富泰燒烤樂園

Open Now

Now Closed

過往同大家分享過起小欖，元朗，大埔等地方燒烤體驗。 今次介紹呢間位於屯門富泰村，起兆康站轉乘K51巴士，總站落車行5-8分鐘就可以到達。 入場費用請見圖片，入場費包1支水及一罐飲品。 入到去再用入場卷換工具，例如；燒烤叉，食物藍，食物碟等等。 蜜糖及鼓油汁是自助取。 食物種類有蔬菜類，肉類，丸類及麵包，蕃薯需要額外付錢。 有別於其他燒烤場，呢到所有肉類是獨立包裝，感覺更方便衛生。 講講今次重點推介食物，丸類方面最推介台灣腸，台灣腸帶黑椒香，燒完即刻食好香口。 肉類方面，整體醃得唔錯食物入味，重點是食完唔會有口渴感，麻辣雞翼比較少有，麻香帶點微辣好味道，雞翼另外仲有蒜香同南乳口味。 除左叉燒粒之外，金沙骨都係唔錯之算，醬汁微甜跟叉燒粒幾夾。 最後要推介埋大家食咖哩魷魚，魷魚大隻，燒完仍然保持肉質軟滑，好食。

其實個個燒烤場食物水準都差不多，但呢個富泰燒烤樂園真係好衰…可能天氣轉涼，生意唔憂做，職員個個黑口黑面，入口泊車位置變成月租，其他車要泊入入面， 因為冇劃位於是大，中，小型貨車，私家車，的士，所有車泊到亂曬大籠 ，竟然係兩架車前面橫向泊多架，咁都得😳…bbq中途已經不斷見啲阿姐攞住張A4紙，上面寫有車牌四圍搵車主“ 騰“車，心都暗暗不妙，走時啲車果然泊到亂七八糟，唯有請燒烤場個呀姐幫忙搵車主出嚟“騰“車，點知個阿姐覺得我們給她添麻煩，邊鬧我們邊行咗去唔理，態度衰到不得了，好彩給我們發現旁邊架車，車頭有車主電話，聯絡上才可以離開，唉…食物又唔特別好，洗手間污糟到慘不忍睹，咁嘅價錢…事實係態度和清潔不可以給0粒星，唯有俾1粒星。一句講晒，唔會再去了🤬🤬🤬

最近開始秋涼喇，又係時候去bbq，今晚帶屋企人黎到富泰燒烤樂園，好多年前去過幾次，今次再去真係有驚喜，平日每位收費$110，每爐要比$50開爐費，包燒烤叉，碟，叉，蜜糖，豉油，紙巾，紙巾用完可以拎紙巾筒去換一卷新嘅，每人包一罐汽水，一支水，炭係任燒嘅，之前黎嘅時候我記得啲蜜糖係溝水嘅，好稀，今次有進步，終於唔係稀架喇，職員態度都好友善，呢到嘅環境唔錯，好舒服，另一個進步嘅地方就係全部醃肉都係獨立包裝，乾淨衞生又方便，唔洗整到成手都係，丸類都有好多，推介牛筋丸，台灣腸同蜜汁叉燒粒，勁好味啊。

最近在教一群內地生粵語在談話中得知原來他們沒試過在香港BBQ今天帶他們到附近的燒烤場讓他們體驗一下香港的BBQ.我們選了富泰燒烤場因為在學校附近而且也有學生優惠大概105/位這價錢已經包括所有的食物當然要另加$50的開爐費用具、炭、飲料都是按人頭數量安排我們是星期4來的人流相對比較少一點.一進去就看到很多貓貓可是卻把他們嚇走了.肉類都是獨立包裝不怕不衛生而且有蒜味、香辣、南乳、麻辣等選擇燒烤雖要花上幾個小時但卻是一個很適合聊天的活動

