Food Combo (Closed)

入到去屯門咁遠食嘅嘢當然係一定要有水準啦，雖然我都係因為去探朋友所以先去屯門。之前去過隔離嗰間健康餐廳食嘢，就已經想試呢間啦。佢每個餐都係一set 一set咁樣設定好嘅，飲品可以任添，分別有啲detox嘅水啦，凍檸茶同埋紅棗龍眼茶，二話不說就揀咗龍眼茶。叫咗兩個餐，第一個係卡幫你長通粉，佢嘅長通粉係我鍾意食嘅比較硬身嘅，則非常之多，而且個奶油嘅味道好出，再加埋佢旁邊有好多有營養嘅小食，包括沙律、炸蝦卷等等嘅side dish，非常滿足。第二個餐叫咗個三文魚扒，哇呢個扒真係不得了！舊三文魚勁稔勁Juicy而且食得出佢個與嘅鮮味，因為佢旁邊嘅類似他他像嘅物體，配埋唔會覺得好油膩嘅薯蓉，呢個扒真係值回票價。

又係早放工既一日，同朋友下午茶時間食晚飯，好抵食！環境舒適，讓人感到放鬆。我地一人一個主食，再點多個小食拼盤。芝士白汁海鮮焗飯（＄52）選用珍珠米，而且海鮮同白汁既份量毫不吝嗇，所以食落d飯唔會乾~番茄蘑菇大蝦扁意粉（＄58）同樣足料，唔會食唔飽，入面有三隻大蝦。啲蝦都幾爽口彈牙，唔係嗰啲冇味嘅蝦仁。蘑菇都有唔少，大蝦同埋蘑菇配上番茄醬非常之夾。小食拼盤（＄58）裏面既蝦餅配左泰式辣汁，一開始覺得好辣，食食下又ok。雞粒炸得好香口，唔會太乾，幾juicy ，上面有少少芥辣醬，正！墨魚串既醬汁惹味，而且墨魚有咬口~薯角新鮮整，一上嚟就好香，食落外脆內軟。雞翼上面灑咗d芝麻，食落味道豐富d。三款飲品任揀，我地飲咗鮮薑紅棗桂圓杞子茶同凍檸茶。前者健康養生，後者就清涼解渴。

在屯門V City附近有一家小清新簡約風小店環境挻舒服涼快的 午市套餐挻多的選擇🤭原來還有自助飲品吧 共有三款飲品任飲~飲品款式有機會會每天不同 飯餐包自助飲品感覺挻便宜 午市時間坐無虛席需要等位·葡國雞飯 HKD$54 小店霸氣地把整塊雞扒放在飯上 很足料呢一般看到的葡國雞也是斬件的 雞皮被做到脆皮切的時候會聽到很脆的聲音 醬汁不會太咸剛好·肉醬扁意粉 HKD$58 顏色吸引的意粉 從小食到大的經典的味道❤這個口味大家也不會陌生吧 醬汁挻香濃的味道·蒜蓉牛油炒雜菌 HKD$15 追加的小食份量不會太大 味道很香挻入味這個我很喜歡食 看到餐廳有就要點來食才行·炸雞粒 HKD$15外皮香脆可口 雞肉不會太韌 而且也有肉汁🤤食了小食就緊飽肚了 飲杯茶消消滯挻好的感覺

 喺屯門vcity 對出，新墟附嘅FOOD COMBO 係我近期發現嘅新大陸。店內以文青風格裝潢，主調用上白色搭配原色木椅，感覺清新又舒適，由於店面不大，所以就喺牆身加裝左一D鏡去增加空間感。店內有三款自助任飲嘅飲品，有凍有熱，有中有西，熱嘅就係"鮮薑紅棗桂圓杞子水"，凍嘅就有 "薄荷鮮橙水"同埋"凍檸檬茶"。每一個DAILY LUNCH SET 都配沙律、是日餐湯同埋主菜，而今日嘅餐湯係蕃茄湯，少少酸甜幾開胃。每個SET 嘅沙律材料都有少許唔同，我呢個就有蘋果同提子乾係入邊啦將溫泉蛋黃搞勻俾流入卡邦尼大通粉中，再拌以煙肉及切粒既蘑菇令口感同味覺層次感大幅提升小食薯絲蝦入面隻蝦大大隻肉扒大大塊，味道亦不錯，下面仲有大量薯蓉，食完真心超級飽 最後食埋水果就完成呢個營養均衡嘅午餐啦

