Video
5-min walk from Exit B3, Sung Wong Toi Station
continue reading
Telephone
23821788
Introduction
沙嗲牛肉可能是很多人的心頭好，所以這間方榮記特別以此作為招牌，為各位食家提供他們的專業手勢。
continue reading
Good For
Group Dining
Opening Hours
Today
11:30 - 00:00
Mon - Sun
11:30 - 00:00
Above information is for reference only. Please check details with the restaurant.
貴唔緊要，最緊要係值得！位於九龍城嘅方榮記沙嗲牛肉專家係香港沙嗲牛肉麵關注組其中一間被網友大力推薦嘅餐廳，但我哋試過之後，覺得實在係過分吹捧，CP值唔高，確實唔值呢個價錢。一入到餐廳，櫈都未坐，餐牌都未睇，個女店員就即刻問我哋食乜，眼見成間餐廳都坐唔夠一半，使唔使咁chur呀？好彩有另一個男店員同個女店員講，俾啲時間人哋啦！再好有禮貌咁同我哋講，慢慢睇吓想食乜。沙嗲牛肉麵: 無可否認，嗰沙嗲湯底確實係濃郁，仲有好多花生碎添，但其實係非常之鹹，超多味精，真係完全唔可以飲個湯。至於手切牛肉份量少，得4塊，而且非常硬，另外，因為沙嗲湯太鹹，完全食唔到有牛味。雲吞河: 相反，呢個雲吞河就值得推介，估唔到有成五粒。雲吞係手包嘅，裏面勁多餡料，蝦同肉嘅比例啱啱好，食落彈牙爽口。另外，河粉裏面仲附送幾條生菜。
continue reading
差唔多10幾年冇幫襯，因為記憶係好污糟，事隔多年到訪環境有所改善，沙嗲湯底的確好濃，但係佢啲食材唔係好得，好嚡口嘅牛好厚皮嘅韭菜餃，價錢當然唔係平啦，所以間唔中再嚟感受一下就夠了。
continue reading
新年1月1日特登帶屋企人由元朗出九龍城食餐好，點知哩餐飯伏到癲！！！一坐低就隊左碟生菜過黎”$35蚊要唔要？”問佢有冇其他菜，佢答無，即係要菜嘅話就要硬食哩一碟，哩個問題都不大，始終打邊爐都想有碟菜。寫紙仔落單嘅時候，問個男侍應(全場唯一一個男服務員，唔知係咪老細)幾款牛有咩分別，佢話”你話呢？你話有咩分別” 吓？！其實我知嘅話係咪唔洗問你呀？真係大癲，串到上天花板！其他服務員都唔差得佢好多，個個都黑口黑面，啲枱又迫，佢哋成日行嚟行去嘅時候都撞到啲顧客再講返啲野食個湯咸得黎帶少少辣，重沙嗲味但唔係出色，唔需要為咗佢個湯而黎。啲牛肉鞋到要講粗口又無牛味，明明沙嗲汁配牛肉係絕配，佢拎啲咁嘅貨色出黎真係趕客。全部丸類都喺冰櫃拎出嚟，仲痴住緊嚿冰炸魚皮係幾脆口嘅，但佢係用門鱔黎做，嚿嚿啲骨都多到爆4個人食咗千一蚊，仲要背脊骨落，真心唔建議🙏🏼
continue reading
話就話收11:40點，但係準時11點嘅時候就已經趕盡殺絕，服務員態度惡劣，係咁行埋黎又要收嘢又製造聲響。行為令人髮指，好似去咗黑社會場咁，建議大家去茶餐廳食沙嗲牛肉麵就夠了，講真食材唔新鮮，全部比急凍嘢，肥牛話係新鮮手切，但見到有黑色，我諗裏面剩係得生菜值得食了，同朋友人仲要俾服務員一直討論，取笑，完全唔識得尊重人，喺收嘢嘅期間仲聽到佢哋講一句我哋呢度唔需要好嘅服務態度。食咗四位$1200,一點都不值得，初體驗感覺很差伏店！！！呢一世唔會再食了，希望佢繼續生意興隆。
continue reading
沙爹湯底鹹到真係要洗腎。知就知佢鹹，真係唔知佢咁Q鹹。油多就更加唔使講。用嚟淥菜真係吸晒啲油。喊到懷疑人生。真係可以賣多啲啤酒。牛肉鞋到七彩，雖然唔係最貴嗰啲，但都只係淥左一陣，生食可能都鞋。仲要唔係平。其他嘢極之普通，價錢除外。找數想要張單有咩問題呢？都話唔印得，只俾你影相。稅務局報稅睇相得唔得？個人六百幾找數，貼錢買難受，真係去大排檔炒兩個餸食好過。幾年前食都幾好食，依家竟然搞成咁。真係唔需要再嚟。
continue reading