方榮記沙嗲牛肉專家

Open Now

Now Closed

從前一得閒就會食，自從小紅書介紹後，多左好多遊客食，其實根本佢哋處理唔到咁多客，不論衛生、態度同質素都直線下降，除非有日連遊客都唔食，佢哋先會反省，短期內見唔到再食既因素，除非你想清腸胃。

名過其實⋯⋯首先環境狹窄，枱同枱之間好迫，坐圓凳茶餐廳格局，隨時比侍應掂到。叫左咁多碟配料炸魚皮香口就咁食都好食，其他食物味道正常份量偏少，手切牛份量少食落牛味仲要好韌，憑咩要成二百幾蚊一碟？主角沙嗲湯底徹底令人失望只係得花生味，咁不如食花生醬🤣🤣。之後仲要一路食比侍應不停加水煮到無味。3個人叫食左$1300，價錢偏貴。餐飯其實係做冬嗰日食，本身冇諗過打食評，竟然比我見到電視介紹佢，實在唔想再有人中伏

話去九龍城打邊爐，一定會諗起方榮記。十多年前開始去，覺得價錢好貴，今日價錢都唔平，但可以接受！雖然地方擠逼，但唔使排隊等位已經好好。一坐低，店員二話不說就先放低一碟生菜！我哋想要鴛鴦鍋，佢就話個鍋好細，每邊得好少湯，不如分開兩個啦！價錢差少少。我哋望吓張枱，得一個爐頭，點要兩個喎呀。呢個店員做嘢爽快，一叫佢就即刻嚟自家調製的沙爹湯底夠濃唔夠香，多啲花生味更好。因為個鍋細，啲湯好易滾出嚟，彈到周圍都係！有骨的炸魚皮，鹹淡適中，鬆脆唔硬，起碼啲骨唔會整親個口！響鈴、芝士腸都係普通貨式；鮮魷鬚本身冇味，浸過湯變硬；雲吞水餃餡料差不多，好鹹蝦細隻，水餃冇木耳絲，所以唔爽口。當晚最好食係星級牛肉，新鮮有肉味，滾耐咗都唔韌。因為太飽冇加個麵，下次先嚟食沙爹牛肉麵啦

行過九龍城，唔得唔食下佢哋嘅招牌沙嗲牛肉麵！第一啖入口嘅沙嗲湯底，嚟咗個喇吓，真係有夠惹味，得啖辣得啖香，正到不得了！牛肉條條分明，煮得啱啱好，唔會過火，咬落去彈牙得嚟又多汁，實在太過癮喇😋！炒牛河呢度都別具一格，通常食開嘅乾炒牛河就係注重鑊氣啦，但係呢度唔單止有鑊氣，每條河仔都收汁得好，油亮晶瑩，而且啲牛肉片似乎都比其他地方嚟得厚身啲，食落咬口十足，有種滿足感湧上心頭。講到底㗎，食物咁好味，分量又足，真係喺呢個食好東西嘅年代，算係一個難得嘅美食天堂🍜！一家大細齊齊滿足，一齊講句「真係好食添！」最緊要係，食完呢啲，咩叫貼地，味道，同香港人嘅生活，一次過都領略到喇！下次再嚟，真係要叫埋其他啲菜式試吓，好期待㗎噃！🥢🍲

前幾日天氣最凍諗住喺九龍城食打邊爐見到舖頭仲有位就入咗去坐低見到門口嗰個事頭婆已經態度極差因為門口嗰張枱有對情侶想掉入啲嘅枱冇咁凍明明有枱都唔俾佢調態度極差咁話：「冇位呀！唔坐就出去再排過！」心諗都唔關我事就繼續食嘢食食吓覺得伏伏地所謂嘅沙嗲火鍋真係好重味精一路食一路非常口渴加水係用清水而且最貴嗰碟牛肉都靭到不得了吞唔到咁滯難食到嘔最重要嘅係食食吓嘢嘅時候抬頭一望見到有隻超巨型曱甴🪳喺我小朋友頭頂天花爬緊我即刻叫佢哋彈開再攞部電話影低跟住個不知所謂嘅事頭婆見到我影相一輪嘴咁鬧一啲唔好意思都冇！仲鬧我：「拍咩拍拍拍，今晚咁大風，喺出面飛入嚟咋嘛！唔好喺度搞事！」一輪嘴喺度鬧我影佢啲罪證（但我親眼見隻曱甴係冷氣機嘈爬出黎）跟住佢就搵張紙巾捉咗隻曱甴🪳就咁掉出門口好彩我睇到叫小朋友彈開啫如果唔係有機會跌落個小朋友個身度或者跌落我張枱度奉勸各位唔想貼錢買難受千祈唔好幫襯呢間垃圾食店尤其是嗰個不知所謂嘅事頭婆簡直係趕客 ！

失望，根本就靠吹，一啲都唔好食，仲有一堆大陸人，名過於實就一定架啦。環境仲要差，最緊要係如果去食，走個陣記得對單，啲阿姨員工失誤勁多，坐喺收銀邊，係咁帶到人鬧佢哋

1️⃣「星級牛肉🥩($298)」牛肉似係用咗牛頸脊嘅部份，好滑夠肥美，啱晒打邊爐！-2️⃣「沙爹湯底🍜($68)」個湯底濃到不得了！係小編食過最龍嘅沙嗲牛😈，啱晒重口味人士，想淡少少可以加水~Satay soup-3️⃣「大光麵🥢($15)」吸晒啲湯底真係好邪惡，夠平又飽肚~Instant noodles-5️⃣「鄉鈴⭐️($38)」超脆，有7大件！抵食～Deep fried bean curd rolls

