覓食家

Open Now

Now Closed

機緣巧合之下經過 見到晚餐幾平所以試下食過兩次先寫食評  ,  兩次都係炸脾蛋 + 黑椒汁一次食飯一次食意粉 (飯有一隻 + 半隻雞脾, 意粉只係得一隻脾)雞脾好大隻,就算只有一隻都夠晒飽  皮脆肉嫩 , 諗唔到挑剔既地方黑椒一般茶記質素, 有黑椒味但係唔夠香 (質素可以接受但都有進步空間)凍飲夠大杯 應該夠晒一般食客飲用老闆同伙記都好NICE , 但如果想搵五星級服務可以去第二間希望老闆可以加多幾樣菜色 ! 

一路入元朗既車程中一路Google有咩美食推介。Search到呢間好多人讚既大雞脾，份量之大係大過塊面!於是我地又滿心期待去搵食喇~去到見到入面座無虛席!出面都好多人等位。好彩我地得兩個人好快就有位。呢間鋪鋪面唔大，我地撘檯坐都有d迫，坐低見隔壁左右唔係食炸脾飯就食炸脾沙律，睇黎個個都係為隻脾而黎!因為要留肚食甜品所以我地只叫左一個炸脾~跟餐有沙律同薯餅同一杯野飲。估唔到野食未黎已經因為服務而扣點分，我拎住餐牌想影點知一手俾個店員拎走左，跟住隔離檯話想轉個汁做蒜蓉汁點知俾個店員黑面仲啤左一下~😂好啦咁惟有期待美食撘救~炸脾上檯係巨形既!但食落又唔覺真係特別到令人想專程黎食，感覺好似只得個SIZE比較特別，醃得都唔係話好香。反而旁邊既薯餅同沙律仲出色! 薯餅炸到超脆，好香口!沙律唔係普通罐頭雜果沙律，食落係有薯仔有甘荀有蘋果，全部新鮮蔬果!呢個有驚喜~👏感受到誠意既!野飲揀左凍檸茶，都好大杯，兩個人飲都唔會唔夠喉!總括而言成餐味道都唔錯既，只不過可能自己對於隻脾期望太大所以有d失望而已!😔

今朝老公帶我去食左一間，目前我覺得最好味既炸雞脾舖頭！真係勁香！勁脆！勁大呀！又抵食！！我地食完仲買左個外賣反去俾工人姐姐，食完都覺得佢香足全程！成架車充滿住雞脾香味！哈!!住左元朗甘耐竟然第一次食！比手掌仲大既雞脾！而我朋友叫左一個豬扒飯。件豬扒又係超大件！勁正！又多肉汁又鬆軟。睇黎能我又有段時間食呢間野啦！每次一食，就會成日想食！唔知有無人同我一樣！哈！一路打，一路回味緊隻雞脾，真係一d都唔肥，唔油，好脆好香！

呢度樓面幾乾淨，冷氣超級凍！閒日黎食唔洗點等位！雞脾可以配沙律或者意粉飯一定要嗌沙律，因為好多新鮮水果整，分量岩岩好！雞脾外皮勁脆，唔會擺耐左就唸晒，慢慢食，食到尾個陣都仲係好香口！肉質嫩滑，仲有五香味！夠入味！我鐘意加香辣粉！仲好食！仲有其他味粉可以自己加

行過路過不容錯過每次路過元朗呢間覓食家，必定有人龍在等位。 佢的雞脾飯，一向岀名。 雞脾真係好似塊面咁大！炸得又香又脆， 也有不同汁汁比你選擇，真係極度邪惡。今日，又再食佢的雞脾太陽蛋飯，及試埋瑞士雞翼太陽蛋飯。 雞脾飯一向已岀色。 瑞士雞翼也非常入味，而且仲有5大隻添！講老實話，如要減肥的朋友，真係唔好嚟。 點忍受到唔食佢呀！即使是大食brothers們，應該也完全可以滿足到的。每份也只是$44, 包餐飲，難怪點解任何時候，也排長龍。 超值，好味！