因為怕麻煩，好耐無燒嘢食，見秋天涼涼地，最好就係去燒雞翼。今次朋友帶路去屯門富泰燒烤場。佢話之前燒過幾次，都有水準。去到都無咩人，都係一個價錢任食，包一支水，一罐嘢飲。覺得特別而又未見過既食物有咖哩魷魚，麻辣雞翼，南乳雞中翼。全部都好好味。極力推薦麻辣雞翼，超好食。朋友個個都食到lam lam 利。出面燒咁多次都無見過哩個味。其他一般燒烤場都有既金沙骨，义燒粒都好好味。全部獨立包裝好衛生。質素唔錯。值得推薦

同朋友甘耐冇見，第一樣諗到既就係BBQ，今次我地決定黎富泰BBQ，一來可以任食，二來交通方便，又有巴士，亦有西鐵。係兆康站落左車，經過天橋，行過去富泰邨都係10分鐘，燒烤場就係附近，一D都唔難去。離遠都見到個招牌。師父好快手，一入場即刻幫我地起爐。每人包一支水同一罐飲品，自己出去攞，我地第一時間出去睇下有咩食先。除左腸仔，肉丸類同蔬菜類，其他扒類，雞翼有汁既肉類，都係預先包裝左，D汁唔使流到周圍都係，方便衛生。如果下午黎，小朋友仲可以去玩下，玩飽再食，食飽再玩！

大家去完旅行後都沒有好好一聚，於是我提議去朋友家樓下的燒烤場來個燒烤晚會，我們四個起碼四，五年沒有一起燒烤了，加上今晚天氣涼爽，明天放假，燒到晚上十二時也沒問題，我們住得近嘛。這裡相對市區燒烤場便宜，朋友說她試過跟同學們去燒烤大約180元一位左右，這只需110元一位，另加開爐費50元，愈多人來燒烤的話，開爐費分擔多了更優惠。燒烤最關注的事當然是有甚麼食材可烤，我們紛紛去食材櫃觀察一番，香腸，丸類，燒賣都是基本必有，另有煙肉及鴨胸，從前都沒有呢。還有些蔬菜如粟米，青椒，翠玉瓜和茄子供大家選擇，始終不應該側重吃肉，也要嚐點蔬菜才飲食均衡。肉類方面比從前進步，均使用真空包裝，拿取時方便多了，而且又夠衞生，不需擔心食物不乾淨。我們差不多每種雞翼都吃遍，咖喱雞翼，蒜香雞翼，麻辣雞翼，香辣雞翼及南乳雞翼，我們推薦大家吃麻辣雞翼與香辣雞翼，這兩款雞翼非常惹味，南乳雞翼鹹香。另外金牌叉燒，招牌金沙骨是雞翼外我們最喜歡的烤肉，大家都燒得不錯，朋友認為可能人長大了，耐性也比從前多，專心一意烤叉燒及金沙骨。塗上滿滿的蜜糖烤兩次，可媲美燒臘店的燒味，叉燒和金沙骨軟嫩多汁，吃時要小心爆汁。

今日收工同事話即興bbq， 就返大家近近哋，就揀咗富泰燒烤樂園。呢度有預訂燒豬可以自己燒， 如果人多整返隻燒豬燒下， 湊下熱鬧，都幾過癮呀。內裏都頗大，非常開揚， 可以自由選擇露天或者不露天， 環境非常舒適乾淨。今晚是星期五，竟然全場爆滿， 呢啲天氣燒嘢食簡直一流。食物用真空獨立包裝包住，感覺乾淨衛生。辣味雞中翼醃製得幾好， 大細適中，非常惹味台式黑椒腸香腸煙韌，肥瘦比例適中，仲好juicy， 一啲都唔油， 仲好有口感肉類，腸類，丸類和蔬菜類， 選擇非常多，真係多到食唔曬。呢度竟然仲有個小型遊戲機室和兒童樂園，啱曬啲小朋友可以喺度盡情歡樂， 家長唔使擔心小朋友好悶無野玩啦。炭夠曬乾身和大件，工作人員隨意點幾下火就已經著火了， 真係快靚正。 火細適中，燒肉 類一流， 一陣間就熟透了。 食物質素高，真係幾抵食。每人攞住呢張券換一支水和一支飲品， 如果唔夠飲自己可以比錢再買。桌上還有枱布包住，餐具簡單整齊乾淨，感覺 非常好

