Food Garden ETC (Closed)

又嚟D2 Place, 其實呢度都有唔少食肆，呢間餐廳有個好靚嘅門口，係一幅熱帶花草嘅畫，我就係俾佢吸引咗入去幫襯啦😆龍蝦海鮮手工薄餅$188好足料，滿滿芝士、魷魚、蟹柳，同埋粒粒龍蝦肉，餅底夠薄，非常香脆，liked.🍝卡邦尼意粉$128意粉超多芝士，加上撈勻嘅半熟蛋，每條麵都有蛋汁同煙肉粒,麵條煮到軟硬適中，非常彈牙焦糖燉蛋$20呢個甜品做得唔錯，蛋好滑，甜度適中，一定要試。紫色碟豆花飲品，都幾解渴起D2 place呢個價錢，都可以一試

朋友在D2 Place「 開檔」，身為好朋友當然要出錢出力，以示支持，忙碌過後，她決定要慰勞我，就到3樓的 Food Garden ETC開餐。來到的時候，餐廳已經坐滿食客，幸好佔地夠大，不用等位就可以入座。Menu上的食物選擇多，價錢親民，套餐已包括田園沙律/餐湯，還有鮮果冰茶。招牌美國牛肩配田園蔬菜(+$50鵝肝)牛肩扒大塊厚肉，帶有一點點脂肪，所以味道甘香，肉質鮮嫩有彈性，味道亦非常濃厚; 鵝肝煎香後，外層有點微脆，而內層口感幼滑綿密，鵝油味醇厚，餘韻悠長。美國牛肉漢堡配芝士、煙肉、薯條 (+$80龍蝦半隻)漢堡包大大個的，入裏除了有主角美國牛肉，還有煙肉，芝士及生菜等配料，感覺非常實在，牛肉肉質嫩滑，牛肉味突出，脂香豐腴，而煙肉就帶有點點鹹香，加上半融化的芝士，令整個漢堡變得非常惹味。薯條挺粗身，炸至金黃色，口感香脆，不需點茄汁，都已經非常好吃。龍蝦大大隻，蝦頭有大量蝦膏，味道甘香，鮮味十足，而龍蝦入口啖啖肉，口感爽口彈牙，吃後想再encore。鮮果冰茶&咖啡相比一般的咖啡或茶，鮮果冰茶來得更有心思，冰茶入放了點水果片，味道甜甜酸酸的，帶有鮮果果香; 而咖啡方面，不能加錢將咖啡

💮嘩，自從瑪姬皇后要閉關生產後，幾難得再次從出江湖，出來飲飲食食，今次就去到文青之地《D2 place》慢慢歎個休閒午餐先。📌去到《D2 place》三樓美食層，行嚟行去都係呢間食西餐嘅《Food Garden》睇得上眼，因為地方闊落啲，傾偈都舒服啲。📌有多人嘅沙發枱，二人同四人嘅方形枱，午餐時段都幾爆喎。📌午餐餐牌有主食嘅豬、牛、魚配田園時蔬、意粉同漢堡包，都係大路嘅西餐款式，另外包田園沙律或者是日餐湯，仲有一杯鮮果冰茶🍹，如果想飲其他咖啡或茶，就要再額外加$10，價錢都係大路價錢。是日餐湯瑪姬皇后想飲下啲熱湯暖下胃，是日餐湯係忌廉湯🍵，仲有塊烘過嘅麵包仔🥯送上，湯質感濃稠嘅，味道正常。田園沙律熊妹不嬲都喜愛沙律🥗，餐前梗係食個沙律開下胃啦。沙律都幾大兜喎！有最愛嘅蕃茄仔、新鮮沙律菜、仲有青瓜片🥒，用上紅莓汁，酸酸地真係好開胃。美國牛肉漢堡配芝士、煙肉、薯條，$108熊妹不嬲都係漢堡包控，見到漢堡包多數都會變必點既。漢堡包🍔份量都幾大個，包皮內搽上牛油看過，香香脆脆鹹鹹的，好多時熊妹都會放棄包皮，但食落又好有味道，食哂。入面有溶溶的芝士同煎到脆脆地的煙肉片，兩者鹹鹹地都非常吊味，牛肉

