富港海鮮酒家

Open Now

Now Closed

未見過一間酒樓咁樣招呼客人，12点入到大堂，冇伙记會招呼你，隔離枱有個客已經話坐咗幾個字都冇人開茶，我哋坐低幾個字先有個经理埋嚟，叫咗茶又開少一壺水，又等咗幾個字就埋去問個經理，俾佢鬧到隻狗咁，點解唔一次過講晒，我解釋比佢知可能佢聽漏咗，佢就叫我問其他伙记，我問其他伙记，佢叫我自己入茶房開，乜嘢酒樓嚟架？事後點心到全部凍晒，究竟係乜嘢酒樓，是否就嚟執笠，伙記冇心工作，非常之劣嘅酒樓

今日食咗呢間野，食到成肚氣，想同大家分享一下咩事，大致上可以分為兩方面既問題。第一，職員態度愛理不理，明明成個場都冇乜人坐，當有人黎既時候，個職員就特登搭佢落我同屋企人張枱度。第二，到嘢食質素問題，話說我叫咗個沙薑豬手，就求其搵啲豬手碎撈埋啲芫茜蒜頭就算，仲要成碗都係骨。屋企人再叫咗個剁椒蒸魚雲，上菜果陣個魚頭凍冰冰又腥。之後叫咗個脆皮豆腐，皮唔脆，凍冰冰仲要冇味。由此可見呢間野有幾咁伏同垃圾，唔好幫襯。

昨晚，和家人一起到鰂魚涌富港酒家吃晚飯。經理冇乜禮貌，侍應好啲.....選了這個套餐👆除咗魚係熱之外，其他食物都只係微暖。紅燒花膠海味魚翅，食魚翅好似食到有沙嘅感覺。食到尾聲，‘筆’埋最後嘅湯羹......點知......🤢

同老婆去咗行鶴咀 ，行完出返嚟已經超餓 因為我住深水埗，真係好少黎港島， 咁就即管搵下附近有咩火鍋食， 而我係一個酒樓控， 見到呢間富港 150蚊埋單，咁就梗係要試下啦， 本身都完全冇期望， 入到嚟見到場就真係畀佢嚇親。我嗰嚇親定係嗰場特別新淨， 雖然佢真係好新淨係我見到佢嗰啲任人攞嘅熟食我都真係唔夠膽攞住，問一問個侍應我係咪可以食先！ 因為裏面嘅嘢食好靚，仲要好味，彷彿係好似人哋去茶樓側邊，攞左逐碟收錢嗰啲咁嘅格局有我最鍾意食山竹牛肉，平時我喺酒樓飲茶我自己都食兩籠， 跟住個 叉燒酥 勁正，又有牛肉腸勁正， 茶葉蛋鹹水角， 呢啲熟食喺我同我老婆最肚餓嘅時間救咗我哋旁邊正常有醬料， 亦都有煲得好正嘅糖水任飲嘅嘢，有我童年回憶最鍾意嘅蜜桃茶， 同埋有一隻唔係好甜嘅冰紅茶， 係冇啤酒啫重頭介紹嚟啦呢度啲肥牛同出面酒樓嘅質素完全唔同首先佢唔會切得好厚，因為出面酒樓有啲肥牛切得勁厚，本身又勁多根，勁多肥油 基本上你牙力冇返咁上下，一塊肥牛可以 咬半個鐘但係呢度啲肥牛油花算平均，亦都柔軟，，厚薄適中，係好正嘅 而最正嘅就係佢啲海蝦，完全唔梅， 新鮮到極點，四隻一碟 我起碼有食左10碟而其他蝦滑

年初九，與八個舊同事兼好姐妹，開心打邊爐。酒家地方挺大的，一邊是火鍋區，一邊是吃晚飯小菜的，裝潢金碧輝煌。火鍋$148/位，茶芥小費全包，除了鍋底和二小時任食鍋料如肉類、海鮮、蔬菜和丸類等外，四人以上惠顧，還奉送重慶雞煲一隻，物超所值。值得一讚的是，酒家以冷凍櫃存放各款鍋料，一目了然，整齊且乾淨。此外，還有適量熱食和零點，如腸粉、炒飯、炒河、炒蘿蔔糕、炸春卷、蘿蔔絲酥等。等候期間，每人都各取回自己喜歡的熱食。