天氣開始轉涼 放假約埋一班朋友去咗富泰bbq 我最鍾意係佢門口有一大片空地可以免費泊車 兩手空空去 乜都唔使準備 燒完起身就走個環境都唔錯呀 地方好大 爐與爐之間有足夠嘅空間 同埋地方都真係好乾淨 價錢都算幾平 又有啲遊戲俾小朋友玩 唔會悶親佢 又唔使煩住我燒燒下先見到人哋有個架 可以晾個網上去 懶人燒 一次過可以燒十塊牛扒 正 下次真係要試下入場每人包一支水同一罐飲品 豬扒我覺得係最好食 其實整體佢啲味道都算不錯全部都係獨立包裝 感覺幾衛生雞翼佢都整得幾好 重要大大隻食物種類非常多 我都燒咗六七個鐘 慢慢食下hea下 都幾好呀

踏入秋涼BBQ是最佳選擇😊一班朋友圍住燒雞翼，喝啤酒就是開心😌屋企附近這間富泰燒烤場一踏入冬天我便是常客，喜歡這裏乾淨，地方超大，而且食物質素高，肉類還是獨立包裝呢！衛生👍👍今天是星期五收費是110還有$50開爐費，炭是無限加的，每人還包了一支水和一罐冰凍飲品，真的自己買也要這個價錢吧😂😂特別喜歡這裏的雞翼和豬扒！😍雞翼調味得剛剛好，肉質很滑，加上蜜糖，超正，能吃上十只呢😅這里食物種類超多，應有盡有！粟米、麵包、牛丸、芝士腸、台灣腸、魚蛋、金沙骨、數都數不完😅地方真的超大，而且場內還有很多小朋友的康樂設施，還有遊戲機呢！遊戲機是自費項目！戴上小朋友讓他們玩一天，也是一個很好的主意！這個價錢真的很划算，可以玩上一整天呢🤭

BBQ...秋天的節奏... 位處於富泰邨，所有去富泰邨嘅車都到，方便就腳～食材選擇種類多，有辣有唔辣，雞翼、雞扒、牛脷、鴨胸、魷魚、金沙骨、叉燒粒、芝士腸、魚蛋、牛丸、墨丸、燒賣...～ 鍾意佢嘅叉燒粒同埋魷魚～最鍾意叉燒粒，燒過再燒，燒起大家搶住食，大家都話我燒得很香口～ 叉燒甜甜地很入味，肉質鬆化，一點也不韌～ 雞翼有多種口味，我最愛吃麻辣味，辣得來很醒神～ 咖喱魷魚，咖喱好入味，小小辣～鍾意店家嘅細心，將啲肉類分小包真空😍，醃得入味之餘，亦衛生、方便...燒嘢食，最怕整到一手都係，借硬身真空袋嚟叉嘢食，乾淨自在好多... 一小包、一小包份量清楚，食先開，唔洗一大兜，溶哂雪，減少做成浪費... 👍🏻又好睇，食到尾時唔洗一大攤溶哂嘅混汁～又有財政部好心算，翠玉瓜、粟米、豆卜等... 入場門票除包任食，仲包埋汽水及水添... 蜜糖、豉油自助任添，店主一啲都唔孤寒～ 🙈鍾意佢將啲肉類分小包真空😍，醃得入味之餘，亦衛生、方便... 燒嘢食，最怕整到一手都係，借硬身真空袋嚟叉嘢食，乾淨自在好多... 一小包、一小包份量清楚，食先開，唔洗一大兜，溶哂雪，減少做成浪費... 👍🏻又好睇，食到尾

