覓食家

Open Now

Now Closed

傳聞雞髀又大又好味，帶著試一試的心情，果然 名不虛傳， 我們等了約十分鐘就可以入座，內裏裝修平實，大約不足30個座位，九成以上顧客都是叫髀飯雞扒飯，我們入座時還有很多人在門外等呢！我們叫了一份雞髀兩份雞扒一份羊粒飯，雞髀外脆內嫩， 聽聞老闆娘是用五種不同的水果打成汁醃肉的， 夠入味不含味精，份量真的很大，有成磅重。本來好想試下秘汁豬手，但又賣哂，店員說通常未夠5點已售罄，下次要再早D黎試。。。 我老公就最鍾意食羊， 叫了一個羊粒飯，不錯，他說好好味。

至識食雞髀薯餅沙律😋香草雞扒煎蛋出前一丁😏每份$42 (連飲品)覓食家，真係想試好耐啦🙈之前勁多人推介，咁啱入元朗，一定要試試😋雞髀，果然好大件😲肉質嫩滑，而且好juicy🤤真係好好食🤩完全無介紹錯😎雞扒都好食，但相比雞髀之下，相對會失色🙈下次再入元朗，一定會回頭再食雞髀，抵食😋

呢家鋪未搬嚟大鋪個時，已經慕名而來食過一次，個時鋪仔細細位唔多，人客就好多，加上雞腿即炸，等候時間就更長。今次同老婆特登11:30am嚟等他開門，點知仲係落左半閘，係附近徘徊左陣，都有十幾個客同我地一樣甘等，十幾分鐘後終將開門～今次我地都係叫雞脾煎蛋飯，她上次雖然食過孜然羊肉煎蛋飯係幾好食，但羊肉份量唔多，她覺得唔夠雞脾飯抵喎~等左10分鐘左右有得食，雞脾長度同隻碟差不多長，好大隻吖！！！雞皮炸到好脆，肉質嫩滑仲好juice ，煎蛋係太陽蛋嚟，揀左黑椒汁配飯，$42呢個價真係好抵食~

之前已經食過一次，見面書好多谷友評價甚高。於是某個星期六去會一會佢。當時舊舖見門面不大，而且還有不少食客等位，因此果斷叫雞脾配意粉外帶上車食。一接過外帶一刻已經發現雞脾與意粉分開裝盛。雞脾用上紙袋裝盛。我唔知紙袋同發泡飯盒價錢幾多，但用紙袋裝就唔會用發泡膠飯盒咁上倒汗水之餘仲可以將多餘油份繼續吸收，令到炸雞脾脆度保持更久。意粉就不用多說，一般人貨色，撈上生黃太陽蛋拌食會比較好。搬舖後門面大了，但因要趕回公司所以只能外帶。炸脾即使經過20多分鐘車程依然維持到脆度，值得翻食。

我對雞腿🍗有一種情意結～～也許是由小到大屋企人總把雞腿讓給兩個弟弟，我得到的只有雞翼⋯⋯到大個當然是瘋狂地吃雞腿🍗以彌補做姐姐童年的損失喇～～元朗覓食家最出名就係人氣炸雞腿！我又怎會錯過？！覓食家由舊址搬了新店，同一條巷，店內位置可能更大了～每次經過總是店內店外擠滿食客，我唯有外賣拎回家慢慢嘆！外賣Order 完約等20 分鐘左右，人家係即叫即炸，要食好嘢就要耐心等候～～一攤開炸雞腿直頭傻眼！XL的炸雞腿比起一般炸雞腿的Size 更大，一咬落唔會有厚厚的炸粉，外皮超級香脆，而且啖啖肉，肉嫩唔鞋口仲夾著juicy 的肉汁！我配了沙律，我一般好怕食茶餐廳沙律，又稔又粉⋯⋯但估唔佢加了青瓜及蘋果，多了份爽口，只是嫌沙律醬太多太膩⋯⋯仲有炸薯餅⋯⋯好飽又滿足的下午茶！

做完運動去左雞地搵晚餐食，其實呢間野新開我食過3次，2次雞脾飯，上次同今次都係豬扒飯。佢啲豬扒厚得來又多汁，不過真係即叫即做，唔等得就唔好來食。價錢我覺得完全合理，一個晚餐先$45，我飲凍奶茶，奶茶就不過不失，唔會唔好飲，但又未到明記水準😂我比較夜去，老闆煮左啲菜請我食，叫我食多啲蔬菜健康啲，呢點已經係要加分！計埋今次已經第4次，水準保持到，無下降，店員又好禮貌😘真心推介，小弟第一次係openrice打食評

成日聽人講覓食家既炸雞脾有幾大,有時仲會出現雙脾,今日專登帶埋朋友黎見識一下...去到人山人海,要等位,不過唔緊要,為左美食我願意等既其實佢既選擇唔算多,得果4-5個餐,大部分食客都係叫炸雞脾飯我地都唔執輸,一個叫炸雞脾飯,另一個叫豬扒飯炸雞脾飯我覺得味道中上,反而個豬扒飯俾到驚喜我,D肉質幾嫩下,仲要塊扒超大,食完塊扒其實都飽飽地,仲有一隻太陽蛋兩個字:滿足

Crazy!!! 隻雞脾大隻到一個點! 長過支叉😳😳店主承諾, 雞脾細個隻手掌會比雙脾㗎 😱😱😱 好想欣賞下😂😂炸雞脾煎蛋飯 $42 包熱飲 (可選配沙律或意粉) 👍店主話: 雞髀解凍後用洋葱、蒜頭...等香料打蓉，唔用現成的味粉。放置翌日先用慢火烤焗，迫出多餘油份， 以封住肉汁。雞髀醃好後，入焗爐慢火烤18分鐘，以去掉多餘油份，並至內外熟透。🐔 店主話唔用味精, 難怪食飽唔口渴😋難怪咁大隻脾, 都皮脆肉嫩, 多汁幼滑喇😋