講到喺鰂魚涌飲茶，一定會諗起哩間酒樓，因為方便又易搵位，價錢經濟實惠，午市都有唔少特價點心。今日一行四人，叫咗八款點心，一碟炒河，埋單都係$267。南瓜🎃煎堆熱辣辣，好味燒賣午市特價只係$8.8咋藥膳豬手雖然睇落有D肥，但係味道唔錯,$19.8灼生菜唔油，好爽口醉鷄$32，抵食，而且個酒味啱啱好，同喺食上海嘢舖頭差唔多☺️小籠包皮簿，不過有一隻嚟到已經漏咗汁，不過只不過$17.8煎涼瓜鯪魚餅都幾好味呀，入口有少少涼瓜嘅甘味瑞士汁乾炒牛河大大碟都係$58，河粉質素唔錯，味道恰到好處😋仲有XO醬蘿蔔糕，食完先記得唔記得影添🤭

成個星期無打邊爐，邊爐癮又起，所以見到有邊爐任飲任食月，唔理啦，食佢先講。呢間野平日日頭做茶樓，夜晚又有得打邊爐，真係用到盡，好醒目。打邊爐收費，免茶位費，免加一，淨收138蚊一位。環境都算企理，點咗個花雕雞煲做湯底。我地自己加咗d料先。仲有大大邊雞，仲浸住係d好香嘅花雕上面，如果揸車都驚驚地會俾人話醉酒駕駛。任食應該以食海產類最為划算。呢度d蝦都任食任拎，部分都好生猛仲扎扎跳。食蝦真係無得輸。其他仲有好多菜，菇，丸，肥牛。丸有兩種芝心嘅好唔錯。但食物櫃經常打開，惟恐唔夠凍。淥完透一透氣再食最無得頂。

休息嘅日子唔想煮飯食，最好就係去酒樓飲茶，選擇多樣化，可以滿足到大家嘅要求。其實已經嚟過幾次，呢度都算幾抵，衛生情況都可以接受。個地方都幾大，而且都幾旺場。佢嘅種類唔算好多，都係大路野，好似無佢自己嘅特色點心。之前有個花膠粥，非常唔錯，但佢更新咗個點心紙就消失咗。每次嚟都至少會點一個飯，夠晒抵食，而且燒味嘅質素都唔差，大大碗一定唔會餓親。呢個係芥蘭，唔會太硬，又唔會太稔，但無乜芥蘭味。點心正常嘅水準。魷魚鬚，都幾香口，個表皮香脆，里面又唔韌。總括嚟講，由於附近幾間茶樓都試過，有D碗碟崩曬口，又洗唔乾淨，有D又貴，又多人。比較之下呢間算係合理。由於呢個酒樓舖位以往經營嘅酒樓都好少可以營運到一段長時間，但希望佢可以爭下氣，定期更近下D點心種類，令顧客可以保持有新鮮感。

通常一大班同事無帶飯就會例牌黎呢間酒樓食中午飯, 係公司行過去都係5-10分鐘, 由於我地放12PM食飯, 通常都有位, 但如果係想靜靜地BOOK間房食餐飯, 可能就要提前BOOK了, 而且有最低消費, $3,500。通常我地食完飯, 成間酒樓好快就FULL哂了, 其次 食物上菜唔算慢, 價錢又唔貴, 所以會成為我們大夥兒平時食飯既飯堂!唯一係就因多人同D位比較貼, 會比較嘈左D同要就下D位。

就是貪這酒楼很近公司， 只需5分鐘， 在1小時的 lunch hour, 這個時間比例相當重要呢! 省回的時間可多喝1杯茶啊! 在大廳進餐， 確實是有點嘈吵的， 但如果你愛熱鬧， 這裏就啱哂你了!總括而言， 平宜價錢， 一般食品， 沒有太大要求便行