陪朋友買完月餅，開始肚餓，係時候搵食，經過見到呢間地舖，開面好大既food combo好像幾吸引，入去試下啦。好，睇下有咩好食先。卡邦尼大通粉配薯絲蝦，通粉大大粒有咬勁，醬汁稀稠度適中，上面仲有流心蛋，拌黎食一流！跟餐仲有足料菜湯，雜果沙律個汁酸酸甜甜好好味。什扒黑椒汁配南瓜薯餅，牛扒好有份量，食落夠腍，仲有雞翼司華力腸，啱晒食肉獸。南瓜薯餅外面脆卜卜，加上裡面甜甜地又軟綿綿，正！呢度仲有drink bar 任飲，三款飲品都好有特色。

今日去開屯門新墟買野，之後見有啲肚餓就入咗food combo 食晚餐。在場所見佢啲set擺得好靚，每一個set都有一個木盤載着。等左幾張枱之後終於就到我哋坐低啦，侍應好好禮貌，笑容好親切，算係香港地來講難得見到嘅。我就揀咗西班牙炒飯嗰個餐，同行友人就揀咗葡國雞飯。每個餐附帶一個沙律、小食、餐湯、主菜同水果杯。飲品方面，佢有三款飲品係任飲嘅，兩款係凍，一款係二。我就揀咗熱嘅飲品，鮮姜紅棗桂圓杞子水，飲落都幾足料，又唔會好甜。嘢食嚟到喇，個賣相好吸引，我個款沙律係薯仔沙律，都好開胃。小食就係有雞翼，主菜個西班牙炒飯，比起我平日食傳統嘅正宗西班牙炒飯係改良咗一啲嘅，味道無咁咸，相對比較容易入口，同埋健康一啲。至於朋友個飯佢都話好食，我亦都試咗佢嗰款小食，係蝦餅嚟嘅。食完晒之後其實都已經好飽，再食埋個水果杯，好清新，畫上一個完美嘅句號。

最近塊面又生哂暗瘡飲食方面真係要戒下口出街食飯的確要認真小心選擇比我搵到屯門有間較健康既西式餐廳去到七點幾等一陣就有位座位雖然不多但環境乾淨舒適適合與朋友一齊傾下計好欣賞這間餐廳有個自助飲品區有三款選擇：·鮮薑紅棗桂圓杞子水（熱）·薄荷鮮橙水·檸檬茶紅棗桂圓杞子水最岩女士飲特別係我岩岩經期完岩哂👍🏻仲可以無限添飲架我地叫左：「香煎挪威三文魚刁草蛋黃醬配特式炸雞粒 $178」三文魚煎得不錯夠大塊份量亦很足夠加上薯蓉粟米飽肚又健康炸雞粒又夠脆口「葡國雞飯配泰式辣魚餅 $138」我比較鐘意食葡國汁多過咖哩汁因為唔會辣而且餸飯一流👍🏻辣魚餅辣辣的好醒胃👍🏻每個set仲會有沙律、餐湯、生果三文魚、雞都含有豐富蛋白質薯蓉有碳水化合物又岩哂經常跑步同埋平時少食生果既我😝非常健康今次整體黎講係正既👏🏻5⭐️為最高味道：⭐️⭐️⭐️⭐️推薦：⭐️⭐️⭐️⭐️回頭：⭐️⭐️⭐️⭐️

屯門V city附近開咗間日式餐廳行日本清新風格餐牌、裝修、食物都好文靑feel 坐得非常舒服食物擺盤又非常靚提升食物質素及滿意度！一切都非常滿意👍🏻👍🏻👍🏻✨一個set dinner 有沙津+湯+小食+主菜+生果每一樣食品和裝飾都很講究😊同埋食物質量都好好👍🏻例如湯勁多蔬菜雞翼有芝麻點綴，更香生果好新鮮、大粒沙律好認真，有蘋果或者薯蓉選擇！主菜：西班牙海鮮飯真係幾好食👍🏻👍🏻👍🏻✨海鮮份量都多，新鮮，及大粒飯都夠香，夠熱，軟硬適中估唔到日式餐廳都整得咁好味！主菜：美國安格斯西冷份量適中，六成熟啱啱好👍🏻薯蓉夠多夠 creamy ! 😆飲品：有冷熱飲品bar 最鍾意就係龍眼杞子茶，夠warm 和健康！

