富泰燒烤樂園

Open Now

Now Closed

這間BBQ係正我屋企樓下, 之前有人話結業了, 過左一排又開番, 同一個名稱, 同一個地點, 我們有六個人, 五個先入去, 入去自己搵枱的, $110任食, 包一枝水及一枝飲料, 價錢貴左, 開爐費$30, 攞食品及用品, 佢有幾張紙, 其實都唔知邊張打邊張, 那個阿姐俾我地碟及叉, 仲有燒烤叉, 坐低左見隔離枱有廁紙同蜜糖, 出去再攞, 果個阿姐又猛係度講嘢, 又唔知講咩, 又話我地有人嚟左, 又話攞食品要用飛, 我地同一時間嚟, 係佢冇俾齊嘢之麻, 唔知係咪轉左老細, 因為攞嘢食唔係一盤盤放係度, 有人夾俾你, 而係放係個冰櫃度, 全部包好晒, 一PAT一PAT同埋一袋一袋的, 但係超細PAT及超細袋. 每PAT及每包只有三至四件, 好唔環保呀, 佢地話係驚D人會攞晒浪費, 咁樣難道不浪費嗎? 其實只係佢地未有食物牌照的一個借口來的啊.食物係統一由一間供應商送嚟的, 有晒標貼, 蕃薯要$1一隻, 粟米, 麭包, 茄子, 豆腐卜就話新張期間, 免費, 之前係免費供應的.D食物都好冰的, 但都好似之前咁, 好味, 黑椒牛丸好重牛味, 唔會好粉的, 墨魚丸入面係有墨魚粒的, 爽口, 雞亦

之前約女友人LT攪尋日(18-4-2014 Fri)耶穌受難節BBQ,佢帶住兩個女,都係要就佢o黎呢o度,呢o度公眾假期大人同高過一米三o既小童,每位收$120.00,唔知幾米至一米三高o既小童就收$90.00,開爐費$40.00,但冇時間限制任燒同炭都任用,咁LT就話1:30pm開始燒,叫我o地燒到夜晚食兩餐.我周男友就o係2:00pm左右到,LT同女友人WK都係o岩o岩到,搵到最後兩個有簷蓬o既位,我o地攞好o野後就開始燒.其實味道都同之前o既冇乜分別,不過今次我o地燴o左好多蕃薯,因為好甜.而佢有熟食,就係排骨粥,炒麵同咖哩,由於LT大女LWT想食炒麵,我就夾兩碗試,睇就好似幾油,但食落就又乾又冇味,差勁.而燒咁多樣o野中,香茅豬扒冇乜香茅味;叉燒好鬆同好甜;黑椒牛扒都竟然係甜;腸仔幾鹹吓;牛丸好辣;魚蛋,墨魚丸都唔彈牙.係魷魚就好啲,有鮮味.其他o既都只係平平無奇.衛生:LT同WK雖然都係2:00pm至到,但都重係第一批人,佢o地話,原本想要唔受西斜影響o個張,但枱上o既o野冇人執,以為有心要,點知原來係前一晚o既o野.

之前幫襯任食自助BBQ, 必選大欖海員學校果邊嘅大欖涌/海天一色, 今次有人提議嚟富泰呢邊試下.一行六大兩細, 一時左右到達. 小朋友一見到個遊樂埸已兩眼發光, 咁我哋就揀咗個近遊樂埸嘅位置, 可以方便睇到小朋友.是日係星期六, 大人$100.00一位, 小童 (0.9-1.3米)/長者$70.00, 另加三十蚊開爐費. 包一支水及罐裝飲品一罐.食物種類都算多, 但唔算特別, 都係香腸/紅腸/芝士腸/丸類/蝦卷/燒賣/多春魚/雞翼/豬扒/牛扒/叉燒/魷魚/腎/方包/蕃薯/茄子/粟米/翠玉瓜...... 先講唔錯嘅食物啦--魚蛋--爽口彈牙, 唔會一燒發脹成乒乓球, 只是微脹.雞翼--雖然望落似好辣, 因為顏色似咖哩, 但原來唔辣又幾好味.腎--切得夠大塊, 我哋自備錫紙包好嚟燒. 夠juicy 好味!魷魚--幾厚身. 但都幾辣, 肆辣嘅朋友必選.蕃薯--由於我哋自備錫紙, 可以自己包, 唔使幫襯佢買已包好嘅. 燴好嘅蕃薯真係好正, 又綿又甜. 唔多掂嘅食物--紅腸--咬落好林, 唔好食叉燒--超甜, 都唔知佢搵咩去醃嘅. 似係食腸粉果啲甜醬味, 難食.豬扒--超級大塊, 都唔知點"

