花滿樓京川滬菜 (Closed)

去左2次, 真係好好味! 高力豆沙, 餚肉好正, 蘿蔔絲酥一上枱熱辣辣, 好香, 連我朋友一向唔食酥製品都話好食. 小籠包好多汁, 唔係誇張, 真係好似醬爆咁, 我一咬, 入面d汁咇出黎, 嘽左去牆度...而2款羊肉菜都好香.我覺得最唔好食係最後佢請你食o既桂花糕, 好似o者喱咁o既, 入面有杞子同桂花, d味好怪...老實講, 我真係食唔落...環境都好好, 好舒服, 如果有多幾個朋友一齊去, 可以坐sofa位, 仲正!有cushion用tim~我2次都係星期四8p.m.去, 唔洗等位. d 侍應都好nice. 但係呢間野你唔留意真係睇唔到, 只有一個侍應o係樓下派傳單, 而o個間野都幾忍閉...

26/6/05 (星期日)我好耐未食過一間咁有水準0即上海菜!味道好! 坐得幾舒服! 環境都幾好!當日我同朋友倆個人叫0左5 樣0野:兩道前菜: 1) 餚肉2)竹油筍主菜: 沙窩雲吞雞點心: 上湯小籠包(一籠4 隻)甜品: 高力豆沙/香蕉(一客3 個)以上5 樣0野樣樣都"好味""好正" , 我0地全部食晒。我唸我會再去多!

我好久未食過一間咁有水準0即上海菜!

朋友LKF Tower開店試業, 諗住去捧場, 之前相約幾位靚女附近食個晚飯順便update早幾晚各自各精彩下文, 近近地就揀呢!有位靚女知我喉嚨唁舒服就叫個滋潤湯水俾我, 太耐啦唔記係咩湯, 只記得有蘿蔔! 印象中都幾好飲.....仲有叫個糖醋魚, 魚係新鮮, 魚肉鮮而腍個汁甜味重, 可以啦! 仲記得有個芝麻大餅咁上下, 好香, 唔錯.呢度服務好好, 真係有求必應! 加上食物都可以接受, 價錢亦唔貴, 坐卡位幾好, 可以再!

早幾日先有得試,因為平日LUNCH 成日爆! 前菜- 青瓜好爽脆,好味!叫左:清炒豆苗- 有少少蒜香,不太油膩,唔錯!排骨菜飯- 菜飯好入味,因為有金華火腿,但係略厭菜太少. 排骨鬆化味濃,岩晒我呢隻上海妹!小籠包- 蒸籠內放既係普通蒸點心入面既紙,所以小籠包痴住晒,而且包同包之間排得太密,皮又戶白痴. 皮薄汁多,可惜四隻都穿(係一拎起就穿!!!!!) >.< 可惜!雷沙湯圓- 唔知點解,食左一個菜(豆苗) 佢就上個甜品... 一頭霧水! 搞到攤凍晒先食... 不過甜而不膩,好味!! 兩個人埋單: $190

去過花滿樓兩、三次午飯, 好多野如蝦餃、春卷等都好好食, 擔擔麵都好正! 唔鍾意spicy 的唔將o的麵撈勻o的湯就得啦. 不過覺得甜品如高力豆沙一般. 野食唔係好貴, 服務都幾好. 係會再去的地方.

Set lunch 只係$65加一加茶錢$5，包前菜、麵或飯、甜品、飲品，勁飽。散叫麵只係$35，超大碗，但偏油，亦表示夠正宗，D野來得好快。炸醬拉麵、嫩雞燴麵正，生煎飽個底好脆，咕嚕肉林得黎好味，唔同一般廣東式，桂花糕、高力豆沙好味唔太甜，總之樣樣都好味，除左小籠飽個皮厚左少少。一個星期起碼幫襯兩次。

唔知幾時開始，所謂的京川滬菜館開到一街都係，都必定有個靚裝修，但食物就好大路，呢度亦唔例外。地點極近我舊公司，今日約左舊拍檔來食飯。呢度以前係間中式酒家，裝修左之後就變左間京川滬菜館。環境唔錯，不過四人檯就擺得較密，如果有六個人的話，坐U形疏化位會好好多。午市有客飯及麵兩款套餐，未坐下拍檔已主意叫左擔擔麵同炸麵拌麵，冷盤前菜則要了素鵝及醬蹄，甜品是紅豆糕，仲包兩杯山渣茶。擔擔麵比冷盤還早來，碗很大，所以湯汁亦較多，總覺得正宗擔擔麵是細細碗的。麵質爽亦頗彈牙，湯底不辣，還有麻醬味道，算係咁啦！兩個冷盤皆一般，素鵝頗油，腐皮面亦不脆，麻麻地；醬蹄只有很薄的煙燻味，沒什味道，叫其他冷盤好過；炸醬拌麵最後才到，又係用咁大個碗。炸醬在中間，青瓜絲在兩則，賣相都不錯。但一撈就知有問題，就係個麵餅好實，好難撈。在花點力氣撈勻後，味道也過得去，起碼麵身叫做彈牙。連兩杯酸酸地的山渣茶同兩舊普普通通的紅豆糕，埋單一百五十幾。以食京或川或滬菜心態來吃就麻麻地，但來傾下計聚下舊又唔錯，因為幾好坐。