天氣涼涼地，最岩就燒野食。趁聽日唔駛返工，一於就去左屯門既富泰燒烤樂園燒野食！每人只係$110 就可以任食，勁抵😍有啲注意事項，其中一項係如果寵物食燒烤場既食物，就要比成人價錢入場前要先比錢，然後就會收到飲品卷同用品卷。飲品每人一罐，另外每人又有一支水，同埋基本燒烤用品。場地都幾大，帶小朋友黎放電都唔係問題。亦有有蓋既地方，落雨都唔怕。揀左坐邊之黎，就有人幫我地拎個開左既爐黎，之後加爐要自己加。食物種類都有好多肉類全部都係獨立包裝，衛生乾淨去自助燒烤場乾走淨腳真係好正，又唔駛透爐，又唔駛買野搬野，食完唔駛執野就走得！而且呢度既食物質素都幾高，推薦墨魚丸同台灣腸，勁高質，墨魚丸甚至比外面好多餐廳更好食！雞翼有好多味可以揀，有辣有唔辣下次想燒野食一定會再黎

秋風起就會有突如其來想去BBQ既感覺，就即時搵朋友睇下有無人陪我去結果有位好老友話陪我去，所以就兩個人去燒野食我地近近地就富泰燒啦我好耐之前都去過架啦，記得野食係唔差既就睇下野食有無變差到先地方非常大佢地係入場收費之後比換領卷去拎野，咩都有齊哂既野食種類非常之多換領券就係呢到拎野啦今次黎唔同左喎佢地既肉變哂獨立包裝，變到更加新鮮同乾淨而佢哋雞翼嘅味道，種類繁多香辣味、麻辣味、蒜香味，南乳味非常入味本人喜歡香辣味超好食叉燒超好食唔知係咪我入去太夜9:30既關係，所以佢其他食物種類比較少芝士腸超有芝士味燒賣好正腸仔唔會太咸丸 全部正常雞排都超好食另外開爐係要比開爐費用

秋高氣爽的日子，又是想BBQ的時間了。我特別喜歡BBQ，主要是喜歡一家人、一大班朋友聚在一起的氛圍，很熱鬧很溫馨。所以當天氣有少少涼，我便火速相約家人朋友BBQ了~Happy Frida放工立即出發! 平時夜晚BBQ，一定要找自助形式，所以這次選擇近近地去屯門藍地附近的富泰燒烤場。其實我以前也常常跟朋友來這裡BBQ的，但已經很久沒來了。其實去富泰燒烤場真的很方便，在西鐵兆康站轉的士不用5分鐘便到，另外，兆康西鐵站亦有輕鐵接駁巴士到富泰燒烤樂園，非常快!不過這次由姐姐駕車按載 =P 更方便! 燒烤場也有免費泊車呢!很久沒來，但費用也仍然很便宜!星期一至五（成人）只要$110(還有9折優惠)假期也有9折優惠，每位$135入場了!!!地方寬敞，不會爐貼爐!除了地方夠大，環境也很乾淨。入場先比錢，比錢後便可以得到一張飲品卷(一人一張啊)及一張拎用品的卷(可用換一支水)食物選擇好多，但不要浪費食物，所以吃完再取，不要一次拿太多啊!台灣腸特色又好味，大推! 還有魚蛋、燒賣、墨魚等，BBQ必吃的都應有盡有!雞翼、扒類、咖哩魷魚全部獨立包裝，非常衛生!!! 當中我最愛咖哩魷魚呢! 麻辣雞翼也不錯 =P

秋意漸濃又是燒烤的季節市區的燒烤場已買少見少今晚偕朋友就來到屯門富泰貪這裏場地大人流又不多最重要還是燒烤食材任君取食還有專人替你鋪枱預備爐火燒烤叉膠手套蜜糖等都有免費供應還有兩支免費蒸餾水和一罐飲料燒烤食材方面包羅萬有魚蛋牛丸燒賣魷魚芝士腸雞翼豬扒牛扒牛脷金莎骨粟米南瓜茄子青椒翠玉瓜雞翼有多款口味有麻辣南乳等肉類全部獨立包裝既方便又衛生唯食物調味方面比較重手簡簡單單就到過了兩小時的燒烤時光現在去燒烤真的是兩手空空來也可以