覓食家

Open Now

Now Closed

超級大雞脾！昨天（星期五）下午約兩點半到，推開門就有一陣陣的香氣飄過來，即刻好開心，心中講：嘩 好正。 店中員工有禮貌，店內坐滿食客。叫了雞脾沙律 凍檸茶。等待中四處望，見到多張寫了- 請耐心等候 的字條，就知道想食好東西就要有耐性。雞脾到了，竟然不舍得食！ 雞脾好靚 哈哈。味道：皮脆肉滑（十分滑），沒有肥膏，可以鹹多少少。沙律的生果新鮮好食，薯餅沒有食 因為太飽了。凍檸茶味道OK，沒有驚喜。三點後就不用等位。值得一試。

係佢搬鋪位前已經bookmark左 但因為喉嚨唔爭氣 keep住熱氣 所以一直無試到 今日突然想大啖大啖咁食肉 就諗起佢 🤤雖然佢個羊肉粒飯都好吸引 但第一次黎梗係試左佢地招牌既巨無霸炸脾飯先 一上碟見到隻脾霸左成半隻碟 🤤 你以為咁就完了？少年 你真係太天真喇 揭開隻巨脾之後竟然仲有半隻雞脾 而呢個飯只係42蚊 講緊出面d賣雞脾既專門店 一隻脾都成三十幾蚊既時候 呢到42蚊已經有1.5隻脾 真係窮人恩物 👍講完份量就講下味道 味道方面係令人滿意既 外脆內嫩 火喉控制得岩岩好 唔會overcook 亦唔會食到最後見紅 嫌唔夠味既話有孜然粉同辣椒粉可以落整體黎講 呢個價錢 呢個份量 呢個質素 絕對係有誠意既碟頭飯 下次要黎試埋個羊肉粒飯先 😋

早排星期六下午終於去左覓食家，間野就係鳳琴街間萬寧隔離條巷仔。由於怕多人排隊要等好耐，我地成兩點幾先去，都等左15分鐘先入得。坐底就叫左招脾炸脾飯同凍奶茶做brunch。炸脾真係超巨型，但肉質完全不會乾，又唔會太厚粉，女仔可以叫少飯，我比較大食都食唔曬隔離檯有人轉意粉或者沙律，望落都唔錯。最驚喜係個凍奶茶。好滑好香好濃，好似茶餐廳咁好飲。仲有我覺得凍飲個杯比起一段餐廳既杯大，大大杯好抵飲咁，最重要味道很不錯。

一行九個，過嚟食lunch記得之前有雜誌介紹呢度既特大炸髀飯就嚟拜訪下隻隻都成塊面咁大，上碟果陣大家都呆一呆，炸髀不欺場，生炸形式炸，內裡仲好juicy我果碟咁啱係兩隻炸髀原來老闆娘話我果碟隻髀細左少少俾多隻我滿足真係勁開心

今日同兩位小朋友一早去到店，已有小量人龍，入店取票等位，等左半個鐘排隊人龍越黎越多，我攞果張票系有號碼的，其他有好多人反而係無號碼，期間小朋友已經叫肚餓，之後有批食客完成，有個男既店員竟然唔需要跟號碼，隨心安排排隊既人入座，期間已經有在場排緊既人投訴，但店員一於小理，我同小朋友最後亦只可以離開去其他地方，一間連基本流程都無既食店，大家可以認真考慮去唔去

成日喺facebook見人哋講呢間鋪，今日終於可以嚟試一試7點鐘多d嚟到，未見有人排隊，二話不說衝入去霸個靚位先本身諗住叫2個至識食雞脾飯，但見到隔離枱嗰個豬扒飯都好大份，又好好味咁，心思思想叫一個嚟試下，最後決定咗叫一個至識食雞脾飯同埋一個香煎豬扒飯雞脾飯一上枱，我同朋友都嚇親，好大隻雞脾，望真d，原來係有一隻半雞脾。之前喺網上見到有人講，話如果你隻雞脾太細，老闆會比多一隻/半隻。我望一望隻雞脾都好大隻，咁都再送多半隻雞脾，真係好抵食。雞脾好嫩滑，好好味，誠意推介個豬扒飯都唔輸蝕，有iPhone 咁大塊。一上枱就聞到好香，雖然好大塊好厚身，但食落口完全唔嚡口。食完相當飽肚除左食物抵食吸引之外，店員嘅服務態度亦都一流，值得encore

