火水爐花膠館 (Closed)

未試過食得咁唔開心 所以要寫食評9點時段入座 揀90分鐘牛小排無限任食火鍋好快就到 坐左15分鐘有員工問石鍋燒上埋嗎？我已經答但d牛都未到員工就答個石鍋都要等一等 未咁快熱(當中有催員工 佢地既答法係廚房忙梗 肉切梗 幫你睇下)如是者入座30分鐘先黎第一轉肉而且黎唔齊 嗌左4樣野先黎得2碟 每碟6定8片然後我已經即刻再落第2轉又嗌左4樣野又等左20分鐘 又正係黎左2碟牛舌之後我再落第3轉順便問員工其實會唔會可以快d 又或者我可以寫幾碟？員工話盡量幫你同廚房講 但唔知得唔得最後當然無再黎過肉 而係同我講15分鐘last order其實真心好想即刻order睇佢既上肉速度係咪真係要切咁耐 但又覺得佢其實唔會黎 之後就話你夠鐘呢間野之前唔係放題好明顯係生意慘淡先轉但如果你牛肉有限比客唔該寫明喇又要怕比肉客又要做放題姐係前後2個人共吃了 2碟牛同2碟牛舌另外唯一想讚係員工好好禮貌 全部都經過訓練如何應對客人催牛肉既解決方法如果你係素食者 歡迎你去食佢既自己夾既放題區但你諗住去食到牛肉放題既話可以試下真心希望係我咁岩唔好彩定係間野本身真係咁樣

最開心係即興約食飯，有朋友願意赴約。較早前都想試，適逢朋友入屯門做野，肥妹又WFH所以就去食。我們點椰子雞湯底，個湯底好甜，係雞淡左小小。我們食左雞煲，打邊爐加燒肉。牛肉都新鮮，雞煲都不錯，仲要加埋燒肉，真係食到捧住肚走。

原先諗住打邊爐， 原來人地係食 雞煲+火鍋+石鍋燒， 仲有自助小食bar, 一次可以係一餐裡面， 做晒 「你想點就點」既食法。 小食吧個到， 無咩啱我地食， 唯一係有個好野味既炒硯， 先生話， 好難先拎到4隻返黎，🤣🤣因為比人拎晒， 但真係幾好食呀。 個雞煲， 我地叫左走辣， 但無諗過佢都好出色。 夠晒入味。 仲要… 店主真係識d野， 佢仲加埋豬皮、 豆卜入去雞煲裡面， 索晒d 精華。 真係好正呀。 如果淨係大人食， 添返d辣應該會更出色。 火鍋 我地又㨂左好清既 花膠雞 湯底， 花膠 有4塊好大塊既係個煲裡面， 真係拎黎敷mask 都得架。 超級大塊，超夠誠意。 個湯底味到略嫌淡味， 食唔出個雞湯味出黎。 石鍋燒， 我地拎左去燒肉、仲有燒午餐肉都幾好既。 👍🏻呢到既staff 個個都好有禮貌，又爽手， 環境都乾淨，坐得舒服。最後， 仲有movenpick 雪糕食， 個個食到肚仔捧住出門口🤣整體黎講都唔錯， 會再返轉頭既選擇。

成日午餐食嚟食去都係果幾間米線、見到火水爐有米線食同車仔麵喎、咁就試吓啦。好似話四點之後打邊爐啦、所以四點前要去吃！佢$60嘅呢一個米線餐、加多$4又凍飲！奶茶係OK嘅唔錯唔錯～最好最好食真係嗰個黃金蝦卷。酸辣米線嚟講啦、佢個湯底唔係好得、我仲要叫侍應比甜豉油我溝湯底。🥲咁但係咁講～我都會再去食嘅～因為呢一個黃金蝦卷真係好深得我心❤️咁咪重點係坐得都好舒服😌侍應大致態度都良好。👍🏻👍🏻👍🏻👍🏻我最希望最希望有關嘅負責人睇到嘅話改善一下湯底咁就真係最Perfect啦⋯⋯😄