26-11-2013 (Tue)同女友人WK放假去BBQ,由於想就可能會o黎o既女友人LT,所以都係焗全o黎呢間,我o地12:42pm到o黎,但未開門,原來星期一至四,2::00pm至開,我o地唯有去LT屋企啦.夠鐘至再過去,而LT決定唔去.去到大約2:20pm,門口冇人坐o係o度,但我見有人o係o度燒o緊o野食,就照行入去,清潔o緊o既女工見到,就叫我o地等等,搵人o黎收錢,平日價錢,大人每位$90.00,加$30.00開一個爐,畀晒錢入去搵個位先,搵到喇,但冇人開爐,亦唔見有人自動開爐推o黎,於是我打電話(係之前o係門口冇人,打電話搵人o既紀錄),問有冇人開爐?個女仔答等等.佢至開爐推過o黎.我唔理你平日點冇人法,但收o左錢,明知冇人開爐佢都要自動開,而唔係要客人再搵囉.L不過佢都自動開電視畀我o地睇.然後我o地係自助形式攞用品同食物.較好o既有:魷魚－幾厚,食到咖喱味但又冇蓋過魷魚味.正常o既有:1. – 10. 墨魚丸,腸仔,雞腎,蒜蓉雞中翼 / 雞全翼,牛扒,蒜蓉豬扒－好大件.方包,魚蛋.麻麻o既有:11. 黑椒牛丸－好鹹,一食就好口渴.12. 煙肉－好鹹.13. 脆皮腸－味

原打算到赤柱霸爐,後因天氣不穩定,故按友人的建議去了富泰燒烤樂園.地點: 喺正富泰邨隔鄰,不過我地港島人揸車唔熟路,用GPS帶路都兜了幾個圈先搵到入口(在富泰邨側插晒佢地既旗,不過字太細未免易走漏眼.入場後我地自己揀位,初頭驚落下所以我地叫職員將爐放在有蓋的場內,後來覺得太熱,我地要求搬到戶外.職員都好幫手,拿拿臨幫我地拖個爐去戶外,起碼無咁焗.食物: 要去佢地counter拎,想食乜都要由職員夾俾你,唔可以自取. 款式一段,同其他燒烤場無異, 都係丸,扒,麵包, 無特色食物. 無論你叫乜唔同醃法的食物, 我覺得都係得一隻味, 係無乜大分別. 飲品包1枝水,1款飲品. 其中一款多春魚, 雪到冰咁硬, 燒熱了之後一放入口成陣雪味, 又鯹, 唯有即刻吐出,很難食. 我去過其他燒烤場都包牛油/ 蒜茸牛油,呢度唔包,要$2/杯,個杯仲細過燒爉鋪裝醬油的杯仔. 如果鍾意勁蒜/牛油的,建議自己帶牛油同蒜茸. 其他調味料得豉油供應, 你想要其他的就逐樣俾錢買,服務: 一般, 唔會好殷勸果隻. 環境: 算闊落,唔怕好逼. 廁所OK今次星期六去, 每位大人$100, 另加開爐費$30-

尋日(19-1-2013 Sat)朝即慶約女友人WK同住屯門o既LT帶埋佢兩個女去BBQ,由於佢兩個女都重細,唔方便去大欖,就唯有揀呢o度.除o左WK要返工遲啲入o黎外,我o地四個2:00pm先到,一切準備好,我就攞o野o黎燒,有:普通正常o既有:1-13.紅腸,墨魚丸,黑椒牛丸,黑椒牛扒,炸魚蛋,獅子狗魚蛋,脆皮腸,腸仔,青燈籠椒,翠玉瓜,白方包,咖哩魷魚,魚肉燒賣.煙肉(唔肥,我o地自己帶o左錫紙包)比較好o既有:14-15.雞腎(爽脆),粟米較差o既有:16叉燒粒,好紅大大件,但本身唔多夠味,而且紅色係會甩色(因為塗完蜜糖後,有紅色o野o係蜜糖o度,我o地食o既o野根本就冇紅色o既辣椒.)差到唔知係咩o野味o既有:17-21.豬扒(大大件,好難叉)雞扒(細件,又係難叉)黃色o既雞翼雞全翼,應該係咖哩,但食落係食唔出咩o野味.又係唔知咩o野素蝦卷類,經過上次’試食’後,我今次冇食,係WK食,佢話只係一團粉.冇食o既有:多春魚,金沙骨同其他辣o既食物.BBQ味精重口渴係在所難免,我飲完我o地飲品都依然口渴,於是買o野飲,以$6.00買o左一罐490ml o既菠蘿汁飲,呢個強呀!係冇菠