打風唔成三日雨，就算天氣唔好都要食飯，聽說新墟呂明才中學對面，開咗間清新小店水準唔錯，男人話要去嗰度食午餐，好彩行到門口先至落大雨。 店內一派文青小店風裝潢，主調白色配上原色木椅，感覺平和又舒適，牆身有啲鏡，增添空間感。店內有三款自由斟飲品，有凍有熱，有中有西，不同口味，任君選擇。左邊係熱嘅"鮮薑紅棗桂圓杞子水"，中間係凍嘅 "薄荷鮮橙水"，右邊係凍檸檬茶。叫咗一人一個daily set，食物放响木餐盤上特別靚，全部放响雲石紋枱面更吸引。沙律配墨魚串/是日餐湯/精選水果$92是日餐湯係蕃茄湯，清新鮮香又開胃。水果有西瓜、哈蜜瓜、紅提，新鮮清甜。今日沙律主角係薯仔，黃色醬汁令薯仔好好味。沙律菜種類多樣化：車厘茄、羽衣甘藍、火箭菜、櫻桃蘿蔔...等特製檸檬沙律汁微酸開胃，混埋爽脆嘅沙律菜，好夾丫。墨魚串口感爽脆，醬汁惹味，正！什扒黑椒汁配南瓜薯餅華都夫沙律/是日餐湯精選水果$188份量十足嘅什扒，有牛扒、蝦仁、煙肉、德國腸、芝麻雞翼、粟米、薯蓉。男人話黑椒汁好惹味，全部好啱佢口味，南瓜薯餅又香又脆，食完飽到上心口。輕輕鬆鬆，悠悠閒閒，食完出嚟雨已經停咗，好天氣又出返嚟啦。

Encore 系列：夏天要煮要洗太辛苦，所以餓底又拖餓底媽出街食！來Food Combo的好處就是食完可以放佢去新墟買埋餸🤣Menu同上次嚟有少少唔同喎，加左新野👍🏻店員話有個今日精選-紅酒燉牛肉，是menu上沒有的，貪新鮮的餓底當然要試下！餐湯：南瓜湯，甜潤，有靚蕃荽點綴。紅酒燉牛肉配白飯：牛肉燉得好腍，餓底媽說應該燉了很久才有這個口感，入晒味，味道超讚！又有好多舊，食晒啲飯都未食完啲肉，好抵食！哎！強烈建議加呢個落menu度，咁下次嚟都可以食到！🤤特色炸雞沙律：沙律菜幾有誠意，有好多種類：紅邊菜、火箭菜、羽衣甘藍、羅馬生菜、紫椰菜、車厘茄、仲有櫻桃蘿蔔，好豐富！沙律汁應該有檸檬&蜜糖，清爽清新，啱晒夏天，炸雞完全唔油膩，醬汁均勻地淋在雞上，非常可口。😋自助水吧：上次來都幾鍾意呢度既三款飲品－桂圓紅棗、香燈薄荷&檸檬茶，全部少甜，幾健康滋潤😌

同朋友行完V city嚟咗呢間餐廳度食dinner，有A至J嘅daily set可以揀!裝修走簡約路線，坐得舒服~三款飲品任飲，我覺得鮮薑紅棗桂圓杞子水最好飲， 熱熱地甜甜地又補身!! 一個tray放晒頭盤湯沙律主菜生果，朋友點了Set C，我試咗一啖carbonara，個汁幾好味，長通粉煮得剛剛好，朋友都覺得唔錯!! 我則點了Set H(雜扒)，有牛扒雞翼腸仔蝦同煙肉，最開心係佢配薯蓉，薯蓉好滑仲有大量粟米粒!! 沙律清新，有羽衣甘藍同Nuts!!南瓜湯好Creamy!! 小食係南瓜薯餅，都幾好味!!

睇完戲係附近食飯，以附近都有好多餐廳，今日我地黎到Food Combo 食晚飯，7點半到達已9成滿座，之後就愈黎愈多人排隊啦餐廳裝潢簡潔光猛，餐牌幾特別，我都第一次咁食，餐廳主打西式定食，定食好豐富，有餐湯、主菜、沙律、小食，水果。餐廳設有自助水吧，有3款任飲，有熱同凍飲，有檸檬茶、薄荷鮮橙水，鮮薑紅棗桂圓杞子水，我試左兩款，檸檬茶不太甜，而薄荷鮮橙水，薄荷味不太重，淡淡橙味，好清新紐西蘭肉眼（9安士）荷蘭汁配南瓜薯餅（$318）有蕃茄湯、薯仔沙律、生果，肉眼扒5成熟，牛味濃，口感有嚼勁，配菜仲有薯蓉和牛油粟米，薯蓉夠滑，而南瓜薯餅，炸得金黃香脆，南瓜好甜，粉漿厚薄適中香煎挪威三文魚刁草蛋黃醬配特式炸雞粒（$178）有蕃茄湯、香橙紅菜頭沙律、精選生果，蕃茄湯用新鮮蕃茄製成，生果夠甜，炸雞粒不會炸到太乾，雞肉仲好嫩滑，而香煎挪威三文魚煎得又脆又香，三文魚煎得剛剛好，魚扒中央呈粉紅色，口感好柔滑。