行過見到一直好想試嘅呢間鋪頭～「覓食家」唔算好多人就一於試吓😍之前睇雜誌見佢講到隻雞髀好大好正可以媲美元朗區另外兩間出名嘅炸雞髀鋪頭，未試已經流晒口水，今日嚟到梗係要試呢個雞髀煎蛋飯！呢個炸雞髀煎蛋飯比我想像中抵食有埋嘢飲都係40幾蚊 （$44）, 不過價錢唔係最重要，最重要係好味，就等我一試便知龍與鳳！一上碟啲香味撲埋嚟，吸引到爆！雞髀真係大過我個手掌！炸到好脆好香，又唔會乾爭爭，我覺得同另外果間萬x/三x都有過之而無不及！飯底嘅份量我覺得對我黎講都OK，如果大食嘅男仔可能要問下佢有無得加底，整體黎講性價比十分高，經常元朗出入的我一定會間中掛住想黎食😂🤤🤤🤤（*原本無諗過打食評，但又覺得呢間店都算幾經濟實惠，且有誠意製作，好啦，就幫佢打篇啦🤣💕相唔多 請見諒😜）

突然想到大雞脾🍗🍗好想食呀！即刻想到這家店😬勁大雞脾！雖然地點不算是太方便，但平日的中午時間也有不少捧場客👍🏻我們大約等了10分鐘左右，就安排有位置坐，店舖比較細小座位有少許擠迫，但也沒有問題因為大家都是吃完就走的！我們叫了一個至識食雞髀煎蛋飯、生煎厚豬扒蛋飯🐷（可以配黑椒汁、咖喱汁、豉油汁）另配熱飲👍🏻這店做街坊生意，所以都 很多熟客！一定要讚這店的雞髀，非常大塊有成塊面咁大😝而且味道一流👍🏻

之前食盡元朗雞扒飯，今次就食雞脾飯！首先就試左炸脾超人氣店覓食家先，主打成塊臉咁大既炸雞脾飯，包埋野飲$45仲有找！餐廳內外好好彩地仲有兩個位，唔洗等位，不過繁忙時間4人一枱卡位，真係坐得好逼，冇舒服可言，不過食茶餐廳係咁架啦。食物選擇其實唔係齋食雞脾飯，仲有原條烏頭添！都見到有人食，好大條好正咁，不過我黎既目的都係雞脾飯！至識食雞脾煎蛋飯 $44可選配飯/意粉/薯菜，最basic食返佢個飯，生炸雞脾真係超級巨型Size，其實都怕會炸到乾爭爭，但又唔算，肉質都尚算不老，不過就冇乜味，枱面有孜然/話梅/辣椒粉比你加，要靠落呢啲粉物先有味，雞脾調味方面做得差啲。太陽蛋夠濃邊，呢點加分！包熱飲整體$44包熱飲，我覺得都可一試，但未至於要特登走入黎食，反而下次若果再順路黎呢頭，會想試佢條烏頭就真。

炸雞髀周圍都有得食，但咁好食嘅都係第一次！未試過嘅朋友記得要去試吓雞髀焗完再炸，肉嫩多汁，雞皮酥脆，冇想過咁大隻雞髀竟然咁好食$44 包飲品，炸髀飯仲可以轉意粉！唔鍾意食澱粉質，仲可以加錢改沙律！地方乾淨，職員有禮，耐心介紹，用心煮食物，很值支持的小店

今日eatmug9 #14今日大鄉里出省 嚟到元朗依度搵嘢japjapjap 平日差唔多12點間鋪嘅位都已經爆爆地 好彩唔洗等太耐就入得去食坐低咗望望四周 個個都係叫雞脾煎蛋飯嚟食 心諗係唔係咁好Jap 呀？一於試試由於楊師傅好L懶唔想lun 骨就嗌咗個雞扒煎蛋飯嚟食反正都係雞，不用分那麼細件雞嘅size 都唔係細啵 發育正常 唔係肌肉萎縮新鮮炸起係唔同啲 個皮咬落去係非一般嘅鬆脆而個肉質嫰滑得嚟又有咬口 再加埋隻太陽蛋都係40蚊樓下抵佢咁多人食