親戚住屯門，話嶺南大學附近有個燒烤場，於是一行6人走去試試。依個場早上11點開門，入左場後可以燒到零晨。成人$100,長者$70,開爐費$30。每人包餐具，一枝水同汽水。鍚紙就要叧外俾錢。這裡食物選擇都OK,雞翼同豬扒都係我嘅推介,因為肉質同味道都幾好。牛排同肉丸,肉質就麻麻。此外,仲有少少菇類，番薯，粥，麵等等。夜晚仲會有自費嘅攤位遊戲—跳彈床，捉金魚等。我哋中午12點開始燒到夜晚7點，已經好飽同好累。整體對依度嘅食物同衞生程度都幾滿意，有機會再幫襯。

早前男友人Y經女友人LT約我o地尋晚(9-6-2012 Sat)o黎呢o度燒o野食,佢o地先到一步,佢o地搵定位置,我入到去,原來得呢兩個外,就只有女友人WK同LT o既兩個女,就得咁多人.我一個人入場時,就知道大人要$95.00一位,然後問TL大女要幾錢?佢答$65.00,嘩!唔係半價o架?而開一個爐收$30.00.我去拎我o既用品同一支水返埋位開始燒o野食喇.呢次食物有:多春魚,腸仔,墨魚丸,芝士腸,粟米,雞全翼雞腎~厚切,又爽,口感佳.咖哩魷魚~竟然冇味.蒜蓉雞翼夠味牛扒有好多肥膏黐住,但味道唔差,有啲香草做醃料.黑椒牛丸~好辣唔知咩o野素蝦卷,有咖喱味同原味,咖哩味o既好夠味,但兩件都係o既口感同樣唔係咁好.蕃薯~唔甜我o地冇燒到o既有:紅腸,金沙骨,叉燒,豆泡,獅子狗卷,翠玉瓜我都冇食到:黑椒豬扒同普通豬扒,因為前者辣,後者切到大大件,應該要一開二,根本叉唔到.茄子蜜糖好稀,冇乜味.衛生及環境:尋日又焗又熱,有蚊係預o左,但友人揀o既位有好多烏蠅飛o黎飛去,又有蚊滋,風扇又吹唔到,於是我o地自己搬枱同爐,去到風扇吹到o既位置至冇乜烏蠅同舒服啲.但接近尾聲時,場主養o左o既其中

12月17日同屋企人嚟左呢度燒嘢食,我地有11人,開左一個爐,冇嚟一排價錢又高左啦,好彩原來消房員係有九折的呀! 3點幾已經開始入去燒嘢食及打麻雀呀! 一個價錢食足兩餐,抵食呀!!其實我最欣賞這裏的墨魚丸,仲有金沙骨,墨魚丸好彈牙及入面真的有墨魚粒的,金沙骨就好甜好多汁及好入味,細細件好易燒得熟呀!另外還有牛扒,豬扒,雞中亦,全亦,紅腸,腸仔,咖喱魷魚,蕃薯,粟米,青椒,茄子,牛丸,獅子狗.......等等好多選擇,還有麵包呀!我地不停食牛扒因為快熟呀!牛扒都幾好味,又入味,有些黑椒味道,薄薄地好易熟,蕃薯唔甜架,粟米都ok,還有些熟食,炒麵及皮蛋廋肉粥,粥好淡,炒麵則ok.飲品罐裝及雀巢檸檬茶都唔使加錢.食物水準都維持到,雖然價錢係貴左,不過偶然來一次都可以接受的.

大前日(15-10-2011 Sat)晚,八個大人為女友人LT o係o度攬預祝生日BBQ,我o地分成兩批o黎,第一批o係晏晝4點幾到,另一批7點幾到.呢o度食物種類都唔係好特別,但就可以分為兩類,就係辣同唔辣.基本上,唔辣o既o野食味道好似全辣都一樣,但都係淡,食唔出乜味,辣o既就有黑椒牛丸(都唔係自己做o架啦)同其他我o地冇攞到o黎燒o既o野.雪到結晒冰o既多春魚都可以’梅’到斷開.印象中,最差o既係叉燒,佢外表雖然係橙紅色,但冇蜜汁味.而是日o既蕃薯唔甜兼有根.不過呢度有皮蛋瘦肉粥同炒麵,都幾奇特.服務:好一般,咩o野都度過晒,我o地九個大人兩個細路(其中一個只有兩歲幾免費),都只係畀一個盤我o地拎o野食,要食完冇晒o野至可以去拎第二轉,OK,但出去拎就只係畀少少o野,夾豬扒o既只畀兩件,我話6個人啊(第一批時),佢至畀多一件.費用:每開一爐要收$30.00o既開爐費.除蜜糖外,其他所有醬料用品如鍚紙,通通都要收錢.想飲啤酒都唔可以以入場包o既汽水劵加錢換購,要自己另外買,可能因為呢o度有啤酒妹吧.生日月可以出示身份證免費攞一支’香檳’,都幾大支吓,但原來只係果汁.衛生:地下都幾乾

