麻辣薯仔蘿蔔煲😑 🌟🌟辣子田雞🌶同樣地炸得好香口，但肉質食落仍然好鮮嫩。乾身得嚟唔係炸到燶咗，亦冇一攤油喺底long 吓long吓👍🏽尤其鍾意呢度嘅田雞斬得較大件，食落啖啖肉😎唔同出面好多都斬到碎濕濕，雞軟骨咁嘅size😅✅乾扁四季豆不過不失，唔會太鹹太淡，不過可能因為外賣，食唔到鑊氣。✅楊州炒飯正正常常，夠乾身，米飯粒粒分明，唔錯。已經決定下次要去餐廳堂食🤓除咗因為唔想俾外賣app個價，更加係想試吓熱辣辣用窩上嘅魚春魚卜同埋新鮮起鑊嘅辣子田雞🤤🤤📍魚鈁 (欽洲街) 深水埗欽洲街58號米蘭軒1樓

魚鈁同系嘅魚鍋小甜甜舊年食過，佢嘅辣鍋真心唔錯，今次晏晝嚟到深水埗店，就試下佢個午餐。我揀咗重慶雞飯，送熱飲同老火湯 $55 仲唔使加一，好抵食。先嚟碗青紅蘿蔔老火湯，好足料，好清甜。食物上枱，碟餸份量非常多，相對碗飯就細咗少少。碟餸其實就係重慶雞煲嘅配料，主要有雞，豆卜同菇類，所有食材用洋蔥，辣椒，大蔥，薑，八角等爆香，非常惹味，餸飯一流。不過由於實在太濃味，差唔多食哂碗飯，碟餸仲剩唔少，唔想嘥嘢，於是一啖餸一啖芫茜，藉著後者中和一下重口味。下次我諗要叫多飯😁。

今日又係深水埗系列, 今次試咗間樓上鋪叫魚鈁,佢個位置係正西九龍中心對面,不過由於佢係樓上鋪關係,佢就無平時咁顯眼,一上到去就見到個地方好闊落同舒服,我坐咗落卡位之後侍應就即刻二話不說咁遞咗換湯嚟,好快手！ 睇完個餐單我就決定嗌佢地個重慶雞飯～呢間餐廳定位有啲特別, 佢午市就會賣啲茶記野再夾雜啲川菜,好似水煮牛肉,水煮魚呢啲～ 不過我就唔係太食得辣所以就叫咗個雞食～個餐嚟到就即刻好有驚喜！因為佢睇落去似夜晚平時食開個啲雞煲！無論係佢啲雞定佢啲配料,都炒得好香同入味,特別要讚一讚佢啲雞,肉質易入口得嚟佢既雞皮亦整到十分之脆,好惹味既一道菜！

一次機緣巧合下見到有人介紹魚春魚卜煲，由於我喺內臟怪😂見到咁正咁高膽固醇，緊喺即刻心心眼啦！正正正！即刻約個同我一樣嘅高膽固醇朋友仔去食餐勁嘅-🔸魚春魚卜煲 超勁多魚卜同魚春，食材處理得好好，唔會有難聞嘅腥味👍🏽而係啲汁收得好靚😍唔會水汪汪，啱啱好掛哂上啲魚春魚卜度！回味無窮呀👍🏽🔸酸菜魚魚肉好滑，起骨亦起得好好，食哂全部魚片都無骨👍🏽配料亦都足夠，大豆芽好正🤣湯底夠酸，如果再辣一點更好-由於佢係樓上鋪，可能唔太起眼，因為見到人都唔太多！咁好食嘅餐廳，希望多啲人支持同知道👍🏽👍🏽

身邊總有幾位友人不時到處嚐辣已開兩間分店的魚鈁是為其中一間極受友人推薦 主打不同配料的麻辣鍋 雞煲 酸菜魚及各種小菜他們的麻辣魚春拼魚卜煲更是又少見又獨特魚春甘香 結實不鬆散 滿滿的吸收麻香味 麻辣味混合魚春在口中炸開 頓時麻辣上頭忍不住加點一碗白飯拌汁 (੭ˊ꒳ ˋ)੭煮滾後趕快趁熱入口 不然會變得口感更硬實同鍋的魚卜卻是我們的大愛 無半點腥味之餘 爽脆鮮滑 每塊都煮得香香辣辣的 有咬口而不韌另一道的麻辣田雞煲也很岀色 田雞腿啖啖肉 份量也給得很足的他們的辣味都帶有少少醬油的甜味 吃下去感覺不算很辣(好像下次可以加多一兩個辣度 ˘͈ ᵕ ˘͈ )兩份麻辣煲底分別有青瓜 薯仔 蘿蔔作配料當中蘿蔔是最配合辣鍋味道和最容易入味川北涼粉亦是餐牌上其中開胃又好食的小食調配的味道偏酸而微辣 口感爽滑 雖然不是薯粉的那種煙韌勁度 不過也是另一種滑溜啜粉的爽快感他們家的麻辣鍋嚐過一次就讓人上癮大概下次會再訪嚐嚐麻辣雞煲和雞子煲(笑)𓇠𖤥 魚鈁深水埗欽洲街58號米蘭軒1樓༶ 麻辣魚春拼魚卜煲 ₁₀₈༶ 麻辣田雞煲₉₅༶ 川北涼粉 ₃₈༶ 乾㷍四季豆₄₈༶ 珍寶青檸樹 ₃₂𓇠

