漁民麵館 (Closed)

貴價食材平民化尖沙咀食肆林立，一個人總係唔知食咩好，多數就去食碗米線，不過今日就想食得特別啲，行過見到呢一間有花膠麵，價錢都唔貴，梗係試啦。可能由於尖沙咀鋪租比較貴，所以餐廳面積都唔算好大，不過入邊都好乾淨棋，而且光線十足，令人坐得都算舒服，下午茶時分又唔多人，環境都唔錯。最欣賞幾十蚊碗麵可以食到花膠魚翅海參，將貴價食材平民化，平時喺屋企如果要準備海參花膠都要放一些功夫，所以出街食就最方便，而且價錢都唔貴，性價比高。分量就唔算好多，不過味道就唔錯。特別一讚，大力推介鮮奶桃膠甜品好滑，好好食。估唔到喺小店都可以食到好食嘅甜品，而且仲用咗日本北海道3.6牛奶製作呢，牛奶味非常香濃。值得一試。下午茶時段仲送飲品，係速食之選，幾抵食。

今日行街行到攰晒，想食個下午茶，又唔想去餐廳食多士之類，見到呢間麵館有花膠麵嘅下午茶，咁正，便幫襯吓。店鋪座位唔算多，全店用木枱木櫈，裝修簡潔整齊，牆上掛滿招牌菜名，讓客人一目了然。打開餐牌下午茶餐送飲品。於是叫咗二份餐。榆耳花膠撈麵撈麵份量正常，但有三塊大花膠都幾大嚿，又腍兼好入味，所以嗰撈麵唔使淋上蠔油，麵身都幾爽，不過花菇有啲韌，榆耳細細片，吃不到味兒，另配有嗰靚湯，真的性價高。海參湯麵賣相都幾吸引，食麵緊喺先飲啖湯，嗰湯底好濃， 海參雖然細小小，但有兩條，又有大塊花菇片，我就喜歡食粗麵，麵條浸透落湯底都唔會變淋，仲爽口彈牙。最後叫多二個小食花膠碗仔翅碗仔翅無一般咁糊口，內有金華火腿絲，冬菇絲，雲耳，雞絲等材料豐富，湯底濃郁，花膠都幾大塊，這個小食唔錯。鮮奶桃膠這款甜品喺用日本3.6牛乳，濃濃鮮奶香，見到好多桃膠，滋補好吃，老公大讚。相信女士們一定這款甜品。餐飲杯烏龍茶太淡，嗰豆漿尚可接受。心想呢個價錢能品嚐到花膠海參如此高質素食物，算是超值。

尖沙咀一向是美食的集中地，而厚福街更是代表😋見近排新開一間 漁民麵館 以花膠海參冬菇做主題，而價錢係牛腩麵嘅價錢，就嚟試一試🧐兩個人點了四樣嘢，飽到捧住個肚走，原來份量這麼多😅花膠湯麵～三大塊花膠，三大塊冬菇，麵底很多加上青菜，表面好奢侈但價錢卻很實惠😝冬菇很厚很厚花膠夠軟又有膠質，湯底也很清甜，連湯都飲光光😍花膠冬菇扒腸粉~ 足料之選！就好似酒樓的一道菜，欠汁被腸粉索曬，很惹味呢，另外，辣椒油很讚👍花膠雞絲魚翅～真的有別於一般的碗仔翅，真材實料大大碗，黏稠度剛剛好，加上雲耳爽口，口感大大提升😋如果是飯桶的話就來一碗滷水雜錦飯，同樣足料，滷水味不錯，咸淡適中其實還有粥，糖水，飲品，不過太飽了，唯有下次再試😎

