Video
7-min walk from Exit D, Chai Wan MTR Station
continue reading
Payment Methods
Above information is for reference only. Please check details with the restaurant.
去東區醫院探病，原本想行去新桂香買個叉燒飯，見到排長龍，作罷。周圍逛下，經過呢間舊式麵包店，見到賣緊$5一個麵包，今時今日呢個價錢好吸引。即時買左一個雞尾飽加一個菠蘿飽，兩款都係港式經典。攞上手兩個麵包都仲係熱既，應該係新鮮出爐。先咬一啖雞尾飽，嘩，好食到不得了。麵包好軟，內餡十分香，有奶香味，超贊。秒速KO雞尾飽就試菠蘿飽，味道跟太子名店不相伯仲，菠蘿皮很脆很香，但價錢就平一截，可能租金比較便宜。
continue reading
一直都好鐘意食呢間啲菠蘿包，岩岩出爐，3點幾，新鮮熱辣，好軟熟，好好味，個皮好脆，個包又唔會好似啲連鎖舖頭咁，一陣風，$4 蚊一個真係好抵食，不過啲姐姐就 cool 左啲啦
continue reading
非連鎖式餅店已買少見少，這種非自助式要同阿姐講要咩包由阿姐幫你夾嘅就更是老店先有。森美話齋，人對合理物價的概念，總會等留在某個美好時空。而對我這些在窮人地區葵涌長大的80後來說，在我心深處永恆的合理物價是停留在中學時代，廿蚊可以食到一餐，五毫一蚊一包媽咪麵芝士圈，樓下麵包鋪一蚊一個嘅咸豬仔同兩蚊一個五三個嘅腸仔包。港島區總給予我這些九龍新界人一種高傲嘅感覺，彷彿落街買個包都要精心打扮過一樣。不知是否因為港燈比中電貴，一過咗海啲嘢賣貴少少都會覺得合理。呢度嘅菠蘿包$3.5, 其他傳統齋包也是差不多價位，算市井之選。反而一些新式少少嘅包如肉鬆包、pizza包、芝士腸仔包等等就要賣到$6~7，貼近連鎖餅店嘅價位。幫襯過幾次，試過紫菜肉鬆、吞拿魚燒餅同pizza包。size偏少，男士可能要隊兩個先有飽足感。味道就是舊式街坊餅店嘅味道，麵包質地偏實，少少鞋口。紫菜肉鬆面頭掃了一層糖水用嚟黏住塊紫菜，甜甜哋好似茶樓啲叉燒餐包咁，幾有趣。漁灣邨附近好像就只有它，所以早上生意很不錯。相中的麵包膠袋是重用的。相信咬個包當早餐係不少香港人嘅習慣，商鋪同一般顧客都好慣性地一日一包一膠袋，造成嚴重的浪費及生態問題。看過陳曉蕾的一篇文章，薄身膠袋若能重用多次，其製作時所釋出的二氧化碳是比容易破損的紙袋少，因此更環保。其實愛惜地球由每人每日一少步做起，最簡單食完包個膠袋唔好黎手就掉咗佢，至少重用多幾次，而更好當然是能自備能長期使用的麵包袋或食物盒，做個有品的美食家。
continue reading
繼食完冠華樓一點都唔滿足之後，去聖安娜買左個普通甜餐包填肚，還未夠，但心想：在連鎖麵包店再買多個包，那麼當初為何不直接買家庭裝麵包好？所以還是打消了念頭。去體育館前，剛巧路經此店，「看到五時後每個麵包減一元」的字後，就停下來看看有沒有東西合心，街坊小店麵包款式不多是正常的，正當沒有選到合心麵包時，聽到「菠蘿包出爐」數字後，便心動買了個來試。果然真的是新鮮出爐，麵包熱得有點盪手，但這麼熱才夠好味，菠蘿包外脆內軟的，包皮非常鬆脆吃不出太大的甜味，對我這個吃慣無糖的人來說這甜道可以說是剛好，但對一般人來說可能味道會較淡這個沒什麼味道的菠蘿包吃過後不會令人有想要再吃的衝動但索價兩大元還有什麼好挑剔的呢？
continue reading
今日因為工作關係面去柴灣, 經過飛龍餅店同事買左兩個蛋撻起初覺得冇咩特別, 不過佢熱辣辣咁應該都好食食完之後覺得非常好食, 撻既邊有少少濃味好脆好香又唔會碎哂入面既蛋外表上同普通既冇分別, 但食落好滑, 甜度岩岩好整體黎講食完又唔會成口碎, 好好食!
continue reading