覓食家最近搬了新鋪，鋪頭大了，座位闊落了！令人坐得很舒服自在！有不少元朗人都介紹這間店舖，我的朋友都是在九龍特登過來享用晚餐，知道店舖的雞髀和其他食材都很快冇貨，所以我們便早了去！於是我們便叫了，豬扒煎蛋飯和雞扒煎蛋飯。豬扒和雞扒都是炸完再煎！兩塊扒都很大塊又很厚身，雞肉肉嫩，而且可以鎖住肉汁，就算是煎完再炸，都不會感覺很油膩，而且雞扒的皮也很脆，十分好食👍🏻豬扒很厚身，有6分厚，一切落去，就感覺到老闆的誠意，就算價錢很便宜，但食材都不會輕率給客人！食材也沒有雪藏味，全部都是新鮮的！這間小店的誠意十分可嘉，本人支持小店👍🏻大家快來品嚐一下吧。一定會有無限的驚喜！晚餐兩人食用也不過$100，還包一杯熱飲！真是拍拖享用晚餐的又飽肚又便宜又可以食到好野的選擇👍🏻

元朗區實在太多嘢食，有平有貴，臨近月尾 ，我當然揀平嘅嚟食啦，哈知道呢間覓食家已經有好多人討論過， 而在元朗亦都有幾間炸雞髀好出名嘅食店我都已經食過，就係呢間未食過......由於本人實在太鐘意食熱氣嘢喇，所以我今日就去呢間食啦 晚上7:30pm食晚飯，好好彩唔使排隊立即有位點了炸雞髀煎蛋意粉，及豬扒飯，另外再加飲品，2個餐好像總共HK$90 ~ HK$100正常炸雞髀煎蛋意粉係有一隻極大的雞髀，不過由於我隻雞髀細隻(我唔覺)，所以廚房就給了兩隻雞髀......變成了合標準的 size!!!真的是巨量得太誇張了, 隔離枱的人都投以羨慕的眼神，我自問有buffet 基因，都有少少招架不住，請給我兩小時，我有信心完成整份，我最後是分了一隻雞髀給身旁的男士~~我見到隔離枱有一個女仔獨享一隻大雞髀，佢用叉拮住來食，雞髀完全遮蓋咗佢塊面，好誇張!!味道方面，雞皮是香脆的，皮與肉之間完全沒有肥油，雞肉稍醃，夠味，炸過後仍然很嫩滑，剛剛熟，不會有血水不過我喜歡再炸透小小枱上有一些調味粉, 應該就是提供給喜歡吃濃味的人另外仲有炸豬扒，一樣十分之出色，不過大少來說，豬扒是正常size的，厚切，有咬口，完

覓食家轉左新舖其實都只係幾鋪之隔！環境大咗坐得舒服！而且價錢無變，職員亦都多咗，變相食物上枱速度亦都快咗！黎呢度一定要試佢嘅大大舊雞比仲有機會會有兩隻雞髀添 我自己就試過有兩隻雞髀啦真係要睇好唔好彩！但係就冇咗配螺絲粉只得意粉或沙律或飯揀沙律就會跟薯餅意粉飯就會跟太陽蛋依家你唔係食家終於唔使排隊可以慢慢食而佢嘅炸雞髀亦都夠晒滑，亦唔會炸過龍

擴張重開後第三日當然要嚟試下啦(其實喺以前舖位隔離幾個舖, 即佳寶超市隔離)，舖位比之前大了一倍有多，空間大了當然坐得舒服好多，第一時間要叫番個招牌菜識食炸雞肶飯配黑椒汁，雞肶味道依然不變一樣咁好食，因為炸到雞皮脆卜卜好香口味道好濃肉汁很多非常Juicy，三個星期冇食真係有啲掛住，必吃推介No.1 ^ ^ 再嚟個孜然羊肉粒煎蛋飯，羊肉keep到同以前一樣軟滑而沒有羊肉嘅騷味，恰當嘅孜然粉又唔會太搶味，食到羊肉嘅朋友可以試試 ^ ^凍檸檬茶一貫都係咁大杯，味道OK，檸檬夠新鮮所以好清香 ^ ^ 😋😀👍👍👍