其實深水埗出名多美食，但咁耐以黎都未食過呢間，咁啱朋友介紹就試下，點知一試難忘！第一次食完再黎食，可惜今次冇魚春，呢個真係必試！.不過最好要訂位，因為都幾多人。麻辣魚卜- 麻辣味超香，唔食得太辣可要求少辣。魚卜好入味，而且大大塊好有咬口，底下蘿蔔同薯仔都一樣咁好食.酥炸生蠔 - 非常香脆，外脆內暖，生蠔大細適中。.醉鱔煲 - 正到暈！煮耐少少更加入味！鱔鱔大舊又唔算多骨，非常香酒味！極推介.炸饅頭 - 雖然好似好普通，但炸得真係好香！同出面好唔同！.酸菜魚麵 - 五十幾蚊碗勁抵食！好多魚，都夠滑，湯底唔係好辣，酸度中等。

Appreciate that they have the bilingual menu. Can pay a visit after your old town tour in SSP.The restaurant is lauded for its spicy hotpot with a variety choice of ingredients to choose.Its spicy fish maw and roe en casserole is the signature dish and recommended to make the reservation earlier. Otherwise, you are unable to taste it.In addition to the spicy hotpot, its deep fried dishes such as bean curds and special drinks are palatable and play the pivotal role (in my view). Deep fried bean c

新派川式菜館 ,不過味道都係好正宗必食水魚煮 仲有麻辣魚卜加魚春 辣到雙眼激突麻辣魚卜加魚春 酒煮花螺個種食法改用魚卜同魚春去浸煮 ,魚春個種獨有既腥味遇上激辛麻辣麻辣味道令腥味轉成鮮味, 魚春口感好難形容,但就係滑滑地有D爽口加埋佢又麻又辣既勁爆辣汁,又惹味又停唔到手!水煮魚 就跟返正宗做法 用川式香料爆料頭再落魚湯魚片唔係單純死辣,入口先麻再辣, 魚片只係岩岩好熟透,非常嫩滑有魚味消費$250深水埗欽洲街58號米蘭軒1樓

魚鈁(17/9) 星期五 晚上7點左右特式：呢間野筲箕灣都有分店，但今次係食深水埗個間，有預早book位，如果唔係我7點上到去都full左7成，見大部分都應該係街坊客，同職員看似好熟絡，7:30後已經要攞飛排隊。食物：叫左個麻辣魚春魚卜煲，size就好似大x樂/大x活d火鍋煲仔咁大，魚卜size偏細，但都做到爽口，魚春有先炸一炸過，無咁容易散開，唔腥，但有點硬身。見有個爐硬係順便試下d火鍋料啦，雖然我唔係叫個d火鍋/雞煲，但叫職員幫我加水比我打邊爐，佢地都好樂意。叫左個出面比較少食到既豬天梯，新鮮又抵食，68蚊有成14件，不過用嚟打邊爐口感就麻麻。另外仲叫左條蒜蓉炒萵筍絲，呢個好好咪，萵筍絲夠新鮮，又做得爽口，不過蒜蓉味就欠奉。飲品：叫左青檸樹同菠蘿椰香雪山，兩個都好飲，不過我唔太鐘意酸野，所以我覺得菠蘿椰香雪山好飲d。環境：舖頭唔算大，有卡位或大枱，唔算太乾淨，但又未到反感，坐位偏窄，但又未到唔舒服。服務：樓面態度ok，但人手似唔夠，見佢地好忙，想叫人落單有時都搵唔到人。價錢：以上既野食晒未算飽，埋單333，唔算貴，但同價仲有其他選擇，但佢既食物就比較特別d。

全部都幾正，經過深水埗嘅話肯定會再翻兜。大碟唔算貴。一家人去食，個靚仔仲提議我地唔洗叫大雞煲，建議我哋食細雞煲，試多幾個餸，份量啱啱好雞煲入味，細雞煲都夠5個人食（當然要叫埋其他餸先夠啦）。魚春魚卜煲，最期待係魚春，結果魚卜更好食！因為魚春係應該煎完/炸完先放入麻辣煲，過熟有啲硬，魚卜好滑又入味。配菜都好食，尤其有薯仔同蘿蔔，食到停唔到。薑蔥蠔都好好食，大隻鮮甜，熱辣辣，夠火候。個焗蜆就一般啦唔係好入味沙冰都一般，不過食到好真材實料，每啖都有青檸肉，係唔夠甜姐，幾大杯