前排見OpenRice人氣no.1就決定book依間同朋友慶祝生日6個人食，中間有番膠隔版，冇阻慶祝的氣氛嗌咗卡邦尼意粉，牛肩肉，Truffle pizza，煎銀鱈魚柳，蜆卡邦妮意粉，味道正常發揮牛肩肉，大大份，6個人食都食咗好多塊Truffle pizza，最中意食脆邊的pizza，如果黑松露再多啲就正煎銀鱈魚柳，份量好夠食蜆，都係好多依間餐廳整體份量都多👍🏻另外，仲一早order咗2個甜品，幫朋友慶祝生日，有得甜品畫字美中不足的係，本來係同咗waiter講要2個甜品一齊上，但佢分開上，仲要隔咗一段時間🙊 整體黎講都唔錯😋

去睇戲之前食個lunch，我哋去嘅時候差唔多兩點所以唔係好多人，啲位都幾舒服，其實過黎之前都有上網睇過，都諗住過嚟呢度食，叫左兩個 set lunch，叫左個豬鞍架同雞通粉，都唔錯呀

早餐叫左左早晨全餐同奄列，等左個半個鐘都未到，見到老闆自己入廚房煮個麵已經食完我都仲未有得食，到左之後發現只係普通早餐，$58仲要加一，咖啡無咖啡味，無下次。。。。

明明係滾熱辣既松露薯條， 應該係啱啱炸起，點解食落去係腍既，而且好多油第一道上既菜就係意粉豬手都唔差， 肥瘦恰當，外皮仲有D 脆口，微微帶有甜味Buffalo Wings 既酸同個辣係重點，但唔係間間餐廳都可以攞到個平衡，依間個辣比較重身D,辣得好刺激，不過就好似剩係食個醬味，完全遮曬個雞翼Pizza 不過不失，不過喺咁多樣野食入面，最好食其實係 Tiramisu(不過我竟然顧住食冇影到相）帶有輕輕酒味，味道出色，推薦！

最近荔枝角有間西餐廳很吸引我，環境和食物都精緻，使我回味無窮！假日下午茶時間來到客人都一樣差不多坐滿了，可想而知平時更忙， 但餐廳員工忙中仍很有禮貎的!加拿大豬鞍架厚切大大份豬鞍架，每個位置脂肪部分都煎得香，肉香多汁。甜品焦糖燉蛋我的喜愛之一，蛋味香，焦糖脆片加上一流朱古力心太軟優質朱古力切開流心的， 流出來感覺好療愈呢！鮮果冰茶紅茶配上新鮮酸甜嘅西柚，清新滿足的一天Food Garden ETC 荔枝角長義街9號D2 Place一期3樓303-304號舖

今日同朋友黎到荔枝角D2 place行街，行行下見有啲肚餓，就黎到位於商場3樓既Food Garden食晚飯。我地叫左夏威夷pizza，香蒜蜆肉意粉，香酥翠瓜條、茄子條，仲有一個香蕉班戟配朱古力雪糕。野飲方面則叫左一杯熱薄荷朱古力。夏威夷pizza用料十分豐富，菠蘿好鮮甜，芝士同火腿份量十足，餅皮香脆得黎有咬口，非常不錯！香蒜蜆肉意粉亦都好吃，蜆肉份量十足，意粉亦都多到好似一座山咁，蜆肉既鮮味係食每一啖意粉既時候慢慢怖滿整個口腔。另外蜆肉亦都新鮮，肉質爽口。整體黎講我同朋友都好滿意。香酥翠瓜條、茄子條表面粉皮炸得香脆，再沾上醬汁，令人想一食再食！香蕉班戟配朱古力雪糕作為今餐既結尾十分完美。香蕉、班戟、雪糕，呢個組合永遠都唔會令人失望！

D2 Place後花園般存在嘅西餐廳🌺🌷💐門面及環境都充滿田園風🪴感覺舒服 啱晒同朋友嚟食飯傾偈！🧄蒜香海鹽焗大蜆 $138用原粒嘅大蒜焗㗎 蒜香味係非常濃蜆肉脹卜卜 冇沙 又夠鮮味 唔錯呢🌿香草黃油春雞 $268烤至金黃色澤 睇見賣相已經好有食慾春雞Size兩個人食啱啱好 骨少肉多 撕開雞肉仲保留住雞汁且肉質嫩滑配以香筍沙律及燒汁🍄黑松露雜菌薄餅$128雜菌分量爆滿啊 食落啖啖滿足薄餅皮夠薄夠乾身 抵讚芝士份量再多啲仲正！🍋碟豆花檸檬梳打 $58🍎蘋果果醋蘇打 $58身處花園都想飲番杯花茶天氣咁熱 就嚟杯清新特式凍飲啦