本人今日經openrice book呢間餐廳，準時去到後負責人問我哋係咪午市火鍋，我哋話唔係，就咁食車仔麵。點知佢答我咁冇得經openrice book，你取消佢啦。我話下，openrice個到冇寫喎。但佢堅持，咁冇理佢照食。一坐低，冷氣大到我哋個個嗌凍，佢話中央冷氣搞唔到。 我哋7個人一張枱，問佢可唔可以攞走隔板，佢話打邊爐先得！ 咁係咪即係歧視叫60幾蚊碗麵嘅食客呢？如果餐廳咁想做午市打邊爐客，不如你取消車仔麵menu啦！ 食到一肚氣！ 最後我哋同openrice反映，openrice回覆話餐廳堅持唔肯改我哋booking為出席，所以openrice都做唔到d咩。老實講你咁樣做生意幾蚊雞都想慳咁寒酸唔好做生意啦！

外賣自取半隻特濃花膠雞$188，雞份量比較細、雞無味，有兩條長花膠，抵唔抵食見仁見智。木耳有酸宿味，我哋食左几片無食。帆立貝都係細粒，淥完得返1/2 😂。牛板腱同黑毛豬肉質尚算嫩滑，因為我哋有去街市買丸同鮑魚同蝦等等，四、五個人肉既份量係夠食既。非繁忙時間領取，門口收銀枱姐姐指住地下叫我拎。因為都order咗六、七樣嘢，有大紙盒裝。但係無客人，點解唔可以將食物放喺枱呢？有其他選擇我未必會再揀呢間了。

喜歡食車仔麵的原因，就是因為配料選擇多，我是這食店的常客，差不多每個月都會最少光顧一次。今日11.30am已到達食店，食店門口掛上即日放映的餐牌內容，頗有特色！食店裝修以懷舊風格為主，以綠色牆身和綠色梳化椅卡位為主，間格非常濶落舒適，地下舖了古舊階磗，近天花位置更擺放了一排排的火水爐裝飾，加上燈光柔和，播放着現代的流行曲，懷舊和現代風格混和一起。招牌車仔麵餐可選兩餸($58）、三餸($62)、四餸($66),可選花膠件或海螺片，湯底有五款(清雞湯、番茄湯、芫茜湯、沙嗲湯、麻辣湯(大、中、小辣)，麵底有十款，有些麵要另外收費，配菜已有38款，某些配菜要另收差價費，跟餐的飲品是一般的咖啡茶，亦可選汽水或紙包飲品，而轉特飲的收費是加$12，也有港式、台式、泰式小食，小食價錢一律$28。小鍋米線餐可選皇牌豬扒、 脆炸雞脾、 鱸魚片、 豬腩肉 、黃金蝦卷小鍋米線，價錢一律$60，可選酸辣、 麻辣(有大中小辣)清雞湯，配料和飲品可參考車仔麵餐。溏心蛋飯，有九款肉類選擇，價錢一律$60，另外追加配料價錢由$8～$18，飲品可參考車仔麵餐。由於我們是常客，每次都會選車仔麵配花膠和豬扒的，今日選了下列車

第5次來這裡打邊爐，依然水平還是很好，今次還多了點驚喜，就是熱石板燒，整體上還是很滿意，牛肉的質素、環境、員工質素。今次第一次9點後打邊爐，價錢更抵，會繼續支持！封門柳是我自己比較喜歡的，豬肉片我就一般，特別板燒後的豬肉片，豬肉那種我不喜歡的味道帶出了，但如果放湯就比較少。牛肉我還是比較喜放湯，但如果能提供岩鹽用來板燒時加以調味，成件事會更加好，雖然牛肉質素好，但如果少少岩鹽提高牛肉鮮味，板燒我會喜歡多一點，個人還是喜歡打邊爐放湯。

一開頭有個雞煲 見我地食到一半就會問要咩湯式打邊爐 之後有熱石燒肉 我地揀左沙嗲花膠湯底 因為網上見到啲人話沙嗲湯底好味 我地就試下啦 我同家姐就鍾意食燒牛肉 配埋個燒肉汁好味 本身冇拎到燒肉汁就覺得麻麻地 但試咗點燒肉汁真係好味好多 其他人就鍾意沙嗲花膠湯底打邊爐 出邊仲有好多嘅小食可以拎 炸鮮蝦韭菜餃😋燒乳鴿覺得好味 飲酒會比碗裝🤪最值得一讚係服務超好 同埋一次過可以食到雞煲燒肉同埋打邊爐 滿足到唔同嘅人想食嘅嘢👍🏻👍🏻👍🏻