係The one 睇完戲醫肚，就去食~厚福街覓食！厚福街是出名的食街，而且不時有新開餐廳，而這家 漁民麵館 是由元朗本店開到尖沙嘴的，不用入新界都能吃到😋店鋪內外裝修都很古色古香，亦不失型格，保留漁民以木色為主，感覺清爽乾淨👍店員也主動親切，上菜很快，可能時候較早吧花膠，全都是花膠！😍很多道菜都有花膠，除了粉面飯還有糖水，特色飲品，選擇也很多元化呢花膠湯麵轉粗面，大大塊花膠鋪滿，湯底很鲜甜，清清地👍👍👍$48真係好划算！另外點了花膠雞絲魚翅，很大一碗，夠二人食，加點醋調味，好足料，好正😌晚餐總吃飯，點了滷水雜錦飯，有雞亦，雞腎，豬脷，紅腸，涵蛋，豆腐，每款有二件，吃不完😂😂滷水很入味，不會太咸👍點菜的時候，以為價銭相宜，貴價料，份量一定不多，但真的錯了😂😂

最近忙左好耐，休息點都要食好d。今次係第一次食呢間，三間分點，最近我地都係尖沙咀呢間，不，過可惜去到門口貼左試業中，好彩都有得食，我地叫左二個撈麵同一個腸粉，左邊係榆耳海參撈麵配烏龍茶（杯茶未到姐），右邊係榆耳花膠撈麵配桃膠烏龍茶外加多一個花膠冬姑扒腸粉其實大致上都無問題，唯獨最食腸粉無竹籤，同忘記比花生醬係另到今次感覺最唔好，加上唔知道係咪二個撈麵d冬菇大大隻食得好爽，而令到我感覺呢個冬姑太薄身唔多好食，不過呢個只係我個人感覺，唔知大家又有無呢種感覺呢？希望下次去可以有再多返d甜辣醬，同竹籤啦！我一定會再去食多次

要戒口的我，友人介紹食花膠撈麵，價錢又唔貴，等我戒口之餘不失霸氣。星期六晚上七時，竟然唔洗等位！餐牌都有幾多選擇，碗仔翅撈飯，海參冷麵，花膠瘦肉粥，海參扒腸粉都好吸引。最後我地叫左店長推介花膠撈麵，雪菊柚子花茶和兩份甜品。花膠撈麵份量都算多，食到一半成肚花膠都覺飽了，食唔哂個麵，花膠煮得夠林，連冬菇都好好食。雪菊柚子花茶十分清甜，非常好飲。甜品 桂花燉桃膠 超香桂花味 食落口好似jelly，幾好味。另一個甜品 花膠紅棗燉木瓜就不過不失，下次試下桃膠奶凍先！

同朋友一行四人一齊約尖沙咀食飯，試左依間新店。佢地用花膠同埋海參去創作唔同嘅野食，感覺都幾滋補養生。我哋叫咗一個冬菇花膠撈麵，都配合得唔錯，幾好食。冬菇好入味好軟好林，花膠如果再林啲可能會更加好食。朋友叫左一杯菊花熱飲，賣相好好，味道ok。我哋仲要左其他嘢食嘅，包括海參豆腐，花膠腸粉，桃膠凍飲等等，但係就冇影相。可能食左好多膠質，其實未話好夠飽但都唔太想再食野，haha^^ 可能此店會比較吸引女仔。下次再幫襯嘅話，我會試吓佢啲甜品，今次冇叫甜品。

前兩日同朋友嚟到位於尖沙咀厚福街嘅漁民麵館，見到花牌知道呢一間係新開張嘅麵店，我同朋友都喜歡嘗試新嘅餐廳，見到餐牌係女士最愛補品花膠仲見到個餐牌有咁多特色嘅小食同埋飲品，我哋就一齊入去依間餐廳。首先，我哋叫咗一個海參肉鬆豆腐，凍豆腐配上肉鬆同海參，係一個簡單得來又好開胃嘅小食，加上海參嘅點綴更滋味。然後，再嚟一碗花膠瘦肉粥$48，清一清腸胃。再來一個，冬菇花膠粗面＄58，價錢唔貴，大大嚿冬菇同埋分量十足的花膠，值得讚👍最後再來一杯熱熱的雪菊柚子花茶。非常滿足總結，服務員嘅態度良好，食物不錯，用平民的價錢可嘗到滋補花膠正