中午與同事們一起到中式洒楼午餐，有些驚喜酒樓環境適合多人一起進餐 大圓枱可以讓大家一起談談話 。 大家又可以叫多款食物 一起分享 讚。燒賣口感唔錯十分新鮮即叫即蒸 蝦也大分彈牙 值得大家一食滑蛋蝦仁炒河 不過不失 但大大碟 大家一起分享也是十分不錯不知道是否因季節問題 菜心的口感 、味道麻麻 可能下次點菜也要先看看是否合時節驚喜！現在很少洒楼供應這甜小食，蛋散入口鬆化，加上有檸檬味的 糖漿，好味如果大家到這間酒樓午餐 十分推薦大家試試蛋散！

開業幾個月左右，見多人幫趁又算平，所以趁父親節將至成家人去食飯，套餐2千幾包飲品都算經濟，另外再加多2味餸，分別係薑葱筒𧐢同燒乳鴿，坐低冇耐d餸就＂磡磡＂聲咁送上，食都食唔切咁滯上面張相係食到中後期影的(仲剩好多餸)，原因係我想介紹下：套餐菜瓜多，好大碟，但全部淡，冇味，連𧐢油蚊鴨掌冬菇都係淡而冇味娃娃菜，以往食親我都覺得呢款菜甜的，都可以煮到冇味；燒乳鴿，好似林哂咁，薑葱筒𧐢煲仔上，又係有別於我以往食果d咁，完全唔覺爆過，好似蛤熟d𧐢放d薑葱撈埋一煲比你食咁，完全冇獲氣。。。所以我有理由相信，上菜快既原因係所有食材已經一早整定，收到order再逐様拼埋一碟連燒味也可以食剩埋單三千多塊，雖然平你會話將貨就價，但真係食唔落囉，我寧願貴小小唔洗咁大碟但食得落口囉。。。。

2018年6月3日。晴。北角。呢間酒樓已經轉過幾次手，前兩手啲食物質素都唔多掂今次接手嘅富港都幾揼本，有裝修過，加上開業無耐，感覺上都企理乾淨大廳光猛新淨試過飲早茶，非常抵食，而且味道唔錯之前飲完早茶見到晚市任飲任食打邊爐嘅海報，諗住搵日試下$138呢個價錢好吸引星期日晚，見人腳ok，於是打去book枱訂咗6點半，限時2個鐘落到去唔多人，酒樓大廳劃咗三分一位來俾人打邊爐湯底有幾款揀，除咗打邊爐仲可以揀雞煲揀咗沙爹鴛鴦湯底兩邊個湯底都淡茂茂，零沙爹味。。。聞到隔離個藥膳醉雞鍋香好多，或者揀雞煲都應該好好多等緊湯底嘅時候就過去雪櫃睇下有咩野食有菜有菇，選擇都幾多嘅推介嘅係下格嘅蝦，一兜有4隻，大大隻，爽脆唔霉，超級新鮮，落鍋嘅時候仲識郁（雖然有啲殘忍），絶對係回本之選！！肥牛，肉色睇落好似麻麻地，食落又ok內臟唔啱食，無法評論，最右邊嘅牛柳唔新鮮，食返肥牛保險啲呢啲乜滑乜滑都唔太新鮮，仲要一啲都唔彈牙，失望飲品除咗有樂天嘅忌廉牛奶、蘆薈果汁嗰啲之外，有哈爾濱啤酒同必備嘅百事七喜總結，要食唔可以點沙爹鍋，同埋齋食蝦回本！

揸車行過見到間富港酒樓新開張，約埋成班朋友去試一試，點左個特價大龍躉倆食，時菜炒班球，炆煮頭腩，都好新鮮，又叫左木瓜雪耳響螺燉花膠，6個人份量，$108，超值，一定要推介，下次一定要再食，仲有介紹一個重慶辣雞煲，配料好多元茜，一打開就聞到好香，朋友喜歡食魚，又再點左一條蒸石班魚，都蒸的幾好，一個字：鮮。酒樓個部長介紹一個芝士焗龍蝦煎米粉，哇，這個正，芝士香濃，特別要介紹煎米粉，真係好好味朋友都話好正，平均每人消費160，仲約定下次再食過