好耐無經過新墟啦 呢次同朋友去參觀個新既food mall時比呢間餐廳既裝修吸引左 所以就入去試了 😆-每個lunch set 都配香橙紅菜頭沙律，是日餐湯，精選生果 仲有自助水吧架！有三款飲品揀 😳 由凍檸茶到養生既桂圓紅棗水都有！-有骨豬鞍野菌汁配薯絲蝦 ($168)係塊豬既底有好大pat既薯蓉同粟米😍😍 一開始以為會淨係得塊扒 carbs怪既我見到有薯蓉同粟米好開心 😂😂😂 個薯蓉應該加左d忌廉 好滑 又有香草同黑椒吊味 😍 未食過豬鞍 唔知道佢平時既質地應該係點 但呢個有少少硬呢 -香煎挪威三文魚刁草蛋黃醬配特式炸雞粒 ($178) 有三舊特式炸雞粒 點左少少mayonnaise醬 好有日本風味😌 而三文魚煎得好香 塊皮好脆好好食 😂 有肉有菜(salad杯)有carbs(薯蓉同粟米)仲有生果 營養十足呀！仲要樣樣都好好食 😚-裝修以白色為主 座位寬敞 比人好舒服既我感覺 係同朋友傾計好地方呢👭👭

今日放工後約咗朋友到屯門Food Combo 食飯，餐牌主要係各款套餐，套餐包括前菜沙律，水果，湯，小食同主菜，好豐富。令我最驚喜既係，餐廳內有個小水吧，分別提供3款飲品供客人任斟任飲，今晚所提供既飲品係熱鮮薑紅棗桂圓杞子水，凍薄荷檸檬水同埋凍鮮果茶，三款我都有試，三款我都好鐘意，因為三款都好健康，好明顯冇額外加糖。至於套餐我同朋友揀咗卡邦尼通粉配薯絲蝦同埋燒排骨配橙汁椰菜。卡邦尼通粉配薯絲蝦餐, 除咗薯絲蝦同通粉外仲包括1個沙律，湯同埋生果粒。 卡邦尼通粉: 有隻温泉蛋同通粉撈埋一齊食，好creamy ，再加上通粉軟硬適中，好好食。薯絲蝦: 香脆但唔油膩，好出色。燒排骨配橙汁椰菜餐，除咗燒排骨同紫椰菜仲包括1碗湯。 呢個餐份量好驚人，有兩條燒排骨同埋配菜薯仔，我同朋友都覺得呢個餐根本就係二人餐，食完我哋都要捧住個肚走。 呢個餐除咗份量大之外，味道都好好，燒排骨好入味多肉，連配菜薯仔都好香薯仔味好好食。呢間餐廳真係性價比高，一定會再幫襯。

🍽西班牙海鮮飯配焦糖青檸雞翼海鮮飯好足料 有齊帶子 大蝦 青口 墨鮮魚和魚柳飯粒粒分明 有咬口 飯底微濕焦糖青檸雞翼皮脆肉嫩 有淡淡青檸味🍽美國安格斯西冷配南瓜薯餅超大塊 足足有9安士西冷肉味超濃 充滿肉汁伴碟的粟米很甜 薯蓉幼滑南瓜薯餅外皮香脆 𥚃面的南瓜蓉很軟綿鮮甜 🍽薯仔沙律薯仔加上羽衣甘藍醬汁很香 加入了少量炸蒜蓉有少少泰式的味道🍽華都夫沙律大量新鮮的蘋果加上蛋黃醬很清新開胃🍽是日餐湯-南瓜濃湯很濃稠 滿滿是南瓜蓉非常香甜美味🍽精選生果今晚的生果有哈密瓜 西瓜和提子最令我欣賞的是把生果切成一粒粒 進食超方便 餐廳的食物質素很好 員工亦很貼心自開業以來 今次已經係第三次去食了相信未來日子仍然會keep住光顧