今晚約左好耐冇見既朋友聚一聚，咁岩大家都係荔枝角番工，所以收工後就去左D2 1期餐廳食dinner，見到都幾人食，店員安排左位置比我地，睇完menu就點左：香蒜蜆肉意粉$158:蜆肉大隻鮮甜，肉身軟嫩，香蒜味濃厚配搭滑身既意大利粉，香味十足，十分match!夏威夷手工薄餅$128: 有火腿、菠蘿、芝士，手工薄餅邊十分香脆，火腿唔會烤得太乾配香甜菠蘿肉，新鮮烤製的薄餅散發出淡淡明火焦味的特色，味道獨一無二！松露醬薯條$58: 熱辣辣即叫即整，薯條粗幼適中, 炸得甘香酥脆, 配上黑松露芝士，點埋茄汁更惹味！最後order埋杯可樂$20+熱朱古力$36:唔會太甜很香濃既朱古力🍫，暖一下胃，今餐食得很滿足！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

行D2 place 見到有黃店當然要支持下啦，畢竟而家黃店越黎越少。呢度嘅pizza 即叫即整，上檯熱辣辣又香脆。不過可能因為係薄餅底關係，餅邊就稍微燶左dd。Pizza係薄批 夠曬香脆可口 邊邊位仲脆卜卜😍 芝香十足🤤 芝士份量啱啱好 又做到拉絲效果🤩有埋菠蘿🍍咁就冇咁飽滯👍🏼松露醬野菌忌廉汁長通粉雜菌落得夠多 ，醬汁煮得唔稀所以長通粉食嘅時候都沾到唔少醬汁，而松露味都幾出，整體黎講唔錯。卡邦尼意粉中間有大大隻太陽蛋喺中間，係標準嘅卡邦尼意粉特色。香酥翠玉瓜/茄子條外脆內軟juicy，係一大驚喜。

諗住佢排名咁高可以一試，點知啲pizza有陣臭燶味，夏威夷pizza咁basic都可以整到咁難食。.之後又叫咗個簡單嘢 — 卡邦尼意粉，完全冇味…又冇蛋香，成碟嘢稀到水咁🤯.另外叫咗啲小食，雞翼、薯條等等，全部都係劣食！雞翼又鞋又老又唔入味，薯條啲黑松露少到睇唔到，又冇味，基本上成餐真係好難頂，永久blacklist唔會再試。.真心非打手，但對面間Up a Notch好食好多，強烈建議行開請去對面食都唔好去呢間。

首先要講啲份量真係好少，$288西冷得8安士，ok坐到入黎睇下質素點，點知一上枱就見到好鬼薄，叫medium well底面熟左，中間得果四分一粉紅，直頭係九成熟當你個塊扒既量影響到整體既質素，叫7成熟比唔到7成熟，係咪要檢討一下呢？反而燒春雞同羊架就叫ok既, 都幾香。跟住要彈侍應服務好一般，一開始見到餐牌無晚餐就覺得怪，open rice有寫加$50可以加湯同埋飲品，但menu無寫， 隱藏指令？？問完先話有，ok， 就加$50， 不過只能叫茶類及汽水， ok， 就叫蘋果茶同有汽礦泉水，點知叫完直接上主菜，茶湯無左影，再問先話$50只限上面三款茶，所以無落單！咁都得既？！茶記都會話你聽落唔到單啦！ 點同你玩吖？ 食完即閃

聽聞荔枝角D2 Place有一間頗為高質的西餐廳"Food Garden", 啱啱另外3位同事都想去試吓，咁就一齊由公司搭的士去啦!餐廳裝修頗有格調，木枱木椅，皮梳化，花花牆纸，昏暗燈光，令人心情輕鬆，可以好好享受一個愉快的晚上。Menu有Appetizer, 手工薄餅，意粉，豬，牛，羊，雞，魚，和甜品。飲品除了有汽水，咖啡，花茶，還有手工啤酒，紅白酒和酒精類飲品。卡邦尼意粉$128~意粉爽口彈牙，每條意粉都沾滿充滿芝士味的醬汁，加上煙肉，流心蛋和大量的芝士，真是回味無窮。夏威夷薄餅$108~餅底好薄好脆，上面鋪滿菠蘿，蟹柳，大量芝士和茄汁，酸酸甜甜，十分滋味可口。慢煮羊架$238~羊架肉厚，表面焦香，肉質鮮嫩，羊味香濃，十分美味。配菜有火箭菜，露荀和蕃茄乾，不錯。原隻德國咸豬手$288~等了差不多45分鐘才出爐的德國咸豬手份量相當大，足夠3-4人食用，豬手皮焗得非常香脆，某些部份膠質相當重，肉質亦好軟嫩juicy, 相當美味，還有酸菜墊底，十分開胃。就算等45分鐘還是值得的。