行完書展返到屯門已近9點，超餓但又好多食肆都差不多關門。行過門口任食，可食到10：40，時間都好夠，就試試9：00後宵夜時段，選左$258 的特選牛頸脊。一上就先上個雞煲，賣相味道份量都ok 的。煮一煮，好惹味上完雞煲，就可選湯底開始火鍋，另外會上舊石俾你，可將用在火鍋煮，還是用石煮。相比下，我覺得火鍋較好食。牛唔記得影，每款出時都有張紙俾客人知自己食緊咩，同埋都好整齊。除外指定肉任點，餐廳都包左一些小食任食，仲有蔬菜，菇，粟米等等，約有二，三十款俾客人自助取。有任飲飲料向一款雪糕贈送。整體滿意，這價錢有這質素係唔錯。

火水爐花膠館內是一間裝潢八九十年代的餐廳，當中有不少霓虹燈及舊式冰室的裝修，例如格仔地，及接燈花紋的枱。店舖內播放的歌曲也是90年代後的著名廣東歌曲，讓有一定年紀的朋友也會感到仿忽回到重前一樣。這間店舖的午餐主打是車仔麵播一些碟頭飯。我這次選擇了這個蔥油豬扒糖心蛋飯，豬扒10分酥脆鬆軟。豬扒使用炸的，然後你還可以加上枱上配備的炸蒜油醬，讓豬扒更加豐盛的感覺，但是不加額外的炸蒜油醬已經很足夠。雖然感覺10分油膩及重口味，但是由於送花的口感讓你感到10分送飯。加上糖心蛋的味道也十分良好，沒有額外調味。讓大家可以在酥炸豬扒的邪惡感覺中走出來，平衡一下，加上白菜是烚的，讓大家感到健康一點。偶爾吃一下過油膩的食物也不失為一個慰藉心靈的好選擇。

之前食過一次，佢既沙爹湯底真係好濃好好食！但今次佢裝修完再光顧，多左一d熱食，其中白雲鳳爪同鹵水乳鴿真係好味😋牛肉都幾好，6個人食，每人300有找，真係抵😏😏👍🏻👍🏻

第一次來食火鍋店員很有禮貌，慢慢講解點選擇等左唔洗5分鐘就上左雞煲食住先，之前再選擇花膠湯底打邊爐，仲有都十款熟食（滷水乳鴿😊）等等。。。。其他配料都算係幾好 牛肉都幾新鮮，夠曬肉味。雲吞，水餃竟然有驚喜👍🏻任食的蔬菜，丸類都好多，竟然仲有粉腸😍如果以呢個價錢同選擇配料來計，都已經有85分👍🏻（可以媲美連鎖火鍋店）仲坐得好舒服仲要有M字雪糕食💓唯一係飲品的選擇少左啲，如果有啲無糖飲品就更好啦☺️

呢排都幾多假👻成日喺屋企，當然要約埋朋友上嚟一齊開party啦！4-5人邊爐套餐，夜晚叫外賣，都可以一齊食得開心啲~濃厚花膠鷄湯鍋🥩肉類：黑毛豬肉，極品封門柳，穀飼牛板腱，特選牛頸脊🦐海鮮：海虎蝦、北海道帆立貝、鱸魚片🥢配料：鴨血、台式蛋餃、鵝腸、鮮蝦雲吞、松露小籠包丸、滑雞件🥬蔬菜拼盤2，稻庭烏冬2，醬料套裝2湯底嘅花膠超厚，而且雞件足好濃郁，打邊爐之前，我都忍唔住飲碗養下顏😙每款肉類都俾得好足，打邊爐，當然要叫新鮮靚牛肉！😍配料臺式style多選擇，爽滑鴨血，彈牙鵝腸，鮮嫩蛋餃，🥟香滑松露小籠包，四個人係屋企都食到好滿足。最後食埋蔬菜拼盤同烏冬，索味又飽肚🥰貼心配埋嘅多款醬汁，配料齊到好似出街打緊邊爐❤

$688 火水爐火鍋二人餐😂全部order既野食都有黎到既，值唔值就見仁見智啦不過覺得有少少嚇親係因為淨係得一碗湯(佢一開始無講過份量有幾多) ，餐廳暫時未話到俾我聽呢個份量點夠打邊爐另外餐廳都有話全部火煱外賣都係一樣咁多湯啱啱飲完個湯係幾好飲既，好足花膠味希望反映完下個客唔洗叫完外賣再自己買雞湯打邊爐(其他外賣火鍋都有咁做)或者可以講定個湯係唔夠打邊爐既，唔好以為個火鍋餐係火鍋用#火水爐 #火鍋外賣 #屯門