好多年無食過特登嚟食 例牌都係點沙嗲湯底 星級牛肉：一啲牛味都無 盛惠298黑豬肉：唔食都唔可惜 好大陣雪味鵝腸：佳寶急凍鵝腸咁嘅款 多肥膏又有污漬同淤斑烏頭魚扣：碌完硬身到阿媽都唔認得 譚仔之前個魚扣米線仲好質素過佢 咁都收168唯一讚嘅係蝦滑尚算唔錯因為肚餓無考慮咁多 無上嚟睇食評就衝左入去 完全後悔同覺得自己魯莽左～BTW兩個人連加一埋單12xx 完全唔知自己食左啲咁嘅感覺 真係搭程的士落油麻地食海底撈好過 無下次！！

服務態度呀姐可以。啲呀叔藞䕢到死，碟炸魚皮黏住啲生肉遞過黎。真係睇見都唔想食。炸魚皮睇賣相應該係好食，點知係半脆又硬又有啲大粒咬崩牙嘅骨頭，同附近德興魚蛋嘅有骨炸魚皮天同地分別唯一出路沙嗲湯底，味濃花生香而不鹹不口渴，可惜加一次滾水就淡哂。頂級手切肥牛比出面貴，比出面分量少，刀工肉酸，食過好幾間都係又靚仔又有𡁻口，呢間簡直係最低分個間。牛舌滾幾少秒幾多秒，都係靭到PK.)1莞茜皮蛋湯將只係將皮蛋莞茜放在係唯滾水

方榮記一連三間舖 以沙嗲湯底命名平日六點零唔洗等位再晏啲已經座無虛席 人頭湧湧職員好殷勤 加水加得好爽手係呀！！沙嗲湯底都係加水( ꒪Д꒪)ノ ！！！說好的沙嗲味呢？？食落係真心失望無沙嗲既惹味無花生香無濃稠感只係好淡好淡既濃！？湯 食唔出有沙嗲味囉～～( ╯-_-)╯┴—┴反而打邊爐既料我幾鍾意特別係個炸魚皮！ԅ(♡﹃♡ԅ)真係見到魚骨同埋魚鰭因為店家係會炸兩次所以非常香脆！(っ˘ڡ˘ς)響鈴索晒汁都係十分正！其次係牛肉 聽聞來自澳洲唔算太肥 食落都有少少牛香八成熟我就食啦 幾嫩幾滑其餘配料自己睇分數啦( ๑‾̀◡‾́)σ»沙嗲湯底（2.5/5）皮蛋芫荽湯底（4/5）星級牛肉（4/5）黑豬肉（4/5）貢丸（5/5）炸魚皮（5/5）蝦滑（5/5）響鈴（5/5）脆肉鯇（4.5/5）黑牛柏葉（3/5）芝士腸（5/5）午餐肉（5/5）新鮮時菜（5/5）杯裝酸梅湯可樂

在點菜期間洗碗，水太滿了，叫服務員過來取一下，直接被罵神經病。找老闆，老闆態度很差，完全不理，直接看了我們的桌子，說這個桌子有人～立馬起身就走～態度太差了～完全和網上說得不一樣～國慶期間，朋友來香港玩，在小紅書看到的推薦，說好吃美味實惠。其實價格都比外面貴不少，而且服務態度真的很差很差很差，感覺有點欺負遊客～利申，本人已在香港7年，這麼差態度的店真的第一次見，不理解這樣的店舖為什麼還有人推薦，相信各種小紅書打卡種草分帖子都是水軍～

咖喱味十足，每樣材料落鍋都勁有味，肥牛碟碟新鮮，份量十足。點了他家最有名的沙茶鍋底，還配了方便面。方便面是吃到最後煮下去的，我個人感覺會有一點點咸。牛肉的話我記得有拼盤還有單點的，口感也不錯。星級牛肉是這家店的招牌，牛肉比較新鮮，肉質也比較扎實。手切肥牛肉就比較普通了，一般火鍋店吃得到。炸魚皮是配菜里最絕的！！不要涮太久，魚皮放入沙爹鍋以後很吸汁，然後在吃起來是脆脆的，糯糯的！！！而且價格也算是它家菜品中性價比很高的了。同朋友聚餐一流。

朋友來香港玩揀方榮記真系出名度打蛇餅排隊甘兩間鋪所以都算快ge🛋️環境：大排檔甘，位置比較逼因為實在太多人了，地面也相對沒有那麼整潔🍽食物：食材都新鮮，加入去濃厚的沙爹邊爐真系好好味，牛肉一定要落柯達，其他餸就各人喜歡啦

服務態度極差！！！！坐唔夠10分鍾，淨係落左生菜就加勁多水落個湯到，個沙嗲湯即刻無哂味…………同店家反映完，然後要我地加錢要沙嗲醬。咁同屈有咩分別？？？？？我黎方榮記就係為左個湯底……….依家比佢地個侍應搞彎晒…………仲要唔負責任，覺得自己無錯！！！！啲手切牛肉又貴又唔好食………完全無牛味啲海鮮又唔新鮮……….基本上所有食材都係唔新鮮既響鈴又淋既，都唔知放左幾耐！！真係勸大家唔好去……伏伏伏伏伏伏！！！

將近20多年無去過，今晚約了朋友去食，啲食材我相信是九龍城最差的－間，大約食到11:30境然有三個亞姐企在旁邊，催交枱，因為要收工，明明話收話12:00，真的無下次