在厚福街覓食，無意中發現呢間新開的充滿滋補感覺的小店。。。點解話佢滋補，睇睇餐單就知道~滿一滿既花膠啊，海參啊，仲有好多桃膠糖水啊~點可以唔試下先~本來只係想吃個糖水做宵夜的，宜家變相連晚餐都吃咗多轉。我地點咗個花膠雞絲粥，上檯是咁的。。。內裡是咁的。。。真係好足料噶~然後再點咗個花膠冷麵同酸薑皮蛋（請原諒我吃咗入口先醒起未影相，破壞咗酸薑皮蛋的美感）~最後再來一個凍桂花桃膠糖水~晶瑩的桃膠就來滿出來咁滯，兩個人share一份都滿足。對於沒特別想法之時遇到呢間充滿膠原蛋白的小店，我同朋友都表示非常滿意，絕對會再回頭！

近來有越來越多主打甚麼以養顏花膠來作食材製作的粥粉麵店，其中之一的表表者，便要數到這間"漁民麵館"....發跡於元朗區，後來又在荃灣開店，到最近更殺出新界落戶於旺區尖咀的食街中，志氣真是可不小呢....新店還在試業階段，運作上尚不見太暢順，好像今天我點了碗花膠瘦肉粥，最後卻來了雞絲.....這種下錯單的情況，在不少新店營運時是屢見不鮮，某程度亦是能理解的....許多人入來，點的大都是這兒的花膠撈麵，但我反而對她的粥更感興趣....一看這粥底就知對版 ---- 米花全爆開之餘而且佔全粥的比例非常多。質地極膠極綿之外又不會吃至米水分離。食到近碗底，粥的綿度仍絲毫無減....這是甚少見到的....粥甚具米香，調味上倒比我想像中的濃，味帶甜。吃完良久後不覺有咯喉口乾之狀況。可以證實的是，這粥底確是真材實料熬出來的....說它足料，除了其粥底外，還有那滿佈粥中的手拆雞絲，還有口感偏帶爽脆的花膠....有粥，自然就叫些別的物事來送粥....這一碟冬菇海參撈腸粉，創意與豪華度是甚足。冬菇在份量上是佔有大多數，其肉甚厚身菇味亦見濃郁；海參個人略嫌太少且比較碎濕，若不仔細找的話真甚難揾到；腸粉用的是蔥花

位於尖沙咀厚福街的 還是試業中,  我和男友要先睹為快，襯中秋節正日在這裡食個簡單晚餐 。 地點好易扛搵， 就在厚福街中間。如果以麵館來說店舖都算幾大，夠晒光猛 ，全店都是木家具，新派設計但保留了小許全統麵店影子。 食物種類選擇不太多, 以花腸、海參等矜貴食材入饌。我選了 $48, 因為天氣熱男友話無乜胃口所以點了 $58 醋酸汁先上枱是 $43, 平是食到大多是 皮蛋肉鬆豆腐 ， 當皮蛋換上海參所以價位亦有所不同。 凍豆腐上灑上大量肉鬆，海參切絲放面， 這道小食基本上是不敗的,  雖然海參不太入味，但味道來自香口肉鬆， 又不會膩口，當小食一流。 碗仔翅已經買小見小, 所以我好想尋回兒時的味道. 所以好期待試  份量適中, 岩唔太大食的女生。從前碗仔翅是街頭小食， 基本上會用上雞絲、粉絲, 冬菇、木耳等材料， 而這碗翅材料上也跟足, 只是湯底不算濃郁， 味道唔夠出，重點是唔夠熱， 有點失望。  $58 醋酸汁一上枱已經可以聞到醋酸味，  用上是相當索汁的白麵，配料也相當清新， 有青瓜、  炸菜、冬菜和花膠等。 材料配搭不俗，花膠略嫌硬，但醋酸汁十分醒胃，非常適合夏天的麵食 。個