覓食家位處比較多食肆嘅地段，算係旺區，所以今晚4個人黎到，平日都要等位。聽元朗朋友講得多，話雞脾豬排大個塊面，其實我就重質不太重量嘅，如果唔好食就幾大都哂氣。餐牌真係好簡單，全部都係肉有豬有雞有羊，咁我地就叫左雞脾同豬排飯啦!先黎雞脾飯，呆左，未見過咁大隻雞脾，仲要中間斬開2邊之後，好似有2隻雞脾咁樣。我地大家一齊試，肉嫩皮脆，又唔會乾。然後再黎埋豬排飯，嘩，又厚又大，嚇親!簡簡單單嘅組合，估唔到咁滋味，仲要咁抵食。希望呢間餐廳能夠一直經營落去，造福下元朗嘅居民。P.S.我唔係元朗人

幾次黎覓食家都有長龍，今日週六晚下定決心要食到佢🤠七點前黎到，門口已經有人等🤤 入去同店員拿咗飛後等左10零分有枱覓食家走中國風🇨🇳 牆身上係潦草文字，三十個位左右，有部大電視其實餐牌唔複雜，都係7 8 樣碟頭飯🤣揀咗最出名既雞脾🍗雞蛋🥚飯黑椒汁同豬扒🐷雞蛋🥚飯蒜蓉汁雞脾飯一黎到，咦😯兩隻雞脾既？原來因為其中一隻細得滯，老細補多隻（但其實佢一隻都已經唔細囉😲）另外佢隻蛋真係煎得好靚，蛋黃哥堅挺咁企實係度🍳 豬扒都超大塊，成隻大碟遮咗一大半🌘要係有限盤面切開對雞脾係有難度🤣咬入口啲肉汁係保存得好好🤔無平時炸脾咁乾，後來先知佢係先焗後炸🤤 豬扒都做到肉汁保存，撈埋啲汁食飯，小小既碟頭飯充滿心機埋單都係100蚊唔駛，真係超值💪💪

今晚去了元朗雞地出名炸雞脾試試有幾好味，門外有好多人以為無位，原來是叫外賣，可能我一個人關係，一入去就有位。坐下看看餐牌款式不多，一於就叫招牌雞脾飯加可樂，由於即叫即炸係需要等十分鐘左右。我見隔離枱個個都叫雞脾仲要好大隻，等左一陣上枱了，嚇左一跳，點解係雙脾架？我叫錯左？我見個個都是一隻脾吧，上網看食評，原來因爲雞脾不夠大會有時候給雙脾，嘩，點食得晒呢😆。食物味道不錯，係生炸雞脾不是其他店奄到咸一咸，雖然不會是兒時味道，但看得出係用心機係製作食物。值得一去。

知道元朗有間食巨型炸脾嘅小店係雞地附近，終於可以去試下。佢地由舊舖搬左去新舖後，更大更寬敞。主打雞脾飯，當然要試左先，其實我見到有其他人叫羊肉飯都好吸引🙈🙈雞脾飯可以配豉油汁或黑椒汁，喜歡濃味嘅我當然係揀黑椒汁。一上到枱，果然好大隻脾，同我塊面差唔多😂😂黑椒汁似學生飯嘅味道，食落好濃郁，甜甜地，好有回憶。咬落去皮脆肉嫩，雞皮炸得脆卜卜，食落好似薯片。肉質又唔會嚡口，仲好Juicy。本身雞脾已經醃過，不過加埋孜然粉會更惹味。哩間係食過咁多炸脾，個人最滿意嘅一間，下次要試羊肉飯。

見某傳媒同網評都好評嘅小店，一場黎到元朗緊係要朝聖吓！位置都算易搵，午飯時間黎到都係等10分鐘內就有位！ 黎得小店都預咗冇服務，環境擠迫，一坐低阿姨就即刻想幫你落單，但佢渾渾噩噩咁，差啲落錯單，真係扣晒分，好彩朋友仔醒目叫住佢！黎得呢度梗係叫返個招牌炸雞脾飯，加隻蛋跟熱飲都只係$42，算抵食，size都同雜誌報導差不多，絕冇欺場！不過其實佢將雞脾開邊炸，賣相的確呃like，但都係一隻正常size嘅雞脾，整體上無啲報導吹捧到咁神級！啲皮夠脆，多肉汁，但唔夠入味。另外叫咗個瑞士雞翼飯，都有驚喜，都幾入味！不過叫少飯都無少飯過，結果一半都食唔到！做左大徙鬼喔