尼間係由朋友帶我黎食店，雖然openrice唔算多人介紹，但係出面都好多人排隊。尼間既雞比同豬扒都超好食！而且份量非常多，價錢好似$50，唔貴，我同朋友都係叫幾樣share食。另外烏頭都好正

元朗好食既餐廳實在多，要搵到一條血路實在不易，此處就是出名賣雞脾的。據聞要是size沒有老闆娘塊面咁大的話就會附送多一隻，我今日來到我個碟就無，隔離的確係有雙脾飯，好吸引🤤。隻脾係先焗過再炸既，肉質係juicy，皮都幾脆，跟餐配飯係䜴油汁，唔會太甜都幾好，下次試下黑椒汁。總體來講都幾好，可以推薦一下，如果元朗其他野食到悶都不妨試下佢。

👆🏻此乃A餐👆🏻至識食雞脾煎蛋飯盛惠42蚊，凍飲加3蚊·大大隻雞脾足足有17cm咁長皮脆肉嫩、炸完都仲係好juicy外皮好脆但一啲都唔燶雞肉亦唔會乾爭爭👍🏻👍🏻中意重口味既可以自己加多啲孜然粉，每枱都會有一支比客人任加😋·煎蛋係太陽蛋，但係呢隻脾太大，搶哂佢鏡😂搞到我完全影唔到個蛋黃🙈（明明我見人地果啲都影到架嘛😅）白飯配上豉油汁，係港式茶記既味道～正呀！😎唔想食飯可以轉沙律或意粉😌唔中意豉油汁又可以轉其他，例如咖哩汁、黑椒汁咁非常客製化😆👍🏻👍🏻👍🏻·凍檸茶大大杯，叫左少冰少甜又調得岩岩好，合哂我心意🥤·店面唔算好大，但都放到十幾枱，星期日去食真係比較多人，畢竟佢性價比幾高，好受歡迎👨‍👩‍👦‍👦👩‍👩‍👧👩‍👩‍👦👨‍👨‍👧‍👧我見佢午市做唔切直頭貼告示，暫停外賣，齋做堂食。下次再食既話想試下佢個孜然羊肉粒飯🐑聽聞整得幾好又唔騷👀

老公話呢間雞扒好出名，咁岩路過就係到開飯，當時都有小小人等位，但等左一陣就入到去，老公叫左雞扒飯黑椒汁，我叫左孜然羊肉飯，叫左之前一路見出面有人等位及崔外賣，樓面不停叫廚房，客又不停崔，眼見堂食既大陪份人都有野食緊，但佢地係咁出餐又無人叫架喎，于是又拎凢乙入廚房，無耐雞扒飯到，咁我見人地咁忙咪費時崔囉，點知老公都食完，我都未有，個樓面見我無野食，就話叫我等等，好快有，咁我又等，等左半個中以上，途中都有人入黎食，然後個樓面呀姐應該賣錯野，將我個飯比左個遲黎過我既人。。。比佢另外同事見到，又比我見到咁我就話未煮就算，取消佢，因為我痴左老公啲雞扒飯都飽飽地，佢又堅持話好快比我，雞扒都不錯既，啖啖肉個隻，男人最愛，孜然羊肉飯我就覺得有啲太蘇，一般，吾知係咪因爲已經飽飽地。。。之後又見有個男人話叫左三個豬飯外賣，半個中都未有，佢地又漏單，好亂，有人叫個啲就出吾到，出左個啲又原來無人叫，真係幾好笑

成日睇人地介紹大大大雞腿🍗由7月想試，第一次去未開門，一直都想試，想左好耐既今日終於可以買外賣試了，由於即叫直生炸，所以等外賣都了十五分鐘左右，熱騰騰既雞肶同飯盒分開袋，返到公司第一時間址開個紙袋放返返盒度，真係大到嘩一聲啊！好大隻炸肶意粉同瑞士汁意粉都爆左一個飯盒，再砌炸肶d肉，炸到又唔覺得好乾，雞皮好胞，肉就好鬆軟，依個餐都算經濟，都係連埋熱飲外賣加一元都係四十二元！除左有名氣既雞肶，仲有其他選擇!

🔹至識食雞脾煎蛋飯 $42 凍飲+$3以大雞脾聞名 又係我出動嘅時候啦價錢黎講幾抵食嘅 比起之前食過另一間冰室嘅平雞皮都炸得幾脆 肉質又唔會過老 保持到小小嫩滑嘅整體黎講都幾好 如果唔洗排隊嘅都可能會成日食雖然以大雞脾出名 但好多人食羊肉粒飯 有機會都試下先另外杯凍飲都幾大杯😂飲極都飲唔完💬有樣野幾好 當有人排隊同好多單嘅時候會暫停外賣單 唔會令堂食嘅客人都等太耐 始終炸脾都係需要時間環境：5/10食物：8/10

巨型炸雞脾飯聞名，即叫即焗，人人必點，枱面放了籽然粉、辣椒粉餡食客自助調味聽聞雞髀唔夠大，會俾夠兩隻雞脾👀👀👀走運啦👍兩脾飯，淨係食脾都飽飽！好嫩滑內嫩皮脆的炸雞脾，雞髀皮薄且脆，不會過多於肥膩，咬落肉汁豐，肉不柴，醃味徹底，好吃。煎蛋飯，煎蛋有脆邊👍👍👍試過你就知