早前看過介紹元朗漁民麵館的花膠撈麵，已經一直心思思想試，後來得知尖沙咀開了分店，就趁這天在尖沙咀聽講座前去試試。一進入店內，看到很多木的裝置，小小的木座椅坐起來又幾舒服，掛在牆上的一個個木菜牌，很別緻，很有漁鄉情懷，跟店舖名字及主題非常配合。食物方面，我點了一份海參瘦肉粥和一個花膠紅棗燉鮮奶。海參瘦肉粥 $45海參軟韌適中，瘦肉切得很幼細，容易入口，粥底相當棉。花膠紅棗燉鮮奶 $55燉盅好精緻，花膠也是切得非常細薄，容易入口及消化，鮮奶味極香濃，細問之下得知是用北海道3.6牛奶，再加入一些薑片燉，令整個味道配合得非常完美，感覺潤而不膩。總括來說，食材方面下了不少心機和功夫去預備，才可做出這樣出色的菜式和甜品，如果有湯就更好。

喺尖沙咀呢一個遊客熱點，特別係厚福街呢一個餐廳林立嘅地方，最近開了漁民麵館！一間細細的麵館有咩咁特別？就係呢一度有出面好少食嘅花膠，海參和冬菇。究竟漁民麵館係咪海味鋪開的生意？😏 留待各位幫我證明下愉耳花膠撈麵，有得揀粗麵。花膠的主要成分為高級膠原蛋白、多種維生素及鈣、鋅、鐵、硒等多種微量元素，是理想的高蛋白低脂肪食品！花膠喺屋企都少食，因為工夫都幾多，不過小店做得好好，好入味。而且花膠份量都好多，也有養顏之效，簡直係女人的恩物。冬菇蠔油味好香，炆得好淋又入味。超厚身的！而附上的高湯呈奶白色，飲落好清！辣醬皮蛋 $20同連鎖米線店的不同，呢度買嘅皮蛋少咗一份味精感覺。食落辣醬不嗆，恰到好處！欣賞小店只係專賣幾樣食品嘅態度，健康又好養生，依家食店好少賣呢d製作過程要功夫,但係又唔可以賣得太貴的食品。另外仲有桃膠甜品，價錢都幾實惠。可能因為呢個原因，入面的客人好多都係女士，有d仲好似我咁，一個人黎食。正所謂，做女人唔補係唔得。

近日時常都在尖沙咀工作，所以到處找尋早午餐， 今天午餐時間，一個人走咗入一條短短全是食肆的厚福街，這條街真的中西日美食齊集， 但就偏走入了一間叫《漁民麵館》，大家估下這間其實是食什麼的?門面的裝修樸素簡單，只用上一些簡單的木製裝修餐牌細看都有不少的選擇，除了麵以外，其實還有飯吃，食材方面也有分冷熱餐廳內的裝修和門面一樣，都是採用一些簡樸的設計，不賣弄什麼花巧奢華的效果，使人感覺比較平民這次選用了這裏的冷盤食物，叫了他們推介的[ 漁民海參冷麵 ]更選用[ 芥末味 ]當然除了主角海參以外，還有旁邊的配菜，分別用了木耳絲.青瓜絲.冬菜及菜譜芥末味配上冷麵味道突出，但海參只有兩三嚿， 每舊只有一茶匙的大細份量，這麵整體份量，只能可給予一個女孩子的使用，好像我們男士絕不夠享用，但要賣上60元的價錢還沒有飲品，價錢方面，自己衡量是否合適

新店開張，位於厚福街呢條食街，好多時有新食店都想去試下。呢間標榜花膠、海參等食材嘅麵店原來元朗早有本店。店內環境幾好，冷氣夠哂涼，座位距離適中，坐落唔迫，不過如果之後多人黎就唔知喇。 🍞食物方面🍞【榆耳海參湯麵】榆耳、海參真係要用彈牙黎形容！食落好爽口，而且同生麵真係幾夾，生麵無「簡」水味，不過海參嘅海鮮味因為洗得太乾淨嘅關係，變相淡左。不過睇番份量就太少，麵嘅份量唔夠飽，呢樣要扣分。一開店已經咁，之後多數更唔抵。🌿🌿🌿🌿🌿🌿🌿🌿🌿🌿【榆耳海參湯麵】：$48⭐️⭐️⭐️環境：冷氣夠，坐得幾舒服⭐️⭐️⭐️衛生：暫時仲好乾淨⭐️⭐️⭐️⭐️ 服務：waiter太新，未慣要留意客人嗌落單⭐️⭐️抵食：麵量太少，但榆耳、海參高質⭐️⭐️⭐️