很久沒有燒烤，跟一日遊團來到燒烤。地方很大，爐與爐之間不會太迫。洗手間蚊子很多，我去的時候，時間早，尚算乾淨。食物:款式不算太多，都是一般的食物。味算也未算突出，有些也很咸。環境大，有遊樂場給小朋友玩耍，尚算一個消閒的好去處。

星期六同同事嚟左呢度bbq,加左價啦.88元包一支水及一罐飲品.開爐費30元,星期六唔知係咪貴d呢,7點幾已好多人了,本來安排我地坐係近遊樂場位置,但係因為太多小朋友在玩電動汽車,感覺太唔安全,於是我地就坐入一些.但係都仍然有好多小朋友or大朋友都在玩電動汽車及單車,穿插在燒烤爐中間,實在十份危險.食物方面多左皮蛋廋肉粥,我沒有食,但同事話都幾好味,炒麵就唔好食,好油及淋身.其餘的同之前都沒有很大分別,都是雞亦,豬扒,牛扒,叉燒,金沙骨,麵包,雞腎,多春魚,麥魚丸,咖喱魷魚,腸仔等等.....我地都覺得麥魚丸好味,因為真的很彈牙及有一粒粒麥魚粒,麵包都好好味架,叉燒及金沙骨,其它雞亦牛扒都好入味.粟米,茄子,豆卜,燒賣都好味.飲品包一支大水及另外有一罐或一支飲料都可以不用另外加錢,炭都不需加錢,但只提供蜜糖,牛油,錫紙則要另外收費.依家只可以取食物至11:30pm,之後就冇得攞了,時間較以前為短,不過如果你一早入嚟燒都可以玩好耐架.

嚟咗好多次，特別要贊下D職員，服務態度良好。地方好寬敞，唔會話爐貼爐咁。個場都好大，可以選有蓋同無蓋位置。某D有蓋位置仲有電視睇。BBQ唔限時間，價錢只是HKD75加開爐費HKD20，同朋友傾偈真係一流。呢度仲有麻雀租，真係切合不同需要。對我來說，最重要係可以帶我的愛犬入場食物方面，熟食有粥同炒麵，D粥好綿，炒麵都好夠味架！燒烤食物都算好齊全：肉類：豬扒、牛扒、雞扒、雞全翼、雞中翼、金沙骨、叉燒粒…丸類：牛丸、墨丸、燒賣、腸仔、芝士腸、紅腸…雜項：蕃薯、粟米、豆卜、咖喱條、咖喱尤魚、麵包…飲品包一支水同一款飲品。備註：唯一一樣值得改善嘅係蜜糖，仲稀過飲嗰D蜜糖水，我每次去都會自備兩樽。蕃薯無錫紙架，俾錢買好似HKD1/張。

我是燒烤場ＳＵＰＥＲ　ＦＡＮＳ大埔、淺水灣、大欖、龍鼓灘大部分場，都試過哂個人最愛是龍鼓灘，無場能比，遠一遠都值得去最憎是大欖，一世都唔想到那這個場呢？不和龍鼓灘比的話，又幾ＯＫ喎一天，忽然口痕，當時已９時多了，上ＯＰＥＮＲＩＣＥ一看，原來家附近有ＢＢＱ場，開到半夜，７０元一位，第一次那麼夜才去ＢＢＱ愛下廚男友連忙帶埋他的Ｎ瓶私伙調咪料去原來要加１０元開爐，都是龍鼓灘最好，又平又好味當天下雨，我們的位置離取食物的地方很遠食物選擇算很多，最好吃的是丸，其他肉都醃得不錯當然很刁鑽的叉燒等便沒有了都是龍鼓灘最好，可是並不是人人都願意去咁遠的地方近近地這間都算不錯，而且個場好大

有時睇下人地在blog寫既食評都會搵到新大陸，有個blog友講喱個bbq場都唔錯，當然為食既我地又會走黎試下．食物：墨魚丸，叉燒骨，雞翼，ｄ味道較到岩岩好，好好味．環境：地方都幾大，唔會迫迫夾夾．Toilet衛生：唔錯，乾淨，抵贊．服務：不過不失．果晚黎燒有粥同炒麵派，好味道．食左幾碗，都唔駛再燒其他野喇！